ⵚⵚⵃⵕⴰ : ⵜⵖⵕⴰ ⵚⴱⵍⵢⵓⵏ ⴰⴼ ⴰⴷ ⵢⵉⵍⵉ ⵢⴰⵏ ⵓⴼⵙⵙⴰⵢ "ⴰⵙⵔⵜⴰⵏ ⴷ ⴰⵣⵔⴼⴰⵏ"

23 ⵏⵓⵡⴰⵏⴱⵉⵔ 2020 Version Imprimable

ⵎⴰⴷⵔⵉⴷ - ⵜⵙⴷⴷⵉⴷ ⴰⵔⴰⵏⵛⴰ ⴳⵓⵏⵥⴰⵍⵉⵙ ⵍⴰⵢⴰ, ⵜⴰⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵜⵎⵓⵏⵜ ⵜⵓⵕⵓⴱⴱⵉⵜ ⴷ ⵓⵎⵢⴰⵡⴰⵙ ⴰⵚⴱⵍⵢⵓⵏⵉ, ⵎⴰⵙ ⵜⴰⵎⴰⵣⵉⵔⵜ ⵏⵏⵙ ⵜⵖⵕⴰ ⴰⴷ ⵢⵉⵍⵉ ⵢⴰⵏ ⵓⴼⵙⵙⴰⵢ "ⴰⵙⵔⵜⴰⵏ ⴷ ⴰⵣⵔⴼⴰⵏ" ⵉ ⵜⵖⴰⵡⵙⴰ ⵏ ⵚⵚⵃⵕⴰ, ⵉⵙⴱⴷⴰⴷⵏ ⵅⴼ ⵉⵙⴱⴱⵉⴷⵏ ⵏ ⵜⵎⵜⵜⴰ ⵢⵎⴰⵏⵏ.

ⵜⵙⵓⵍ ⵜⵏⵏⴰ ⵎⴰⵙⵙⴰ ⴳⵓⵏⵥⴰⵍⵉⵙ ⵍⴰⵢⴰ, ⴳ ⵢⴰⵏ ⵓⵎⵙⴰⵡⴰⵍ ⴷ ⵜⵏⵖⵎⴰⵙⵜ "ⴰ ⴱⵉ ⵙⵉ", ⵉⵜⵜⵓⵥⵕⴰⴳⵏ ⴰⵙⵙ ⵏ ⵓⵙⴰⵎⴰⵙ, "ⵏⵎⵣⴰⵖ ⵅⴼ ⵓⵔⵣⵣⵓ ⵏ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ ⴷ ⴰⵣⵔⴼⴰⵏ ⵉⵔⴰⵔⵏ ⵅⴼ ⴰⴽⴽⵯ ⵉⵙⴱⴷⴰⴷⵏ ⵉⵍⵍⴰⵏ ⴳ ⵜⵖⵜⴰⵙⵉⵏ ⵏ ⵜⵎⵜⵜⴰ ⵢⵎⴰⵏⵏ".

ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵚⴱⵍⵢⵓⵏⵉⵜ, ⴳ ⵓⵙⴰⵜⵉ ⴷⵖ, ⵅⴼ ⴰⴷⴷⵓⵔ ⵏ ⵓⴼⴰⵔⴳ ⵏ ⵓⵙⴱⵉⴷⴷ ⵏ ⵓⵕⵥⵥⵓⵎ ⵏ ⵡⴰⴼⴰ ⴷ ⵓⵙⵜⴰⵢ ⵏ ⵢⴰⵏ ⵓⵎⴰⵣⴰⵏ ⴰⵏⴼⴳⴰⵏ ⴰⵎⴰⵢⵏⵓ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ, ⵎⵔⴰ ⴰⴷ ⵢⵉⵍⵉ "ⴰⵙⵙⴰⵔⵓ ⵏ ⵉⵎⵀⵉⵡⴹⵏ ⵉ ⵡⴼⵙⵙⴰⵢ ⴰⴷ".

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9A%E2%B5%9A%E2%B5%83%E2%B5%95%E2%B4%B0-%E2%B5%9C%E2%B5%96%E2%B5%95%E2%B4%B0-%E2%B5%9A%E2%B4%B1%E2%B5%8D%E2%B5%A2%E2%B5%93%E2%B5%8F-%E2%B4%B0%E2%B4%BC-%E2%B4%B0%E2%B4%B7-%E2%B5%A2%E2%B5%89%E2%B5%8D%E2%B5%89-%E2%B5%A2%E2%B4%B0%E2%B5%8F-%E2%B5%93%E2%B4%BC%E2%B5%99%E2%B5%99%E2%B4%B0%E2%B5%A2-%E2%B4%B0%E2%B5%99%E2%B5%94%E2%B5%9C%E2%B4%B0%E2%B5%8F-%E2%B4%B7-%E2%B4%B0%E2%B5%A3%E2%B5%94%E2%B4%BC%E2%B4%B0%E2%B5%8F