Published on MAPNews (https://www.mapnews.ma/am)

Accueil > ⵔⴰⴷ ⵢⵉⵍⵉ ⵡⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ

ⵔⴰⴷ ⵢⵉⵍⵉ ⵡⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ

14 ⵛⵓⵜⴰⵏⴱⵉⵔ 2020 Version Imprimable
ⵕⵕⴱⴰⵟ - ⵔⴰⴷ ⵉⵎⵓⵏ, ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ, ⵢⴰⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⴰⵏⵙⵙⵉⵅⴼⵜ ⵏ ⵎⴰⵙⵙ ⵙⵄⴷ ⴷⴷⵉⵍ ⵍⵄⵢⵜⵎⴰⵏⵉ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵎⴰⵙ ⵔⴰⴷ ⵉⵖⵔ ⵓⵙⵇⵇⵉⵎ, ⴳ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏⵏⵙ, ⴽⴽⵓⵥ ⵏ ⵉⵙⵏⵜⵉⵏ ⵏ ⵉⵎⵕⵚⵓⵎⵏ, ⴰⵎⵣⵡⴰⵔⵓ ⵉⵥⵍⵉ ⵙ ⵜⵙⵏⵙⵉ ⵏ ⵍⴰⵃⴽⴰⵎ ⵏ ⵓⵙⵍⴳⵏ ⵉⴼⴼⵖⵏ ⵙ ⵓⵙⴼⵙⵙⵓⵙ ⵏ ⵉⵍⵓⴳⵏ ⴷ ⵉⵎⴰⴽⵏ ⵉⵎⵙⵜⴳⴳⴰⵔⵏ, ⴷ ⵡⵉⵙⵙ ⵙⵉⵏ ⵙ ⵓⵜⵎⵉⵎ ⵏ ⵓⵎⴹⴼⴰⵕ ⵏ ⵓⵎⵕⵚⵓⵎ ⵉⵥⵍⵉⵏ ⵙ ⵜⵙⵏⵙⵉ ⵏ ⵓⵙⵍⴳⵏ ⵉⵥⵍⵉⵏ ⵙ ⵓⵏⴳⵔⴰⵡ ⵏ ⵜⵏⴼⵔⵓⵜ ⵉⵅⵚⵚⴰⵏ ⴰⴷⵍⵙⴰⵏ ⵅⴼ ⵓⵎⴰⴹⵓⵏ ⴷ ⵓⵙⵍⴳⵏ ⵉⵥⵍⵉⵏ ⵙ ⵓⵙⵙⵓⴼⵖ ⵏ ⵜⵏⴰⴼⴰⵜⵉⵏ ⵉⵥⵍⵉⵏ ⵙ ⵓⵙⵉⵎⵍ ⵏ ⵉⵣⵣⵓⵍⴰⵏⵉⵏ ⴷ ⵉⵎⵡⵡⵓⵔⵉⵏ ⵉⴷⵔⵓⴼⵏ ⴷ ⵎⴷⴷⵏ ⵖⵓⵔⵙⵏ ⵜⵖⵔⴰⴷ ⵍⵍⵉ ⵢⵎⵓⵙⵙⵓⵏ ⴰⵎⵓⵙⵙⵓ ⴰⵙⵍⵉⴳ, ⴷ ⵡⵉⵙⵙ ⴽⵕⴰⴹ ⵙ ⵜⵙⵏⵙⵉ ⵏ ⵓⵙⵍⴳⵏ ⵉⴼⴼⵖⵏ ⵅⴼ ⵎⴷⴷⵏ ⵓⵔ ⵖⵓⵔⵙⵏ ⵜⵉⵖⵔⴰⴷ ⵍⵍⵉ ⵢⵡⵡⵓⵔⵉⵏ ⴳ ⵓⵎⵓⵙⵙⵓ ⴰⵙⵍⵉⴳ ⵎⴰⴷ ⵉⵥⵍⵉⵏ ⵙ ⵉⵎⵓⴼⴰⵡⴰⴹⵉⵢⵏ ⵉⵣⵔⴼⴰⵏ.

ⴰⵎⵎⴰ ⵡⵙⵏⵜⵉ ⴰⵎⴳⴳⴰⵔⵓ, ⵎⴰ ⵢⴰⴷ ⵉⵏⵏⴰ ⵡⵙⵉⵡⴹ, ⵉⵥⵍⵉ ⵙ ⵜⵙⵏⵙⵉ ⵏ ⵓⵙⵍⴳⵏ ⵉⴼⴼⵖⵏ ⵙ ⵓⵏⴳⵔⴰⵡ ⵏ ⵜⵏⴼⵔⵓⵜ ⴰⴷⵍⵙⴰⵏ ⵅⴼ ⵓⵎⴰⴹⵓⵏ, ⴷ ⵓⵙⵍⴳⵏ ⵉⵥⵍⵉⵏ ⵙ ⵓⵙⵙⵓⴼⵖ ⵏ ⵓⵏⵔⴰⵡ ⵏ ⵜⵏⴰⴼⵓⵜⵉⵏ ⵉⵥⵍⵉⵏ ⵙ ⵉⵙⵎⵍ ⵏ ⵉⵣⵣⵓⵍⴰⵏⵉⵏ ⴷ ⵉⵎⵙⵡⵡⵓⵔⵉⵏ ⵉⴷⵔⵓⴼⵏ ⴷ ⵎⵉⴷⴷ ⵓⵔ ⵖⵓⵔⵙⵏ ⵜⵖⵔⴰⴷ ⵍⵍⵉ ⵢⵡⵡⵓⵔⵉⵏ ⵢⴰⵏ ⵓⵎⵓⵙⵙⵓ ⵉⵥⵍⵉⵏ, ⵙ ⵎⴰⴷ ⵉⵥⵍⵉⵏ ⵙ ⵉⵎⴰⵏⴰⵔⵏ ⵉⵎⵍⵍⵓⵍⵉⵏ.

ⵔⴰⴷ ⵉⵇⵇⵏ ⵓⵙⵇⵇⵉⵎ ⵜⵡⵓⵔⵉⵡⵉⵏ ⵏⵏⵙ ⵙ ⵓⴹⴼ ⵏ ⵜⵎⵙⵙⵓⵔⵉⵏ ⵏ ⵓⵙⵜⴰⵢ ⴳ ⵉⵏⵙⴰⵏ ⵢⴰⵜⵜⵓⵢⵏ, ⵖⵉⴽ ⵍⵍⵉ ⵢⵏⵏⴰ ⵉⵎⵉⵔ ⵡⵉⵙⵙ 92 ⵙⴳ ⵓⴷⵓⵙⵜⵓⵔ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%94%E2%B4%B0%E2%B4%B7-%E2%B5%A2%E2%B5%89%E2%B5%8D%E2%B5%89-%E2%B5%A1%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B4%BD%E2%B5%A1%E2%B4%B0%E2%B5%99-%E2%B4%B0%E2%B4%B7-%E2%B5%A2%E2%B5%93%E2%B5%9B%E2%B4%BD%E2%B4%B0%E2%B5%8F-29