ⵉⵏⵏⴰ ⵉⵡⵉⵜ ⵏ ⵉⴳⵍⵍⵉⵏ, ⵃⵎⴰⴷ ⵍⵡⵣⵉⵔ, ⵉ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵜⵏⵖⵎⴰⵙⵜ (ⵍⴰⵎⴰⴱ), ⵎⴰⵙ "ⵉⵎⵎⵓⵜ ⵄⴱⴷⵍⵊⴱⴱⴰⵕ ⵍⵡⵣⵉⵔ ⵜⴰⵣⴷⵡⵉⵜ ⴰⴷ ⴳ ⵓⵡⵜⴰⵢ ⵏ 88 ⵓⵙⴳⴳⵯⴰⵙ, ⵙ ⵢⴰⵏ ⵓⵎⵎⴰⴽ ⴰⴳⴰⵎⴰⵏ ⴷⴷⵓ ⵜⴳⵎⵎⵉ ⵏⵏⵙ ⵉⵍⵍⴰⵏ ⴳ ⵜⵓⴷⴷⵓⵔⵜ ⵏ "ⴷⴷⴰⵡⴷⵢⵢⴰⵜ" ⴳ ⵎⵕⵕⴰⴽⵯⵛ".
ⵉⵔⵏⴰ ⵢⵏⵏⴰ ⵎⴰⵙⵙ ⵍⵡⵣⵉⵔ ⵎⴰⵙ "ⵔⴰⴷ ⵉⵜⵜⵓⵎⴹⴰⵍ ⵉⴳⵍⵍⵉⵏ, ⵍⵍⵉ ⵢⵣⵣⵔⵉⵏ ⵡⵙⵙⴰⵏ ⴰⴷ ⵉⵣⵔⵉⵏ ⴳ ⵚⵚⴱⵉⵟⴰⵔ ⴷⴼⴼⵉⵔ ⵏ ⵉⵎⵎⵓⴽⵔⵙⵏ ⵙ ⵜⵎⴰⴹⵓⵏⵜ ⵏ ⵚⴽⴽⵯⴰⵕ, ⴰⵚⴽⴽⵯⴰ ⴳ ⵍⵎⵇⴱⴰⵕⴰ ⵏ ⴱⴰⴱ ⴷⴽⴽⵯⴰⵍⴰ ⴷⴼⴼⵉⵔ ⵏ ⵜⵥⴰⵍⵍⵉⵜ ⵏ ⵜⵣⵡⴰⵔⵏ".
ⵉⴳⴰ ⵄⴱⴷⵍⵊⴱⴱⴰⵕ ⵍⵡⵣⵉⵔ, ⵍⵍⵉ ⵢⵍⵓⵍⵏ ⴳ ⵎⵕⵕⴰⴽⵯⵛ ⴰⵙⴳⴳⵯⴰⵙ ⵏ 1932, ⴰⵎⵎⴰⵙ ⵏ ⵉⵡⵔⵉⴽⵏ ⵉⵏⴰⵥⵓⵕⵏ ⵉⵜⵜⵓⵙⵙⴰⵏⵏ ⴱⴰⵀⵔⴰ, ⵎⴰ ⵢⴰⴷ ⵢⵓⵊⵊⴰⵏ ⵕⵕⵛⵎ ⵏⵏⵙ ⴳ ⵉⴳⵔ ⴰⵏⴰⵥⵓⵕ ⴳ ⵍⵎⵖⵔⵉⴱ ⵙ ⵓⵎⴰⵜⴰⵢ, ⴷ ⴳ ⵎⵕⵕⴰⴽⵯⵛ ⵙ ⵓⵙⵍⵉⴳ.