Published on MAPNews (https://www.mapnews.ma/am)

Accueil > ⵜⵎⵎⵓⵜ ⵜⵏⴰⵥⵓⵕⵜ ⴷ ⵜⵎⴰⵡⵙⴰⵙⵜ ⵉⵣⵔⵉⵏ ⵜⵓⵔⵢⵢⴰ ⵊⴱⵕⴰⵏ

ⵜⵎⵎⵓⵜ ⵜⵏⴰⵥⵓⵕⵜ ⴷ ⵜⵎⴰⵡⵙⴰⵙⵜ ⵉⵣⵔⵉⵏ ⵜⵓⵔⵢⵢⴰ ⵊⴱⵕⴰⵏ

25 ⵖⵓⵛⵜ 2020 Version Imprimable
ⵕⵕⴱⴰⵟ - ⵜⵎⵎⵓⵜ ⵉⴹ ⵍⵍⵉ ⵏ ⴰⵙⵙ ⵏ ⵓⵢⵏⴰⵙ ⴳ ⴹⴹⴰⵕⵍⴱⵉⴹⴰ ⵜⵏⴰⵥⵓⵕⵜ ⴷ ⵜⵎⴰⵡⵙⴰⵙⵜ ⵏ ⵜⴷⵍⵙⴰ ⵢⵣⵔⵉⵏ ⵜⵓⵔⵢⵢⴰ ⵊⴱⵕⴰⵏ ⴳ ⵓⵡⵜⵜⴰⵢ ⵏ 68 ⵓⵙⴳⴳⵯⴰⵙ, ⴷⴼⴼⵉⵔ ⵏ ⵓⵎⵏⵖⵉ ⴷ ⵓⵎⴰⴹⵓⵏ, ⵎⴰ ⵢⴰⴷ ⵉⵜⵜⵢⵓⵙⵙⴰⵏⵏ ⴷⴰⵔ ⵜⵡⵊⴰ ⵏ ⵜⴳⵍⵍⵉⵏⵜ.

ⵜⴳⴰ ⵜⴳⵍⵍⵉⵏⵜ ⵢⴰⵜ ⵜⵏⴰⵥⵓⵕⵜ ⵜⴰⵅⴰⵜⴰⵔⵜ ⴳ ⵓⵎⵣⴳⵓⵏ ⴰⵎⵖⵔⴰⴱⵉ, ⴰⵛⴽⵓ ⵜⵙⵙⵏ ⵜⵓⴷⵔⵜ ⵏⵏⵙ ⴰⵎⵓⵔⵙ ⴰⵏⴰⵥⵓⵕ ⴳ ⵉⵙⴳⴳⵯⴰⵙⵏ ⵏ 1980 ⴷ 1990, ⴷ ⵜⴷⵔⴰ ⴳ ⵓⵙⵓⴼⴼⵖ ⵏ ⵜⵔⴰⴱⴱⵓⵜⵉⵏ ⵣⵓⵏⴷ "ⴰⵎⵣⴳⵓⵏ ⴰⵎⴰⴷⴰⵏ", ⴷ "ⴰⵎⵣⴳⵓⵏ ⵏ ⵍⴼⵓⵕⵊⴰ" ⴷ "ⴰⵎⵣⴳⵓⵏ ⵏ ⵉⵏⴰⵥⵓⵕⵏ ⵉⵎⵓⵏⵉⵏ".

ⵜⴳⴰ ⵜⵡⵓⵔⵉ ⵍⵍⵉ ⵜⵙⴽⵔ ⵜⴳⵍⵍⵉⵏⵜ ⴷ ⵓⵎⵣⴳⵓⵏ ⵉⴳⵍⵍⵉⵏ ⵟⴰⵢⵢⵉⴱ ⵚⵚⴹⵉⵇⵉ ⵢⴰⵜ ⵜⴽⵍⵉⵜ ⵉⴷⴷⵓⵔⵏ ⴳ ⵓⵖⴰⵔⴰⵙ ⴰⵏⴰⵣⵓⵕ ⵏⵏⵙ, ⵍⵍⵉⵖ ⵜⴷⵔⴰ ⴷⵉⴷⵜ ⴳ ⵜⵎⵣⴳⵓⵏⵜ "ⵙⵉⴷⵉ ⵄⴱⴷ ⵕⵕⵃⵎⴰⵏ ⵍⵎⵊⴷⵓⴱ" ⴷ "ⴰⴱⵓ ⵃⴰⵢⵢⴰⵏ ⵜⴰⵡⵃⵉⴷⵉ" ⴰⵎⵎⴰⵙ ⵏ ⵜⵔⴰⴱⴱⵓⵜ "ⴼⵉⵔⵇⴰⵜ ⵏⵏⴰⵙ".

ⵜⵙⵔⵙ ⵜⴳⵍⵍⵉⵏⵜ, ⴷ ⵓⵎⵙⵙⵓⴼⵖ ⴰⵎⵣⴳⵓⵏ ⵄⴱⴷⵍⵡⴰⵃⴷ ⵄⵓⵣⵔⵉ, ⵜⵔⴰⴱⴱⵓⵜ ⵜⴰⵎⴰⵢⵏⵓⵜ, ⵎⴰ ⵢⴰⴷ ⵉⴳⴰⵏ ⵉⵔⵉⵎ ⵉⴷⴷⵓⵔⵏ ⴷ ⵜⵙⴰⵡⵔⵜ ⵉⵔⴰⵏ ⴰⴷ ⵜⵔⴰⵔ ⴰⵙⵖⵏ ⵉ ⵡⵎⵣⴳⵓⵏ ⴰⵎⵖⵔⴰⴱⵉ ⴷ ⴰⴷ ⵢⴰⵙⵉ ⵡⵙⵡⵉⵔ ⵏⵏⵙ.

ⵉⵍⵍⴰ ⴳ ⵓⵎⵎⴰⵙ ⵏ ⵜⵡⵓⵔⵉⵡⵉⵏ ⵏ ⵜⴳⵍⵍⵉⵏⵜ "ⵃⵉⴽⴰⵢⴰⵜ ⴱⵉⵍⴰ ⵃⵓⴷⵓⴷ", ⴷ "ⵏⵔⴽⴱⵓ ⵍⵀⴱⴰⵍ", ⴷ "ⴱⵓⵖⴰⴱⴰ", ⴷ "ⵏⵏⵎⵕⵓⴷ ⴼ ⵀⵓⵍⵢⵓⴷ", ⴷ "ⵉⵎⴰⵕⴻⴰ ⵖⴰⴹⵉⴱⴰ", ⴷ "ⵊⵏⴰⵏ ⵍⴽⵕⵎⴰ", ⴷ "ⵅⵟⵟ ⵕⵕⵊⵄⴰ", ⴷ "ⵍⵖⵉⵏ ⵡ ⵍⵎⵟⴼⵢⵢⴰ", ⴷ "ⵄⵓⴷ ⵍⵡⵔⴷ".

 

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%9C%E2%B5%8E%E2%B5%8E%E2%B5%93%E2%B5%9C-%E2%B5%9C%E2%B5%8F%E2%B4%B0%E2%B5%A5%E2%B5%93%E2%B5%95%E2%B5%9C-%E2%B4%B7-%E2%B5%9C%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99%E2%B5%9C-%E2%B5%89%E2%B5%A3%E2%B5%94%E2%B5%89%E2%B5%8F-%E2%B5%9C%E2%B5%93%E2%B5%94%E2%B5%A2%E2%B5%A2%E2%B4%B0-%E2%B5%8A%E2%B4%B1%E2%B5%95%E2%B4%B0%E2%B5%8F