ⵉⵙⵏⵜⴰ ⴰⴷ ⵍⵍⵉ ⴳⴰⵏⵉⵏ ⴳ ⵜⴰⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ(ⵉⵏⴷⵀ), ⵥⵍⵉⵏ ⵙ ⵜⴳⵎⵉ ⵏ ⵜⵉⵙⵓⴳⵔⵉⵏ ⵜⵉⵎⴰⵏⵓⵏⵉⵏ ⴷ ⵜⵉⵏⴰⵥⵓⵕⵉⵏ ⵏ ⵡⴰⵔⴱⴰⵜⵏ ⴷ ⵜⵉⵄⵄⵓⵔⵎⴰ ⴷ ⵓⵙⴱⴷⴷⵉ ⵏ ⵓⴱⴽⴽⵉⴹ ⴷ ⵓⵙⴳⵎⵉ ⵓⵍⴰ ⴰⵙⴷⵓⵙ ⵏ ⵉⵎⴰⵡⴰⵜⵏ ⵏ ⵡⴰⴷⴰⵙ ⴷ ⵓⵣⴷⴷⵓⵖ.
ⵖⵎⴽⴰⴷ, ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵓⴷⴷⵉⵙ ⴰⵏⴰⵎⵓⵏ ⴰⵎⴰⵏⵓⵏ ⴳ ⴰⵊⴷⵉⵔ (6 ⵏ ⵓⵎⵍⵢⵓⵏ ⵏ ⴷⴷⵔⵀⵎ) ⴷ ⵢⴰⵜ ⵜⴳⵎⵎⵉ ⵏ ⵜⵉⵄⵄⵓⵔⵎⴰ ⴷ ⵓⴱⴰⵔⴰⵣ ⵏ ⵜⵓⵏⵏⵓⵏⵜ ⵏ ⵡⴰⴷⴰⵙ ⴳ ⵜⴰⴳⵔⴰⵡⵜ ⵏ ⴰⵢⵜ ⵢⵓⵙⴼ ⵓⵄⵍⵉ (6,3 ⵏ ⵓⵎⵍⵢⵓⵏ ⵏ ⴷⴷⵔⵀⵎ) ⴷ ⵢⴰⵏ ⵓⴷⴷⵉⵙ ⴰⵏⴰⵎⵓⵏ ⴰⵎⴰⵏⵓⵏ ⴳ ⵉⵎⵣⵓⵔⵏ (6 ⵏ ⵓⵎⵍⵢⵓⵏ ⵏ ⴷⴷⵔⵀⵎ) ⴷ ⵢⴰⵏ ⵓⴷⴷⵉⵙ ⴰⵏⴰⵎⵓⵏ ⴰⵎⴰⵏⵓⵏ ⴳ ⴱⵓⵄⵢⵢⴰⵛ (2 ⵏ ⵓⵎⵍⵢⵓⵏ ⵏ ⴷⴷⵔⵀⵎ).
ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⵍⴱⴷⵓ ⵏ ⵓⵙⵏⵜⵉ ⵏ ⵜⵓⵚⴽⴰ ⵏ 315 ⵏ ⵜⵣⴷⵓⵖⵜ ⵜⴰⵏⴰⵎⵓⵏⵜ « 250.000 ⵏ ⴷⴷⵔⵀⵎ », ⴳ ⵓⵙⴰⵜⵉ ⵏ ⵓⴳⵊⴷⵉ ⴰⴳⴷⵓⴷⴰⵏ «ⵙⵉⴷⵉ ⵄⴱⵉⴷ» ⴳ ⵍⵃⵓⵙⵉⵎⴰ. ⴰⵙⵏⵜⵉ ⵢⴰⴷ ⵉⵜⵜⵔ 77 ⵏ ⵓⵎⵍⵢⵓⵏ ⵏ ⴷⴷⵔⵀⵎ.
ⴰⵙⵏⵜⵉ ⵢⴰⴷ ⵍⵍⵉ ⵢⵉⵜⵜⵓⵙⴽⴰⵔⵏ ⴳ ⵓⵙⴰⵜⵉ ⵏ ⵢⴰⵜ ⵜⵎⴷⵔⴰⵡⵜ ⵜⴰⴳⴷⵓⴷⴰⵏⵜ-ⵜⵓⵙⵍⵉⴳⵜ, ⵔⴰⴷ ⵉⵜⵜⵓⴱⵏⴰ ⵉⴳⴳⵉ ⵏ 10.000 ⵏ ⵓⵎⵉⵜⵔⵓ ⴰⵎⴽⴽⵓⵣ. ⵔⴰ ⴷ ⴷⵉⴳⵙ ⵉⵍⵉⵏ 15 ⵏ ⴱⵍⵓⴽ ⵏ ⵜⴳⵎⵎⵉ ⴳⵉⵙⵏ 315 ⵏ ⵜⴰⴷⴷⴰⵔⵜ, ⵙⵏⴰⵜ ⵏ ⵜⵃⵓⵏⴰ ⵏ ⵡⴰⴷⴰⵙ, ⵜⵉⴳⵎⵎⴰ ⵏ ⵉⵄⵔⵔⵉⵎⵏ ⴷ ⵜⵏⴰⴼⵓⵜⵉⵏ ⴰⴹⵏⵉⵏ.
ⴰⵙⵏⵜⵉ ⵢⴰⴷ ⵉⴳⴰ ⵢⴰⵜ ⵜⴼⵓⵍⵜ ⵖ ⵓⴳⵊⴷⵉ ⴰⵖⵔⵎⴰⵏ ⵙⵉⴷⵉ ⵄⴱⵉⴷ (459 ⵏ ⵓⵎⵍⵢⵓⵏ ⵏ ⴷⴷⵔⵀⵎ) ⵍⵍⵉ ⵔⴰⴷ ⵢⵉⵍⵉ ⵉⴳⴳⵉⵏ 53 ⵏ ⵓⵀⴽⵟⴰⵕ. ⵉⵔⴰ ⴷ ⵉⵙⵏⴰⵇⵚ ⵍⴱⵏⵉ ⴰⵎⵜⵓⵔⴰⵢ ⴳ ⵍⵃⵓⵙⵉⵎⴰ ⵉⵙⴼⴰⵍⴽⵉ ⵜⵉⵖⵖⵓⵔⵎⴰ ⵏⵏⵙ.
ⵙ ⵓⵣⵎⵣⵣⵓ ⵢⴰⴷ ⵉⴽⴽⴰⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴷⵖⴰⵔⵏ ⵏ ⵜⵎⵢⴰⵡⴰⵙⵉⵏ ⵏ ⵜⵎⵖⴰⵕⵉⵏ, ⴼⴰⴷⴷ ⴰⴷ ⵉⴼⴽ ⵉ ⵢⵉⵙⴱⴱⴰⴱⵏ ⵉⵜⵎⴰⵜⵜⴰⵢⵏⵉⵏ ⵏ ⵉⵛⴰⴽⴰⵏ 20 ⵏ ⵜⵙⵏⵙⵖⴰⵍⵜ ⵏ ⴽⵔⴰⴹⵜ ⵏ ⵕⵕⵡⴰⵢⴹ ⴳ ⵓⵙⴰⵜⵉ ⵏ « ⵉⵏⴷⵀ».