ⵎⴰⵙⵙ ⵍⴼⵉⵔⴷⴰⵡⵙ : ⴰⵎⵙⴰⵙⴰ ⴷ ⵉⵣⵣⵓⵍⴰⵏ ⵏ ⵉⴳⵔ ⵏ ⵜⵏⵖⵎⴰⵙⵜ ⵅⴼ ⵢⴰⵜ ⵜⴷⵔⴰⵡⵜ ⵏ ⵓⵙⵙⵓⴼⵖ ⵏ ⵓⵖⴰⵡⴰⵙ ⵉⵔⴰⵔⵏ ⵅⴼ ⵜⵉⵎⵓⴽⵔⵉⵙⵉⵏ ⵏ ⵉⴳⵔ ⴰⴷ ⴳ ⵓⵣⵎⵣ ⵉⵖⵣⵣⵉⴼⵏ

26 ⵢⵓⵏⵢⵓ 2020 Version Imprimable

ⵕⵕⴱⴰⵟ - ⵉⵏⵏⴰ ⵡⵎⴰⵡⵙⴰⵙ ⵏ ⵜⴷⵍⵙⴰ ⴷ ⵜⵄⵄⵓⵔⵎⴰ ⴷ ⵜⵓⵏⵏⵓⵏⵜ, ⵎⴰⵙⵙ ⵄⵜⵎⴰⵏ ⵍⴼⵉⵔⴷⴰⵡⵙ, ⴰⵙⵙ ⵏ ⵓⵙⵉⵎⵡⴰⵙ ⴳ ⵕⵕⴱⴰⵟ, ⵎⴰⵙ ⵓⵎⵙⴰⵙⴰ ⴷ ⵉⵣⵣⵓⵍⴰⵏ ⵏ ⵉⴳⵔ ⵏ ⵜⵏⵖⵎⴰⵙⵜ ⵅⴼ ⵉⵎⵓⵏ ⵏ ⵢⴰⵜ ⵜⴷⵔⴰⵡⵜ ⵏ ⵓⵙⵙⵓⴼⵖ ⵏ ⵓⵖⴰⵡⴰⵙ ⵉⵔⴰⵔⵏ ⵅⴼ ⵜⵉⵎⵓⴽⵔⵉⵙⵉⵏ ⵏ ⵉⴳⵔ ⴰⴷ ⵓⵍⴰ ⵡⵔⵣⵣⵓ ⵏ ⵉⴱⵔⵉⴷⵏ ⴷⴰⵜ ⵏ ⵜⵎⵓⴽⵔⵉⵙⵉⵏ ⴳ ⵓⵣⵎⵣ ⴰⵖⵣⵣⵉⴼ.

ⵉⵏⵏⴰ ⵎⴰⵙⵙ ⵍⴼⵉⵔⴷⴰⵡⵙ, ⴳ ⵢⴰⵜ ⵜⵙⴳⵓⵔⵉ ⵏ ⵜⵏⵖⵎⴰⵙⵜ ⴷⴼⴼⵉⵔ ⵏ ⵢⴰⵜ ⵜⵙⵎⵓⵏⵉ ⴷ ⵉⵣⵣⵓⵍⴰⵏ ⵏ ⵉⴳⵔ ⵉⵥⵍⵉⵏ ⴷ ⵜⵖⵓⵔⵉ ⵏ ⵜⵎⵓⴽⵔⵉⵙⵉⵏ ⵏ ⵉⴳⵔ ⵏ ⵜⵏⵖⵎⴰⵙⵜ ⵉⵜⵜⵓⵔⴰⵏ ⴷ ⵜⵉⵍⵉⴽⵟⵕⵓⵏⵉⵜ ⴷ ⵜⵙⵏⴰⵜ, ⵍⵍⴰⵏ ⴳⵉⵙ ⵜⵉⵎⵓⴽⵔⵉⵙⵉⵏ ⵍⵍⵉ ⵢⵙⵙⵏ ⴷⴼⴼⵉⵔ ⵏ ⵓⴱⴰⵢⵢⵓⵕ "ⴽⵓⵕⵓⵏⴰ", ⵎⴰⵙ ⵉⵜⵜⵓⵎⵙⴰⵙⴰ ⵙⵓⵍ ⴰⴷ ⵉⵙⵎⵓⵜⵜⴰⴳ ⵢⴰⵏ ⵓⴳⵔⴰⵡ ⵏ ⵜⵡⵓⵔⵉ ⵉⵛⵛⴰⵔⵏ ⵏ ⵓⵙⵎⴽⵍ ⵏ ⵜⵖⴰⵡⵙⵉⵡⵉⵏ ⴷⴰⵜ ⵉⴳⵔ.

ⴳ ⵜⵙⵎⵓⵏⵉ ⵢⴰⴷ, ⵍⵍⵉⵖ ⴳⵉⵜ ⵃⴰⴹⵕⵏ ⵄⴱⴷ ⵍⵎⵓⵏⵄⵉⵎ ⴷⵉⵍⴰⵎⵉ, ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⵏⴰⵎⵓⵔⵜ ⵏ ⵜⵏⵖⵎⴰⵙⵜ ⴷ ⵜⵥⵕⵉⴳⵜ, ⴷ ⴽⴰⵎⴰⵍ ⵍⵃⵍⵓ, ⴰⵏⵙⵙⵉⵅⴼ ⵏ ⵜⴼⵉⴹⵉⵕⴰⵍⵉⵜ ⵜⵎⵖⵔⴰⴱⵉⵜ ⵏ ⵜⵏⵖⵎⴰⵙⵜ, ⴷ ⵓⵏⵎⵖⴰⵙ ⵃⵎⴷ ⵛⵛⵕⵄⵉ, ⴷ ⴼⴰⵡⵣⵉ ⵍⵇⵊⵄ, ⴰⵏⵎⵀⴰⵍ ⵏ ⵜⵎⵙⵙⴰⵙⵍⵜ ⴳ ⵜⵎⴰⵡⴰⵙⵜ ⵏ ⵜⴷⵍⵙⴰ ⴷ ⵓⵥⵕⴼ, ⵎⴰⵙ ⵉⴳⵔ ⵏ ⵜⵏⵖⵎⴰⵙⵜ "ⵉⵅⵚⵚⴰ ⵜ ⴰⴷ ⵜⴻⵟⵟⴼ ⵢⴰⵏ ⵓⵏⴰⵡ ⵏ ⵓⵏⴳⵎⵓ ⵓⵙⵍⵉⴳ".

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%8E%E2%B4%B0%E2%B5%99%E2%B5%99-%E2%B5%8D%E2%B4%BC%E2%B5%89%E2%B5%94%E2%B4%B7%E2%B4%B0%E2%B5%A1%E2%B5%99-%E2%B4%B0%E2%B5%8E%E2%B5%99%E2%B4%B0%E2%B5%99%E2%B4%B0-%E2%B4%B7-%E2%B5%89%E2%B5%A3%E2%B5%A3%E2%B5%93%E2%B5%8D%E2%B4%B0%E2%B5%8F-%E2%B5%8F-%E2%B5%89%E2%B4%B3%E2%B5%94-%E2%B5%8F-%E2%B5%9C%E2%B5%8F%E2%B5%96%E2%B5%8E%E2%B4%B0%E2%B5%99%E2%B5%9C-%E2%B5%85%E2%B4%BC-%E2%B5%A2%E2%B4%B0%E2%B5%9C-%E2%B5%9C%E2%B4%B7%E2%B5%94%E2%B4%B0%E2%B5%A1%E2%B5%9C-%E2%B5%8F-%E2%B5%93%E2%B5%99%E2%B5%99%E2%B5%93%E2%B4%BC%E2%B5%96-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B4%B0%E2%B5%99