ⴰⵎⵎⴰⵙ ⵏ ⵜⴱⵔⴰⵜ ⴰⴷ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⵙ ⵉⵙⵙⵏ ⵙ ⵢⴰⵏ ⵓⴼⵔⴰⵢ ⵉⵛⵇⵇⴰⵏ ⴷ ⵜⴳⵓⴹⵉ ⵉⵖⴱⴰⵏ ⵉⵙ ⵉⵎⵎⵓⵜ ⵓⵎⵖⵏⴰⵙ ⴰⵎⵇⵕⴰⵏ ⵉⴳⵍⵍⵉⵏ ⵏ ⵄⴱⴷⵕⵕⵃⵎⴰⵏ ⵍⵢⵓⵙⴼⵉ, ⵉⵔⵏⴰ ⵢⵏⵏⴰ ⵎⴰⵙ ⴰⵙⵙⵉⴽⵉ ⵏⵏⵙ ⵉⵛⵇⵇⴰ ⵓⵔⴷ ⴽⴰ ⵉ ⵜⵡⵊⵊⴰ ⵏⵏⵙ, ⵎⴰⵛ ⵉ ⴰⴽⴽⵯ ⵜⵎⴰⵣⵉⵔⵜ ⵏⵏⵙ, ⵍⵎⵖⵔⵉⴱ.
ⴳ ⵜⵎⵙⵓⵜⴰⵍ ⵉⵛⵇⵇⴰⵏ ⴰⴷ ⵍⵍⵉ ⴷ ⵢⵓⵛⴽⴰⵏ ⵖⵉⴽ ⵍⵍⵉ ⵙ ⵉⵔⴰ ⵕⴱⴱⵉ, ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵎⴰⵙⵙⴰ ⵀⵉⵍⵉⵏ ⵍⵢⵓⵙⴼⵉ ⵓⴼⵛⴰⴷ ⵏⵏⵙ ⵉⵖⵥⴰⵏⵏ ⴷ ⵓⴼⵔⴰⵢ ⵉⵖⴱⴰⵏ ⵍⵍⵉ ⴷⵉⴷⵜ ⵉⴱⴹⴰ, ⵓⵍⴰ ⵉ ⵜⵡⵊⴰ ⴷ ⵉⵎⴷⴷⵓⴽⴰⵍ ⴷ ⵜⵡⵊⴰ ⵜⴰⵙⵔⵜⵉⵜ ⵜⴰⵏⴰⵎⵓⵔⵜ ⵏ ⵉⴳⵍⵍⵉⵏ, ⵙⵍⴰⵡⴰⵏ ⴰⴽⴽⵯ ⵓⵎⵓⵍⵍⵉ ⵏ ⵜⵎⵓⵏⵜ ⵜⴰⵏⵎⵍⴰⵢⵜ ⵏ ⵉⵖⴰⵍⵏⵏ ⵉⴳⴷⵓⴷⴰⵏⵏ.
ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵉⵙⵙⴽⵯⵜⵉ ⵜⵎⴰⵎⴰⴽⵉⵏ ⵜⵉⵏⴼⴳⴰⵏⵉⵏ ⵏ ⵉⴳⵍⵍⵉⵏ ⵏ ⵄⴱⴷⴹⵕⵕⵃⵎⴰⵏ ⵍⵢⵓⵙⴼⵉ, ⵉⵔⵏⴰ ⵢⵏⵏⴰ ⵎⴰⵙ ⵜⴰⵢⵔⵉ ⵏ ⵜⵎⴰⵣⵉⵔⵜ ⵏⵏⵙ ⵉⵖⵥⴰⵏⵏ ⵓⵔ ⵊⵊⵓ ⵏⵜⵜⴰⵜ ⴰⴷ ⵉⴱⴷⴷⵏ ⴳ ⵎⵏⵏⴰⵡ ⵏ ⵉⵙⴳⴳⵯⴰⵙⵏ ⵍⵍⵉ ⵢⵣⵣⵔⵉ ⴳ ⵜⵎⵖⵏⴰⵙⵜ.
ⵉⵣⵣⵔⵉ ⵢⴳⵍⵍⵉⵏ ⵜⵓⴷⵜ ⵏⵏⵙ ⴳ ⵓⵎⵣⴰⵖ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴱⵖⵓⵔⵉⵏ ⵢⴰⵜⵜⵓⵢⵏ ⵏ ⵜⵎⴰⵣⵉⵔⵜ ⵏⵏⵙ, ⴷ ⵉⵎⵍⴰ ⴱⴷⴷⴰ ⴰⵣⴷⵉ ⵓⵔ ⵉⵜⵎⴰⵜⵜⴰⵢⵏ ⵏⵏⵙ ⵉ ⵡⴷⴰⴱⵓ ⴰⵄⴰⵍⴰⵡⵉ ⴰⵅⴰⵜⴰⵔ, ⴷ ⵜⴰⵎⵏⵉⵍⵜ ⵏⵏⵙ ⵉ ⵉⵏⵉⴳⵍⵏ ⵏ ⵜⵎⵜⵜⴰ, ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⵜ ⴰⴷ.
ⵉⵜⵜⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵕⴱⴱⵉ ⴰⴷ ⵉⵕⵃⵎ ⵉⴳⵍⵍⵉⵏ ⵏ ⵄⴱⴷⵕⵕⵃⵎⴰⵏ ⵍⵢⵓⵙⴼⵉ ⴷ ⴰⴷ ⵜ ⵉⵙⵙⴽⵛⵎ ⵙ ⵍⵊⵏⵏⵜ ⵏⵏⵙ.