ⴳ ⵢⴰⵏ ⵓⵎⵙⵏⴰⵍⴰ ⴷ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵜⵏⵖⵎⴰⵙⵜ (ⵍⴰⵎⴰⴱ), ⵉⵔⴰⵔ ⵎⴰⵙⵙ ⵄⴱⴷⵙⵙⵍⴰⵎ ⵅⴰⵍⴰⴼⵉ, ⴰⵏⵎⵀⴰⵍ ⵏ ⵓⵎⵎⴰⵙ ⵏ ⵓⵔⵣⵣⵓ ⴰⴷⵉⴷⴰⴽⵜⵉⴽⵉ ⴷ ⵉⵖⴰⵡⴰⵙⵏ ⵉⴱⵉⴷⴰⵖⵓⵊⵉⵏ ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ, ⵅⴼ ⵜⵥⵕⵉⵏ ⴷ ⵉⴱⵔⵉⴷⵏ ⵉⵕⵡⴰⵏ ⵉ ⵡⵙⵍⵎⴷ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ ⴳ ⵓⴳⴳⵓⴳ.
ⴳ ⵓⵙⵜⵓⴳ ⵏⵏⵙ ⵅⴼ ⵜⵎⵀⵍⴰ ⵏ ⵓⵙⵍⵎⴷ ⵙ ⵓⴳⴳⵓⴳ ⴳ ⵍⵎⵖⵔⵉⴱ, ⵙⵍⴰⵡⴰⵏ ⴰⴽⴽⵯ ⵡⴰⵏⵏ ⵉⵥⵍⵉⵏ ⵙ ⵓⵙⵍⵎⴷ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ, ⵉⵏⵏⴰ ⵎⴰⵙⵙ ⵅⴰⵍⴰⴼⵉ ⵎⴰⵙ ⵉⵙⵙⵓⴼⵖ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ ⵙⴳ ⵉⵙⴳⴳⵯⴰⵙⵏ ⵉⵣⵡⴰⵔⵏ ⵏ ⵓⵙⵉⴷⴼ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ ⴳ ⵜⵉⵏⵎⴰⵍ ⵜⵉⵎⵖⵔⴰⴱⵉⵏ, ⵉⵙⴰⴳⵎⵏ ⵉⴱⵉⴷⴰⵖⵓⵊⵉⵏ ⵉⵎⴰⵟⵓⵏⵏ ⵉⵖⵓⴷⴰⵏ, ⵅⴼ ⴰⴷⴷⵓⵔ ⵏ ⵜⴰⵜⵉⴽⵏⵉⵍⵓⵊⵉⵜ ⵏ ⵜⵏⵖⵎⴰⵙⵜ ⴳ ⵓⵃⵕⵛ ⵏ ⵓⵙⵍⵎⴷ ⵏ ⵜⵓⵜⵍⴰⵢⵉⵏ.
ⵉⵏⵏⴰ ⵙⵓⵍ ⵎⴰⵙ ⵅⴰⵍⴰⴼⵉ ⵎⴰⵙ ⴰⵎⵎⴰⵙ ⵏ ⵉⵙⴰⴳⵎⵏ ⴰⴷ, ⵍⵍⴰⵏ ⵎⵏⵏⴰⵡ ⵏ ⵜⵇⴰⵕⵉⴹⵉⵏ ⵢⴰⴷⴷⵣⵏ ⴷ ⵉⵎⴰⵡⴰⵍⵏ ⵉⵡⵍⴰⴼⵏ ⵉⵍⵉⴽⵟⵕⵓⵏⵉⵏ, ⴷ ⵎⵏⵏⴰⵡ ⵏ ⵜⵙⵏⵙⴰⵢ ⵉⵍⵍⴰⵏ ⴳ ⵓⵙⵉⵜ ⴰⵍⵉⴽⵟⵕⵓⵏⵉ ⵏ ⵓⵙⵉⵏⴰⴳ ⴷ ⵓⵎⴰⵡⴰⵍ ⴰⵍⵉⴽⵟⵕⵓⵏⵉ, ⵜⴰⵎⴰ ⵏ ⵜⵡⵍⴰⴼⵉⵏ ⵜⵉⵍⵉⴽⵟⵕⵓⵏⵉⵏ ⴳ ⵎⵛⵜⴰ ⵏ ⵜⵎⵙⵓⵍⵉⵏ ⵜⵉⵏⵎⵍⴰⵏⵉⵏ, ⴷ ⵉⵙⴰⴳⵎⵏ ⵉⵎⴰⵟⵓⵏⵏ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ ⵉⴳⴳⵔ ⵉ ⵡⵖⴰⵡⴰⵙ ⴰⵜⵉⴽⵏⵉⵍⵓⵊⵉ ⵏ ⵉⵏⵖⵎⵉⵙⵏ ⴷ ⵓⵎⵢⴰⵡⴰⴹ ⵏ ⵓⵙⵍⵎⴷ ⴳ ⵍⵎⵖⵔⵉⴱ (ⵊⵉⵏⵉ).