ⴰⴼⵉⵔⵓⵙ "ⴽⵓⵕⵓⵏⴰ" : ⵜⵜⵓⵣⵎⵎⴻⵎⵏ 140 ⵓⵎⴷⵢⴰ ⴰⵎⴰⵢⵏⵓ ⴳ 24 ⵜⵙⵔⴰⴳⵜ ⵉⵣⵔⵉⵏ, ⵜⴰⵎⴰⵖⵓⵏⵜ ⵜⵍⴽⵎ ⵖⵉⵍ ⴰⴷ 5548 ⵓⵎⴷⵢⴰ (ⵜⴰⵎⴰⵡⴰⵙⵜ ⵏ ⵜⴷⵓⵙⵉ)

07 ⵎⴰⵢⵢⵓ 2020 Version Imprimable

ⵕⵕⴱⴰⵟ - ⵜⵙⴳⵓⵔⴰ ⵜⵎⴰⵡⴰⵙⵜ ⵏ ⵜⴷⵓⵙⵉ ⵎⴰⵙ ⴰⵔ ⵖⵉⵍ ⴰⴷ, ⵜⵜⵓⵣⵎⵎⴻⵎⵏ 140 ⵓⵎⴷⵢⴰⵡ ⴰⵎⴰⵢⵏⵓ ⵙ ⵓⴼⵉⵔⵓⵙ "ⴽⵓⵕⵓⵏⴰ" ⴰⵎⵎⴰⵙ ⵏ 24 ⵜⵙⵔⴰⴳⵜ ⵉⵣⵔⵉⵏ, ⵜⵖⵍⵉ ⴼ ⵖⵉⴽⴰⵏⵏ ⵜⵎⴰⵖⵓⵏⵜ ⵏ ⵉⵎⴷⵢⴰⵡⵏ ⵍⵍⵉ ⵢⵓⵜ ⵓⴼⵉⵔⵓⵙ ⴰⴷ ⴳ ⵜⴳⵍⴷⵉⵜ ⴰⵔ 5548.

ⵉⵏⵏⴰ ⵡⵏⵎⵀⴰⵍ ⵏ ⵜⵎⵀⵍⴰ ⵏ ⵜⵎⴰⵙⵙⴰⵏⵜ ⵏ ⵓⴱⴰⵢⵢⵓⵕ ⴷ ⵓⵙⴱⴷⴷⵉ ⵏ ⵉⵎⴰⴹⵓⵏⵏ ⴳ ⵜⵎⴰⵡⴰⵙⵜ ⵏ ⵜⴷⵓⵙⵉ, ⵎⴰⵙⵙ ⵎⵓⵃⵎⵎⴷ ⵍⵢⵓⴱⵉ, ⴳ ⵢⴰⵜ ⵜⵙⴳⵓⵔⵉ ⵍⵍⵉ ⵜⵙⵙⵣⵔⵉ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ), ⴳ ⵓⵙⵔⵉⴷ ⵏ ⵓⵙⴰⵔⵓ ⵏⵏⵙ "M24" ⴷ "ⵔⵉⵎ ⵕⴰⴷⵢⵓ", ⵎⴰⵙ ⵓⵔ ⵉⵜⵜⵓⵣⵎⵎⴻⵎ ⴽⵔⴰ ⵢⴳⴰⵜⵜ ⵓⵎⴷⵢⴰ ⵏ ⵜⵎⵜⵜⴰⵏⵜ. ⴼ ⵖⵉⴽⴰⵏⵏ, ⵜⵔⴳⴳ ⴳ 184 ⵜⵎⴰⵖⵓⵏⵜ ⵏ ⵎⴷⴷⵏ ⵉⵎⵎⵓⵜⵏ ⴰⵔ ⵜⵙⵔⴰⴳⵜ ⴰⴷ.

ⴱⵍⴰ ⵏ ⵖⵉⴽⴰⵏⵏ, ⵜⵜⵓⵣⵎⵎⴻⵎⵏ 162 ⵓⵎⴷⵢⴰ ⴰⵎⴰⵢⵏⵓ ⵏ ⵜⵊⵊⵉⵜ, ⵎⴰ ⵢⴰⴷ ⵉⵙⵙⵖⵍⵉⵏ ⵜⵎⴰⵖⵓⵏⵜ ⵏ ⵎⴷⴷⵏ ⵉⵊⵊⵉⵏ ⴰⵔ 2179 ⵓⵎⴷⵢⴰ.

ⵜⵙⵓⵍ ⵜⴹⴰⵍⴱ ⵜⵎⴰⵡⴰⵙⵜ ⵉ ⵢⵏⴰⵎⵓⵔⵏ ⴷ ⵜⵉⵏⴰⵎⵓⵔⵉⵏ ⴰⴷ ⴹⴼⵕⵏ ⵉⵍⵓⴳⵏ ⵏ ⵓⵃⵟⵟⵓ ⴷ ⵙⵙⵍⴰⵎⵜ ⵏ ⵓⵖⵡⵙ, ⴷ ⵍⵜⵖⵏ ⴳ ⵉⵎⴰⴽⵏ ⵏ ⵓⵃⵟⵟⵓ ⵍⵍⵉ ⵓⵎⵥⵏⵜ ⵜⵏⴱⴰⴹⵉⵏ ⵜⵎⵖⵔⴰⴱⵉⵏ ⵙ ⴰⴽⴽⵯ ⵜⵎⵙⵙⵓⴳⵓⵔⵜ ⴷ ⵜⵎⵓⵔⵉ.

Dernière modification : 07 ⵎⴰⵢⵢⵓ 2020

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B4%BC%E2%B5%89%E2%B5%94%E2%B5%93%E2%B5%99-%E2%B4%BD%E2%B5%93%E2%B5%95%E2%B5%93%E2%B5%8F%E2%B4%B0-%E2%B5%9C%E2%B5%9C%E2%B5%93%E2%B5%A3%E2%B5%8E%E2%B5%8E%E2%B4%BB%E2%B5%8E%E2%B5%8F-140-%E2%B5%93%E2%B5%8E%E2%B4%B7%E2%B5%A2%E2%B4%B0-%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B4%B3-24-%E2%B5%9C%E2%B5%99%E2%B5%94%E2%B4%B0%E2%B4%B3%E2%B5%9C-%E2%B5%89%E2%B5%A3%E2%B5%94%E2%B5%89%E2%B5%8F-%E2%B5%9C%E2%B4%B0%E2%B5%8E%E2%B4%B0%E2%B5%96%E2%B5%93%E2%B5%8F%E2%B5%9C-%E2%B5%9C%E2%B5%8D%E2%B4%BD%E2%B5%8E-%E2%B5%96%E2%B5%89%E2%B5%8D-%E2%B4%B0%E2%B4%B7