"ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵏⵙⵙⵉⵅⴼ ⴰⵎⴰⵜⴰⵢ ⴷ ⵓⵏⵙⵙⵓⵅⴼ ⵏ ⵍⵉⵟⴰ ⵎⴰⵊⵓⵕ ⴰⵎⴰⵜⴰⵢ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵉⵏⴹⵏ ⵢⴰⵜⵜⵓⵢⵏ ⵏⵏⵙ ⵉ ⵡⵊⵉⵏⵉⵕⴰⵍ ⴷⵓ ⴽⵓⵕ ⴷⴰⵕⵎⵉ, ⴰⵎⴳⴳⵉⵡⵙ ⴰⵎⴰⵜⴰⵢ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵄⴱⴷⵍⴼⵜⵜⴰⵃ ⵍⵡⵕⵕⴰⵇ, ⴷ ⵉ ⵡⵊⵉⵏⵉⵕⴰⵍ ⴷⵓ ⴽⵓⵕ ⴷⴰⵕⵎⵉ, ⴰⵏⵙⵙⵉⵅⴼ ⵏ ⵜⴰⵊⴰⴹⴰⵕⵎⵉⵜ ⵜⴰⴳⵍⴷⴰⵏⵜ, ⵎⵓⵃⵎⵎⴷ ⵀⴰⵔⴰⵎⵓ, ⴷ ⵉ ⵡⵎⴳⴳⵉⵡⵙ ⵏ ⵜⵏⴰⴼⵓⵜ ⵏ ⵜⴷⵓⵙⵉ ⵜⴰⵄⵚⴽⵕⵉⵜ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴰⵊⵉⵏⵉⵕⴰⵍ ⴷⵓ ⴱⵔⵉⴳⴰⴷ ⵎⵓⵃⵎⵎⴷ ⵍⵍⴱⴱⴰⵕ, ⴰⴼ ⴰⴷ ⵜⴷⵔⵓ ⵜⴰⵙⵏⵉⵊⵊⵉⵜ ⵜⴰⵄⵚⴽⵕⵉⵜ ⵏⵜⵜⴰⵜ ⴷ ⵜⴰⵙⵏⵉⵊⵊⵉⵜ ⵜⵓⵖⵔⵉⵎⵜ ⴳ ⵓⵙⵖⵍⴼ ⵏ ⵓⵙⴱⵉⴷⴷ ⵏ ⵓⴱⴰⵢⵢⵓⵕ "ⴽⵓⴼⵉⴷ-19".
ⴰⴼ ⴰⴷ ⵄⴷⵍⵏ ⵉⵙⵉⴽⵉⵏ ⵉⵣⴷⵉⵏ ⴷ ⵓⴱⴰⵢⵢⵓⵕ ⴰⴷ ⴷ ⴰⴷ ⵉⵔⵅⵓ ⵡⵙⵏⴼⵍ ⵏ ⵉⵏⵖⵎⵉⵙⵏ ⴳⵔ ⴽⵔⴰ ⵢⴳⴰⵜⵜ ⵜⵏⴰⴼⵓⵜ ⴰⵎⵎⴰⵙ ⵏ ⵜⵏⴰⴼⵓⵜⵉⵏ ⵉⵎⵙⵜⴳⴳⴰⵔⵏ, ⵉⴼⴽⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵏⴹⵏ ⵢⴰⵜⵜⵓⵢⵏ ⵏⵏⵙ ⴰⴼ ⴰⴷ ⵜⵜⵓⵙⵔⴰⵙⵏ ⵉⵎⴰⵙⵙⵏ ⵏ ⵜⵙⵏⵉⵊⵊⵉⵜ ⵜⴰⵄⵚⴽⵕⵉⵜ ⴷ ⴰⴷ ⵙⴷⵓⵙⵏⵜ ⵜⵓⵚⴽⵉⵡⵉⵏ ⵏ ⵜⵙⵏⵉⵊⵊⵉⵜ ⵉⴳⴰⵏ ⵉ ⵡⵙⵡⵓⴷⴷⵓ ⵏ ⵓⴱⴰⵢⵢⵓⵕ, ⴷⴷⵓ ⵏ ⵜⵍⵖⴰ ⵏ ⵜⵏⵉⵎⴰⵏⵜ ⵏ ⵜⵙⵏⵉⵊⵊⵉⵜ ⴷ ⵉⵔⵡⴰⵙⵏ ⵏ ⵜⵙⵏⵉⵊⵊⵉⵜ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵙⴳ 23 ⵎⴰⵕⵚ 2020.
ⵖⵉⴽ ⵍⵍⵉ ⵔⴰⵏ ⵉⵏⴹⵏ ⵉⴳⵍⴷⴰⵏⵏ ⵢⴰⵜⵜⵓⵢⵏ, ⵔⴰⴷ ⵙⵓⵍ ⴷⵔⵓⵏ ⵜⵏⴰⴼⵓⵜⵉⵏ ⵜⵉⵏⴰⵎⵓⵏⵉⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴷ ⵜⴰⵊⴰⴹⵕⵎⵉⵜ ⵜⴰⴳⵍⴷⴰⵏⵜ ⴳ ⵓⵙⴰⵜⵉ ⵏ ⵜⵎⵀⵍⴰ ⵢⴰⴷ.
ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵉⴹⴱⵉⴱⵏ ⵓⵖⵔⵉⵎⵏ ⴷ ⵉⵄⵚⴽⵕⵉⵏ ⴰⴷ ⵡⵓⵔⵉⵏ ⵙ ⵢⴰⵜ ⵜⴱⵔⵉⴷⵜ ⵉⵎⵉⵖⵉⵙⵏ ⴷ ⵉⵕⵡⴰⵏ, ⵖⵉⴽ ⵍⵍⵉ ⴱⴷⴷⴰ ⵎⵢⴰⵔⵏ ⴰⴷ ⵙⴽⵔⵏ, ⴰⵛⴽⵓ ⵜⴱⵉⴷⴷ ⴼⵍⵍⴰⵜⵏ ⵜⴷⵓⵙⵉ ⵏ ⵉⵎⵖⵔⴰⴱⵉⵏ ⴷ ⵉⴱⵕⵕⴰⵏⵉⵏ ⵉⵍⵍⴰⵏ ⴳ ⵍⵎⵖⵔⵉⴱ".