ⴰⵙⵍⴳⵏ ⴰⵎⵙⵙⴷⵓⵙ ⵉⵥⵍⵉⵏ ⵙ ⵜⵙⵓⵔⴰⴼ ⵏ ⵓⵙⴳⴳⵓⵣ ⵏ ⵓⵙⵏⵚⵉⴱ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ ⵉⴳⴰ ⵡⵏⵣⴰ ⵅⴼ ⵜⵉⵔⴰⵜ ⵜⴰⵙⵔⵜⴰⵏⵜ ⵏ ⵍⵎⵖⵔⵉⴱ ⴰⴷ ⵉⵏⴽⵔ ⵙ ⵜⵓⵜⵍⴰⵢⵜ ⴰⴷ (ⵎⴰⵙⵙ ⴱⵓⴽⵓⵙ)

17 ⵉⵏⵏⴰⵢⵔ 2020 Version Imprimable

ⵕⵕⴱⴰⵟ - ⵉⵙⴷⴷⵉⴷ ⵓⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ, ⵎⴰⵙⵙ ⴰⵃⵎⴰⴷ ⴱⵓⴽⵓⵙ, ⵎⴰⵙ ⴰⴽⵛⵓⵎ ⵏ ⵓⵙⵍⴳⵏ ⴰⵎⵙⵙⴷⵓⵙ ⵉⵥⵍⵉⵏ ⵙ ⵜⵙⵓⵔⴰⴼ ⵏ ⵓⵙⴳⴳⵓⵣ ⵏ ⵓⵙⵏⵚⵉⴱ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ ⵍⵍⵉ ⵢⴽⵛⵎⵏ ⵙ ⵓⵣⵣⵉⴳⵔ ⴳ ⵓⵇⵇⵏ ⵏ ⵛⵓⵜⴰⵏⴱⵉⵔ 2019, ⵉⴳⴰ ⵡⵏⵣⴰ ⵅⴼ "ⵜⵉⵔⴰⵜ ⵜⴰⵙⵔⵜⴰⵏⵜ" ⵏ ⵍⵎⵖⵔⵉⴱ ⴰⴷ ⵉⵏⴽⵔ ⵙ ⵜⵓⵜⵍⴰⵢⵜ ⴰⴷ ⴷ ⵉⵙⴳⵓⵎⵏ ⵉⴷⵍⵙⴰⵏⵉⵏ ⵏⵏⵙ.

ⵉⴼⵔⴰ ⵢⵏⵏⴰ ⵎⴰⵙⵙ ⴱⵓⴽⵓⵙ, ⴳ ⵢⴰⵏ ⵓⵎⵙⴰⵡⴰⵍ ⴷ ⵜⵙⵏⵓⵔⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ (ⵍⴰⵎⴰⴱ) ⵙ ⵓⵣⵎⵎⵣⵓ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ 2970, ⵎⴰⵙ ⵜⵉⵥⴹⵉⵕⴰ ⵍⵍⵉ ⵢⵉⵡⵉ ⵡⵙⵍⴳⴰⵏ ⴰⴷ ⵉⴳⴰ ⴰⵙⵔⵙ ⵏ ⵓⵙⴰⵜⵉ ⴰⵙⵍⴳⴰⵏ ⵏ ⵜⵔⵏⵓⵜ ⵏ ⵉⵎⵉⵔ ⵡⵉⵙⵙ ⵙⵎⵎⵓⵙ ⵙⴳ ⵓⴷⵓⵙⵜⵓⵔ ⴷ ⵎⴰⵙ ⵉⵙ ⵉⵛⵛⵉⵍ ⵉ ⵜⵎⵔⵙⴰⵍⵉⵏ ⵏ ⵓⵡⴰⵏⴽ ⴷⴰⵜ ⵏ ⵜⵓⵜⵍⴰⵢⵜ ⴷ ⵜⴷⵍⵙⴰ ⵜⵉⵎⴰⵣⵉⵖⵉⵏ.

ⵙⴳ ⵜⴰⵏⴰⵢⵜ ⵜⴰⵙⵍⴳⴰⵏⵜ ⴰⴷ, ⵎⴰ ⵢⴰⴷ ⵉⵔⵏⴰ ⵢⵏⵏⴰ ⵎⴰⵙⵙ ⴱⵓⴽⵓⵙ, ⵉⵛⵛⵉⵍ ⵓⵡⴰⵏⴽ ⴰⴷ ⵜⴼⵔⴽ ⴷ ⵜⴳⵎⵉ ⵜⵎⴰⵣⵉⵖⵜ, ⴰⴼ ⴰⴷ ⵉⴳ ⵓⵙⵍⵎⴷ ⵏⵏⵙ ⵓⵛⵛⵉⵍ ⴳ ⴽⵔⴰ ⵢⴳⴰⵜⵜ ⵓⵙⵡⵉⵔ ⴳ ⵓⵏⴳⵔⴰⵡ ⴰⵏⴰⵎⵓⵔ ⵏ ⵜⴳⵎⵉ, ⵉⵎⵉⴽ ⵙ ⵉⵎⵉⴽ, ⵅⴼ ⵜⵙⵉⵍⴰ ⵏ ⵜⵉⵍⵉⵜ ⵏ ⵜⵎⵜⵜⴰ ⵏ ⵓⵣⵔⵉⴼ ⴷ ⵜⴰⵏⴼⴳⴰⵏⵜ ⴷ ⵉⵎⴰⵙⵙⵏ ⴳ ⵢⴰⵏ ⵓⵣⵎⵣⵣⵓ ⵉⵎⵣⵍⵉⵏ.

Dernière modification : 17 ⵉⵏⵏⴰⵢⵔ 2020

Source URL: https://www.mapnews.ma/am/dossier/%E2%B4%B0%E2%B5%99%E2%B5%8D%E2%B4%B3%E2%B5%8F-%E2%B4%B0%E2%B5%8E%E2%B5%99%E2%B5%99%E2%B4%B7%E2%B5%93%E2%B5%99-%E2%B5%89%E2%B5%A5%E2%B5%8D%E2%B5%89%E2%B5%8F-%E2%B5%99-%E2%B5%9C%E2%B5%99%E2%B5%93%E2%B5%94%E2%B4%B0%E2%B4%BC-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%93%E2%B5%A3-%E2%B5%8F-%E2%B5%93%E2%B5%99%E2%B5%8F%E2%B5%9A%E2%B5%89%E2%B4%B1-%E2%B5%8F-%E2%B5%9C%E2%B5%93%E2%B5%9C%E2%B5%8D%E2%B4%B0%E2%B5%A2%E2%B5%9C-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B5%89%E2%B4%B3%E2%B4%B0-%E2%B5%A1%E2%B5%8F%E2%B5%A3%E2%B4%B0-%E2%B5%85%E2%B4%BC-%E2%B5%9C%E2%B5%89%E2%B5%94%E2%B4%B0%E2%B5%9C-%E2%B5%9C%E2%B4%B0%E2%B5%99%E2%B5%94%E2%B5%9C%E2%B4%B0%E2%B5%8F%E2%B5%9C