Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⵉⵍⴽⵎ ⵜ ⵢⴰⵏ ⵓⵍⴰⵖⵉ ⵏ ⵜⵜⵉⵍⵉⴼⵓⵏ ⵏ ⵓⵏⵙⵙⵉⵅⴼ ⵓⴱⴰⵎⴰ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⵉⵍⴽⵎ ⵜ ⵢⴰⵏ ⵓⵍⴰⵖⵉ ⵏ ⵜⵜⵉⵍⵉⴼⵓⵏ ⵏ ⵓⵏⵙⵙⵉⵅⴼ ⵓⴱⴰⵎⴰ

13 ⵎⴰⵢⵢⵓ 2013 Version Imprimable
ⵕⵕⴱⴰⵟ - ⵉⵍⴽⵎ ⴷ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵏ ⵓⵍⴰⵖⵉ ⵏ ⵜⵜⵉⵍⵉⴼⵓⵏ ⵏ ⵎⴰⵙⵙ ⴱⴰⵕⴰⴽ ⵓⴱⴰⵎⴰ, ⴰⵏⵙⵙⵉⵅⴼ ⵏ ⵎⴰⵔⵉⴽⴰⵏ, ⵖ ⵎⴽⵍⵍⵉ ⴰⵢⴷ ⵉⵏⵏⴰ, ⴰⴽⵡⴰⵙ, ⵓⴱⵔⵙⵉⵔⴰ ⴰⴳⵍⴷⴰⵏ ⴳ ⵢⴰⵏ ⵓⵙⵉⵡⴹ.

ⴳ ⵓⵎⵙⵏⴰⵍⴰ ⵏ ⵜⵜⵉⵍⵉⴼⵓⵏ ⴰⴷ, ⵏⵏⴰⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵉⵙ ⵎⵎⵔⵏ ⵅⴼ ⵜⵢⴰⴼⵓⵜⵉⵏ ⵍⵍⵉ ⵍⴽⵎⵏ ⴷⴼⴼⵉⵔ ⵏ ⵜⴱⵔⴰⵜⵜⵉⵏ ⵍⵍⵉ ⵎⵢⴰⵣⴰⵏⵏ ⴳ ⵉⴱⵔⵉⵔ, ⴰⵢⴷ ⵉⵔⵏⴰ ⵉⵏⵏⴰ ⵓⵙⵉⵡⴹ.

ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵏⴰⵎⵎⵔ ⴰⵏⵙⵙⵉⵅⴼ ⵓⴱⴰⵎⴰ ⵅⴼ ⵜⵡⵓⵔⵉ ⵏⵏⵙ ⵜⴰⵏⵉⵎⴰⵏⵜ ⴷ ⵜⵉⵏ ⵜⴰⵎⵙⵙⴰⴳⵓⵔⵜ ⵏⵏⵙ, ⵖⵉⴽⴰⴷ ⴰⵙ ⵉⵎⵍ ⵎⴰⵙⵙ ⵓⴱⴰⵎⴰ ⴰⵜⵉⴳ ⵉⴼⴽⴰ ⵉ ⵉⵣⴷⴰⵢⵏ ⵉⵏⵏⴰⵏ ⵏⴳⵔ ⴰⵙ ⴷ ⵍⵎⵖⵔⵉⴱ, ⴰⵢⴷ ⵉⵏⵏⴰ ⵓⵙⵉⵡⴹ.

ⴰⵏⵙⵙⵉⵅⴼ ⵓⴱⴰⵎⴰ ⵉⵙⴰⵡⵍ ⵙ ⵓⴼⵓⵍⴽⵉ ⵅⴼ ⵜⵣⵣⵉⴳⵣⵉⵏ ⵜⵉⵏⴰⵎⴽⴰⵏⵉⵏ ⴷ ⵉⵙⴳⴷⴰⵍ ⵍⵍⵉ ⵎⵉ ⵉⵣⵡⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵖ ⴰⴽⴽⵯ ⵉⴱⴰⵔⴰⵣⵏ ⵍⵍⵉ ⵉⵔⵓⵔⴰⵏ ⵍⵎⵖⵔⵉⴱ ⴰⴷ ⵉⴳ ⴰⵎⴷⵢⴰ ⴳ ⵜⴰⵎⵏⴰⴹⵜ.

ⴼⴽⴰⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵢⴰⵜ ⵜⴰⵎⵙⴷⴷⵓⵔⵜ ⵉ ⵓⵎⵢⴰⵡⴰⵙ ⴳ ⵉⴳⵔ ⵏ ⵓⵎⵣⴰⵖ ⴷ ⵜⵏⴼⵔⵓⵜ ⴷ ⵓⵙⴱⴷⴷⵉ ⵏ ⵓⴱⵔⵙⵉⵡⴷ.

ⴳ ⵜⵙⴳⴰ ⵢⴰⴹⵏⵉⵏ, ⵉⴳⴰ ⵓⵏⵙⵙⵉⵅⴼ ⵓⴱⴰⵎⴰ ⵢⴰⵜ ⵜⵖⵓⵔⵉ ⵉ ⴱⴰⴱ ⵏ ⵡⴰⴷⴷⵓⵔ ⴰⴷ ⴰⵔⵙ ⵉⴷⴷⵓ ⵙ ⵎⴰⵔⵉⴽⴰⵏ ⴳ ⵓⵙⴳⴳⵯⴰⵙ ⵏ 2013. ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵓⵍⴰ ⵏⵜⵜⴰ ⵉⵖⵔⴰ ⵉ ⵓⵏⵙⵙⵉⵅⴼ ⴰⵎⴰⵔⵉⴽⴰⵏⵉ ⴰⴷ ⵉⵙⴽⵔ ⵢⴰⵏ ⵓⵔⵣⴰⴼ ⵙ ⵍⵎⵖⵔⵉⴱ.
 

Dernière modification : 13 ⵎⴰⵢⵢⵓ 2013
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B5%8D%E2%B4%BD%E2%B5%8E-%E2%B5%9C-%E2%B5%A2%E2%B4%B0%E2%B5%8F-%E2%B5%93%E2%B5%8D%E2%B4%B0%E2%B5%96%E2%B5%89-%E2%B5%8F-%E2%B5%9C%E2%B5%9C%E2%B5%89%E2%B5%8D%E2%B5%89%E2%B4%BC%E2%B5%93%E2%B5%8F-%E2%B5%8F-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%93%E2%B4%B1%E2%B4%B0%E2%B5%8E%E2%B4%B0#comment-0