ⴳ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴰⴷ, ⵉⵙⵇⵙⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵃⴼⴹ ⵕⵕⴱⵉ, ⴰⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵕⴼ ⵅⴼ ⵉⵙⵡⵓⴷⴷⵓⵏ ⵍⵍⵉ ⵔⴰⴷ ⵉⴹⴼⴰⵕ ⵎⵔⴰ ⴰⴷ ⵙⴽⵔⵏ ⵎⵏⵏⴰⵡ ⵏ ⵜⵎⵔⵙⵍⵉⵏ ⴷ ⵜⵉⵎⵙⵏⵜⵉⵏ ⵜⵉⴳⴷⵓⴷⴰⵏⵉⵏ ⵉⵙⵓⵖⵏⵏ ⵏⵙⵏⵏⵜ, ⴷ ⴰⴷ ⵔⴰⵔⵏⵜ ⵎⴰ ⴷ ⵙⵎⴰⵏⵏⵜ ⴳ ⵉⵕⵟⵟⴰⵍⵏ ⴷ ⵉⵎⴳⴳⵓⵔⴰⵏ, ⵍⵍⵓⵎⵏ ⵅⵜⵉⵏⵏ ⵍⵍⵉ ⵢⵙⵙⵏⵏ ⵜⵉⵎⵓⴽⵔⵉⵙⵉⵏ ⵜⵉⵣⵕⴼⴰⵏⵉⵏ.
ⴳ ⵓⵙⴰⵜⵉ ⴷⵖ, ⵉⵙⵓⵎⵔ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵕⴼ ⴰⴷ ⵉⴹⴼⵕ ⵢⴰⵏ ⵓⵖⴰⵡⴰⵙ ⵏ ⵜⵓⵡⵔⵉ ⵉⵔⴰⵏ ⴰⴷ ⵉⴱⵉⴷⴷ ⵅⴼ ⵢⴰⵏ ⵓⵏⴳⵔⴰⵡ ⵢⴰⴹⵏⵉⵏ ⵏ ⵜⵎⵔⵙⵍⵉⵏ ⴷ ⵜⵉⵎⵙⵙⵏⵉⵏ ⵜⵉⴳⴷⵓⴷⴰⵏⵉⵏ, ⵍⵍⵓⵎⵏ ⴳ ⵓⵍⵍⴰⵙ ⵏ ⵜⵏⴰⵢⵜ ⴳ ⵎⵏⵏⴰⵡ ⵏ ⵉⵥⵍⵉⵏ ⵍⵍⵉ ⵓⵔ ⵉⵣⴷⵉⵏ ⴷ ⵜⵏⴼⵓⵜ ⵜⵉⴷⵍⵙⴰⵏⵜ ⵏⵏⵙⵏⵜ, ⴷ ⴰⴷ ⵎⵏⵍⵍⵉⵏ ⵜⵉⵎⵇⵕⴰⴹⵏ ⵏⵏⵙⵏⵜ, ⴳ ⵓⵙⴰⵜⵉ ⵏ ⵜⵎⵖⵓⵏⵉⵏ ⵉⵖⴰⵡⴰⵙⵏ ⴷ ⵓⵡⴰⵏⴽ.
ⴳ ⵜⵙⴳⴰ ⵢⴰⴹⵏⵉⵏ, ⵉⵙⵇⵙⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵎⴰⵡⵙⴰⵙ ⵏ ⵜⴷⵎⵙⴰ ⴷ ⵏ ⵓⵥⵕⴼ ⵅⴼ ⴰⴱⵔⵉⴷ ⵏ ⵜⴼⵔⵉ ⵏ ⵉⵕⵟⵟⴰⵍⵏ ⵉⵎⴳⴳⵓⵔⵏ ⵉⵣⵍⵉⵏ ⵅⴼ ⵓⵔⴳⴰⵢ ⴳ ⵓⵙⵜⵉⴳ ⵉⵣⴰⵢⴷⵏ.
ⵉⵏⵏⴰ ⵡⵎⴰⵡⵙⴰⵙ ⵎⴰⵙ ⵜⵕⵥⵎ ⵢⴰⵜ ⵜⵎⵀⵍⴰ ⵏ ⵜⴼⵔⵉ ⵏ ⵜⵖⴰⵡⵍⴰ ⵏ ⵜⵉⵎⵇⵕⴰⴹⵏ ⵉⵙⵙⴱⵖⵔⵏ ⵉ ⵜⵎⵙⵙⵏⵉⵏ ⵏ ⵉⴳⵔ ⵓⵙⵍⵉⴳ ⴷ ⴰⴳⴷⵓⴷ, ⵙ ⵢⴰⵜ ⵜⴷⵔⴰⵡⵜ ⴷ ⵉⴳⵔ ⴰⴱⴰⵏⴽⵉ, ⴷ ⴰⴷ ⴱⴹⵓⵏ ⵉⵙⴰⵎⴳⵏ ⵏ ⵢⴰⵜ ⵜⵎⵀⵍⴰ ⵅⴼ ⵜⴰⵎⵙⴰⵙⵜⵍⵜ ⵏ ⵜⵏⴱⴰⴹⵜ ⴰⵎⵎⴰⵙ ⵏ ⵎⵔⴰⵡ ⵉⵙⴳⴳⵯⴰⵙⵏ ⴰⴷ ⵢⵓⵛⴽⴰⵏ.
ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵏⴹⵏ ⵢⴰⵜⵜⵓⵢⵏ ⵏⵏⵙ, ⵎⵔⴰ ⴰⴷ ⵉⴱⵉⴷⴷ ⵅⴼ ⵜⵉⵙⵓⵎⵔⵉⵏ ⴷ ⵉⵙⵡⵓⴷⴷⵓⵏ ⵍⵍⵉ ⵔⴰⴷ ⵢⴰⵊⵊ ⵉⴳⵔ ⴰⴳⴷⵓⴷⴰⵏ ⴰⴷ ⵉⵙⵜⵉⴳ ⵉⵥⴹⴰⵕⵏ ⵉⵎⵙⵙⴰⵔⵓⵏ ⵏⵏⵙ ⴷ ⴰⴷ ⵉⵏⴽⵔ ⵙ ⵜⵡⵓⵔⵉⵡⵉⵏ ⵜⵉⵙⵜⵔⴰⵜⵉⵊⵉⵢⵏ, ⴷ ⵉⴷⵔⵓ ⴳ ⵜⴷⵉⵏⴰⵎⵉⵜ ⵏ ⵜⴷⵎⵙⴰⵏⵜ ⵜⴰⵏⴰⵎⵓⵔⵜ.
ⴷⴼⴼⵉⵔ ⴰⴷ, ⵉⵙⵎⵏⵉⴷ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵏ ⵓⵥⵕⴼ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⴰⴼⵙⴰⵔ ⵅⴼ ⵉⵙⵡⴰⵍⵏ ⵉⵎⵜⴰⵢⵏ ⵏ ⵓⵙⵍⴳⴰⵏ ⵏ ⵓⵥⵕⴼ ⴳ ⵓⵙⴳⴳⵯⴰⵙ ⴰⴷ ⵢⵓⵛⴽⴰⵏ.
ⵉⴱⵉⴷⴷ ⵓⵙⵏⵜⵉ ⵢⴰⴷ ⵅⴼ ⴽⴽⵓⵥ ⵉⵙⵉⵣⵡⵔⵏ ⵉⵎⵇⵕⴰⵏⵏ:
1. ⴰⴷ ⵉⵜⵜⵢⴰⴽⴽⴰ ⵡⵙⵉⵣⵡⵔ ⵉ ⵜⵙⵔⵜⵉⵏ ⵉⵏⴰⵎⵓⵏⵏ, ⵙⵍⴰⵡⴰⵏ ⴰⴽⴽⵯ ⴳ ⵉⴳⵔⵏ ⵏ ⵓⵙⵍⵎⴷ ⴷ ⵜⴷⵓⵙⵉ ⴷ ⵓⵙⵡⵓⵔⵉ, ⴷ ⴰⴷ ⵉⵜⵜⵓⴼⵙⵓⵙ ⵡⵙⴷⴷⵉ ⵏ ⵓⵎⵙⴰⵡⴰⵍ ⴰⵏⴰⵎⵓⵏ.
2. ⴰⵏⵣⴰⵍ ⵏ ⵓⵙⵙⴰⵔⵓ ⵡⵙⵍⵉⴳ ⵙ ⵓⴹⴼⵕ ⵏ ⵜⵏⵜⵜⴰⵎⵜ ⵜⴰⵎⴰⵢⵏⵓⵜ ⵏ ⵓⵙⵙⴰⵔⵓ.
3. ⴰⴷ ⵔⵏⵓⵏ ⵍⵉⵚⵍⴰⵃⴰⵜ ⵜⵉⵎⵔⵙⴰⵍⵉⵏ ⴷ ⵜⵓⵚⴽⵉⵡⵉⵏ ⵉⵎⵇⵕⴰⵏⵏ, ⵙⵍⴰⵡⴰⵏ ⴰⴽⴽⵯ ⵜⴰⵎⵔⵏⵓⵜ ⵏ ⵍⵉⵚⵍⴰⵃ ⵏ ⵜⵣⵔⴼⵜ ⴷ ⴰⵙⵎⵀⵍ ⵏ ⵜⵏⵎⵏⴰⴹⵜ ⵜⴰⵎⵉⵔⵉⵡⵜ, ⴷ ⴰⵙⴼⵙⵙⵓⵙ ⵏ ⵍⵉⵚⵍⴰⵃ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⵜ.
4. ⴰⴷ ⵃⵟⵟⵓⵏ ⵉⵎⵖⴰⵙⵏ ⵎⴰⴽⵕⵓ-ⵉⴷⵎⵙⴰⵏⵏ ⵉⵇⵎⵕⴰⵏⵏ.
ⴷⴼⴼⵉⵔ ⵏ ⵖⵉⴽⴰⵏⵏ, ⵉⵙⵙⵖⵥⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⴰⵙⵏⵜⵉ ⵏ ⵓⵙⵍⴳⵏ ⵉⴳⴳⵔⵏ ⵉ ⵜⵎⵔⵙⵍⵜ ⵏ ⵜⵡⵓⵔⵉⵡⵉⵏ ⵜⵉⵏⴰⵎⵓⵏⵏ ⵉⵡⵡⵓⵔⵉⵏ ⴳ ⵜⵎⵀⵍⴰ ⵜⴰⵎⴰⵜⴰⵢⵜ ⴰⴷ.
ⵉⵔⴰ ⵡⵙⵏⵜⵉ ⵢⴰⴷ ⴰⴷ ⵉⵏⴽⵔ ⵙ ⵜⵏⴰⴼⵓⵜⵉⵏ ⵜⵉⵏⴰⵎⵓⵏⵏ ⵉⵜⵜⵓⴼⴽⴰⵏ ⵉ ⵡⵙⵎⵉⵍ ⴰⴷ, ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⵏ ⵓⵣⴷⴷⵓⵖ ⴷ ⵓⵖⴰⵎⵓⵙ ⴰⴷⵓⵙⵉ ⴰⵏⵙⵎⴰⴷ.
ⴳ ⵓⵙⴰⵜⵉ ⴷⵖ, ⵉⵙⵙⵖⵣⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⴰⵙⵏⵜⵉ ⵏ ⵓⵙⵍⴳⵏ ⵉⵎⵍⴰⵏ ⴰⵡⵜⴰⵢ ⵓⵍⴳⵉⵏ ⵉⵅⵚⵚⴰⵏ ⴰⴷ ⴳⵉⵜ ⴰⵎⵥⵏ ⵉⴳⵎⴰⵎⵏ ⵏ ⵜⴳⴳⴰⵍⵉⵏ ⵏ ⵜⵡⵉⵙⵉ ⵜⴰⵏⴰⴼⵜ ⵏⵏⵙⵏ.
ⴷ ⴳ ⵓⵙⴰⵜⵉ ⵏ ⵓⵙⵓⴼⵓ ⵏ ⵍⵎⵖⵔⵉⴱ ⵉ ⵢⵙⵓⵖⵏⵏ ⵏⵏⵙ ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏ, ⴷ ⵓⵙⴷⵓⵙ ⵏ ⵓⵏⵙⴰ ⴷ ⵏ ⵍⵎⵉⵙⴹⴰⵇⵢⵢⴰ ⵏ ⵍⵎⵖⵔⵉⴱ, ⵉⵙⵙⵖⵣⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⵚⴹⵉⵚ ⵏ ⵜⵉⵎⵢⴰⵇⵇⴰⵏⵉⵏ ⵜⵓⴳⵔⴰⵖⵍⴰⵏⵉⵏ, ⴰⵎⵎⴰⵙ ⵏ ⴳⵉⵜⵙⵏ ⵢⴰⵜ ⵜⴰⵎⵢⴰⵇⵇⴰⵏⵜ ⵜⴰⴳⵜⵉⵔⴰⵏⵜ, ⵎⴰ ⵢⴰⴷ ⵉⴳⴰⵏ ⵜⴰⵎⵢⴰⵇⵇⴰⵏⵜ ⵏ ⵜⵎⵓⵏⵜ ⵜⴰⴼⵔⵉⵇⵉⵜ ⵏ ⵓⵙⴱⵉⴷⴷ ⵏ ⵓⵙⴳⵓⴼⵙⵓ.