ⵉⵏⵏⴰ ⵓⵎⴰⵡⴰⵙ ⵏ ⵓⵎⵙⵇⴰⴷ ⵉⵙⵓⵍⵜ ⵏ ⵍⴽⵓⴷⴷⵉⴼⵡⴰⵕ ⴷⴰⵔ ⵜⵎⵜⵜⴰ ⵉⵎⵓⵏⵏ ⵖⴱⵓⵍⵉ ⴷⵉⵣⵉⵔⵉ ⵡⴰⵍⴼⵔⴰⵏ ⵉⴱⵓ ⴳ ⵓⴱⵔⴰⴳⵔⴰⵡ ⴰⵏⵎⵏⴰⴹ ⵏ ⵜⴰⵢⵎⵓⵏⵜ ⵜⵉⵙⵙ 24 ⵏ ⵜⵙⴳⴰ ⵏ ⵓⴳⴰⵔⵓ ⴰⵀⵉⵏⴷⵉ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ ⴱⴰⵍⵉ ⵏ ⴰⵏⴷⵓⵏⵉⵙⵢⴰ ( 24-26 ⵎⴰⵢ) , ⵎⴰⵙⴷ ⵜⴰⵎⴰⵣⵉⵔⵜ ⵏⵏⵙ ⵜⵔⴰ ⴰⴷ ⵜⵙⵎⴰⵢⵏⵓ ⴰⵙⵖⵥⵏ ⴷ ⵡⴰⵏⵏⴰⵍ ⵏⵏⵙ ⵉ ⵜⵙⵏⵜⴰⵢⵜ ⵏ ⵓⵙⵏⴱⴹ ⴰⵏⵉⵎⴰⵏ ⵏⵏⴰ ⵜⵙⵏⵉⵍ ⴰⵡⴷ ⵉⴼⴹ ⵏ ⵓⵡⴰⵏⴽ ⵏⵏⴰ ⴳⴰⵏⵉⵏⵉⴳⵎⴰⵎⵏ ⴳ ⵜⵎⵜⵜⴰ ⵉⵎⵓⵏⵏ, ⵙ ⵎⴰⴷ ⵉⵎⵙⴰⵙⴰⵏ ⴷ ⵓⵙⵍⴳⵏ ⴰⵎⴰⴹⵍⴰⵏ ⴷ ⵉⵡⵏⵏⵉⵜⵏ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⴷ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ .
ⵉⵏⵏⴰ ⵎⴰⵙⴷ ⵜⴰⵙⵏⵜⴰⵢⵜ ⵏ ⵓⵙⵏⴱⴹ ⴰⵏⵉⵎⴰⵏ ⵜⵜⵓⵙⵖⵥⴰⵏ ⴷ ⵜⴳⴰ ⵜⵉⵏ ⵜⵉⴷⵜ ⵙⴳ ⴽⵉⴳⴰⵏ ⵏ ⵜⴼⵔⴰⵙ ⴷ ⵉⵣⵔⴼⴰⵏ ⵏⵏⴰ ⵉⵍⵍⴰⵏ ⴷⴰⵔ ⵉⵎⵣⴷⴰⵖ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ, ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⴰⵙⵔⵜⴰⵏ ⴷ ⵓⴷⵎⵙⴰⵏ ⴷ ⵓⵏⴰⵎⵓⵏ ⵓⵍⴰ ⴰⴷⵍⵙⴰⵏ .
ⵉⵏⵏⴰ ⵓⴷⵉⴱⵍⵓⵎⴰⵙⵉ ⴰⵢⴼⵡⴰⵕⵉ ⵎⴰⵙⴷ ⵜⴰⵎⵏⵜⵉⵍⵜ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ ⵜⴳⴰ ⵢⴰⵜ ⵜⵖⴰⵡⵙⴰ ⵜⴰⵙⵔⵜⴰⵏⵜ ⴷⴷⵓ ⵓⵜⵓⵢ ⵏ ⵜⵎⵜⵜⴰ ⵉⵎⵓⵏⵏ, ⴰⴼⴰⴷ ⴰⴷ ⵉⵜⵜⵢⴰⴼⴰ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ, ⵉⴳⴰⵏ ⴰⵡⴷ ⴰⵙⵓⵍⴰⵏ , ⴰⵙⵏⵜⵍ ⴰⴷ ⵉⴱⵓⵖⵍⴰ ⴽⵉⴳⴰⵏ ⵙⴳ ⵓⵙⵏⵎⴰⵍⴰ ⵏ ⵙⵉⵏ ⵉⴳⵔⴰⵡⵏ ⴳ ⴷⵓⵊⴰⵏⴱⵉⵔ 2018 ⴷ ⵎⴰⵕⵚ 2019 ⴳ ⵙⵡⵉⵙⵔⴰ , ⵏⵏⴰⵖ ⵜⴷⵔⴰ ⵍⵎⵖⵔⵉⴱ, ⴷⴷⵣⴰⵢⵔ, ⵎⵓⵕⵉⵟⴰⵏⵢⴰ ⴷ '' ⵍⴱⵓⵍⵉⵣⴰⵕⵢⵓ ’’ .
ⵉⵏⵏⴰ ⵎⴰⵙⴷ ⵉⵇⵇⴰⵏ ⴰⴷ ⵜⵜⵓⵙⵏⵉⵍ ⵜⵖⴰⵡⵙⴰ ⴰⴷ ⴷ ⵓⵙⴽⴽⵉⵔ ⵏ ⵉⴳⵔⴰⵡⵏ ⵢⴰⴹⵏ ⴳ ⵉⴳⵔ ⴰⴷ ⴷ ⵉⵎⴷⵔⴰⵡⵏ ⵏⵉⵜ ⵙ ⵉⵅⴼⴰⵡⵏ ⵏⵏⵙⵏ, ⵎⴽⵍⵍⵉ ⴼⵍⵍⴰⵙ ⵉⵙⴰⵡⵍ ⵓⵡⵏⵏⵉ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ 2654 ⵏⵏⴰ ⵉⵜⵜⵓⴹⴼⵕⵏ ⴳ 27 ⴽⵜⵓⴱⵕ 2022 .