Published on MAPNews (https://www.mapnews.ma/am)

Accueil > ⴰⵙⵏⵎⵉⵍⵉ ⵏ ⵜⵙⵙⵓⵜⵍⵜ ⵜⵉⵙⵙ ⴽⵕⴰⴹⵜ ⵏ ⵓⵙⴼⵔⵙ ⵏ ⵜⵥⵓⵕⵉ ⵏ ⵜⵙⵓⴽⵜ ⴰⴳⵏⵙⵓ ⵙⴳ 02 ⴰⵔ 24 ⵢⵓⵏⵢⵓ ⴷ ⵢⵓⵛⴽⴰⵏ ⴳ ⵕⵕⴱⴰⵟ

ⴰⵙⵏⵎⵉⵍⵉ ⵏ ⵜⵙⵙⵓⵜⵍⵜ ⵜⵉⵙⵙ ⴽⵕⴰⴹⵜ ⵏ ⵓⵙⴼⵔⵙ ⵏ ⵜⵥⵓⵕⵉ ⵏ ⵜⵙⵓⴽⵜ ⴰⴳⵏⵙⵓ ⵙⴳ 02 ⴰⵔ 24 ⵢⵓⵏⵢⵓ ⴷ ⵢⵓⵛⴽⴰⵏ ⴳ ⵕⵕⴱⴰⵟ

24 ⵎⴰⵢⵢⵓ 2023 Version Imprimable
ⵕⵕⴱⴰⵟ - ⵔⴰⴷ ⵜⵙⵏⵎⵉⵍⵉ ⵜⵎⵔⵙⵍⵜ ⵏ ⵀⵉⴱⴰ ⵙ ⵜⴷⵔⴰⵡⵜ ⴷ ⵓⵙⵉⵔⴰ ⵏ ⴽⵉⴱⵉⴽ ⴳ ⵕⵕⴱⴰⵟ ⵜⴰⵙⵙⵓⵜⵍⵜ ⵜⵉⵙⵙ ⴽⵕⴰⴹⵜ ⵏ ⵓⵙⴼⵙⵔ ⵏ ⵜⵥⵓⵕⵉ ⵏ ⵜⵙⵓⴽⵜ ⴰⴳⵏⵙⵓ ⴳ ⵜⵉⵣⵉ ⵏⵏⴰ ⵉⵍⵍⴰⵏ ⴳⵔ 02 ⴰⵔ 24 ⵢⵓⵏⵢⵓ ⴷ ⵢⵓⵛⴽⴰⵏ ⴳ ⵕⵕⴱⴰⵟ .

ⵉⵏⵏⴰ ⵓⵙⵉⵡⴹ ⵏ ⵜⵎⵔⵙⵍⵜ ⵏ ⵀⵉⴱⴰ ⵎⴰⵙⴷⴷ ⴰⴼⵙⴰⵔ ⵏⵏⴰ ⵔⴰⴷ ⵉⵜⵜⵓⵙⵏⵎⴰⵍⴰ ⴳ ⵓⵙⵓⴽⴰⵔ ⵏ ⵀⵉⴱⴰ ⵍⴰⴱ ⵏⵏⴰ ⵉⴳⴰⵏ ⵢⴰⵜ ⵜⴰⵙⵏⴰ ⵏ ⵜⵉⵔⵎⵉⵜⵉⵏ ⵜⵉⵥⵓⵕⴰⵏⵉⵏ ⵏⵏⴰ ⵉⵡⴰⵍⴰⵏ ⵉ ⵜⵎⵔⵙⵍⵜ , ⵔⴰⴷ ⵉⵙⵎⵓⵏ ⵜⵜⴰⵎ ⵉⵏⵓⵥⴰⵕ ⵉⵎⵖⵔⵉⴱⵉⵏ ⵏ ⵜⵙⵓⴽⵜ ⵔⴰⴷ ⵜⵉⵍⵉ ⴰⵡⴷ ⵜⵥⵓⵕⵉ ⵏ ⵉⴽⵯⵍⴰⵏ ⵏⵏⴰ ⵉⵎⵙⴰⵙⴰⵏ .

ⵉⵙⵎⴷ ⵓⵙⵉⵡⴹ ⴰⴷ ⵏⵉⵜ ⵉⵏⵏⴰ ⵎⴰⵙⴷ ⴳ ⵓⵙⴳⴳⵯⴰⵙ ⵏ 2023 ⴳ ⴽⵉⴳⴰⵏ ⵏ ⵜⵙⴳⴳⵉⵡⵉⵏ ⵏ ⵓⵎⴰⴹⴰⵍ ⴰⵔ ⵜⵜⴰⵎⵥ ⵜⵥⵓⵕⵉ ⵏ ⵜⵙⵓⴽⵜ ⴽⵉⴳⴰⵏ ⵏ ⵉⵏⵙⴰⵜⵏ ⴷ ⵉⵙⴰⵍⴰⵢⵏ ⴷ ⵉⴼⵙⴰⵔⵏ ⵏ ⵜⵥⵓⵕⵉ, ⴷ ⵡⴰⵏⵙⴰ ⵏ ⵜⵙⴷⵍⵉⵙⵉⵏ ⴰⴼⴰⴷ ⴰⴷ ⵉⵙⴼⴰⵍⴽⵉ ⴰⵡⴷ ⵜⵉⵖⵍⵍⵓⵙⵉⵏ ⴷ ⵉⵙⵜⵛⵉⵜⵏ , ⵉⴳⵔ ⴰⴷ ⵉⵙⵙⵏ ⵢⴰⵜ ⵜⴷⵉⵏⴰⵎⵉⴽⵉⵜ ⵉⴷⵓⵙⵏ ⵏⵏⴰ ⵙⵓⵍ ⵉⵜⵜⴱⵓⵖⵍⵓⵏ ⴽⵉⴳⴰⵏ .

ⴳ ⵓⵙⵡⵉⵔ ⴰⵏⴰⵎⵓⵔ, ⵉⵣⴰⵢⴷ ⵓⵙⵉⵡⴷ ⵉⵏⵏⴰ ⵎⴰⵙⴷ ⵜⴰⵥⵓⵕⵉ ⵏ ⵜⵙⵓⴽⵜ ⵜⴱⵓⵖⵍⴰ ⴽⵉⴳⴰⵏ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵍⵍⴰⵏ ⵉⵏⵎⵓⴳⴳⴰⵔⵏ ⴷ ⵉⴳⴷⵓⴷⵏ ⴰⵔ ⵜⵜ ⴱⴰⵀⵔⴰ ⵜⵜⵉⵔⵉⵏ ⵉⵡⴷⴰⵏ ⵏ ⵡⴰⵎⵓⵏ , ⵎⴰ ⴰⵏⵏ ⴰⴷ ⵢⵉⵡⵙⵏ ⵍⵍⵉⵖ ⵜⵓⵣⵣⵔ ⵜⵥⵓⵕⵉ ⵏ ⵍⴳⵕⴰⴼⵉⵜⵉ ⴷ ⵉⵏⵓⵥⴰⵕ ⴰⴽⴽⵯ ⵏ ⵜⵙⵓⴽⵜ .

ⵉⵣⴰⵢⴷ ⵉⵏⵏⴰ , ⵎⴰⵙⴷ ⴳ ⵓⵙⴳⴳⵯⴰⵙ ⵏ 2021 ⵜⵖⵔⴰ ⵜⵎⵔⵙⵍⵜ ⵏ ⵀⵉⴱⴰ 40 ⵏ ⵓⵏⴰⵥⵓⵕ ⵏ ⵓⵎⵓⵙⵙⵓ ⵏ ⵜⵥⵓⵕⵉ ⵏ ⵜⵙⵓⴽⵜ ⴰⴼⴰⴷ ⴰⴷ ⵙⵏⵓⵖⵏ ⵅⴼ ⵉⴳⵉⴷⴰⵔ ⵏ ⵜⵎⵔⵙⵍⵜ ⵜⵎⵓⵔⵙ ⴽⵉⴳⴰⵏ ⵜⵙⵏⵜⴰⵢⵜ ⴰⴷ , ⴳ ⵜⵙⵓⵜⵍⵜ ⵏⵏⵙ ⵜⴰⵎⵣⵡⴰⵔⵓⵜ ⴷ ⵉⵏⵓⵥⴰⵕ ⴰⴽⴽ ⵏⴰ ⵔⴰⵏⵉⵏ ⴰⴷ ⵙⴽⵔⵏ ⴼⵙⵔⵏ ⵜⴰⵥⵓⵕⵉ ⵏⵏⴰ ⵜⵜⴳⴳⴰⵏ ⴳ ⵜⵙⵙⵓⵜⵍⵜ ⴰⴷ 

ⴳ ⵓⵙⴰⵜⵉ ⴰⴷ, ⵉⵏⵏⴰ ⵓⵙⵉⵡⴹ ⵎⴰⵙⴷⴷ ⴳ ⵓⵙⵡⵉⵔ ⵏ ⵡⴰⵏⵏⴰⵍ ⵏ ⵉⵏⵓⵥⴰⵕ ⴷ ⵓⵙⴷⵓⵙ ⵏ ⵜⵣⵎⵎⴰⵔ ⵏⵏⵙⵏ, ⵔⴰⴷ ⵜⵙⵏⵎⵉⵍⵉ ⵜⵎⵔⵙⵍⵜ ⵏ ⵀⵉⴱⴰ ⵜⴰⵙⵙⵓⵜⵍⵜ ⵜⵉⵙⵙ ⴽⵕⴰⴹⵜ ⵏ ⵓⴼⵙⴰⵔ ⴰⴷ, ⵏⵏⴰ ⵉⴳⴰⵏ ⵢⴰⵜ ⵜⵎⵍⴷⴰ ⵉ ⵓⵏⵓⵥⴰⵕ ⴰⴼⴰⴷ ⴰⴷ ⵙⵏⵓⵖⵏ ⵅⴼ ⵉⴳⵉⴷⴰⵔ ⴷ ⵉⵏⵓⵥⴰⵕ ⴰⴽⴽ ⵏ ⵓⵙⵓⴽ ⴰⴼⴰⴷ ⴰⴷ ⴽⵛⵎⵏ ⴰⴷⴼⵏ ⵙ ⵓⴳⴰⴷⴰⵣ ⵏ ⵜⵥⵓⵕⵉ ⵔⴰⴷ ⵉⵙⵙⴷⵓⵙ ⵓⵙⵏⴼⴰⵔ ⴰⴷ ⵜⵉⵡⵡⵓⵔⵉⵡⵉⵏ ⵏⵏⵙⵏ ⵏ ⵉⵎⴰⵍ .

 

 

Dernière modification : 24 ⵎⴰⵢⵢⵓ 2023
Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%8F%E2%B5%8E%E2%B5%89%E2%B5%8D%E2%B5%89-%E2%B5%8F-%E2%B5%9C%E2%B5%99%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-%E2%B4%BD%E2%B5%95%E2%B4%B0%E2%B4%B9%E2%B5%9C-%E2%B5%8F-%E2%B5%93%E2%B5%99%E2%B4%BC%E2%B5%94%E2%B5%99-%E2%B5%8F-%E2%B5%9C%E2%B5%A5%E2%B5%93%E2%B5%95%E2%B5%89-%E2%B5%8F-%E2%B5%9C%E2%B5%99%E2%B5%93%E2%B4%BD%E2%B5%9C-%E2%B4%B0%E2%B4%B3%E2%B5%8F%E2%B5%99%E2%B5%93-%E2%B5%99%E2%B4%B3-02-%E2%B4%B0%E2%B5%94-24-%E2%B5%A2%E2%B5%93%E2%B5%8F%E2%B5%A2%E2%B5%93-%E2%B4%B7