Published on MAPNews (https://www.mapnews.ma/am)

Accueil > ⵜⴰⵏⵣⵔⵓⴼⵜ: ⵜⵉⵎⵜⵜⴰ ⵉⵎⵓⵏⵏ ⵜⵙⵎⴰⵢⵏⵓ ⴰⵏⵏⴰⵍ ⵏⵏⵙ ⵉ ⵓⵏⵎⴰⵍⵍⵓ ⵏ ⵓⵙⵏⴱⴹ ⴰⵏⵉⵎⴰⵏ ⵍⵍⵉⵖ ⵉⴳⴰ ⵡⵉⵏ ⵜⵉⴷⵜ ⴷ ⵉⵜⵜⵓⵙⵖⵥⴰⵏ

ⵜⴰⵏⵣⵔⵓⴼⵜ: ⵜⵉⵎⵜⵜⴰ ⵉⵎⵓⵏⵏ ⵜⵙⵎⴰⵢⵏⵓ ⴰⵏⵏⴰⵍ ⵏⵏⵙ ⵉ ⵓⵏⵎⴰⵍⵍⵓ ⵏ ⵓⵙⵏⴱⴹ ⴰⵏⵉⵎⴰⵏ ⵍⵍⵉⵖ ⵉⴳⴰ ⵡⵉⵏ ⵜⵉⴷⵜ ⴷ ⵉⵜⵜⵓⵙⵖⵥⴰⵏ

16 ⵎⴰⵢⵢⵓ 2023 Version Imprimable
ⵡⴰⵛⵉⵏⵟⵓⵏ - ⵜⵙⵎⴰⵢⵏⵓ ⵜⵎⵜⵜⴰ ⵉⵎⵓⵏⵏ ⴰⵙⵙ ⵏ ⵓⵢⵏⴰⵙ ⴰⵏⵏⴰⵍ ⵏⵏⵙ ⵉ ⵓⵏⵎⴰⵍⵍⵓ ⵏ ⵓⵙⵏⴱⴹ ⴰⵏⵉⵎⴰⵏ ⵏⵏⴰ ⵉⴳⴰⵏ ⵡⵉⵏ ⵜⵉⴷⵜ ⴷ ⵉⵜⵜⵓⵙⵖⵥⴰⵏ ⴰⴼⴰⴷ ⴰⴷ ⵉⵜⵜⵢⴰⴼⴰ ⵢⴰⵏ ⵓⴼⵙⵙⴰⵢ ⵏ ⵓⵏⵅⵉⴱⴱⵍ ⵅⴼ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ.

ⵉⵏⵏⴰ ⵓⵎⵙⵉⵡⵍ ⵙ ⵉⵙⵎ ⵏ ⵜⵎⴰⵡⴰⵙⵜ ⵏ ⴱⵕⵕⴰ ⵏ ⵎⵉⵔⵉⴽⴰⵏ ⴼⵉⴷⴰⵏⵜ ⴱⴰⵜⵉⵍ ⴳ ⵓⵏⵎⵓⵇⵇⴰⵔ ⵏⵏⵙ ⴰⵏⴰⵖⵎⴰⵙ ⵎⴰⵙ ⵉⴳⴰ ⵓⵙⵏⴱⴹ ⴰⵏⵉⵎⴰⵏ ⵏ ⵜⵏⵣⵔⵓⴼⵜ ⵡⴰⵍⵍⵉ ⵉⴳⴰⵏ ⵡⵉⵏ ⵜⵉⴷⵜ ⵉⴳ ⵡⵉⵏ ⵓⵙⵎⵙⴰⵙⴰ ⴷ ⵓⴼⵙⵙⴰⵢ.

ⵉⵙⵎⴷ ⵉⵏⵏⴰ ⵎⴰⵙⴷ ⴰⵡⵏⵏⵉ ⵏ ⵜⵎⵜⵜⴰ ⵉⵎⵓⵏⵏ ⵓⵔ ⴰⵔ ⵉⵜⵜⵏⴼⴰⵍ, ⵉⵔⴰⵔ ⴰⵡⴷ ⵅⴼ ⵓⵙⵇⵇⵙⵉ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⴳⵔ ⵓⵎⴰⵡⵙⴰⵙ ⵏ ⴱⵕⵕⴰ ⴰⵎⵉⵔⵉⴽⴰⵏⵉ ⴷ ⵡⵉⵏ ⵍⵎⵖⵔⵉⴱ ⵎⴰⵙⵙ ⵏⴰⵚⵕ ⴱⵓⵕⵉⵟⴰ.

ⵉⵜⵜⵓⵙⴽⵯⵜⵉ ⴳ ⵎⴰⵕⵚ ⵉⵣⵔⵉⵏ ⵅⴼ ⵓⵡⵏⵏⵉ ⵏ ⵜⵎⵜⵜⴰ ⵉⵎⵓⵏⵏ ⵙⴳ ⴷⴰⵔ ⵓⵏⵙⵙⵉⵅⴼ ⴰⴷⵉⴱⵍⵓⵎⴰⵙⵉ ⴰⵎⵉⵔⵉⴽⴰⵏⵉ ⵏⵏⴰ ⵉⵙⵎⴰⵢⵏⵓⵏ ⴰⵏⵏⴰⵍ ⵏ ⵓⵙⵏⴱⴹ ⴰⵏⵉⵎⴰⵏ ⴰⴼⴰⴷ ⴰⴷ ⵉⵜⵜⵢⴰⴼⴰ ⵢⴰⵏ ⵓⴼⵙⵙⴰⵢ ⵉⵎⵙⴰⵙⴰⵏ ⵏ ⵓⵏⵅⵉⴱⴱⵍ ⵏⵏⴰ ⵉⵍⵍⴰⵏ ⵅⴼ ⵜⵏⵣⵔⵓⴼⵜ ⴷⴷⵓ ⵜⵏⴰⵍⵉⵜ ⵏ ⵜⵎⵜⵜⴰ ⵉⵎⵓⵏⵏ.

ⴳ ⵉⴳⴳⵉⵡⵙⵏ ⵏⵏⴰ ⵉⵜⵜⵓⴳⴰⵏ ⴳ ⵡⴰⵛⵉⵏⵟⵓⵏ ⵉⵏⵏⴰ ⵎⴰⵙⵙ ⴱⵍⵉⵏⴽⵏ ⵎⴰⵙⴷ ⵜⵉⵎⵜⵜⴰ ⵉⵎⵓⵏⵏ ⵜⵎⵢⴰⵎⴰⵥ ⴷ ⵡⴰⵏⵏⴰⵍ ⵏⵏⵙ ⵉ ⵓⵙⵏⴱⴹ ⴰⵏⵉⵎⴰⵏ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ.

ⴳ ⵓⵎⵔⴰⵔⴰ ⵏ ⵡⴰⵡⴰⵍ ⵙ ⵓⵜⵜⵉⵍⵉⴼⵓⵏ ⵏⵏⴰ ⵉⵜⵜⵓⵙⴽⴰⵔⵏ ⴳⵔ ⵎⴰⵙⵙ ⴱⵓⵕⵉⵟⴰ , ⵉⵏⵏⴰ ⵓⵏⵙⵙⵉⵅⴼ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵎⵉⵔⵉⴽⴰⵏⵉⵜ ⵎⴰⵙ ⵉⵙⵏⵉⵍ ⴷ ⵉⵙⵎⴰⵢⵏⵓ ⴰⵏⵏⴰⵍ ⵏ ⵓⵙⵏⴱⴹ ⴰⵏⵉⵎⴰⵏ ⵉ ⵓⵎⴰⵣⴰⵏ ⵏ ⵓⵏⴼⵍⵓⵙ ⵏ ⵜⵎⵜⵜⴰ ⵉⵎⵓⵏⵏ ⵎⴰⵙⵙ ⵙⵜⴰⴼⴰⵏ ⴷⵉ ⵎⵉⵙⵜⵓⵔⴰ.

ⵙⴳ ⵓⵡⵏⵏⵉ ⵏ ⵓⵎⵙⵜⴳⴳⴰⵔ ⵉⴷⵓⵙⵏ ⵏ ⵜⵏⴱⴰⴹⵜ ⵏ ⵎⵉⵔⵉⴽⴰⵏ ⵙⴳ ⵜⵎⵔⵙⴰⵍ ⵏⵏⵙ ⴰⴽⴽⵯ, ⵉⵏⵏⴰ ⵓⵡⴰⵏⴽ ⵏ ⴱⴰⵢⴹⵏ ⵎⴰⵙ ⵉⵙⵏⵉⵍ ⵜⴰⵙⵏⵜⴰⵢⵜ ⵏ ⵓⵙⵏⴱⴹ ⴰⵏⵉⵎⴰⵏ ⵏ ⵍⵎⵖⵔⵉⴱ ⵏⵏⴰ ⵜⴼⴽⴰ ⵜⴳⵍⴷⵉⵜ ⴳ ⵓⵙⴳⴳⴰⵙ ⵏ 2007 ⴰⴼⴰⴷ ⴰⴷ ⵉⵜⵜⵢⴰⴼⴰⵢ ⵓⴼⵙⵙⴰⵢ ⵉⵎⵙⴰⵙⴰⵏ ⵅⴼ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵢⵢⵜ.

ⴰⵡⵏⵏⵉ ⴰⴷ ⵉⵎⵙⴰⵙⴰⵏ ⵏ ⵜⵎⵜⵜⴰ ⵉⵎⵓⵏⵏ, ⴱⵍⴰ ⴰⵡⵏⵏⵉ ⵏ ⵜⵎⵙⵙⵓⴳⵓⵔⵜ ⵏ ⵜⴰⴷⴷⴰⵔⵜ ⵜⵓⵎⵍⵉⵍⵜ ⵜⴳ ⵜⴰⴷⵉⵎⵓⵇⵔⴰⵜⵉⵜ ⵏⵖⴷ ⵜⴰⴳⴷⵓⴷⴰⵏⵜ ⴷ ⵓⵙⵖⵥⵏ ⴰⵎⵣⵔⵓⵢⴰⵏ ⵏ 2020 ⵙⴳ ⴷⴰⵔ ⵜⴷⵓⵙⵉ ⴰⴷ ⵜⴰⵎⴰⴹⵍⴰⵏⵜ ⴷ ⵓⴳⵎⴰⵎ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵏⵏⴰ ⵉⵡⴰⵍⴰⵏ ⵉ ⵜⵎⵜⵜⴰ ⵉⵎⵓⵏⵏ ⵙ ⵜⵏⵙⵙⵉⵅⴼⵜ ⵏ ⵍⵎⵖⵔⵉⴱ ⵅⴼ ⵡⴰⴽⴰⵍ ⵏⵏⵙ ⴰⴽⴽⵯ ⵙⴳ ⴳⵉⵙⵏ ⵜⵉⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵍⵎⵖⵔⵉⴱ. 

Dernière modification : 16 ⵎⴰⵢⵢⵓ 2023
Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B5%9C%E2%B4%B0%E2%B5%8F%E2%B5%A3%E2%B5%94%E2%B5%93%E2%B4%BC%E2%B5%9C-%E2%B5%9C%E2%B5%89%E2%B5%8E%E2%B5%9C%E2%B5%9C%E2%B4%B0-%E2%B5%89%E2%B5%8E%E2%B5%93%E2%B5%8F%E2%B5%8F-%E2%B5%9C%E2%B5%99%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B4%B0%E2%B5%8F%E2%B5%8F%E2%B4%B0%E2%B5%8D-%E2%B5%8F%E2%B5%8F%E2%B5%99-%E2%B5%89-%E2%B5%93%E2%B5%8F%E2%B5%8E%E2%B4%B0%E2%B5%8D%E2%B5%8D%E2%B5%93-%E2%B5%8F-%E2%B5%93%E2%B5%99%E2%B5%8F%E2%B4%B1%E2%B4%B9-%E2%B4%B0%E2%B5%8F%E2%B5%89%E2%B5%8E%E2%B4%B0%E2%B5%8F-%E2%B5%8D%E2%B5%8D%E2%B5%89%E2%B5%96-%E2%B5%89%E2%B4%B3%E2%B4%B0-%E2%B5%A1%E2%B5%89%E2%B5%8F-%E2%B5%9C%E2%B5%89%E2%B4%B7%E2%B5%9C