ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵚⵕⴱⵢⴰ ⴼⵍⴰⴷⵉⵎⵉⵔ ⵓⵔⵍⵉⴽ ⴳ ⵉⵙⵏⵓⴱⴱⵓⵛⵏ ⵏⵏⴰ ⵜ ⵉⵙⵎⵓⵏⵏ ⴰⴽⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⴰⵔⴰⵏ, ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵢⵜ ⵏ ⵜⴰⵎⵓⵏⵜ ⵏ ⵡⴰⵎⵎⴰⵙ, ⵔⴰⵛⵉⴷ ⵟⵟⴰⵍⴱⵉ ⵍⵄⴰⵍⴰⵎⵉ, ⵅⴼ ⵡⴰⵏⵏⴰⵍ ⵏ ⵚⵉⵕⴱⵢⴰ ⴰⵙⵓⵍⴰⵏ ⵏ ⵜⵉⵏⴷⵉ ⵏ ⴰⵡⵇⵇⵔ ⵏ ⵜⵏⵙⵙⵉⵅⴼ ⵏ ⵡⴰⴽⴰⵍ ⵏ ⵜⵎⵉⵣⴰⵔ.
ⵉⵙⵙⵜⵉⴳ ⵎⴰⵙⵙ ⵓⵔⵍⵉⴽ ⴳ ⵓⵏⵎⵓⵇⵇⴰⵔ ⴰⴷ ⵏⵏⴰ ⴳ ⵉⵍⵍⴰ ⵓⵎⵙⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵜⵓⵔⴽⵉⵢⴰ, ⵎⴰⵙⵙ ⵎⵓⵃⵎⵎⴰⴷ ⵄⴰⵍⵉ ⵍⵣⵔⴰⵇ, ⵜⵉⵣⴷⴰⵢⵉⵏ ⵊⴰⵔ ⵜⵎⵉⵣⴰⵔ ⵏⵏⴰ ⵉⴳⴰⵏ ⵓⴳⴳⴰⵔ ⵏ 65 ⵏ ⵓⵙⴳⴳⵯⴰⵙ, ⵙⵍⴰⵡⴰⵏ ⴰⴽⴽⵯ ⵊⴰⵔ ⵜⵎⵔⵙⴰⵍ, ⵉⵙⴷⴷⵉⴷ ⵅⴼ ⵓⵙⵡⵉⵔ ⵏ ⵓⵎⵢⴰⵡⴰⵙ ⵊⴰⵔ ⵜⵎⵉⵣⴰⵔ ⴳ ⵜⵓⴳⵜⵜ ⵏ ⵉⴳⵔⴰⵏ.
ⵉⵙⴰⵡⵍ ⴰⵡⴷ ⵅⴼ ⵜⵉⵎⴰⵎⴽⵉⵏ ⵏ ⵓⵙⴱⵓⵖⵍⵓ ⵏ ⵓⵎⵢⴰⵡⴰⵙ ⴰⴷ, ⵙⵍⴰⵡⴰⵏ ⴰⴽⴽⵯ ⴳ ⵢⵉⴳⵔ ⵏ ⵜⵙⴰⵔⵡⴰ, ⴰⵡⴷ ⴰⵙⴱⵓⵖⵍⵓ ⵏⵏⴰ ⵢⵉⵡⴹ ⵍⵎⵖⵔⵉⴱ ⴳ ⵜⵓⴳⵜⵜ ⵏ ⵉⴳⵔⴰⵏ.
ⵉⵙⴷⴷⵉⴷ ⵓⵏⵙⵙⵉⵅⴼ ⴰⵚⵉⵕⴱⵉ ⵏ ⵜⵉⵏⴷⵉ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ, ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ, ⴳ ⵙⵉⵏ ⵉⵙⵡⵉⵔⵏ ⵏ ⵜⵎⵉⵣⴰⵔ.
ⴳ ⵜⵙⴳⴰ ⵏⵏⵉⴹⵏ, ⵉⵙⴷⴷⵉⴷ ⵎⴰⵙⵙ ⵟⵟⴰⵍⴱⵉ ⵍⵄⴰⵍⴰⵎⵉ ⵅⴼ ⵡⴰⵎⵎⴰⵥ ⵏ ⵍⵎⵖⵔⵉⴱ ⴰⵙⵓⵍⴰⵏ ⵙ ⵜⵉⵏⴷⵉ ⵏ ⵜⵏⵙⵙⵉⵅⴼⵜ ⴷ ⵜⴰⵎⵓⵏⵜ ⵏ ⵡⴰⴽⴰⵍ ⵏ ⵜⵎⵉⵣⴰⵔ, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵣⴷⵉⵏ ⵙ ⵜⵎⵏⵜⵉⵍⵜ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵢⵜ.
ⴹⴰⵕⵜ ⵏ ⵎⴰⴷ ⵉⵜⵜⵣⵎⴻⵎ ⵓⵎⵙⴰⵙⴰ ⵏⵏⴰ ⵉⴱⴷⴷⵏ ⵅⴼ ⵜⴰⵏⵏⴰⵢⵉⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵢⵜ ⴷ ⵜⴳⴷⵓⴷⴰⵏⵜ ⵏ ⵚⵉⵕⴱⵢⴰ ⴳ ⵜⵓⴳⵜⵜ ⵏ ⵜⵎⵏⵜⴰⵍ ⵜⵉⵏⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ, ⵉⵙⵙⵏⴽⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⴰⵔⴰⵏ ⵉⵙⵏⴼⴰⵍⵏ ⵉⵎⵇⵔⴰⵏⵏ ⵏⵏⴰ ⵜⵙⵙⵏ ⵜⴳⵍⴷⵉⵜ ⴷⴰⵡ ⵏ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⵏⵏⴰ ⵉⴳⴰⵏ ⵍⵎⵖⵔⵉⴱ ⵙⴳ ⵜⵎⵉⵣⴰⵔ ⵏ ⵜⴼⵔⵉⵇⵇⵜ ⵏⵏⴰ ⴳ ⵉⵍⵍⴰ ⵓⴼⵔⴰ ⴰⵙⵔⵜⴰⵏ ⴷ ⵓⵏⴰⵎⵓⵏ ⴷ ⵓⴷⵎⵙⴰⵏ.
ⵎⴽ ⵍⵍⵉ ⵙ ⵉⵙⴷⴷⵉⴷ ⴰⵡⴷ ⵅⴼ ⵜⵉⵏⴷⵉ ⵏ ⵜⵡⵓⵔⵉ ⵉⵛⵛⴰⵔⵏ ⴷ ⵡⴰⵏⵏⴰⵍ ⴳ ⵉⵏⵎⵓⵇⵇⴰⵔⵏ ⵉⴱⵕⵕⴰⵏⵉⵢⵏ ⵉⴳⵔⴰⵖⵍⴰⵏⵏ, ⴰⵡⴷ ⵜⵉⵎⴰⵎⴽⵉⵏ ⵏ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⵊⴰⵔ ⵓⵙⵇⵇⵉⵎ ⵏ ⵉⵎⴰⵔⴰⵏ ⴰⵎⵖⵔⵉⴱⵉ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵚⵉⵕⴱⵢⴰ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵢⵜ ⵏ ⵜⵎⴰⴳⵔⴰⵡⵜ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⵏ ⵜⵎⵉⵣⴰⵔ ⵏ ⵢⵉⵍ ⴰⴱⵔⴽⴰⵏ.
ⵙ ⵜⵎⵍⴷⴰ ⴰⴷ, ⵢⵓⵣⵏ ⵎⴰⵙⵙ ⵟⵟⴰⵍⴱⵉ ⵍⵄⴰⵍⴰⵎⵉ ⵜⴰⵖⵓⵔⵉ ⵉ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵚⵉⵕⴱⵢⴰ ⵃⵎⴰ ⴰⴷ ⵉⴷⵔⵓ ⴳ ⵡⴰⴼⴰ ⴰⴱⵕⵍⴰⵎⴰⵏⵉ ⵅⴼ ⵓⵎⵙⴰⵡⴰⵍ ⵊⴰⵔ ⵉⵙⵖⴰⵏⵏ, ⵏⵏⴰ ⵔⴰⴷ ⵉⵜⵜⵓⵙⵏⵎⴰⵍⴰ ⴳ ⵡⴰⵎⵓⵔ ⵏ ⵡⴰⴽⵓⵛ ⴳ ⵢⵓⵏⵢⵓ ⴷ ⵉⴷⴷⴰⵏ.
ⵙⵙⵏⵜⵉⵏⵜ ⵜⵡⵓⵔⵉⵡⵉⵏ ⵏ ⵡⴰⴼⴰ 61 ⴳⵯ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵢⵜ ⵏ ⵜⵎⴰⴳⵔⴰⵡⵜ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⵏ ⵜⵎⵉⵣⴰⵔ ⵏ ⵢⵉⵍ ⴰⴱⵔⴽⴰⵏ ⵉⴹⴳⴰⵎ ⴰⴽⵡⴰⵙ ⴳ ⴰⵏⵇⵕⴰ.
ⵔⴰⴷ ⵉⵙⴰⵡⵍ ⵡⴰⴼⴰ ⴰⴷ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ ⵙⵉⵏ ⵡⵓⵙⵙⴰⵏ (4 ⴷ 5 ⵎⴰⵢ) ⵉⵎⴰⵍ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵢⵜ ⵏ ⵜⵎⴰⴳⵔⴰⵡⵜ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⵏ ⵜⵎⵉⵣⴰⵔ ⵏ ⵢⵉⵍ ⴰⴱⵔⴽⴰⵏ, ⵏⵏⴰ ⵉⵙⴼⵓⴳⵍⴰⵏ ⴰⵙⴳⴳⵯⴰⵙ ⴰⴷ ⵙ ⵜⵎⵙⵙⴽⵯⵜⵉⵜ ⵜⵉⵙⵙ 30 , ⴷ ⵜⵡⵓⵔⵉ ⵏ ⵜⵎⵔⵙⴰⵍⵜ ⵜⵉⵏⴰⵎⵓⵔⵉⵏ ⴳ ⵓⵙⴷⵓⵙ ⵏ ⵓⴼⵔⴰ ⴷ ⵓⵙⵏⴼⵍ ⴰⴷⵎⵙⴰⵏ ⴷ ⵉⵙⵏⵜⴰⵍ ⴳⵯⴳⵯⵉⴹⵏ.