Published on MAPNews (https://www.mapnews.ma/am)

Accueil > ⵉⵙⴼⵓⴳⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵙ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵎⴷⵢⴰⵣⵜ

ⵉⵙⴼⵓⴳⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵙ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵎⴷⵢⴰⵣⵜ

22 ⵎⴰⵕⵚ 2023 Version Imprimable
ⵕⵕⴱⴰⵟ -  ⵉⵙⴼⵓⴳⵍⴰ ⵓⵙⵉⵏⴰⴳ ⴰⴳⵍⴷⴰⵏ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴳ ⵓⵙⵙⴰⵏ ⵣⵔⵉⵏ  ⴳ ⵕⵕⴱⴰⵟ ⵙ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵎⴷⵢⴰⵣⵜ, ⵏⵏⴰ ⵉⵎⵙⴰⵙⴰⵏ ⴷ ⵡⴰⵙⵙ ⵏ 21 ⵎⴰⵕⵚ ⵏ ⴽⵓ ⴰⵙⴳⴳⴰⵙ, ⵙ ⵜⴷⵔⴰⵡⵜ ⵏ ⴽⵉⴳⴰⵏ ⵏ ⵉⵎⴷⵢⴰⵣⵏ ⴷ ⵉⵎⵔⵣⵓⵜⵏ ⴳ ⵓⵙⵉⵏⴰⴳ .

ⴰⵡⵜⵜⴰⵙ ⵏ ⵉⵙⴼⵓⴳⵍⵓ ⵙ ⵡⴰⵙⵙ ⴰⴷ ⵉⴳⴰ ⵢⴰⵜ ⵜⵉⴽⴽⵉ ⵏ ⵡⴰⴷⴷⵓⵔ ⵙⴳ ⵓⵙⵎⵖⵕ ⵏ ⴽⵉⴳⴰⵏ ⵏ ⵉⵎⴷⵢⴰⵣⵏ ⴷ ⵜⵎⴷⵢⴰⵣⵉⵏ ⴷ ⵓⵙⵏⵎⴰⵍⴰ ⵏ ⵢⴰⵏ ⵢⵉⴷ ⵏ ⵜⵎⴷⵢⴰⵣⵜ ⵏⵏⴰⴳ ⵜⵜⵓⵖⵔⴰⵏⵜ ⴽⵉⴳⴰⵏ ⵏ ⵜⵎⴷⵢⴰⵣⵉⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ .

ⴳ ⵓⵙⴰⵜⵉ ⴷⴷⵅ,ⵉⵖⵔⴰ ⵎⴰⵙⵙ ⵕⴰⵛⵉⴷ ⵍⵖⵔⵏⴰⵟⵉ ⵙⵏⴰⵜ ⵜⵎⴷⵢⴰⵣⵉⵏ ⴷⴷⵓ ⵏ ⵓⵣⵡⵍ-ⴰⴽⵛⵛⵓⴷ ⵏ ⵜⵎⴰⴳⵉⵜ- ⴷ - ⵜⵉⵎⴷⵉⵏⵉⵏ ⵉⵎⵎⵓⵜⵏ - , ⵎⴽⵍⵍⵉ ⵜⵉⵡⵙ ⵎⴰⵙⵙⴰ ⵕⴰⵛⵉⴷⴰ ⵍⴳⵓⵊⵉⵍ ⵙ ⵜⵎⴷⵢⴰⵣⵜ ⵏ -ⴷⴷⵓⵏⵉⵜ- ⴷ - ⵜⵉⵎⵎⵓⵣⵖⴰ ⴷ ⵡⴰⵢⵢⵓⵔ - ⵎⴽⵍⵍⵉ ⵜⵉⵡⵙ ⵎⴰⵙⵙⴰ ⴼⴰⴹⵎⴰ ⴼⵉⵕⴰⵙ ⵙ ⴽⵕⴰⴹⵜ ⵏ ⵜⵎⴷⵢⴰⵣⵉⵏ - ⵉⵏⵏⴰ - , - ⵓⵔ ⴳⵉⵅ- , ⵓⴷⵎ ⵏⵏⵓⵏⵜ - .

ⵜⵉⴳⵉⵔⴰ ⵏ ⵜⴼⵓⴳⵍⴰ ⴷⴷⵅ, ⵜⵜⵓⵙⵎⵖⵕⵏ ⴳⵉⵙ ⴽⵉⴳⴰⵏ ⵏ ⵉⵎⴷⵢⴰⵣⵏ , ⴰⵎ , ⵃⵎⴰⴷ ⴱⵏⵉⵃⵢⴰ,ⴱⵏⵄⵉⵙⴰ ⴱⵍⵍⵎⵇⴷⴷⵎ,ⵉⵟⵟⵓ ⴱⵓⴷⵀⵉⵏ, ⵙⴰⵄⵉⴷ ⵃⴰⵊⵉⵊ, ⴱⵉⵀⵉ ⴱⴰⵙⵙⵓ, ⴷ ⵎⴰⵙⵙⴰ ⵉⵊⵊⴰ ⵓⵏⵛⵉⵕ .

ⵙ ⵜⵎⵍⴷⴰ ⴰⴷ, ⵉⵏⵏⴰ ⵓⵏⵎⵀⴰⵍ ⵏ ⵡⴰⵎⵎⴰⵙ ⵏ ⵜⵣⵔⴰⵡⵉⵏ ⵜⵉⵥⵓⵕⴰⵏⵉⵏ ⴷ ⵜⵙⴽⵍⴰ ⴷ ⵓⴼⴰⵔⵙ ⵏ ⵓⵙⵍⵍⵉⵥⵕ ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵎⴰⵙⵙ ⵃⵎⴰⴷ ⵍⵎⵓⵏⴰⴷⵉ, ⴳ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⴷ ⵜⴰⴳⴳⵓⵔⵜ ⵜⴰⵎⴰⵣⵉⵖⵜ ⵏⵏⴰ ⵉⵡⴰⵍⴰⵏ ⵉ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ,ⵎⴰⵙⴷⴷ ⴰⵙⵉⵏⴰⴳ ⴰⵔ ⵉⵙⴼⵓⴳⵍⵓ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵜⵎⴷⵢⴰⵣⵜ ⴰⴼⴰⴷ ⴰⴷ ⵉⵙⵙⵎⵖⵕ ⵙ ⴽⵉⴳⴰⵏ ⵏ ⵉⵎⴷⵢⴰⵣⵏ ⴷ ⵜⵎⴷⵢⴰⵣⵉⵏ ⵏⵏⴰ ⵉⴼⴽⴰⵏ ⴽⵉⴳⴰⵏ ⵉ ⵢⵉⴳⵔ ⵏ ⵜⵎⴷⵢⴰⵣⵜ ⵜⴰⵎⴰⵣⵉⵖⵜ, ⴷ ⵓⵙⴷⵓⵙ ⵏ ⵜⵣⵎⵎⴰⵔ ⵏ ⵉⵎⴷⵢⴰⵣⵏ ⴷ ⵜⵎⴷⵢⴰⵣⵉⵏ ⵜⵉⵖⵔⵔⵉⵎⵉⵏ ⵏⵏⴰ ⵉⵙⵜⴰⵡⵀⵎⵎⴰⵏ ⵙ ⵜⵎⴷⵢⴰⵣⵜ ⵜⴰⵎⴰⵣⵉⵖⵜ .

ⵉⵣⴰⵢⴷ ⵎⴰⵙⵙ ⵍⵎⵓⵏⴰⴷⵉ ⵎⴰⵙⴷⴷ ⵉⴳⵔ ⵏ ⵜⵎⴷⵢⴰⵣⵜ ⴰⵔ ⵉⵜⵜⴱⵓⵖⵍⵓ ⴳ ⵜⴳⵉⵔⴰ ⴰⴷ,ⴳ ⵓⵙⵎⵣⴰⵣⴰⵍ ⴷ ⵓⵣⵎⵣ ⵏⵏⴰ ⵉⵣⵔⵉⵏ , ⵉⵏⵏⴰ ⵎⴰⵙⴷⴷ ⴰⵙⵉⵏⴰⴳ ⴰⵔ ⵉⵙⴽⴰⵔ ⴽⵉⴳⴰⵏ ⵏ ⵜⵣⵎⵎⴰⵔ ⴰⴼⴰⴷ ⴰⴷ ⵉⵙⵙⴷⵓⵙ ⵜⵉⵏⴼⴽⵉⵜⵉⵏ ⴷ ⵜⵣⵎⵎⴰⵔ ⵏ ⵉⵎⴷⵢⴰⵣⵏ ⵉⵄⵔⵔⵉⵎⵏ ⴰⵡⴷ ⵜⴰⵎⴰⵡⵙⴰⵙⵜ ⵏ ⵜⴷⵍⵙⴰ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⴰⵔ ⵜⵙⵏⵎⴰⵍⴰ ⵜⴰⵎⵣⵉⵣⵣⵍⵜ ⵏ ⵓⵙⵏⴼⵍⵓⵍ ⵏ ⵜⵎⴷⵢⴰⵣⵜ ⵜⴰⵎⴰⵣⵉⵖⵜ .

ⵎⴽⵍⵍⵉ ⵙⵏⵉⵎⵎⵔⵏ ⵉⵎⵙⵎⵖⵔⵏ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵅⴼ ⵜⵣⵎⵎⴰⵔ ⵏⵏⵙ ⴷⵓⵙⵏⵉⵏ ⴷ ⵓⵙⵎⵖⵕ ⴰⴷ ⵏⵏⵙ ⴷ ⵎⴰⴷ ⴰⴽⴽⵯ ⵢⴰⴽⴽⴰ ⵏ ⵜⵏⴰⴼⵓⵜⵉⵏ ⵉ ⵜⵓⵜⵍⴰⵢⵜ ⴷ ⵜⴷⵍⵙⴰ ⵜⵉⵎⴰⵣⵉⵖⵉⵏ ⴷ ⵜⴷⵍⵙⴰ ⵜⴰⵎⵖⵔⵉⴱⵉⵜ ⵙ ⵓⵎⴰⵜⴰ .

Dernière modification : 22 ⵎⴰⵕⵚ 2023
Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%93%E2%B5%99%E2%B5%89%E2%B5%8F%E2%B4%B0%E2%B4%B3-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%8F-%E2%B5%9C%E2%B5%93%E2%B5%99%E2%B5%99%E2%B5%8F%E2%B4%B0-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B5%99-%E2%B5%A1%E2%B4%B0%E2%B5%99%E2%B5%99-%E2%B4%B0%E2%B4%B3%E2%B5%94%E2%B4%B0%E2%B5%96%E2%B5%8D%E2%B4%B0%E2%B5%8F-%E2%B5%8F-%E2%B5%9C%E2%B5%8E%E2%B4%B7%E2%B5%A2%E2%B4%B0%E2%B5%A3%E2%B5%9C