ⵉⵏⵏⴰ ⵓⵙⵉⵡⴹ ⵎⴰⵙⴷ ⴳ ⵓⵙⴰⵜⵉ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴳⵔ ⵜⵙⵎⵉⵔⵉⵜ ⵜⴰⵎⴰⵜⴰⵢⵜ ⵏ ⵍⵎⵖⵔⵉⴱ ⴷ ⵜⵉⵏ ⵙⵙⵓⴷⴰⵏ ⵎⴰⵙ ⵎⵙⴰⵙⴰⵏ ⵉⵎⵙⵜⴳⴳⴰⵔⵏ ⵏⵏⵙⵏⵜ ⵅⴼ ⵢⴰⵏ ⵡⴰⵀⵉⵍ ⵏ ⵓⵎⵢⴰⵡⴰⵙ ⵓⵏⴱⵉⴹ ⵙ ⵉⵎⵉⵔ ⵏ ⵓⵙⴳⴳⵯⴰⵙ ⵏ 2023 .
ⵉⵏⵏⴰ ⵓⵙⴰⴳⵯⵎ ⴰⴷ ⵏⵉⵜ ⵏⵏⴰ ⵉⴳⴰⵏ ⴰⵙⵉⵡⴹ ⵎⴰⵙⴷⴷ ⴰⵀⵉⵍ ⵏ ⵓⵎⵢⴰⵡⴰⵙ ⴰⴷ ⴳⵔ ⵙⵉⵏ ⵉⵎⵏⴰⴷⵏ ⵍⵎⵖⵔⵉⴱ ⴷ ⵙⵙⵓⴷⴰⵏ ⵉⵙⴽⴰ ⵅⴼ ⵜⵉⴽⴽⵉ ⵏ ⵉⵡⵜⵜⴰ ⵏ ⵜⵖⵡⵡⴰⵖⵜ ⴷ ⵓⵙⴳⴷⵣ ⴳ ⵉⵡⴷⴰⵏ ⴷ ⵓⵣⵡⴰⴳ ⵡⴰⵔ ⴰⵙⵍⴳⴰⵏ ⴷ ⵓⵙⵏⴼⵍ ⴳⵔ ⵙⵏⴰⵜ ⵜⵎⵉⵣⴰⵔ ⴰⴷ .
ⴳ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵉⵎⴰⵙⵙⵏ ⵏ ⵓⵙⵏⵖⵎⵙⵉⵏⵏⴰ ⵓⵎⴰⵡⴰⵙ ⴰⵎⴰⵜⴰⵢ ⵏ ⵙⵙⵓⴷⴰⵏ ⵎⴰⵙⴷ ⴰⵔⵣⴰⴼ ⵏ ⵎⴰⵙⵙ ⴷⴷⴰⴽⵉ ⵉ ⵍⵅⵓⵕⵟⵓⵎ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⴳⵔ ⵙⵏⴰⵜ ⵜⵎⵉⵣⴰⵔ ⴰⴷ ⵔⴰⴷ ⵉⵙⴷⴷⵉⴷ ⵜⴰⵎⵢⴰⵇⵇⴰⵏⵜ ⵏⵏⴰ ⵉⵜⵜⵓⵙⴳⵎⴹⵏ ⴳ ⵎⴰⴷ ⵉⵣⵔⵉⵏ .
ⴳ ⵜⵙⴳⴰ ⵏⵏⵙ, ⵉⵙⵙⵎⵖⵔ ⵎⴰⵙⵙ ⴷⴷⴰⴽⵉ ⵙ ⵜⵣⴷⴰⵢⵜ ⵏ ⵓⵎⵢⴰⵡⴰⵙ ⵏⵏⴰ ⵉⵍⵍⴰⵏ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵙⵙⵓⴷⴰⵏ ⵉⵣⴰⵢⴷ ⵉⵏⵏⴰ ⵎⴰⵙⴷ ⴰⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵔⴰⴷ ⵉⵙⴽⵓ ⴼ ⵓⵎⵢⴰⵡⴰⵙ ⴰⵙⵍⴳⴰⵏ ⴳⵔ ⵙⵏⴰⵜ ⵏ ⵜⵎⵉⵣⴰⵔ ⴰⴷ .