ⵢⴰⵙⵉⵏ ⴱⵓⵏⵓ : ⵉⴽⵛⵎ ⴳ ⵜⵍⴳⴰⵎⵜ ⵏ ⵉⵎⵙⵜⴰⵢⵏ ⵏⵏⴰ ⴳⴰⵏⵉⵏ ⵙⴰ ⵏ ⵜⵙⵎⵖⵓⵔⵜ ⵏ ⵓⵏⴹⴰⴼ ⵉⵖⵓⴷⴰⵏ ⵏ ⵓⵙⴳⴳⵯⴰⵙ ⵏ 2022 ( ⵍⴼⵉⴼⴰ )

23 ⴷⵓⵊⴰⵏⴱⵉⵔ 2022 Version Imprimable

ⵜⵉⴳⵎⵎⵉ ⵜⵓⵎⵍⵉⵍⵜ - ⵉⵍⵍⴰ ⵓⵎⵓⵔⴰⵔ ⴰⵎⴰⴹⵍⴰⵏ ⵢⴰⵙⵉⵏ ⴱⵓⵏⵓ ⴳ ⵜⵍⴳⴰⵎⵜ ⵏ ⵉⵎⵙⵜⴰⵢⵏ ⵏⵏⴰ ⴳⴰⵏⵉⵏ ⵙⴰ ⵏⵏⴰ ⵉⵙⴽⵔⵏ ⴰⵏⴰⵣⴰⵕ ⴼ ⵓⵏⴹⴰⴼ ⵉⵖⵓⴷⴰⵏ ⵏ ⵓⵙⴳⴳⵯⴰⵙ ⵏ 2022 ⵏⵏⴰ ⵜⴰⴽⴽⴰ ⵜⴰⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵜⵡⵊⵊⴰ ⵏ ⵓⴹⴰⵕ ( ⵍⴼⵉⴼⴰ ) .

ⵜⵏⵏⴰ ⵜⴰⵎⵓⵏⵜ ⵜⴰⵎⴰⴹⵍⴰⵏⵜ ⵎⴰⵙⴷ ⵢⴰⵙⵉⵏ ⴱⵓⵏⵓ ⵔⴰⴷ ⵉⵙⴽⵔ ⴰⵏⴰⵥⴰⵕ ⴼ ⵜⵙⵎⵖⵓⵔⵜ ⴰⴷ ⵎⵏⵉⴷ ⵏ ⴰⵍⵉⵙⵓⵏ ⴱⵉⴽⵉⵔ ( ⵍⴱⵕⴰⵥⵉⵍ) ⴷ ⵜⵉⴱⵓ ⴽⵓⵔⵜⵓ ( ⴱⵍⵊⵉⴽⴽⴰ) ⴷ ⴷⵓⵎⵉⵏⵉⴽ ⵍⵉⴼⴰⴽⵓⴼⵉⵜⵛ ( ⴽⵕⵡⴰⵜⵢⴰ) ⴷ ⵉⵎⵉⵍⵢⴰⵏⵓ ⵎⴰⵕⵜⵉⵏⵉⵣ ( ⵍⴰⵕⵊⵓⵏⵜⵉⵏ) ⴷ ⵎⴰⵢⴽ ⵎⴰⵢⵏⴰⵏ ( ⴼⵕⴰⵏⵚⴰ) ⴷ ⵎⴰⵏⵡⵉⵍ ⵏⵡⵉⵔ ( ⵍⴰⵍⵎⴰⵏ ) .

ⵔⴰⴷ ⵜⵉⵍⵉ ⵜⵢⴰⴼⵓⵜ ⵏ ⵓⵏⴰⵣⴰⵔ ⴰⴷ ⵏⵏⴰ ⵢⵉⵡⵉ ⵓⵙⵉⵏⵉⴳⴰⵍⵉ ⵉⴷⵡⴰⵕⴷ ⵎⵉⵏⴷⵉ ⴰⵙⴳⴳⵯⴰⵙ ⵉⵣⵔⵉⵏ , ⴳ 27 ⴱⵕⴰⵢⵔ ⴷ ⵢⵓⵛⴽⴰⵏ .

ⵙⴳ ⴰⵢⵏⵏⴰ ⵙ ⵜⵏⵏⴰ ⵍⴼⵉⴼⴰ ⵔⴰⴷ ⵜⴼⴽ ⵜⴰⵙⵎⵖⵓⵔⵜ ⴰⴷ ⴳ ⵜⵉⵣⵉ ⵏⵏⴰ ⵉⵍⵍⴰⵏ ⴳⵔ 8 ⵖⵓⵛⵜ 2021 ⴰⵔ 18 ⴷⵓⵊⴰⵏⴱⵉⵔ ⵏ ⵓⵙⴳⴳⵯⴰⵙ ⵏ 2022 .

ⵉⵙⴽⵔ ⴱⵓⵏⵓ ⵏⵏⴰ ⴷ ⴷⴰⵔ 31 ⵏ ⵓⵙⴳⴳⵯⴰⵙ ⵢⴰⵜ ⵜⵡⵓⵔⵉ ⵉⵖⵓⴷⴰⵏ ⴳ ⵜⵡⵡⵓⵔⵉⵡⵉⵏ ⴷ ⵉⴱⴰⵔⴰⵣⵏ ⵏ ⵜⵇⴱⴱⵓⵛⵜ ⵏ ⵓⵎⴰⴹⴰⵍ ⵏ ⵇⴰⵟⴰⵕ 2022 ⵎⴽⵍⵍⵉ ⵉⵙⵙⴳⵎⴷ ⴼ ⴽⵉⴳⴰⵏ ⵏ ⵜⵎⵢⴰⵇⵇⴰⵏⵉⵏ ⴳ ⵓⵙⴰⵜⵉ ⵏ ⵓⵏⴰⵥⴰⵔ ⴰⴷ .

ⵉⵙⴽⵔ ⵓⵏⴹⴰⴼ ⵏ ⵓⵙⵉⵔⴰ ⵏ ⵉⵛⴱⵉⵍⵢⴰ ⵏ ⵙⴱⴱⴰⵏⵢⴰ ⵢⴰⵜ ⵜⵉⵍⴰⵍⵜ ⵜⴰⵎⵇⵕⴰⵏⵜ ⴳ ⵓⵏⵎⵓⵇⵇⴰⵔ ⵏⵏⴰ ⵉⵙⵎⵓⵏⵏ ⵜⴰⵔⴰⴱⴱⵓⵜ ⵏ ⵍⵎⵖⵔⵉⴱ ⴷ ⵜⵉⵏ ⵙⴱⴱⴰⵏⵢⴰ,ⵍⵍⵉⵖ ⵢⵓⵎⵥ ⵙⵏⴰⵜ ⵏ ⵜⴽⵓⵔⵉⵏ ⵏ ⵃⵃⵉⵍⴰⵏⵜⵉⵢⴰⵜ ⵏ ⴽⴰⵕⵍⵓⵙ ⵙⵓⵍⵉⵕ ⴷ ⵙⵉⵔⵊⵢⵓ ⴱⵓⵙⴽⵉⵜⵛ .

Dernière modification : 23 ⴷⵓⵊⴰⵏⴱⵉⵔ 2022

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%A2%E2%B4%B0%E2%B5%99%E2%B5%89%E2%B5%8F-%E2%B4%B1%E2%B5%93%E2%B5%8F%E2%B5%93-%E2%B5%89%E2%B4%BD%E2%B5%9B%E2%B5%8E-%E2%B4%B3-%E2%B5%9C%E2%B5%8D%E2%B4%B3%E2%B4%B0%E2%B5%8E%E2%B5%9C-%E2%B5%8F-%E2%B5%89%E2%B5%8E%E2%B5%99%E2%B5%9C%E2%B4%B0%E2%B5%A2%E2%B5%8F-%E2%B5%8F%E2%B5%8F%E2%B4%B0-%E2%B4%B3%E2%B4%B0%E2%B5%8F%E2%B5%89%E2%B5%8F-%E2%B5%99%E2%B4%B0-%E2%B5%8F-%E2%B5%9C%E2%B5%99%E2%B5%8E%E2%B5%96%E2%B5%93%E2%B5%94%E2%B5%9C-%E2%B5%8F-%E2%B5%93%E2%B5%8F%E2%B4%B9%E2%B4%B0%E2%B4%BC-%E2%B5%89%E2%B5%96%E2%B5%93%E2%B4%B7%E2%B4%B0%E2%B5%8F-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99