ⴷⴼⴼⵉⵔ ⵏ ⵓⵎⵓⵔⵙ ⵏⵏⴰ ⵜⵙⵙⵏ ⵜⴱⴰⴷⵓⵜ ⵏⵏⵖ ⵎ 24 ⴷ ⵜⴱⴰⴷⵓⵜ ⵏ ⵔⵉⵎ ⵕⴰⴷⵢⵓ ⵜⵎⵓⵔⵙ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⵏⵏⴰ ⵉⵍⴽⵎⵏ ⴰⵙⴽⴽⴰ ⴰⴽⵯⵜⵜⴰⵢ ⵏ ⵜⵍⴰⵍⵉⵜ ⵏⵏⵙ ⵡⵉⵙⵙ 63 ⴰⴼⴰⴷ ⴰⴷ ⵜⵙⴱⵓⵔⵣ ⵉⵅⴼ ⵏⵏⵙ ⵎⴰⵙ ⵜⴳⴰ ⵜⴰⵙⵏⵓⵔⴰⵢⵜ ⵜⴰⵡⵡⵓⵔⴰⵏⵜ ⴳ ⵉⴳⵔ ⵏ ⵓⵙⵏⵖⵎⵙ ⴳ ⵉⴳⵔ ⵏ ⵜⴻⵜⵉⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ ⵏ ⵉⵏⵙⴰⵜⵏ ⵏ ⵓⵎⵢⴰⵡⴰⴹ ⴰⵏⴰⵎⵓⵏ .
ⵍⵍⵉⵖ ⵜⵍⵍⴰ ⴳ ⴽⵉⴳⴰⵏ ⵏ ⵉⵏⵙⴰⵜⵏ ⵏ ⵓⵎⵢⴰⵡⴰⴹ ⴰⵏⴰⵎⵓⵏ , ⵜⵣⵎⵔ ⴰⴷ ⵜⵎⵔⴰⵔⴰ ⵅⴼ ⴽⵉⴳⴰⵏ ⵏ ⵉⵎⴰⴳⵔⴰⴷⵏ ⴳ ⵉⵙⵏⵜⴰⵍ ⵉⵎⵢⴰⵏⴰⵡⵏ ⴳ ⴽⵓ ⵉⵎⴰⵙⵙⵏ ⵢⴰⴷⵏ ⵏ ⵜⵏⴰⵖⵎⴰⵙⵜ .
ⴰⴼⴰⴷ ⴰⴷ ⵜⵙⴽⵔ ⵢⴰⵏ ⵓⵏⵖⵎⵉⵙ ⵉⴳⴰⵏ ⵜⵉⴷⵜ, ⵜⵙⵙⵎⵔⵙ ⵜⵙⵏⵓⵔⴰⵢⵜ ⵢⴰⵜ ⵜⵎⴰⵎⴽⵜ ⵜⴰⵎⴰⵢⵏⵓⵜ ⴳ ⵉⵙⴳⴳⵯⴰⵙⵏ ⴰⴷ ⵉⵣⵔⵉⵏ, ⵉ ⵉⵏⵖⵎⵉⵙⵏ ⵉⵎⴰⵢⵏⵓⵜⵏ , ⵙ ⵓⵙⵎⵔⵙ ⵏ ⵓⵙⴽⴽⵉⵔ ⵏ ⵜⵓⵎⴰⵢⵜ ⴳ ⵓⵣⵎⵣ ⵏⵏⴰⵖ ⴳⴳⵓⵜⵏ ⵉⵎⵏⴰⴷⵏ ⵏ ⵜⵏⴰⵖⵎⴰⵙⵜ ⴰⵙⵙ ⴰⴷ .
ⵍⵍⵉⵖ ⵙⵔⵙ ⵜⵜⵔⵓⵔ ⵜⵖⴹⴼⵜ ⴰⴷ ⵓⵎⵣⵏ ⵉⵎⴰⴳⵔⴰⴷⵏ ⴰⴷ ⵏⵏⵙ ⴽⵉⴳⴰⵏ ⵏ ⵜⵎⵔⴰⵔⵓⵜⵉⵏ , ⴳ ⵎⴰⴷ ⵉⵥⵍⵉⵏ ⵙ ⵉⵎⴰⴳⵔⴰⴷⵏ ⴷ ⵉⵎⵙⵍⵉⵜⵏ ⴷ ⵉⵔⵓⴱⵓⵕⵜⴰⵊⵏ ⴷ ⵉⴼⵉⴷⵢⵓⵜⵏ .
ⵉⵎⴰⴳⵔⴰⴷⵏ ⵏ ⵜⵙⵏⵓⵔⴰⵢⵜ ⵜⵜⴰⵡⵙⵙⴰⵏⵏ ⴰⴽⴽⵯ ⴼⴽⴰⵏ ⵢⴰⵜ ⵜⴷⵉⵏⴰⵎⵉⵜ ⵉⴷⵓⵙⵏ ⵉ ⵜⵏⴰⴼⵓⵜ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ, ⴷ ⵉⵄⵔⵔⵉⵎⵏ ⵏⵏⴰ ⵉⵙⵙⵎⵔⴰⵙⵏ ⵉⵏⵙⴰⵜⵏ ⵉⵜⵔⴰⵔⵏ ⵏ ⵓⵙⵏⵖⵎⵙ ⴷ ⵓⵙⵔⵉⴷ ⴰⵡⴷ ⵏⵜⵜⴰⵏ .
ⴳ ⵓⵙⴰⵜⵉ ⵏ ⵓⴹⴼⵓⵕ ⵏ ⵜⴰⵜⵉⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ ⵜⵙⵙⵎⵔⵙ ⵜⵙⵏⵓⵔⴰⵢⵜ ⵜⵉⵎⵉⵖⵉⵙⵜ ⵜⴰⵜⵉⴽⵏⵓⵍⵓⵊⵉⵜ ⴰⴼⴰⴷ ⴰⴷ ⵜⵙⴱⵓⵖⵍⵓ ⴰⴼⴰⵔⵙ ⴷⴼⴼⵉⵔ ⵍⵍⵉⵖ ⵜⴳⴰ ⵜⴰⵙⵏⵓⵔⴰⵢⵜ ⵜⴰⵡⵡⵓⵔⴰⵏⵜ ⴰⴽⴽ ⴳ ⵉⴼⵔⵉⵇⵢⴰ .
ⵜⵖⵉ ⵜⵎⵉⵖⵉⵙⵜ ⵜⴰⵜⵉⴽⵏⵓⵍⵓⵊⵉⵜ ⴰⵢⴰⴷ ⴰⴷ ⵜⵃⴹⵓ ⵉⴹⵕⵉⵙⵏ ⴷ ⵉⵎⴰⴳⵔⴰⴷⵏ , ⴷ ⵜⵓⵍⴰⴼⵉⵏ ⵓⵍⴰ ⴰⵙⵍⵍⵉⵥⵕ ⴷ ⵜⵓⵏⵏⵓⵏⵜ , ⵓⵍⴰ ⴰⵡⴷ ⴰⵙⵓⵖⵍ .
ⵜⵍⴽⵎ ⵜⵙⵏⵓⵔⴰⵢⵜ ⵉⵙⵡⵉⵔⵏ ⵢⴰⵜⵜⵓⵢⵏ ⴳ ⵎⴰⴷ ⵉⵣⵍⵉⵏ ⵙ ⵜⴰⵜⵉⴽⵏⵓⵍⵓⵊⵉⵢⵢⵜ ⵜⴰⵎⴰⵢⵏⵓⵜ ⵙ ⵓⵙⵎⵔⵙ ⵏ ⵓⴼⴰⵔⵙ ⴰⵡⵜⵓⵎⴰⵜⵉⴽⵉ ⵏ ⵉⵎⴰⴳⵔⴰⴷⵏ ⴷ ⵓⵙⴱⵓⵖⵍⵓ ⵏ ⵜⵙⵃⴹⴰⵡⵜ ⵏⵏⵙ ⵜⵓⵟⵟⵓⵏⴰⵏⵜ .
ⴳ ⵜⵙⴳⴰ ⵢⴰⴹⵏ, ⴷⴼⴼⵉⵔ ⵏ ⵓⵎⵓⵔⵙ ⵉⴷⵓⵙⵏ ⴳ ⵜⴷⴰⵍⵉⵡⵉⵏ ⵏ ⵜⵉⵔⵔⴰ ⵜⴰⴷⵎⵙⴰ ⴷ ⵜⴷⵔⵉⵎⵜ ⴷ ⵜⵓⵏⵏⵓⵏⵜ , ⵜⵍⵜⵜⵖ ⵜⵙⵏⵓⵔⴰⵢⵜ ⴳ 2022 ⴳ ⵢⴰⵏ ⵓⵙⵏⴼⴰⵕ ⴰⴼⴰⴷ ⴰⴷ ⵜⵙⴷⴷⵉⴷ ⴰⵜⵉⴳ ⵏ ⵜⵓⵥⵍⴰⵢⵜ ⴳ ⴷ ⵜⵙⵉⵎⴰⵏⵜ ⵏⵏⵙ .
ⵜⵙⵏⵜⵉ ⵜⵙⵏⵓⵔⴰⵢⵜ ⵏ ⵍⵎⵖⵔⵉⴱ ⵏ ⵉⵏⵖⵎⵉⵙⵏ ⴳ ⵓⵙⴳⴳⵯⴰⵙ ⵏ 2022 ⵢⴰⵜ ⵜⵓⴳⵜⵜ ⵏ ⵜⴷⴰⴱⵓⵜⵉⵏ ⴳ ⵜⵔⴰⵜⵙⴰ ⵏ ⴰⵏⵜⵉⵔⵏⵉⵜ, ⴳ ⵢⵉⴳⵔ ⵏ ⵓⵙⵍⵉⵥⵕ ⵙ ⵢⴰⵜ ⵜⵎⵢⴰⴷⴰⵙⵜ ⵜⴰⵎⴰⵢⵏⵓⵜ ⵏ ⵓⵙⵏⵓⵃⵢⵓ ⵏ ⵜⵖⴰⵡⵙⵉⵡⵉⵏ ⵏⵏⵙ ⵜⵉⴷⵍⵙⴰⵏⵉⵏ, ⵙ ⵎⴰⴷ ⵉⵣⵣⵉⴳⵉⵣⵏ ⴷ ⵓⵏⴳⵔⴰⵡ ⵏⵏⵙ ⴰⴷⵙⵍⴰⵏ , ⴷ ⵓⵙⴰⵜⵉ ⵏ ⵓⵙⵏⵓⵃⵢⵓ ⵏ ⵓⴽⵓⵙ ⴰⵏⴰⵎⵓⵔ.ⴽⵔⴰ ⵉⴳⴰⵜ ⵜⴰⴷⴰⴱⵓⵜ ⴰⵔ ⵜⵜⴰⵡⵉ ⴰⵎⵙⴼⵍⵉⴷ ⵙ ⵢⴰⵏ ⵓⵎⵓⴷⴷⵓ ⵏ ⵉⵎⴰⴹⴰⵍⵏ ⵏ ⵓⵥⴰⵡⴰⵏ , ⴰⴼⴰⴷ ⴰⴷ ⵜⵣⴰⵢⴷ ⵏ ⵜⴷⴰⴱⵓⵜ ⵏ ⵉⵏⵖⵎⵉⵙⵏ ⴳ ⵜⵔⴰⵜⵙⴰ ⵏ ⴰⵏⵜⵉⵔⵏⵉⵜ ⵏⵏⴰ ⵉⴹⴼⵔⵏ ⵜⴰⵙⵏⵓⵔⴰⵢⵜ ⵏ ⵍⵎⵖⵔⵉⴱ ⵍⵄⴰⵔⴰⴱⵉ ⵏ ⵉⵏⵖⵎⵉⵙⵏ ⵏⵏⴰ ⵉⵍⵍⴰⵏ ⴰⵙⵙ ⴽⵓⵍⵍⵓⵜ ⴳ ⵡⴰⵏⵙⴰ ⵏⵏⵙ www.rimradio.ma.
ⵉⴷⵓⵙ ⵓⴼⴰⵔⵙ ⵏ ⵉⵎⵙⵍⵉ ⴰⴽⴷ ⵓⵙⵙⵏⵜⵉ (ⵔⵉⵎ ⴽⴰⵙⵜ) , ⵉⴳⴰ ⵢⴰⵜ ⵜⵢⴰⴼⵓⵜ ⵜⴰⵎⴰⵢⵏⵓⵜ ⵏ ⵓⵣⵓⵣⵣⵔ ⴰⵎⵙⵍⴰⵏ "ⴱⵓⴷⴽⴰⵙⵜ" ⵏⵏⴰ ⵢⵓⵊⵊⴰⵏ ⵜⴰⴷⴰⴱⵓⵜ ⵜⴰⵏⵖⵎⴰⵙⵜ ⴳ ⵡⴰⵙⵙ ⴽⵓⵍⵍⵓⵜ ⴳ ⵜⵙⵏⵓⵔⴰⵢⵜ ⵏ ⵍⵎⵖⵔⵉⴱ ⵍⵄⴰⵔⴰⴱⵉ ⵏ ⵉⵏⵖⵎⵉⵙⵏ ⵙⴳ ⵓⵙⵙⴷⵖⵔ ⵏⵏⵙ ⴳ ⵓⵎⴰⴹⴰⵍ ⵏ "ⵍⴱⵓⴷⴽⴰⵙⵜ" , ⴷ ⵉⴳⴰ ⵢⴰⵏ ⵓⵔⵎⵎⵓⵙ ⴰⵎⴰⵢⵏⵓ ⵏⵏⴰ ⴱⴰⵀⵔⴰ ⴹⴼⵕⵏ ⵉⵄⵔⵔⵉⵎⵏ.
ⵜⴳⴰ "ⵔⵉⵎⴽⴰⵙⵜ" ⵍⵍⵉ ⵙ ⵏⵥⴹⴰⵕ ⴳ ⴰⵏⵜⵉⵔⵏⵉⵜ ⴳ http://rimcast.ma ⴷ ⴳ ⵉⵜⵉⵍⵉⴼⵓⵏⵏ ⵉⵎⴰⵢⵏⵓⵜⵏ ⴳ ⵓⵙⴽⴽⵉⵔ ⵉⵥⵍⵉⵏ ⵏⵏⴰ ⵏⵏ ⵏⵜⵜⴰⴼⴰ ⴳ ⴱⵍⴰⵢ ⵙⵜⵓⵔ ⴷ ⴰⴱⴱ ⵙⵜⵓⵔ, ⵢⵉⵡⵙ ⴱⴰⵀⵔⴰ ⴳ ⵓⴱⵓⵖⵍⵓ ⵏ ⵢⵉⴳⵔ ⴰⴷ , ⵍⵍⵉ ⵉⵎⵓⵏ ⴷ ⵜⵎⴰⴳⵉⵜ ⴷ ⵓⵙⵏⵓⵃⵢⵓ ⵏ ⵜⴷⵍⵙⴰ ⵜⴰⵎⵖⵔⴰⴱⵉⵢⵜ.
ⴳ ⵜⵙⴳⴰ ⵢⴰⴹⵏ , ⵜⴱⵓⵖⵍⴰ ⵜⴷⴰⴱⵓⵜ ⵜⴰⵏⵖⵎⴰⵙⵜ ⵏⵏⴰ ⵉⴹⴼⵕⵏ ⵜⴰⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⵉⵎ 24 ⴳ ⵓⵙⴰⵜⵉ ⵏ ⵓⵙⵖⵉⵡⵙ ⵏⵏⵙ ⴰⵎⴰⵢⵏⵓ ,ⵙ ⵉⵖⴰⵡⴰⵙⵏ ⵉⵎⴰⵢⵏⵓⵜⵏ ⵏⵏⴰ ⵉⵣⵣⵔⴰⵢⵏ ⵜⵉⵎⵏⵜⴰⵍ ⵏ ⵓⵙⵡⵉⵏⴳⵎ ⴷ ⵜⴷⵍⵙⴰ ⴷ ⵡⴰⵎⵓⵏ .
ⵍⵍⴰⵏ ⵉⵖⴰⵡⴰⵙⵏ ⵏ ⵜⵉⵍⵉⴱⵉⵣⵢⵓⵏ ⵉⵎⴰⵢⵏⵓⵜⵏ ⴳ ⵓⵙⴰⵜⵉ ⵏ ⵓⵡⴰⵜⵜⴰⵙ ⵏ ⵜⴷⴰⴱⵓⵜ ⵉⵎ 24 ⵙⴳ ⵓⵙⵙⵏⵜⵉ ⵏⵏⵙ, ⵙ ⵓⵙⵙⵔⵙⵓ ⵏ ⵓⵙⵖⵉⵡⵙ ⴰⵜⵉⵍⵉⴱⵉⵣⵢⵓⵏ , ⴰⵔ ⵜⵄⵎⵎⴰⴷⵏ ⵅⴼ ⵓⵙⵙⵉⵜⴳ ⵏ ⵉⵎⵓⵔⵙⵏ ⵏⵏⴰ ⵙⴽⵔⵏ , ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵜⵉⵍⵍⴰⵡⵜ ⵏⵏⵙ ⵙ ⵢⴰⵜ ⵜⴷⴰⴱⵓⵜ ⵜⴰⵏⵖⵎⴰⵙⵜ ⵏⵏⴰ ⵉⴹⴼⵔⵏ ⵎⴰⵕⵕⴰ ⵜⵉⵎⵏⵜⴰⵍ ⵏ ⵡⴰⵎⵓⵏ
ⵎⴽ ⵍⵍⵉ ⵙ ⵉⴱⵓⵖⴽⴰ ⵓⴷⵖⴰⵔ ⵏ ⵜⵙⵏⵓⵔⴰⵢⵜ ⴳ ⵉⵙⴳⴳⵯⴰⵙⵏ ⴰⴷ ⵉⵎⴳⴳⵓⵔⴰ ⴳ ⵢⵉⴳⵔ ⵏ ⵓⵙⴼⵙⵔ , ⵎⴰⵢⴰⴷ ⵙ ⵜⵓⴳⵜⵜ ⵏ ⵉⵙⴼⵓⵖⵏ ⵣⵓⵏⴷ ⵢⴰⵡⵎⵉⵢⴰⵜⵉ " ⴰⵙⵙ ⴰⵎⵖⵔⵉⴱⵉ" ⵏⵏⴰ ⴷ ⵉⴼⴼⵖⵏ ⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ, ⴷ Maroc le jour ⵏⵏⴰ ⵉⴳⴰⵏ ⵜⵉⵏ ⵜⴼⵔⴰⵏⵙⵉⵙⵜ, ⴰⵡⴷ ⵜⴰⵙⵖⵓⵏⵜ ⵜⴰⵢⵢⵓⵔⴰⵏⵜ ⵜⴰⵎⵉⵖⵉⵙⵜ "ⴱⴰⴱ" ⵙⵜⵓⵜⵍⴰⵢⵜ ⵏ ⵜⵄⵔⴰⴱⵜ ⴷ ⵜⴼⵔⴰⵏⵙⵉⵙⵜ, ⴰⵡⴷ ⵜⴰⵙⵖⵏⵜ ⵏⵏⴰ ⵉⵥⵍⵉⵏ ⵙ ⵓⵙⵏⵓⵃⵢⵓ ⴰⴷⵍⵙⴰⵏ ⴷ ⵜⵎⵏⴰⴹⵜ ⵜⴰⵎⵖⵔⴰⴱⵉⵢⵜ " Maghreb 1".
ⵎⴽ ⵍⵍⵉ ⵙ ⴳⴰⵏⵜ ⵜⵉⵍⴰⵍ ⵏ ⵜⵙⵏⵓⵔⴰⵢⵜ ⴷ ⵢⵉⴳⵔ ⵏ ⵓⵙⴼⵙⵔ ⴳ ⵉⵎⵙⴼⴼⵓⵖⵏ ⵉⵙⴳⴳⵯⵙⴰⵏⵏ ⵏ ⵓⵙⵉⵡⵍⴰⴼ ⵏ ⵜⵙⵏⵓⵔⴰⵢⵜ, ⴷ ⵙⵉⵏ ⵉⴷⵍⵉⵙⵏ ⵉⵙⴳⴳⵯⵙⴰⵏⵏ " ⵉⵏⵖⵎⵉⵙⵏ ⵙⴳ ⵍⵎⵖⵔⵉⴱ" "ⴷ ⵍⵎⵖⵔⵉⴱ ⵖⵉⵍⴰⴷ " ⵙ ⴽⴽⵓⵣⵜ ⵜⵓⵜⵍⴰⵢⵉⵏ, ⵉⵍⵉⵏ ⵉⵙⴼⴼⵓⵖⵏ ⵢⴰⴹⵏ ⵣⵓⵏⴷ ⵕⵕⴱⴰⵟ ⵎⴰⵊⵉⴽ , ⴷ ⵉⴳⴰ ⴰⵎⵣⵡⴰⵔⵓ ⵙⴳ ⵜⵔⴰⵜⵙⴰ ⵏ ⵉⵎⴳⴰⵢⵏ ⵏ ⵜⵖⵔⵎⵉⵏ ⵏ ⵍⵎⵖⵔⵉⴱ, ⴰⵔ ⵉⵙⴰⵡⴰⵍ ⵅⴼ ⵜⵓⵙⵙⵏⴰ ⵙ ⵜⵖⵔⵎⵉⵏ ⵏ ⵜⴳⵍⴷⵉⵜ , ⵙ ⵓⵙⴼⵙⵔ ⵏ ⵜⵣⵎⵎⴰⵔ ⵏⵏⵙ, ⵙ ⵓⴱⵟⵟⵓ ⵏⵏⴰ ⵉⵍⴰⵏ ⴰⵜⵉⴳ ⵉⴳ ⴰⵎⵢⴰⵏⴰⵡ ⴰⵔ ⵉⵜⵎⴰⵜⵜⴰⵢ ⵙⴳ ⵓⵎⵣⵔⵓⵢ ⵙ ⵜⴰⵜⵉⴽⵏⵓⵍⵓⵊⵉⵢⵜ, ⵉⵣⵔⵉ ⴳ ⵜⴷⵍⵙⴰ ⴷ ⵉⴱⴰⵔⴰⵣⵏ, ⴷ ⵜⵉⵏⴷⵉⵜⵉⵏ ⵜⵉⵏⵉⵎⴰⵏⵉⵏ, ⵜⵓⵏⵏⵓⵏⵜ ⴷ ⵜⵡⵏⵏⴰⴹⵜ...
ⵎⴽ ⵍⵍⵉ ⵜⴳⴰ ⵜⵡⵍⴰⴼⵜ ⵢⴰⵏ ⵢⵉⴳⵔ ⵏⵏⵉⴹⵏ, ⵏⵏⴰ ⴳ ⵜⵎⵓⵔⵙ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⴰⴱⵉ ⵜⴼⴽ ⵜⵓⴳⵜⵜ ⵏ ⵜⵢⴰⴼⵓⵜⵉⵏ ⴳ ⵉⵙⴳⴳⵯⴰⵙⵏ ⴰⴷ ⵉⵎⴳⴳⵓⵔⴰ, ⵎⴰ ⴰⴷ ⴰⴷ ⵢⵓⵊⵊⴰⵏ ⴰⴽⵜⵓⵔ ⴰⴼⵓⵜⵓⴳⵔⴰⴼⵉ ⵏ ⵜⵙⵏⵓⵔⴰⵢⵜ ⴰⵔ ⵉⵜⵜⴱⵓⵖⵍⵓ ⴽⵔⴰ ⵉⴳⴰⵜ ⴰⵙⵙ, ⴰⵡⴷ ⴰⵙⴱⵓⵖⵍⵓ ⵏ ⵓⵙⴼⵙⵔ ⵏ ⵎⴰⴱ ⵙⵉⵔⴼⵉⵙ ⴷ ⵎⴰⴱ ⴷⵉⵊⵉⵜⴰⵍ .
ⴳ ⵜⵙⴳⴰ ⵢⴰⴹⵏ, ⵍⵍⴰⵏ 20 ⵏ ⵡⴰⵏⵙⴰ ⴰⵍⵉⴽⵜⵕⵓⵏⵉ ⴷⴰⵔ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⴳ ⵓⵙⵡⵉⵔ ⴰⵏⵎⵏⴰⴹ, ⴳ ⵓⵙⵏⵜⵉ ⵏ ⵓⵙⴳⴳⵯⴰⵙ ⵏ 2021 ⵜⵙⴽⵔ ⵢⴰⵏ ⵡⴰⵏⵙⴰ ⴰⵎⴰⵢⵏⵓ mapdata.ma ⵏⵏⴰ ⵉⴼⵙⵙⵉⵏ ⵜⵉⵎⵉⵜⴰⵔ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⵎⴰⴹⵍⴰⵏ ⵙⴳ ⵓⵙⴼⵙⵉ ⵏ ⵜⵓⵎⵍⴰⵢⵉⵏ ⵏ ⵓⵙⵙⵉⴹⵏ .
ⵜⵙⵓⵍ ⵓⴽⴰⵏ ⵙⵓⵍ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⴳ ⵓⵙⴱⵓⵖⵍⵓ ⵏ ⵜⵎⴰⵎⴽⵉⵏ ⵏⵏⵙ ⵙⴳ 2022 ⴰⴼⴰⴷ ⴰⴷ ⵜⵙⴱⵓⵖⵍⵓ ⴰⴼⴰⵔⵙ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⴼⵔⵉⵇⵉ ⴷ ⵓⵎⴰⴹⵍⵍⴰⵏ .