ⵉⵣⴰⵢⴷ ⵎⴰⵙⵙⴰ ⵄⵎⵎⵓⵕ ⵜⵏⵏⴰ ⴳ ⵡⴰⵙⵙ ⵏ ⵓⵙⵉⵏⴰⵙ,ⴳ ⵢⴰⵜ ⵜⵎⵔⴰⵔⵓⵜ ⵏⵏⵙ ⵅⴼ ⵓⵙⵇⵇⵙⵉ ⵅⴼ ⵜⵙⵜⵕⴰⵜⵉⵊⵉⵢⵢⵜ ⵏ ⵓⵙⴱⵓⵖⵍⵓ ⵏ ⵉⴳⵔ ⵏ ⵜⵎⴰⵍⵍⴰⵢⵜ, ⴳ ⵓⵙⵇⵇⵉⵎ ⵏ ⵉⵙⵇⵇⵙⵉⵜⵏ ⵉⵎⵉⵡⴰⵏⵏ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⵕⵏ ⵎⴰⵙⴷ ⵜⴰⴷⵔⵉⵎⵜ ⴷ ⵉⴽⵛⵛⵎⵏ ⴳ ⵜⵎⴰⵍⵍⴰⵢⵜ ⵜⵍⴽⵎ 103 ⴳ ⵜⵎⵉⴹⵉ ⴰⵔ ⵜⵉⵏⴳⵉⵔⴰ ⵏ ⵡⴰⵢⵢⵓⵔ ⵏ ⵛⵓⵜⴰⵏⴱⵉⵔ , ⴳ ⵓⵙⵎⵣⴰⵣⴰⵍ ⴷ ⵎⴰⴷ ⵉⵜⵜⵓⵣⵎⵎⴰⵎⵏ ⴳ ⵓⵙⴳⴳⵯⴰⵙ ⵏ 2019 ⵓⵔⵜⴰ ⵜⵍⵍⵉ ⵜⵎⴰⴹⵓⵏⵜ ⵏ ⴽⵓⵕⵓⵏⴰ .
ⵉⴱⵓⵖⵍⴰ ⴰⵡⴷ ⵓⵙⴷⵔⵉⵎ ⵏ ⵜⵎⴰⵍⵍⴰⵢⵜ ⵜⴰⴳⵯⵏⵙⴰⵏⵜ ⴳ ⵓⵙⴳⴳⵯⴰⵙ ⴰⴷ ⵏⵉⵜ ,ⵍⵍⵉⵖ ⵍⴽⵎⵏ ⵉⴹⵏ ⵏ ⵜⵓⵏⵙⴰ ⵜⴰⴳⵯⵏⵙⴰⵏⵜ ⴳ ⵜⵏⴳⵉⵔⴰ ⵏ ⵛⵓⵜⴰⵏⴱⵉⵔ 45 ⴳ ⵜⵎⵉⴹⵉ ⴳ ⵓⵙⵎⵣⴰⵣⴰⵍ ⴷ 30 ⴳ ⵜⵎⵉⴹⵉ ⵓⵔⵜⴰ ⵜⵍⵍⵉ ⴽⵓⵕⵓⵏⴰ .
ⴰⵙⵔⴰⴳ ⵏ ⵓⴱⵓⵖⵍⵓ ⴰⴷ ⴳ ⵉⴳⵔ ⵏ ⵜⵎⴰⵍⵍⴰⵢⵜ ⴰⵔ ⵉⵜⵜⴰⵖⵓⵍ ⵙ ⵜⵣⵎⵎⴰⵔ ⴷ ⵓⵏⴱⴱⵕ ⵏⵏⴰ ⵜⵙⴽⴰⵔ ⵜⴳⵍⴷⵉⵜ ⵏⵏⵖ ⴳ ⵉⴳⵔ ⴰⴷ ⴳ ⵎⴰⴷ ⵉⵥⵍⵉⵏ ⴰⵡⴷ ⵙ ⵓⵏⴱⴱⵕ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ, ⵏⵏⴰ ⵉⴼⴽⴰⵏ ⴰⴷⴷⵓⵔ ⴰⵎⴰⴹⵍⴰⵏ ⵉ ⵜⵎⴰⵣⵉⵔⵜ ⵏⵏⵖ ⴳ ⵓⵙⵡⵉⵔ ⴰⴳⵔⴰⵖⵍⴰⵏ , ⴷ ⵜⵙⵜⵕⴰⵜⵉⵊⵉⵜ ⵏⵏⴰ ⵜⴼⴽⴰ ⵜⵏⴱⴰⴹⵜ ⵉ ⵉⴳⵔ ⴰⴷ ⴷ ⵜⵡⵡⵓⵔⵉⵡⵉⵏ ⵏ ⵓⵙⴳⴷⵣ ⴷ ⵓⵙⴼⵍⵙ ⵏ ⵉⴷⵖⴰⵔⵏ ⵏ ⵓⵎⵓⴷⴷⵓ ⴰⵏⴰⵎⵓⵔ ⴷ ⵓⵍⵜⵜⵓⵖ ⵏ ⴽⵉⴳⴰⵏ ⵏ ⵜⴷⵔⴰⵡⵉⵏ ⵏ ⵉⴳⵔ ⴰⴷ ⴳ ⵜⵙⵜⵕⴰⵜⵉⵊⵉⵢⵢⵜ ⴷⴷⵅ .
ⴳ ⵉⴳⵔ ⴰⴷ, ⵜⵏⵏⴰ ⵎⴰⵙⵙⴰ ⵄⵎⵎⵓⵕ ⵎⴰⵙ ⵉⵜⵜⵓⵙⵜⴰⵢ ⵢⴰⵏ ⵎⵍⵢⴰⵕ ⴷⵔⵀⵎ ⵉ ⵡⴰⵏⵏⴰⵍ ⵏ ⵉⴳⵔ ⴰⴷ ⵏ ⵜⵎⴰⵍⵍⴰⵢⵜ , ⵙⴳ ⴳⵉⵙ ⵢⴰⵏ ⵎⵍⵢⴰⵕ ⴷⵔⵀⵎ ⵏ ⵡⴰⵍⴰⵙ ⵏ ⵓⵙⴳⴳⴷ ⵏ ⵉⵙⵏⵙⵓⵜⵏ, ⵜⵣⴰⵢⴷ ⵎⴰⵙⵙⴰ ⵄⵎⵎⵓⵕ ⵜⵏⵏⴰ ⵎⴰⵙ ⵉⴼⴽⴰ ⵎⴰ ⴰⴷ ⴰⴷⴷⵓⵔ ⴷ ⵓⴱⵓⵖⵍⵓ ⵉ ⵢⵉⴳⵔ ⴰⴷ .
ⵜⵏⵏⴰ ⵎⴰⵙⵙⴰ ⵜⴰⵎⵙⵜⴳⴳⴰⵔⵜ ⵜⵓⵏⴱⵉⴹⵜ ⵎⴰⵙⴷ ⵍⵍⵉⵖ ⵉⵜⵜⵓⴼⴽⴰ ⵡⴰⵏⵏⴰⵍ ⵏ 2000 ⴷⵀⵔⵎ ⵉ ⵉⵎⵙⵡⵡⵓⵔⵉⵏ ⵏ ⵉⴳⵔ ⴰⵎⴰⵍⵍⴰⵢ ⴳ ⴽⵕⴰⴹ ⵢⵉⵔⵏ ⵉⵎⵣⵡⵓⵔⴰ ⵏ ⵓⵙⴳⴳⵯⴰⵙ ⵏ 2022, ⵓⵟⵟⵓⵏ ⴰⴷ ⵏⵉⵜ ⴰⴷ ⵉⵍⴰⵏ ⴳ ⵓⵙⴼⵍⵙ ⵏ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⵎⴰⴷ ⵉⵜⵜⴳⴳⴰⵏ 6 ⵏ ⵢⵉⵔⵏ .
ⴳ ⵎⴰⴷ ⵉⵥⵍⵉⵏ ⵙ ⵉⵕⵟⵟⴰⵍⵏ ⵏ ⵓⴱⴰⵏⴽ ⴳ ⵜⵉⵣⵉ ⵏ ⵜⵏⴰⴱⴱⴰⵢⵜ ⵏ ⵜⵡⵡⵓⵔⵉ, ⵜⵏⵏⴰ ⵜⵎⴰⵡⵙⴰⵙⵜ ⵎⴰⵙⴷ ⵉⵙⵙⵓⵜⵓⵔⵏ ⵍⴽⵎⵏ 821, ⵎⴽⵍⵉⴷ ⵜⵍⴽⵎ ⵜⵎⴰⵡⵙⴰⵙⵜ 1345 ⵏ ⵓⵙⵙⵓⵜⵔ ⵙ ⵓⵜⵓⵢ ⵏ ⵜⴼⴳⵓⵔⵜ ⵜⴰⵡⵡⵓⵔⴰⵏⵜ ⵏ ⵉⴷ ⴱⴰⴱ ⵏ ⵉⵙⵏⵙⵓⵜⵏ .
ⴳ ⵜⵙⴳⴰ ⵢⴰⴹⵏ, ⵜⵏⵏⴰ ⵜⵎⴰⵡⵙⴰⵙⵜ ⵎⴰⵙⴷ ⵜⴰⵎⴰⵍⵍⴰⵢⵜ ⵏ ⵓⴳⴰⵎⴰ ⵉⵍⵍⴰ ⴼⵍⵍⴰⵙ ⵓⵙⵙⵓⵜⵏ ⵉⴷⵓⵙⵏ, ⵙⴳ ⴷⴰⵔ ⵉⵎⴰⵍⵍⴰⵢⵏ ⵏ ⴱⵕⵕⴰ, ⵜⵏⵏⴰ ⴰⵡⴷ ⵎⴰⵙⴷ ⵜⴰⴳⵍⴷⵉⵜ ⴷⴰⵔⵙ ⴽⵉⴳⴰⵏ ⵏ ⵜⵣⵎⵎⴰⵔ ⵏ ⵜⵎⴰⵍⵍⴰⵢⵜ ⴳ ⴽⵉⴳⴰⵏ ⵏ ⵜⵙⴳⴳⵉⵡⵉⵏ ⵏⵏⵙ .
ⵜⵏⵏⴰ ⵎⴰⵙⴷⴷ ⵜⴰⵡⵡⵓⵔⵉ ⵏ ⵜⵎⴰⵡⵙⴰⵙⵜ ⵜⵙⴽⴰ ⵅⴼ ⵙⵉⵏ ⵉⵎⵏⴰⴷⵏ ⵉⴷⵙⵍⴰⵏⵏ, ⴰⵍⴰⵙ ⵏ ⵜⵣⵔⴰⵡⵜ ⵏ ⵡⴰⵀⵉⵍⵏ ⵏ ⵓⵙⴷⵓⵙ ⵏ ⵜⵣⵎⵎⴰⵔ ⵏ ⵜⵎⴰⵍⵍⴰⵢⵜ ⵏ ⵓⴳⴰⵎⴰ, ⵙⴳ ⴷⴰⵔ ⵜⵔⴰⵜⵙⴰ ⵜⴰⵎⵖⵔⵉⴱⵉⵜ ⵏ ⵜⵎⵙⴷⴰⴳⵜ ⵏ ⵜⵎⴰⵍⵍⴰⵢⵜ , ⵙ ⵓⵎⵛⵉⵡⴰⵕ ⴷ ⵉⵎⵙⵜⴳⴳⴰⵔⵏ ⵉⵙⴳⴰⵡⴰⵏⵏ, ⴷ ⵓⵙⴽⴽⵉⵔ ⵏ ⵉⵎⴷⵔⴰⵡⵏ ⵏ ⵓⵙⴷⴷⵉⴷ ⵏ ⵡⴰⵀⵉⵍⵏ ⴰⴷ .
ⴳ ⵉⴳⵔ ⴰⴷ ⵏⵉⵜ , ⵜⵏⵏⴰ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⵍⵍⴰⵏⵜ ⵜⵎⵢⴰⵇⵇⴰⵏⵉⵏ ⵏⵏⴰ ⵉⵜⵜⵓⵙⴽⴰⵔⵏ ⴳ ⵜⵙⴳⴰ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ , ⴷ ⴷⴷⴰⵅⵍⴰ ⵡⴰⴷ ⴷⴷⴰⵀⴰⴱ, ⵍⵄⵢⵓⵏ ⵙⵙⴰⵇⵢⴰ ⵍⵃⵎⵕⴰ, ⵅⵏⵉⴼ ⵔⴰ , ⴼⴰⵙ , ⵎⴽⵏⴰⵙ, ⴷ ⴽⵉⴳⴰⵏ ⵏ ⵡⴰⵀⵉⵍⵏ ⵢⴰⴹⵏⵉⵏ, ⵏ ⵓⵙⴱⵓⵖⵍⵓ ⵏ ⵜⵣⵎⵎⴰⵔ ⵏ ⵉⵥⵏⵉⴳⵏ ⴷ ⵉⴷⵔⴰⵔⵏ ⴳ ⴷⵕⴰ ⵜⴰⴼⵉⵍⴰⵍⵜ ⵙ ⵜⴷⵔⵉⵎⵜ ⵏ 1.4 ⵎⵍⵢⴰⵔ ⴷⵔⵀⵎ .