ⵉⵏⴰⵡ ⴰⴳⵍⴷⴰⵏ ⵉⵙⵉⵙⵙⴼⵉⵡ ⵜⴰⴷⵉⵏⴰⵎⵉⵜ ⵏⵏⴰ ⵉⴳⴰⵏ ⵜⴰⵏⴰⴼⵓⵖⵜ ⵏ ⵡⴰⵀⵉⵍ ⵏ ⵜⵏⴼⵍⵉⵜ ⵏ ⵜⵙⴳⴰ ⵏ ⵉⴼⴼⵓⵙ

07 ⵏⵓⵡⴰⵏⴱⵉⵔ 2022 Version Imprimable

ⵕⵕⴱⴰⵟ - ⵉⵏⵏⴰ ⵓⵙⵍⵎⴰⴷ ⴰⵙⴷⴰⵡⴰⵏ ⴷ ⵓⵙⵎⴰⵍ ⴰⵙⵔⵜⴰⵏ ⵎⵓⵃⵎⵎⴰⴷ ⴱⵏⵃⵎⵎⵓ ⵎⴰⵙⴷ ⵉⵏⴰⵡ ⴰⴳⵍⴷⴰⵏ ⵙ ⵜⵎⵍⴷⴰ ⵏ ⵓⴽⵯⵜⵜⴰⵢ ⵡⵉⵙⵙ 47 ⵏ ⵜⵡⴰⴷⴰ ⵜⴰⵣⴳⵣⴰⵡⵜ ⵉⵙⵔⵙ ⵜⵉⵟⵟ ⴼ ⵜⴷⵉⵏⴰⵎⵉⵜ ⵏⵏⴰ ⵉⴳⴰⵏ ⵜⴰⵏⴰⴼⵓⵖⵜ ⵏ ⵡⴰⵀⵉⵍ ⵏ ⵜⵏⴼⵍⵉⵜ ⵉⵥⵍⵉⵏ ⵙ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ ⵏⵏⵖ .

ⵉⵣⴰⵢⴷ ⵎⴰⵙⵙ ⴱⵏⵃⵎⵎⵓ ⵉⵏⵏⴰ , ⴳ ⵢⴰⵏ ⵓⵎⵔⴰⵔⴰ ⵏ ⵡⵡⴰⵍ ⵏⵏⴰ ⴷⵉⵙ ⵜⵙⴽⵔ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ, ⵎⴰⵙⴷ ⵉⵏⴰⵡ ⴰⴷ ⴰⴳⵍⴷⴰⵏ ⵉⵙⴽⴰ ⴼ ⵜⴷⵉⵏⴰⵎⵉⵜ ⵏ ⵡⴰⵀⵉⵍⵏ ⵏ ⵉⵙⵏⴼⴰⵕⵏ ⵏ ⵜⵏⴼⵍⵉⵜ ⵉⵣⴷⵉⵏ ⴷ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏⵏⴰ ⴷ ⵉⵙⵙⴰⵖⵓⵍ ⵍⵎⵖⵔⵉⴱ ⵙ ⵜⵣⵎⵎⴰⵔ ⵏ ⵜⵡⴰⴷⴰ ⵜⴰⵣⴳⵣⴰⵡⵜ , ⵉⵙⵙⴽⵯⵜⵉ ⵎⴰⵙⴷ ⵜⴰⴳⵍⴷⵉⵜ ⵜⵣⵎⵔ ⴰⴼⴰⴷ ⴰⴷ ⵜⵙⴽⵓ ⵢⴰⵏ ⵡⴰⵀⵉⵍ ⵏ ⵜⵏⴼⵍⵉⵜ ⴳ ⵜⵙⴳⴳⵉⵡⵉⵏ ⴰⴷ ⵏ ⵉⴼⴼⵓⵙ ⵏⵏⴰ ⵉⴳⴰⵏ ⵙⴳ ⵉⴽⴰⵍⵉⵡⵏ ⵏ ⵜⴳⵍⴷⵉⵜ .

ⴰⵙⵏⴼⴰⵕ ⵉⵣⴷⵉⵏ ⴷ ⵜⵏⴼⵍⵉⵜ ⵏ ⵉⴽⴰⵍⵉⵡⵏ ⵏ ⵉⴼⴼⵓⵙ ⵉⵍⵍⴰ ⴳ ⵉⵙⵓⵜⵓⵔⵏ ⵏ ⵉⵏⵎⵓⵔⵉⵏ ⴰⴽⴽⵯ ⵙ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⵉ ⵜⵏⴰⴼⵓⵜ ⵏ ⵓⵙⴱⵓⵖⵍⵓ ⵏ ⵓⵙⵡⵉⵔ ⵏ ⵜⵓⴷⵔⵜ ⵏ ⵉⵎⵣⴷⴰⵖ ⵏ ⵜⵙⴳⴳⵉⵡⵉⵏ ⴰⴷ .

ⴳ ⵎⴰⴷ ⵉⵥⵍⵉⵏ ⵙ ⵓⵇⵇⴰⴷⵓⵙ ⵏ ⵍⴳⴰⵣ ⴳⵔ ⵏⵉⵊⵉⵔⵢⴰ ⴷ ⵍⵎⵖⵔⵉⴱ , ⵉⵥⵍⵉ ⵙ ⵓⵙⴷⵔⵓⵙ ⵏ ⵜⴰⵔⵏⴰ ,ⵉⵣⴰⵢⴷ ⵎⴰⵙⵙ ⵉⵏⵏⴰ ⵎⴰⵙⴷ ⴰⵙⵏⴼⴰⵕ ⴰⴷ ⴰⵔ ⵉⵜⵜⴱⵓⵖⵍⵓ ⵙ ⵉⵎⴰⵍ .

ⵉⴳ ⵍⵃⴰⵍ ⵢⴰⵏ ⵓⵙⵏⴼⴰⵕ ⴰⵙⵜⵕⴰⵜⵉⵊⵉ ⵏⵏⴰ ⵔⴰⴷ ⵉⵙⵙⴷⵓⵙ ⵜⵉⵣⴷⴰⵢⵉⵏ ⴳⵔ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ,ⵙⵍⴰⵡⴰⵏ ⴰⴽⴽⵯ ⵜⵉⵍⵍⵉ ⵍⵍⴰⵏⵉⵏ ⴳ ⵜⴰⵎⵓⵏⵜ ⵜⴰⴷⵎⵙⴰⵏⵜ ⵏ ⵉⴼⵔⵉⵇⵢⴰ ⴷ ⵍⵎⵖⵔⵉⴱ .

ⵉⵙⴳⴳⵯⵔⴰ ⴰⵡⴰⵍ ⵏⵙⵏ ⵎⴰⵙⴷ ⴰⵙⵏⴼⴰⵕ ⴰⴷ ⵔⴰⴷ ⵉⵙⴷⴷⵉⴷⵜⴰⵏⴼⵔⵓⵜ ⵏ ⵜⴰⵔⵏⴰ , ⵏ ⵜⵎⵉⵣⴰⵔ ⵏ ⵜⵙⴳⴰ ⵔⴰⴷ ⵢⴰⵡⵙ ⴳ ⵓⵙⴼⵙⵉ ⵏ ⵉⵎⵓⴽⵔⵉⵙⵏ ⵏ ⵜⴰⵔⵏⴰ ⵏⵏⴰ ⵉⵍⵍⴰⵏ ⴷⴰⵔ ⵓⵕⵓⴱⴱⴰ ⴷ ⴽⵉⴳⴰⵏ ⵏ ⵜⵎⵉⵣⴰⵔ ⵏ ⵓⵎⴰⴹⴰⵍ .

Dernière modification : 07 ⵏⵓⵡⴰⵏⴱⵉⵔ 2022

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%8F%E2%B4%B0%E2%B5%A1-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%89%E2%B5%99%E2%B5%89%E2%B5%99%E2%B5%99%E2%B4%BC%E2%B5%89%E2%B5%A1-%E2%B5%9C%E2%B4%B0%E2%B4%B7%E2%B5%89%E2%B5%8F%E2%B4%B0%E2%B5%8E%E2%B5%89%E2%B5%9C-%E2%B5%8F%E2%B5%8F%E2%B4%B0-%E2%B5%89%E2%B4%B3%E2%B4%B0%E2%B5%8F-%E2%B5%9C%E2%B4%B0%E2%B5%8F%E2%B4%B0%E2%B4%BC%E2%B5%93%E2%B5%96%E2%B5%9C-%E2%B5%8F-%E2%B5%A1%E2%B4%B0%E2%B5%80%E2%B5%89%E2%B5%8D-%E2%B5%8F-%E2%B5%9C%E2%B5%8F%E2%B4%BC%E2%B5%8D%E2%B5%89%E2%B5%9C-%E2%B5%8F-%E2%B5%9C%E2%B5%99%E2%B4%B3%E2%B4%B0-%E2%B5%8F-%E2%B5%89%E2%B4%BC%E2%B4%BC%E2%B5%93%E2%B5%99