Published on MAPNews (https://www.mapnews.ma/am)

Accueil > ⵉⵜⵢⵓⴱⵢⴰ ⵜⴼⴽⴰ ⵜⴰⵙⵎⵖⵓⵔⵜ ⵜⴰⴼⵔⵉⵇⵉⵜ ⵉ ⵉⴳⵍⵍⵉⵏ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⴷⴼⴼⵉⵔ ⵍⵍⵉⵖ ⴷⴰⵔⵙ ⵜⵉⵍⴰⵍ ⵜⵉⵎⵇⵔⴰⵏⵉⵏ ⴳ ⵓⵙⵎⵓⵏ ⴷ ⵜⴰⵎⵓⵏⵜ ⵏ ⵉⴼⵔⵉⵇⵢⴰ ⴷ ⵓⵙⴷⴷⵔⴼⵉ ⵏⵏⵙ

ⵉⵜⵢⵓⴱⵢⴰ ⵜⴼⴽⴰ ⵜⴰⵙⵎⵖⵓⵔⵜ ⵜⴰⴼⵔⵉⵇⵉⵜ ⵉ ⵉⴳⵍⵍⵉⵏ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⴷⴼⴼⵉⵔ ⵍⵍⵉⵖ ⴷⴰⵔⵙ ⵜⵉⵍⴰⵍ ⵜⵉⵎⵇⵔⴰⵏⵉⵏ ⴳ ⵓⵙⵎⵓⵏ ⴷ ⵜⴰⵎⵓⵏⵜ ⵏ ⵉⴼⵔⵉⵇⵢⴰ ⴷ ⵓⵙⴷⴷⵔⴼⵉ ⵏⵏⵙ

02 ⵏⵓⵡⴰⵏⴱⵉⵔ 2022 Version Imprimable
ⴰⴷⵉⵙⴰⴱⴰⴱⴰ - ⵜⴼⴽⴰ ⵜⵎⴰⵣⵉⵔⵜ ⵏ ⵉⵜⵢⵓⴱⵢⴰ ⵜⴰⵙⵎⵖⵓⵔⵜ ⵜⴰⴼⵔⵉⵇⵉⵜ ⵉ ⵉⴳⵍⵍⵉⵏ ⵏ ⵓⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵉⵏ ⴷⴼⴼⵉⵔ ⵍⵍⵉⵖ ⵢⵉⵡⵙ ⴳ ⵜⴰⵎⵓⵏⵜ ⵏ ⵉⴼⵔⵉⵇⵢⴰ ⵙⴳ ⵜⵙⵏⵜⴰⵢⵉⵏ ⵏⵏⵙ ⴳ ⵓⵙⴽⴽⵉⵔ ⵏ ⵜⵎⴰⴳⵔⴰⵡⵜ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ .

ⵉⴼⴽⴰ ⵓⵏⵙⵙⵉⵅⴼ ⵏ ⵉⵎⴰⵡⵙⴰⵙⵏ ⵏ ⵉⵜⵢⵓⴱⵢⴰ ⵎⴰⵙⵙ ⴰⴱⵉ ⵃⵎⴰⴷ ⵜⴰⵙⵎⵖⵓⵔⵜ ⵜⴰⴼⵔⵉⵇⵉⵜ ⴰⵙⵙ ⵏ ⵓⵙⵉⵏⴰⵙ ⴳ ⴰⴷⵉⵙⴰⴱⴰⴱⴰ ⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⵟⴰⵍⴱⵉ ⵍⵄⴰⵍⴰⵎⵉ ⴳ ⵢⴰⵜ ⵜⴼⵓⴳⵍⴰ ⵏ ⵓⵙⵏⵎⴰⵍⴰ ⵏ ⵜⴰⵜⵜⵓⵢⵜ ⵜⴰⵎⵣⵡⴰⵔⵓⵜ ⵏ ⵉⴼⵔⵉⵇⵢⴰ ⵏ ⵉⵄⵔⵔⵉⵎⵏ ⴳⵔ 29 ⴽⵜⵓⴱⵕ ⴷ 1 ⵏⵓⵡⴰⵏⴱⵉⵔ ⴰⴷ ⴳ ⵜⵎⴰⵥⵓⵏⵜ ⵏ ⵉⵜⵢⵓⴱⵢⴰ .

ⵙⴳ ⵜⵙⵎⵖⵓⵔⵜ ⴰⴷ ⵜⵔⴰ ⵜⵎⴰⵣⵉⵔⵜ ⵏ ⵉⵜⵢⵓⴱⵢⴰ ⴰⴷ ⵜⵙⵏⵉⵎⵎⵔ ⵜⵙⵙⴷⵓⵙ ⵙ ⵜⵣⵎⵎⴰⵔ ⵏ ⵉⴳⵍⵍⵉⵏ ⴳ ⵓⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵉⵏ ⵅⴼ ⵜⵣⵎⵎⴰⵔ ⵏⵏⵙ ⴳ ⵓⵙⵎⵓⵏ ⴷ ⵜⴰⵎⵓⵏⵜ ⵜⴰⴼⵔⵉⵇⵉⵜ, ⴰⴼⴰⴷ ⴰⴷ ⵉⴳ ⵎⴰ ⴰⵏⵏ ⵢⴰⵜ ⵜⵓⴳⴳⴰ ⴷ ⵓⵖⴱⴰⵍⵓ ⵏ ⴽⵉⴳⴰⵏ ⵏ ⵉⵄⵔⵔⵉⵎⵏ ⴰⴼⴰⴷ ⴰⴷ ⵣⵎⵔⵏ ⴰⵙⴱⵓⵖⵍⵓ ⵏ ⵉⴼⵔⵉⵇⵢⴰ .

ⵉⴽⴽⴰ ⵜⵜ ⵉⵏⵏ ⵉⴳⵍⵍⵉⵏ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⵉⵏⵣⵖ ⴽⵉⴳⴰⵏ ⴼ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴳ ⵢⴰⵏ ⵓⴼⵙⴰⵔ ⵎⵏⵉⴷ ⵏ ⵓⵏⵙⵙⵉⵅⴼ ⵏ ⵉⵎⴰⵡⵙⴰⵙⵏ ⵏ ⵉⵜⵢⵓⴱⵢⴰ ⴷ ⵉⵏⵙⵙⵉⵅⴼⵏ ⵏ ⵜⵎⵓⵔⴰ ⵏ ⵉⴼⵔⵉⵇⵢⴰ ⵢⴰⴹⵏ ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ ⴷ ⵉⴷⵉⴱⵍⵓⵎⴰⵙⵉⵏ ⵏ ⴰⴷⵉⵙⴰⴱⴰⴱ ⴷ ⴽⵉⴳⴰⵏ ⵏ ⵉⵡⵔⵉⴽⵏ ⵢⴰⴹⵏ ⵉⵙⵔⵜⴰⵏⵏ .

ⴳ ⵜⴼⵓⴳⵍⴰ ⴰⴷ,ⵏⵏⴰⵖ ⵉⵜⵜⵓⵙⵎⵖⵔ ⵉⴳⵍⵍⵉⵏ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⴷⴼⴼⵉⵔ ⵏ ⵓⵏⵣⴰⵖ ⵏⵏⵙ ⴷ ⵜⵡⵉⵙⵉ ⵏⵏⵙ ⵉⴷⵓⵙⵏ ⴳ ⵜⴰⵎⵓⵏⵜ ⵏ ⵜⵎⵓⵔⴰ ⵏ ⵉⴼⵔⵉⵇⵢⴰ , ⵙⴳ ⵜⵙⵏⵜⴰⵢⵉⵏ ⵏⵏⵙ ⴷ ⵓⵙⴷⵓⵙ ⵓⵍⴰ ⴰⵙⴽⵓ ⵏ ⵓⴼⵔⴰ ⴷ ⵜⵏⴼⵍⵉⵜ ⴷ ⵓⵙⴱⵓⵖⵍⵓ ⵏ ⵉⴼⵔⵉⵇⵢⴰ .

ⵎⴽⵍⵍⵉ ⵜⵜⵓⵙⵎⵖⵔⵏ ⴰⵡⴷ ⵉⵏⵎⴰⵙⵙⵓⵜⵏ ⴷ ⵉⵏⵙⵙⵉⵅⴼⵏ ⵏ ⵉⴼⵔⵉⵇⵢⴰ, ⵎⴽⵍⵍⵉ ⵜⵜⵓⴼⴽⴰⵏⵜ ⴰⵡⴷ ⵎⵔⴰⵡⵜ ⵏ ⵜⵙⵎⵖⵓⵔⵉⵏ ⵉ ⵉⵏⵙⵉⵅⴼⵏ ⵢⴰⴹⵏ ⵉⴼⵔⵉⵇⵉⵏ .

ⵙ ⵜⵎⵍⴷⴰ ⴰⴷ , ⵉⵙⵏⵉⵎⵎⵔ ⵎⴰⵙⵙ ⵕⴰⵛⵉⴷ ⵟⵟⴰⵍⴱⵉ ⵍⵄⴰⵍⴰⵎⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵍⵍⵉⵖ ⵢⵓⵎⵥ ⵜⴰⵙⵎⵖⵓⵔⵜ ⵙ ⵜⵓⵎⵍⴰⵢⵉⵏ ⵏⵏⵙ .

ⵉⵏⵏⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰⴳ ⵢⴰⵏ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⴷ ⵓⵙⵏⵖⵎⵙ ⴳ ⵜⴳⵉⵔⴰ ⵏ ⵜⴼⵓⴳⵍⴰ ⴰⴷ , ⵎⴰⵙⴷ ⴰⵏⵙⵙⵉⵅⴼ ⵏ ⵉⵎⴰⵡⵙⴰⵙⵏ ⵏ ⵉⵜⵢⵓⴱⵢⴰ ⵉⴼⴽⴰ ⵜⵉⵙⵎⵖⵓⵔⵉⵏ ⴰⴷ ⵉ ⴽⵉⴳⴰⵏ ⵏ ⵉⴳⵍⴷⴰⵏ ⵏ ⵜⵎⵓⵔⴰ ⵏ ⵉⴼⵔⵉⵇⵢⴰ .

ⵉⵏⵏⴰ ⴰⵡⴷ ⵎⴰⵙⴷ ⵉⴳⵍⵍⵉⵏ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⴰⴷ ⵉⴳⴰⵏ ⴰⵏⵙⵙⵉⵅⴼ ⵏ ⵓⵡⴰⵏⴽ ⵏⵏⴰ ⵎⵓ ⵜⴼⴽⴰ ⵉⵜⵢⵓⴱⵢⴰ ⵜⴰⵙⵎⵖⵓⵔⵜ ⴳ ⵉⵣⵣⵍⵎⴹ ⵏ ⵉⴼⵔⵉⵇⵢⴰ ⵙ ⵓⵙⵔⴰⴳ ⵍⵍⵉⵖ ⵉⴳⴰ ⴰⵏⴱⴷⴰⴷ ⴷ ⵓⵎⵙⴽⴰⵔ ⵏ ⵜⵎⴰⴳⵔⴰⵡⵜ ⵜⴰⴼⵔⵉⵇⵉⵜ, ⴷ ⵓⵏⵙⵙⵉⵅⴼ ⵏⵏⴰ ⵢⵉⵡⵙⵏ ⴳ ⵓⵙⵎⵙⴰⵙⴰ ⵏ ⴽⵉⴳⴰⵏ ⵏ ⵉⵏⵅⵉⴱⴱⵉⵍⵏ ⴷ ⵡⴰⵏⵏⴰⵍ ⵏ ⵉⵖⵔⴼⴰⵏ ⵏ ⵉⴼⵔⵉⵇⵢⴰ ⵙⴳ ⵓⵙⴷⵓⵔⵔⵉ .

ⵉⵣⴰⵢⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⴷ ⵜⵉⴽⴽⵉ ⵏ ⵜⵙⵎⵖⵓⵔⵜ ⴰⴷ ⴳ ⵜⴰⵜⵜⵓⵢⵜ ⵜⴰⴼⵔⵉⵇⵉⵜ ⵏ ⵉⵄⵔⵔⵉⵎⵏ , ⵏⵏⴰⵖ ⵉⵡⵙⵏ 54 ⵏ ⵜⴰⵎⵓⵔⵜ ⵜⴰⴼⵔⵉⵇⵉⵜ ⵉⴳⴰ ⵢⴰⵏ ⵓⵙⴷⵓⵙ ⵙ ⵜⵣⵎⵎⴰⵔ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵉⴳⵔ ⴰⴷ .

Dernière modification : 02 ⵏⵓⵡⴰⵏⴱⵉⵔ 2022
Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%9C%E2%B5%A2%E2%B5%93%E2%B4%B1%E2%B5%A2%E2%B4%B0-%E2%B5%9C%E2%B4%BC%E2%B4%BD%E2%B4%B0-%E2%B5%9C%E2%B4%B0%E2%B5%99%E2%B5%8E%E2%B5%96%E2%B5%93%E2%B5%94%E2%B5%9C-%E2%B5%9C%E2%B4%B0%E2%B4%BC%E2%B5%94%E2%B5%89%E2%B5%87%E2%B5%89%E2%B5%9C-%E2%B5%89-%E2%B5%89%E2%B4%B3%E2%B5%8D%E2%B5%8D%E2%B5%89%E2%B5%8F-%E2%B5%8F-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F-%E2%B5%A1%E2%B5%89%E2%B5%99%E2%B5%99-%E2%B5%99%E2%B5%89%E2%B5%8F-%E2%B4%B7%E2%B4%BC%E2%B4%BC%E2%B5%89%E2%B5%94-%E2%B5%8D%E2%B5%8D%E2%B5%89%E2%B5%96-%E2%B4%B7%E2%B4%B0%E2%B5%94%E2%B5%99-%E2%B5%9C%E2%B5%89%E2%B5%8D%E2%B4%B0%E2%B5%8D