ⴳ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⵎⴰⵙ ⵉⵍⴰ ⵓⵏⵎⵓⴳⴳⴰⵔ ⴰⴷ ⴰⵜⵉⴳ ⵙⵍⴰⵡⴰⵏ ⴰⴽⴽⵯ ⴳ ⵎⴰⴷ ⵉⵥⵍⵉⵏ ⵙ ⵡⴰⴷⴷⴰⴷ ⴰⵎⴰⴹⵍⴰⵏ ⵏ ⵖⵉⵍⴰⴷ ⵍⵍⵉⵖ ⵉⴳⴰ ⵓⵡⵜⵜⴰⵙ ⵏⵏⵙ ⴰⵙⴷⴷⵉⴷ ⵏ ⵓⴼⵔⴰ ⴷ ⵓⵎⵙⴰⴷⴷⴰⵔ .
ⴳ ⵉⴳⵔ ⴰⴷ ⵏⵉⵜ, ⵉⵃⵢⵢⵍ ⵎⴰⵙⵙ ⴰⵏⵅⵉⵍ ⴷ ⵓⵎⴰⵡⵙⴰⵙ ⴱⵓⵕⵉⵟⴰ ⵉ ⵓⵎⵓⵙⵙⵓ ⴰⴷ ⵏⵏⴰ ⵉⵙⴽⴰⵔ ⵅⴼ ⴽⵕⴰⴹ ⵉⵜⴳⴰⵔⵏ ⵉⴷⵙⵍⴰⵏⵏ, ⵉⵣⴷⵉⵏ ⴷ ⵓⴼⵔⴰ ⴷ ⵜⵉⵍⴰⵍ ⵏ ⵉⵄⵔⵔⵉⵎⵏ ⴳ ⵉⴼⵔⵉⵇⵢⴰ .
ⵍⵍⵉⵖ ⵜⴳⴰ ⵜⵉⴽⴽⵍⵉⵜ ⴰⴷ ⵜⴰⵎⵣⵡⴰⵔⵓⵜ ⴰⴷ ⵉⵜⵜⵓⵙⴽⴰⵔ ⵓⵎⵙⴰⴳⴰⵔ ⴰⴷ ⴳ ⵉⴼⵔⵉⵇⵢⴰ, ⵉⵏⵏⴰ ⵓⵎⵙⵜⴳⴳⴰⵔ ⴰⴷⵉⴱⵍⵓⵎⴰⵙⵉ ⵏ ⵙⴱⴱⴰⵏⵢⴰ ⵎⴰⵙ ⵉⵍⴰ ⴰⵜⵉⴳ ⴳ ⵓⵙⵡⵉⵔ ⴰⴼⵔⵉⵇⵉ .
ⵢⵉⵏⵉ ⵎⴰⵙⴷ ⵜⵉⵖⵔⵎⵜ ⵏ ⴼⴰⵙ ⴰⴷ ⵉⴳⴰⵏ ⴰⴷⵖⴰⵔ ⴷ ⵢⵓⵙⴰⵏ ⵉ ⵓⵙⵏⵎⴰⵍⴰ ⵏ ⵓⴱⵔⴰⴳⵔⴰⵡ ⴰⴷ, ⵍⵍⵉⵖ ⵜⴳⴰ ⵜⴰⵎⴰⵜⴰⵔⵜ ⵏ ⵓⴼⵔⴰ ⴷ ⵓⵎⵙⴰⴷⴷⴰⵔ ⴷ ⵓⵏⵎⵓⵇⵇⴰⵔ ⵏ ⵜⵖⵔⵎⵉⵡⵉⵏ .
ⵔⴰⴷ ⵉⵜⵜⵓⵙⵏⵎⴰⵍⴰ ⵓⴱⵔⴰⴳⵔⴰⵡ ⴰⴷ ⵡⵉⵄⵙⵙ ⵜⵜⵥⴰ ⵏ ⵓⵎⵢⴰⴷⴰⵙ ⵏ ⵜⵖⵔⵎⵉⵡⵉⵏ ⵓⵙⵙⴰⵏ ⵏ 22 ⴷ 23 ⵏⵓⵡⴰⵏⴱⵉⵔ ⴳ ⵜⵖⵔⵎⵜ ⵏ ⴼⴰⵙ, ⵉⵜⵜⵓⵙⴽⴰⵔ ⵓⵍⵖⵓ ⵏ ⵓⵙⵏⵎⴰⵍⴰ ⴳ ⵜⵙⵙⵓⵜⵍⵜ ⵜⵉⵙⵙ ⵙⴰⵎⵔⴰⵡ ⴷ ⵙⴰ ⵏ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵜⵎⵜⵜⴰ ⵉⵎⵓⵏⵏ .
ⵜⴳⴰ ⵜⴰⵎⵓⵏⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵜⵖⵔⵎⵉⵡⵉⵏ ⵢⴰⵏ ⵓⵏⵎⴰⵍⵍⵓ ⵏ ⵓⵎⵢⴰⴷⴰⵙ ⵏ ⵜⵡⵡⵓⵔⵉ ⵜⴰⴳⵔⴰⵖⵍⴰⵏⵜ ⴳ ⵓⵙⴰⵜⵉ ⵏ ⵓⵥⵥⵓ ⴳ ⵜⵖⵡⵡⴰⵖⵜ, ⵙⴳ ⵉⵜⴳⴰⵔⵏ ⵏ ⵓⵎⵢⴰⵡⴰⵙ ⴷ ⵓⵎⵔⴰⵔⴰ ⴳⵔ ⵜⴷⵍⵙⵉⵡⵉⵏ ⴷ ⵉⵙⴳⴷⵏ