ⴳ ⵜⴽⵛⵛⵓⵎⵜ ⵏⵏⵙ ⵙ ⵉⵙⵎ ⵏ ⵍⵎⵖⵔⵉⴱ ⴳ ⵓⵎⵔⴰⵔⴰ ⵏ ⵡⴰⵡⴰⵍ ⴰⵎⴰⵜⴰⵢ ⴳ ⵓⵙⴰⵜⵉ ⵏ ⵜⵙⵙⵓⵜⵍⵜ ⵜⵉⵙⵙ 77 ⵏ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵜⵎⵜⵜⴰ ⵉⵎⵓⵏⵏ ,ⵉⵏⵏⴰ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ( 13-27 ⵛⵓⵜⴰⵏⴱⵉⵔ ) ⵎⴰⵙⴷ ⵜⵉⵔⴰⵜⵙⵉⵡⵉⵏ ⴰⴷ ⵏ ⵓⵙⴳⴷⵣ ⴳ ⵉⵡⴷⴰⵏ ⴰⵔ ⵙⴽⴰⵔⵏⵜ ⴽⵉⴳⴰⵏ ⵏ ⵉⵎⵓⴽⵔⵉⵙⵏ ⵉ ⵜⵏⴼⵔⵓⵜ ⵏ ⵉⵡⴰⵏⴽⵏ ⴷ ⵜⵏⴼⵔⵓⵜ ⵏ ⵉⵡⴷⴰⵏ .
ⵉⵣⴰⵢⴷ ⴳ ⵉⴳⵔ ⵢⴰⴷⵏ, ⵉⵏⵏⴰ ⵎⴰⵙⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⵜⵙⵓⵍ ⴳ ⵓⵙⴷⵓⵙ ⵏ ⵜⴷⵉⵏⴰⵎⵉⵜ ⴷ ⵓⵎⵢⴰⵡⴰⵙ ⴰⵏⴼⴳⴰⵏ ⴳ ⵓⵙⴰⵜⵉ ⵏ ⵜⵙⵜⵕⴰⵜⵉⵊⵉⵜ ⵜⴰⵏⴰⵎⵓⵔⵜ ⵏ ⵓⵣⵡⴰⴳ , ⵏⵏⴰ ⵉⵙⵙⵏⵜⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴳ ⵓⵙⴳⴳⵯⴰⵙ ⵏ 2013 .
ⴷⴼⴼⵉⵔ ⵍⵍⵉⵖ ⵉⵙⴰⵡⵍ ⵅⴼ ⵉⵙⵔⴰⴳⵏ ⵏ ⵜⴰⵙⵙⴰⵙⵉⵏ ⵏ ⵜⵏⴼⵔⵓⵜ ⵅⴼ ⵓⵣⵡⴰⴳ ⴳ ⵓⵎⴰⴹⴰⵍ ⴰⴽⴽ, ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⵎⵖⵔⵉⴱⵉⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⵙⴳ ⵜⴰⵏⵏⴰⵢⵜ ⵉⴷⵓⵙⵏ ⵏ ⴱⴰⴱ ⵏ ⵡⴰⴷⴷⵓⵔ ⵅⴼ ⵜⵏⵜⵜⴰⵎⵜ ⵜⴰⵎⴰⴹⵍⴰⵏⵜ ⵉ ⵓⵣⵡⴰⴳ ⴷ ⵜⵏⴼⵔⵓⵜ,ⵏⵏⴰ ⵉⵜⵜⵓⵙⴳⵎⴹⵏ ⴳ ⵡⴰⵎⵓⵔ ⵏ ⵡⴰⴽⵓⵛ ⴳ ⴷⵓⵊⴰⵏⴱⵉⵔ 2018 .
ⵉⵙⴰⵡⵍ ⴰⵡⴷ ⵅⴼ ⵜⵏⴼⵔⵓⵜ ⴷ ⵓⴼⵔⴰⴳ ⵏ ⵓⴼⵔⴰ ⵏⵏⴰ ⵉⴳⴰⵏ ⵙⴳ ⵜⵉⵍⴰⵍ ⵏ ⵜⵎⴰⴳⵔⴰⵡⵜ ⵏ ⵜⵎⵜⵜⴰ ⵉⵎⵓⵏⵏ, ⵉⵏⵏⴰ ⵎⴰⵙⴷ ⵜⴰⴱⵔⴰⵜ ⵜⴳⴰ ⵢⴰⵜ ⵉⵇⵇⴰⵏ ⴰⵖ ⴷ ⴰⴽⴽⵯ ⴰⴼⴰⴷ ⴰⴷ ⵜⵏⵜ ⵏⵙⴱⵓⵖⵍⵓ ⴷ ⵓⴼⵔⴰⴳ ⵏ ⵉⵎⵙⵡⵡⵓⵔⵉⵏ ⴳ ⵉⴳⵔ ⴰⴷ .
ⵉⵏⵏⴰ ⵎⴰⵙⵙ ⴰⵅⵏⵓⵛ ⴳ ⵓⵙⴰⵜⵉ ⴰⴷ ⵎⴰⵙⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵉⴼⴽⴰ ⵙ ⵜⵎⵍⴷⴰ ⵏ ⵓⴽⵯⵜⵜⴰⵢ ⵡⵉⵙⵙ 66 ⵏ ⵓⵙⴽⴽⵉⵔ ⵏ ⵉⵙⵔⴷⴰⵙ ⵉⴳⵍⴷⴰⵏⵏ ⵜⵓⵎⵍⴰⵢⵉⵏ ⵏⵏⵙ ⴰⴼⴰⴷ ⴰⴷ ⵉⵜⵜⵓⵙⴽⴰⵔ ⵢⴰⵏ ⵡⴰⵎⵎⴰⵙ ⴰⵎⵖⵔⵉⴱⵉ ⵏ ⵓⴼⵔⴰⴳ ⵏ ⵜⵏⴼⵔⵓⵜ ⴷ ⵓⴼⵔⴰ ⵏⵏⴰ ⵎⵓ ⵎⵢⴰⵏⴰⵡⵏⵜ ⵜⵉⵏⴰⴼⵓⵜⵉⵏ ⵏⵏⵙ ,ⴰⵡⵜⵜⴰⵙ ⵏⵏⵙ ⵉⴳⴰⵜ ⵓⵙⵎⵓⵜⵜⴳ ⵏ ⵜⵣⵎⵎⴰⵔ ⵜⵉⵏⴰⵎⵓⵔⵉⵏ ⴷ ⵜⵉⵏ ⵉⴼⵔⵉⵇⵢⴰ, ⵙ ⵜⴷⵔⴰⵡⵜ ⴷ ⵜⵎⵜⵜⴰ ⵉⵎⵓⵏⵏ ⴷ ⵉⵡⴰⵏⴽⵏ ⵢⴰⴹⵏ ⴰⴼⴰⴷ ⴰⴷ ⵜⴷⵓⵙ ⵜⵏⴼⵔⵓⵜ ⴷ ⵓⴼⵔⴰ ⴰⴳⵔⴰⵖⵍⴰⵏ .