ⵔⴰⴷ ⵜⴼⴽ ⵜⵎⵙⵙⵓⴷⵓⵜ ⴰⴷ ⵢⴰⵏ ⵓⴼⵙⵙⴰⵢ ⵉ ⵓⵙⵎⴰⵜⵜⵉ ⵉⵛⵛⴰⵔⵏ, ⵎⵉⵏⵣⵉ ⵜⴻⵜⵜⴰⵡⵙⴽⴰⵔ ⴰⴼⴰⴷ ⴰⴷ ⵜⵇⵇⵏ ⵉⵙⵖⴰⵡⵙⴰⵜⵏ ⵏ ⵜⵎⴷⵉⵏⵉⵏ ⴷ ⵡⵉⴷⴰ ⵉⵟⵟⴰⴼⵏ ⵜⵉⵎⵙⵙⵓⴷⵓⵜⵉⵏ ⵏ ⵓⵙⵎⴰⵜⵜⵉ ⵉⵛⵛⴰⵔⵏ. ⵜⴰⵎⵙⵙⵓⴷⵓⵜ ⴰⴷ ⵜⴻⵜⵜⴰⵡⵙⴽⴰⵔ ⵉ ⵙⵉⵏ ⵉⵡⴷⴰⵏ ⴷ ⵜⴳⴰ ⵜⵍⵉⴽⵜⵔⵓⵏⵉⵢⵜ , ⴰⵡⵜⵜⴰⵙ ⵏⵏⵙ ⵉⴳⴰⵜ ⴰⵙⵉⴷⴼ ⵏ 50 ⴳ ⵜⵎⵉⴹⵉ ⵏ ⵏ ⵜⵎⵜⵜⴰⵡⵉⵏ ⵍⵍⵉ ⵎⵓ ⵓⵍⵙⵏ ⴳ ⵜⵎⴳⵓⵔⵉ ⵏⵏⵙ, ⴷ ⴰⴷ ⵜⵣⵎⵔ ⵉ ⵡⴰⵍⵍⴰⵙ ⵏ ⵜⵎⴳⵓⵔⵉ ⵏⵏⵙ ⵙ 95 ⵅⴼ ⵜⵎⵉⴹⵉ ⴳ ⵜⴳⵉⵔⴰ ⵏ ⵜⵉⵣⵉ ⵏⵏⵙ ⵓⵎⵢⴰⵡⴰⵙ ⵏ ⵜⵔⴰⴱⴱⵓⵜ ⴰⴷ.
ⵉⵍⵍⴰⵏ ⴳ ⵜⴼⵓⴳⵍⴰ ⴰⴷ ⴰⵎⴰⵡⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⵎⴰⵙⵙ ⵔⵉⵢⴰⴹ ⵎⵣⵓⵔ ⴷ ⵓⵏⵎⵀⴰⵍ ⴰⵎⴰⵜⵓ ⵏ ⵜⵔⴰⴱⴱⵓⵜ ⵏ ⵕⵓⵏⵓ ⵏ ⵍⵎⵖⵔⵉⴱ ⵎⴰⵙⵙ ⵎⵓⵃⵎⵎⴰⴷ ⴱⴰⵛⵉⵔⵉ, ⴷ ⴷ ⵓⵙⵍⵡⴰⵢ ⵏ ⵜⵙⴳⴰ ⵏ ⵟⴰⵏⵊⴰ-ⵜⵉⵟⵡⴰⵏ ⵎⴰⵙⵙ ⵄⵓⵎⴰⵕ ⵎⵓⵔⵓ, ⴷ ⵜⵎⵙⵇⴰⴷⵜ ⵏ ⴼⵕⴰⵏⵙⴰ ⴳ ⵕⵕⴱⴰⵟ ⵎⴰⵙⵙⴰ ⵀⵉⵍⵉⵏ ⵍⵓⴳⴰⵍ, ⴷ ⵓⵎⵃⵟⵟⵓ ⴰⵎⴰⵜⵓ ⵏ ⵜⴳⵍⴷⵉⵜ ⵏⵓⵔⴷⴷⵉⵏ ⴱⵏⵙⵓⴷⴰ, ⴷ ⵓⵙⵍⵡⴰⵢ ⵏ ⵓⵙⵇⵇⵉⵎ ⵏ ⵓⵙⵍⴳⴰⵎⵓ ⵏ ⵜⵙⵏⵓⵔⴰⵢⵜ ⵉⵥⵍⵉⵏ ⵙ ⵟⴰⵏⵊⴰ-ⴰⵏⴰⵎⵎⴰⵙ ⵎⴰⵙⵙ ⴼⵓⴰⴷ ⵍⴱⵔⵉⵏⵉ ⴷ ⵓⵏⵎⵀⴰⵍ ⴰⵎⴰⵜⵓ ⵏ ⵜⵙⵏⵓⵔⴰⵢⵜ ⵏ ⵓⴱⵓⵖⵍⵓ ⵏ ⵜⵙⴳⵡⵉⵏ ⵏ ⵉⵥⵣⵍⵎⴷ ⵎⴰⵙⵙ ⵎⵓⵏⵉⵔ ⵍⵢⵓⵙⴼⵉ.
ⵢⵉⵍⵉ ⴳⵉⵙ ⴰⵡⴷ ⴰⵙⵍⵡⴰⵢ ⵏ ⵜⴰⵎⵓⵏⵜ ⵜⴰⵎⴰⵜⵓⵜ ⵏ ⵜⵎⵙⵙⵏⵜⴰⵢ ⵏ ⵍⵎⵖⵔⵉⴱ ⵛⴰⴽⵉⴱ ⵍⵄⵍⵊ, ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⴰⵎⵓⵏⵜ ⵜⴰⵎⵖⵔⵉⴱⵉⵢⵜ ⵏ ⵜⵡⵓⵔⵉ ⵎⵉⵍⵓⴷⵉ ⵎⵅⴰⵔⵇ, ⴷ ⵜⵎⵀⴰⵍⴷⵜ ⵜⴰⵎⴰⵜⴰⵢⵜ ⵏ ⵜⵎⴰⵜⴰⵔⵜ “ⵎⵓⴱⵍⴰⵢⵣ “ⴽⵍⵓⵜⵉⴷ ⴷⵉⵍⴱⵓⵙ, ⴷ ⵓⵏⵎⵀⴰⵍ ⵏ ⴰⵎⴳⵓⵔⵉ ⵏ ⵜⵔⴰⴱⴱⵓⵜ ⵏ ⵕⵓⵏⵓ ⴷ ⵓⵏⵎⵀⴰⵍ ⵏ ⵏ ⵕⵓⵏⵓ ⴳ ⵛⵉⴱⵀ ⵍⵊⴰⵣⵉⵔⴰ ⵍⵄⴰⵔⴰⴱⵉⵢⴰ ⵅⵓⵙⵉⵀ ⴼⵉⵙⵉⵏⵜⵉ ⴷⵉ ⵍⵓⵙ ⵎⵓⵣⵓⵙ, ⴷ ⵜⵓⴳⴳⵜ ⵏ ⵉⵎⵙⵙⵓⴳⵔⵏ ⴳ ⵢⵉⴳⵔ ⴰⵎⴰⵜⴰⵢ ⵏⵉⵖ ⵓⵥⵍⴰⵢ ⴷ ⵉⵎⴷⵔⴰⵡⵏ ⵏ ⵜⵔⴰⴱⴱⵓⵜ.
ⵜⵙⴼⵓⴳⵍⴰ ⵜⵙⵎⴽⵜⵉⵜ ⴰⴷ ⵍⵍⵉ ⴷⴰⵔ ⵢⴰⵜ ⵜⵎⴰⵜⴰⵔⵜ ⵏ ⵜⴷⵔⴰⵡⵜ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵔⴰⴱⴱⵓⵜ ⵏ ⵕⵓⵏⵓ ⵙ ⵎⴰⵕⵕⴰ ⵉⵎⵙⴽⴰⵔⵏ ⵏ ⵉⴳⵔⴰⵏ ⴰⵎⴰⵜⴰⵢ ⴷ ⵓⵥⵍⴰⵢ , ⵍⵍⵉ ⵉⴳⴰⵏ ⴰⴼⵓⵙ ⴳ ⵓⴼⵓⵙ ⴰⴼⴰⴷ ⴰⴷ ⵜⴱⵓⵖⵍⵓ ⵜⵎⴳⵓⵔⵉ ⵏ ⵜⵎⵙⵙⵓⴷⵓⵜⵉⵏ, ⵍⵍⵉ ⵉⴳⴰⵏ ⵉⴳⵔ ⴰⵎⵣⵡⴰⵔ ⴰⵙⵉⴹⴼⴰⵏ ⴳ ⵍⵎⵖⵔⵉⴱ ⵙⴳ 2014.
ⵜⵍⴽⵎ ⵜⵎⵓⵜⵜⵔⵜ ⵏ ⵎⴰⴷ ⵉⵙⴼⴼⵖ ⵓⵙⴽⵯⵍ ⵓⴳⴳⴰⵔ ⵏ 2036 ⵎⵍⵢⵓⵏ ⴳ ⵎⵔⴰⵡ ⵉⵙⴳⴳⵯⴰⵙⵏ, ⴰⵔ ⵜⵜ ⵙⵙⵉⴹⵉⴼⵏ ⵙ ⵓⴳⴳⴰⵔ ⵏ 70 ⵏ ⵜⵙⴳⴰ ⴳ ⵓⵎⴰⴹⵍ.
ⴷ ⵉⵏⵏⴰ ⵎⴰⵙⵙ ⵎⵣⵡⴰⵔ ⴳ ⵜⴳⵓⵔⵉ ⵏⵏⵙ ⵙ ⵜⵎⵍⴷⴰ ⴰⴷ, ⵎⴰⵙ “ ⵏⵙⴼⵓⴳⵍⴰ ⴰⵙⵙ ⴰⴷ ⵙ ⵜⴷⵔⴰⵡⵜ ⵉⵎⵓⵔⵙⵏ ⵜⵏⵏⵓⵔⵣⵎ ⵅⴼ ⵉⵎⵏⵉⴷⵏ ⵉⵙⵜⵔⴰⵜⵉⵊⵉⵢⵏ ⵏ ⵉⵎⴰⵍ”, ⵉⵏⵏⴰ ⵎⴰⵙ ⴷ “ ⵜⴰⵔⴰⴱⴱⵓⵜ ⵏ ⵕⵓⵏⵓ” ⵜⵎⵍⴰ ⵜⴰⵡⵓⵔⵉ ⵏⵏⵙ ⴳ ⵜⵉⴽⴽⵍⵜ ⵢⴰⴹⵏ ⴳ ⵓⵙⴱⵓⵖⵍⵓⵏ ⵜⵎⵔⵓⵔⵉ ⵏ ⵜⵎⵙⵙⵓⴷⵓⵜⵉⵏ ⴳ ⵍⵎⵖⵔⵉⴱ, ⵉⴳⵔ ⴰⴷ ⵔⴰⴷ ⵉⵎⵎⴰⵜⵉ ⵙ ⵜⵉⵍⵉⴽⵜⵔⵓⵏⵉⵢⵜ ⴷ ⵓⵙⵎⴰⵜⵜⵉ ⴰⵙⵓⵍⴰⵏ ⵙ ⵜⴰⵙⵓⵔⵉⴼⵜ ⵙ ⵜⵙⵓⵔⵉⴼⵜ”.
ⵉⵏⵏⴰ ⴷⴰⵖ “ ⵎⴰⵙ ⵏⴹⴼⵔ ⵜⴰⵍⵉⴽⵜⵔⵓⵏⵉⵢⵜ ⵏ ⵏ ⵡⴰⵙⵙⴰⵢ. ⵜⴳⴰ ⵜⵉⴼⵔⴽⵜ ⵜⴰⵎⴰⵢⵏⵓⵜ ⴳ ⵎⵔⴰⵡ ⵉⵙⴳⴳⴰⵙⵏ ⴰⴷ ⴷ ⵉⴷⴷⴰⵏ, ⵎⵉⵏⵣⵉ ⵔⴰⴷ ⵜⴳ ⵙⴳ ⵜⵉⵖⴰⵡⵙⵉⵡⵉⵏ ⵍⵍⵉ ⵉⵙⵜⴰⵡⵀⵎⵎⴰⵏ ⴳ ⵍⵎⵖⵔⵉⴱ , ⴷ ⵔⴰⴷ ⵜⴳ ⵜⵉⵔⵎⵜ ⵏ ⵍⵎⵖⵔⵉⴱ ⴳ ⵓⴳⴰⴷⴰⵣ ⴳ ⵜⵎⴳⵓⵔⵉ ⵏ ⵜⵎⵙⵙⵓⴷⵓⵜⵉⵏ.
ⵉⵙⵙⴽⵕⵥ ⵎⴰⵙⵙ ⵎⵣⵡⴰⵔ ⵎⴰⵙ ⴷ “ ⴰⵙⵙⵏⵜⵉ ⵏ ⵓⵙⴼⴼⵓⵖ ⵏ ⵜⵎⵙⵙⵓⴷⵓⵜ ⵜⴰⵍⵉⴽⵜⵔⵓⵏⵉⵢⵜ ⵜⴰⵎⵣⵡⴰⵔⵓⵜ ⴳ ⵓⵙⴰⴽⵯⵍ ⵏ ⵟⴰⵏⵊⴰ ⴰⵔ ⵉⵎⵎⴰⵍ ⵜⵉⵙⵙⴰⵙ ⵉⴷⵓⵙⵏ ⵉ ⵍⵎⵖⵔⵉⴱ , ⵙ ⵜⵏⴱⴰⴹⵜ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ”, ⵉⵏⵏⴰ ⴷⴰⵖ ⵎⴰⵙ ⴷⴰⵔⵏⵖ ⵉⵎⴰⵎⴽⵏ ⴷ ⵜⵣⵎⵎⴰⵔ ⴰⴼⴰⴷ ⴰⴷ ⵏⵍⴽⵎ ⴰⵡⵜⵜⴰⵙ ⵏⵏⵖ.
ⴳ ⵜⵙⴳⴰ ⵏⵏⵉⴷⵏ, ⵉⵙⴰⵡⵍ ⵎⴰⵙⵙ ⴱⴰⵛⵉⵔⵉ ⵅⴼ ⵓⵙⴼⵓⴳⵍⵓ ⵏ ⵜⵎⵙⴽⵜⵉⵜ ⵜⵉⵙⵙ ⵎⵔⴰⵡⵜ ⵏ ⵓⵙⴰⴽⵯⵍ ⵏ ⵟⴰⵏⵊⴰ ⴷ ⵉⵏⵏⴰ ⵎⴰⵙ ⵜⴳⴰ ⵢⴰⵏ ⵓⵣⵎⵣ ⵏ ⵓⴱⴷⴷⴰⴷ ⵅⴼ ⵜⵎⵙⴽⴰⵔⵉⵏ ⵏ ⵡⴰⵏⵙⴰ ⴷⴰⴷ ⵙⴳ ⵜⵎⴳⵓⵔⵉ ⵏ ⵜⵎⵙⵙⵓⴷⵓⵜⵉⵏ ⴳ ⵜⴳⵍⴷⵉⵜ, ⵉⵙⵙⴽⵯⵜⵉⴷ ⵙ ⵓⵎⵙⴰⵔⴰ ⴰⵎⵇⵇⵔⴰⵏ ⵍⵍⵉ ⵉⵎⵓⵏ ⴷ ⵓⵙⵙⵏⵜⵉ ⵏ ⵓⵙⴽⵯⵍ ⴰⴷ ⵍⵍⵉ ⵉⴳⴰⵏ ⴰⵎⴷⴷⴰⴽⴽⵯⵍ ⵏ ⵜⵡⵏⵏⴰⴷⵜ, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵣⴷⵉⵏ ⵙ ⵜⵙⴳⵡⵉⵏ ⵜⵉⵏⵀⴳⴰⵏⵉⵏ ⴷ ⵜⵎⴳⵓⵔⵉ, ⴰⵢⵍⵍⵉⵖ ⵉⴳⴰ ⵢⴰⵏ ⵓⵙⴽⵯⵍ ⴳ ⵍⵎⵖⵔⵉⴱ ⴰⴷⵙⵍⴰⵏ ⵉ ⵜⵙⵎⴰⵍⴰⵜ ⵏ ⵜⵎⴳⵓⵔⵉ ⵉ ⵜⵔⴰⴱⴱⵓⵜ ⵏ ⵕⵓⵏⵓ.
ⴰⵙⴽⵯⵍ ⴰⴷ ⵙⴳ ⵎⴰⴷ ⵜ ⵉⵏⵏⵓⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴳ 9 ⴱⵔⴰⵢⵔ 2012 ⵉⵙⴽⵔ ⴰⴷⵖⴰⵔ ⵏⵏⵙ, ⴷ ⵢⵉⵡⵙ ⴳ ⵓⵎⵓⵔⵙ ⵏ ⵓⵙⵏⴼⵍ ⵏ ⵢⵉⴳⵔ ⵏ ⵜⵎⵙⵙⵓⴷⵓⵜⵉⵏ ⴳ ⵍⵎⵖⵔⵉⴱ, ⵎⵉⵏⵣⵉ ⵉⵙⴼⴼⵖⴷ ⵓⴳⴳⴰⵔ ⵏ 203 ⵉⴷ ⵎⵍⵢⵓⵏ ⵏ ⵜⵎⵙⵙⵓⴷⵓⵜ , ⴷ ⵉⵙⵙⵍⴽⵎ ⵜⴰⵎⴰⵜⴰⵔⵜ “ ⵉⵜⵜⴰⵡⵙⴽⴰⵔ ⵖ ⵍⵎⵖⵔⵉⴱ” ⵙ ⵓⴳⴳⴰⵔ ⵏ 70 ⵏ ⵜⵙⴳⴰ ⴳ ⵓⵎⴰⴹⵍ.
ⴳ ⵓⵙⴰⵜⵉ ⴰⴷ, ⵉⴱⴷⴷ ⵅⴼ ⵜⴱⴰⵔⴰⵣⵜ ⵏ ⵓⵙⴽⵯⵍ ⵏ ⵟⴰⵏⵊⴰ ⴳ ⵜⴷⵓⵙⵉ ⵏ ⵜⵙⵏⵎⴰⵍⵜ ⵕⵓⵏⵓ ⴷ ⵓⵙⴱⵓⵖⵍⵓ ⵉⵙⵙⵉⴹⵉⴼⵏ ⵏ ⵢⵉⴳⵔ ⵏ ⵜⵎⵙⵙⵓⴷⵓⵜⵉⵏ ⴳ ⵓⵙⴰⵜⵉ ⴰⴳⵔⴰⵖⵍⴰⵏ, ⵉⵙⵙⴽⵃⵜⵉⴷ ⵎⴰⵙ ⵜⴳⴰ ⵜⵎⴳⵓⵔⵉ ⵏ ⵜⵎⵙⵙⵓⴷⵓⵜⵉⵏ ⵢⵉⴳⵔ ⴰⵎⵣⵡⴰⵔⵓ ⴰⵎⵙⵙⴹⴼ ⴳ ⵍⵎⵖⵔⵉⴱ ⵙⴳ 2014, ⵙ ⵜⴰⵏⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ.
ⴷ ⵉⵏⵏⴰ ⵎⴰⵙ “ ⵜⴳⴰ ⵢⴰⵜ ⵜⵎⵙⵉⵙⴽⴰⵍⵜ ⵜⴰⵏⴼⴳⴰⵏⵜ ⵍⵍⵉ ⴹⴼⵔⵏ ⵉⵎⵙⵡⵓⵔⵉⵏ ⵎⴰⵕⵕⴰ ⴳ ⵜⵔⴰⴱⴱⵓⵜ ⵏ ⵕⵏⵓ , ⵜⴳ ⵢⴰⵏ ⵓⵎⴷⵢⴰ ⵏ ⵜⴷⵔⴰⵡⵜⴳⵔ ⵉⴳⵔⴰⵏ ⵓⵥⵍⴰⵢ ⴷ ⵓⵎⴰⵜⴰⵢ, ⴷ ⵜⴰⵔⴰⴱⴱⵓⵜ ⴰⴷ ⴰⵔ ⵜⵙⵎⴰⵢⵏⵓ ⵜⴰⵎⵢⵉⵎⴰⵏⵜ ⵏⵏⵙ ⴷ ⵜⵙⵏⵎⴰⵍⵜ ⵜⴰⵎⴳⵓⵔⵉⵜ ⵙⴳ ⵓⵖⵔⵉ ⵅⴼ ⵓⵣⵔⵉⵔⵉⴳ ⵏ ⵏ ⵓⴼⴰⵔⵙ ⵏ ⵜⵎⵙⵙⵓⴷⵓⵜ ⵜⴰⵎⴰⵢⵏⵓⵜ ⴷ ⵉⵣⵔⵉⵔⵉⴳⵏ ⵏ ⵓⴼⴰⵔⵙ ⴳ ⵓⵙⴽⵯⵍ ⵏ ⵟⵏⵊⴰ.
ⵉⵏⵏ ⴼⵉⵙⵉⵏⵜⵉ ⴰⵡⴷ ⵏⵜⵜⴰ ⵎⴰⵙ ⴷ” ⴰⵙⴽⵯⵍ ⵏ ⵟⴰⵏⵊⴰ ⵉⴳⴰ ⴰⵎⵣⵡⴰⵔⵓ ⵏ ⵜⵎⴳⵓⵔⵉ ⵏ ⵜⵎⵙⵙⵓⴷⵓⵜⵉⵏ ⴳ ⵍⵎⵖⵔⵉⴱ, ⵉⵙⴰⵡⵍ ⴰⵡⴷ ⵅⴼ ⵓⵙⵎⴰⵢⵏⵓ ⵏ ⵓⵙⴽⵯⵍ ⵙ ⵢⴰⵜ ⵜⴱⵔⵉⴷⵜ ⵉⴷⵓⵙⵏ ⵙ ⵜ ⵓⵎⵓⵔⵙ ⵏ ⵜⵎⴰⵜⴰⵔⵜ ⵏ “ⴷⴰⵙⵉⵢⴰ” ⴳ ⵍⵎⵖⵔⵉⴱ ⴷ ⵓⵎⴰⴹⴰⵍ ⵎⴰⵕⵕⴰ , ⴷ ⴳ ⵜⴰⵎⴰ ⵏ ⵜⵎⴳⵓⵔⵉ ⵏ ⵜⵓⴳⵜ ⵏ ⵡⴰⵏⴰⵡⵏ ⵏ “ⴷⴰⵙⵉⵢⴰ ⵙⴰⵏⴷⵉⵔⵓ” , ⵍⵍⵉ ⵉⴳⴰⵏ ⵜⴰⵎⵙⵙⵓⴷⵓⵜ ⵍⵍⵉ ⴱⴰⵀⵔⴰ ⵉⵏⵣⵣⴰⵏ ⵉ ⵉⵡⴷⴰⵏ ⴳ ⵓⵕⵓⴱⴱⴰ ⵙⴳ 2017 ⴷ ⵍⵎⵖⵔⵉⴱ , ⵎⴰ ⴰⴷ ⴰⵔ ⴰⵖ ⵉⵎⵎⴰⵍ ⴰⵎⵓⵔⵙ ⵏ ⵜⵎⴰⵜⴰⵔⵜ ⵏ” ⵉⵜⵜⴰⵡⵙⴽⴰⵔ ⴳ ⵍⵎⵖⵔⵉⴱ”.
ⵉⵙⵙⵎⵜⵔ ⴰⵡⴷ ⵎⴰⵙ ⴷ ⴰⵙⴽⵯⵍ ⵏ “ⵜⵓⵔⵉ ⵡⵔⵎⵣ” ⵏ ⵜⵎⴳⵓⵔⵉ ⵡⴰⵔ ⵍⴽⴰⵔⴱⵓⵏ ⴱⵍⴰ ⴰⴼⴰⵔⵙ ⵏ ⵡⴰⵔⵔⴰⵙ ⴰⵎⴳⵓⵔⵉ ⴰⵃⵔⵓⵔⴰⵢ, ⴷ ⵎⴰ ⴰⴷ ⴰⵔ ⵉⵎⵎⴰⵍ ⴰⴷⵖⴰⵔ ⵏⵏⵙ ⴳ ⵓⵏⵎⴰⵍⴰ ⴰⵎⴳⵓⵔⵉ ⵏ ⵜⵔⴰⴱⴱⵓⵜ”, ⵉⵏⵏⴰ ⴷⴰⵖ ⵎⴰⵙ ⵉⴳⴰ ⵍⵎⵖⵔⵉⴱ ⵢⴰⵏ ⵓⴳⵊⴷⵉ ⵏ ⵜⵖⵏⵏⴰⵏⵜ ⵜⴰⵎⴳⵓⵔⵉⵜ ⴷ ⵓⵎⵙⴽⴰⵔ ⴰⵎⴰⵙⵙⴰⵏ ⴳ ⵓⵙⵖⵉⵡⵙ ⵏⵏⵙ ⴰⵙⵜⵔⴰⵜⵉⵊⵉ “ ⵜⴰⵏⴽⵔⴰ ⵏ ⵕⵓⵏⵓ( Renaulution) ⵉ ⵜⴰⵔⴰⴱⴱⵓⵜ ⵏ ⵔⵓⵏⵓ.
ⵎⴰⵙⵙⴰ ⴷⵉⵍⴱⵓⵙ ⵜⵙⴰⵡⵍ ⵅⴼ ⵓⵙⴽⵯⵍ ⵏ ⵟⴰⵏⵊⴰ ⵍⵍⵉ ⵉⴳⴰⵏ ⵙⴳ ⵉⴳⵀⴷⴰⵏ ⵏ ⵓⵏⵎⴰⵍⴰ ⴰⵎⴳⵓⵔⵉ ⵉ ⵜⵔⴰⴱⴱⵓⵜ ⴷ ⵜⵏⵏⴰ ⵎⴰⵙ”ⵔⴰⴷ ⵉⵙⴽⵔ ⵜⴰⵎⵙⵙⵓⴷⵓⵜ ⵜⴰⵍⵉⴽⵜⵔⵓⵏⵉⵢⵜ “ ⵎⵓⴱⵍⴰⵢⵣ ⴷⵢⵓ”, ⴷ ⵔⴰⴷ ⴼⴰⵔⵙⵏ ⵜⴰⵎⵙⵙⵓⴷⵓⵜ ⵙ ⵜⵙⴰⵔⵡⴰ ⴳ ⵓⵙⴰⵜⵉ ⵏ ⵓⵙⵎⵓⵏ ⴰⵎⴰⵢⵏⵓ ⵍⵍⵉ ⴷⴷⴰⵔ ⵢⴰⵏ ⵜⵥⵉⴹⵔⴰ ⵜⴰⴼⴰⵔⵙⴰⵏⵜ ⵍⵍⵉ ⵉⵥⴹⴰⵔⵏ ⴰⴷ ⵜⵍⴽⵎ 17 ⵏ ⵢⵉⴼⴹ ⴽⵔⴰ ⵉⴳⴰⵜ ⴰⵙⴳⴳⵯⴰⵙ, ⵎⴰ ⴰⴷ ⴰⵔ ⴰⴷ ⵢⴰⵊ ⴰⵙⵉⴼⴷ ⵏ ⵜⵔⴰⵜⵙⴰ ⵓⵣⵍⴰⵢ ⵙ ⵓⴼⴰⵔⵙ ⵏ ⵜⵎⵙⵙⵓⴷⵓⵜ ⵜⴰⵍⵉⴽⵜⵔⵓⵏⵉⵢⵜ.
ⴷ ⵜⴱⴱⴰ ⴷⴰⵖ ⵎⴰⵙ ⴷ ⴰⵙⵏⴼⴰⵔ ⴰⴷ ⴰⵎⴰⵢⵏⵓ ⵔⴰⴷ ⵉⴷⴱⵓⵖⵍⵓ ⵜⵎⵢⴰⵎⴰⵏⵜ ⵏ ⵜⵔⴰⴱⴱⵓⵜ ⴷ ⵓⵙⴰⵜⵉ ⵏ ⵜⵎⴳⵓⵔⵉ ⵜⴰⵎⵖⵔⵉⴱⵉⵢⵜ, ⴷ ⵉⴳⴰ ⵢⴰⵏ ⵓⵙⵙⵏⵜⵉ ⴷ ⵓⵙⵡⵓⵔⵉ ⵙ ⵜⴰⵜⵉⴽⵏⵓⵍⵓⵊⵉⵢⵜ ⵜⴰⵍⵉⴽⵜⵔⵓⵏⵉⵢⵜ ⴳ ⵜⵎⴳⵓⵔⵉ ⵜⴰⵎⵖⵔⵉⴱⵉⵢⵜ, ⵍⵍⵉ ⴷ ⵉⴼⴼⵖⵏ ⴳ ⵢⵓⵏⵢⵓ 2021 ⵙ ⵜⵎⵍⴷⴰ ⵏ ⵓⵙⵎⴰⵢⵏⵓ ⵏ ⵜⵎⵢⴰⵇⵇⴰⵏⵉⵏ ⵏ ⵓⵙⴱⵓⵖⵍⵓ ⵏ ⵓⵏⵎⴰⵍⴰ ⵏ ⵕⵓⵏⵓ ⵜⴰⵎⴳⵓⵔⵉⵜ.
ⵎⴰⵙⵙ ⵍⵅⴰⵕⵇ ⵉⵏⵏⴰ ⵎⴰⵙ ⴷ” ⴰⵙⴼⵓⴳⵍⵓ ⴰⴷ ⵉⴳⴰ ⵜⴰⵎⵍⴷⴰ ⵙ ⵉⵎⵓⵔⵙⵏ ⵍⵍⵉ ⵉⵍⴽⵎ ⵓⵙⴽⵯⵍ ⵏ ⵟⴰⵏⵊⴰ ⴷ ⵓⵎⵓⵔⵙ ⵏ ⵜⵎⴷⵔⴰⵡⵏⵜ ⵜⴰⵏⴰⵎⵓⵏⵜ ⴳⵔ ⵜⵔⴰⴱⴱⵓⵜ ⵏ ⵕⵓⵏⵓ ⴷ ⵜⴰⵎⵓⵏⵜ ⵜⴰⵎⵖⵔⵉⴱⵉⵢⵜ ⵏ ⵜⵡⵓⵔⵉ, ⵍⵍⵉ ⵉⴱⴷⴷⵏ ⵅⴼ ⵓⵎⵢⴰⵡⴰⴹ ⵙ ⵜⵎⵢⴰⴷⴰⵙⵜ ⵏ ⴰⵎⵓⵔⵙ-ⴰⵎⵓⵔⵙ
ⴰⵙⴱⵓⵖⵍⵓ ⵏ ⵓⵙⴰⵜⵉ ⴰⵎⴳⵓⵔⵉ ⵏ ⵜⵔⴰⴱⴱⵓⵜ ⵏ ⵕⵓⵏⵓ ⵉⵣⵎⵎⵔ ⴳ ⵓⵙⵙⵏⵜⵉ ⵏ ⵓⵙⵏⴼⴰⵔ ⴰⵎⵇⵇⵔⴰⵏ ⴰⴳⵏⵙ ⵏ ⵓⵏⵎⴰⵍⴰ ⵏ ⵜⵎⴳⵓⵔⵉ ⵏ ⵜⵎⵙⵙⵓⴷⵓⵜⵉⵏ, ⴷ ⵙⴳ ⴰⵙⴳⴳⵯⴰⵙ ⵏ 2016 ⴱⴷⴷⵏ ⵅⴼ ⵜⵎⵢⴰⵇⵇⴰⵏⵉⵏ ⵏ ⵓⵙⴱⵓⵖⵍⵓ ⵏ ⵕⵓⵏⵓ ⵜⴰⵎⴳⵓⵔⵉⵜ ⵍⵍⵉ ⴷⴰⵔ ⴰⵡⵜⵜⴰⵙ ⵏ ⵓⵙⵉⴷⴼ ⴰⴳⵏⵙⴰⵏ ⵉ ⵜⵔⴰⴱⴱⵓⵜ ⵙ 65 ⵅⴼ ⵜⵎⵉⴹⵉ ⴷ ⵓⵙⵙⵖⵍⵉ ⵏ ⵓⵟⵟⵓⵏ ⵏ ⴰⵢⵍⵍⵉ ⵉⵏⵣⴰⵏ ⵙⴳ ⴰⴳⵏⵙ ⴰⵔ 1.5 ⵎⵍⵢⴰⵕ ⵓⵕⵓ ⴳ 2023.
ⵜⴰⵔⴰⴱⴱⵓⵜ ⴰⴷ ⵜⴽⵛⵎ ⵙ ⵢⴰⵜ ⵜⴼⵔⴽⵜ ⵜⴰⵎⴰⵢⵏⵓⵜ ⴳ ⵓⵙⴳⴳⵯⴰⵙ ⵏ 2021 ⴳ ⵜⵏⵎⴰⵍⴰⵜ ⵜⴰⵎⴳⵓⵔⵉⵜ ⵍⵍⵉ ⵉⵔⴰⵏ ⴰⴷ ⵉⵙⵙⵖⵍⵉ ⴰⵙⵓⴼⴷ ⴰⴳⵏⵙⴰⵏ ⴰⵔ 80 ⵅⴼ ⵜⵎⵉⴹⵉ, ⴰⴷ ⴰⴷ ⵍⴽⵎⵏ ⴰⵡⵜⵜⴰⵙ ⵏ ⵎⴰⴷ ⵉⵏⵣⴰⵏ ⵙ 3 ⵎⵍⵢⴰⵕ ⵓⵕⵓ ⴳ ⵎⴰⴷ ⵏⵏ ⵢⴰⴳⴳⵓⴳⵏ.
ⵜⵉⵡⵙ ⵜⴷⵉⵏⴰⵎⵉⵢⵜ ⴰⴷ ⵏ ⵜⵎⴳⵓⵔⵉ ⵜⴰⵎⴰⵢⵏⵓⵜ ⴳ ⵜⴷⵓⵙⵉ ⵏ ⵜⵏⵎⴰⵍⴰⵜ ⵜⴰⵎⴳⵓⵔⵉⵜ, ⴷ ⵜⵉⵍⵉⵜ ⵏ ⵉⵙⵓⴳⴰⵎ ⵉⵎⴰⵢⵏⵓⵜⵏ, ⵙ ⵜⵡⵉⵙⵉ ⵏ ⵜⴱⵔⵉⴷⵉⵜ ⵜⵉⵎⴰⵢⵏⵓⵜⵉⵏ, ⵎⵉⵏⵣⵉ ⵜⵉⵡⵙ ⵜⵔⴰⴱⴱⵓⵜ ⴰⴷ ⴰⴷ ⵜⵍⴽⵎ ⵢⴰⵏ ⵓⴱⵓⵖⵍⵓ ⴷ ⴰⴷ ⵜⵙⴽⵔ ⵢⴰⵏ ⵓⴷⵖⴰⵔ ⵉ ⵜⵎⴳⵓⵔⵉ ⵏ ⵜⵎⵙⵙⵓⴷⵓⵜⵉⵏ ⴳ ⵍⵎⵖⵔⵉⴱ ⴷ ⵜⵎⴰⵜⴰⵔⵜ ⵏ “ⵉⵜⵜⴰⵡⵙⴽⴰⵔ ⴳ ⵍⵎⵖⵔⵉⴱ ⴳ ⵓⵙⴰⵜⵉ ⴰⵙⴳⴰⵡⴰⵏ ⴷ ⵓⴳⵔⴰⵖⵍⴰⵏ.
ⴰⵙⴰⵜⵉ ⴰⴷ ⴰⵎⴳⵓⵔⵉ ⴰⵎⵖⵔⵉⴱⵉ ⵉⵙⴽⵔ ⴰⴷⵖⴰⵔ ⵏⵏⵙ ⴳⵔ ⵙⵎⵎⵓⵙⵏ ⵜⵎⵉⵣⴰⵔ ⵜⵉⵎⵣⵡⵓⵔⴰ ⵍⵍⵉ ⵉⵜⵜⴰⵡⵙⵙⴰⵏ ⵙ ⵜⵎⴳⵓⵔⵉ ⵍⵍⵉ ⴳ ⵜⵍⵍⴰ ⵕⵓⵏⵓ,ⵎⴰ ⴰⴷ ⵙ ⵓⵎⵢⴰⵡⴰⵙ ⵏ ⵜⵏⵎⴰⵍⴰ ⴰⴷ ⵜⴰⵎⴳⵓⵔⵉⵜ ⴳ ⵍⵎⵖⵔⵉⴱ ⵍⵍⵉ ⵉⵙⴽⵔⵏ ⵉⵣⵎⴰⵣ ⵏ ⵜⵡⵓⵔⵉ , ⵜⴱⵔⵣ ⴳ ⵓⵎⵓⵔⵙ ⵏ ⵜⵙⵎⴽⵜⴰ ⵏ ⵉⵙⵙⵉⴹⴼⵏ ⴳ ⵢⵉⴳⵔ ⵏ ⵜⵎⵙⵙⵓⴷⵓⵜⵉⵏ.