ⵉⵏⵏⴰ ⵓⵙⵉⵡⴹ ⵏ ⵜⵎⵔⵙⵍⵜ ⵎⴰⵙⴷ ⴰⵎⵃⵉⵣⵡⴰⵔ ⴷⴷⵅ,ⵔⴰⴷ ⴳⵉⵙ ⴰⵎⵓⵏ ⵉⵏⵙⵙⵉⵅⴼⵏ ⴷ ⵉⴳⵎⴰⵎⵏ ⵏ ⵡⴰⵢⵢⴰⵡⵏ ⵏ ⵜⵎⵔⵙⵍⵜ ⴰⴷ, ⵙⴳ 34 ⵏ ⵜⵎⴰⵣⵉⵔⵜ ⵏ ⵉⴼⵔⵉⵇⵢⴰ, ⴷ ⵎⴰⴷ ⵉⵜⵜⴳⴳⴰⵏ 88 ⵏ ⵓⵏⵍⵎⴰⴷ ⵏⵏⴰ ⵉⵍⵍⴰⵏ ⴳ ⵡⴰⵢⵢⴰⵡⵏ ⵙ ⴽⴽⵓⵥ ⵏ ⵜⵎⵔⵙⵍⵜ ⵏⵏⴰ ⵉⴳⴰⵏ 34 ⵏ ⵜⵎⵔⵙⵍⵜ , ⵏⵏⴰ ⵔⴰⴷ ⵉⵙⴽⵔ ⴰⵎⵃⵉⵣⵡⴰⵔ ⴽⵕⴰⴹ ⵓⵙⵙⴰⵏ ⵔⴰⴷ ⵙⴽⵔⵏ ⴰⵏⴰⵥⴰⵕ ⵅⴼ ⵜⵙⴽⴼⵍⵜ ⵜⴰⵎⵣⵡⴰⵔⵓⵜ ⵏ ⴽⵕⴰⴹ ⵡⴰⵢⵢⴰⵡⵏ, ⵙ ⴽⵉⴳⴰⵏ ⵏ ⵜⵙⵙⵓⵜⵍⵉⵏ ⵏⵖⴷ ⴰⵃⵙⵙⵓ ⵏ ⵙⵎⵎⵓⵙ ⵍⴰⵃⵣⴰⴱ .
ⵉⵣⴰⵢⴷ ⵓⵙⵉⵡⴹ , ⵉⵏⵏⴰ ⵎⴰⵙⴷ ⵜⴰⵎⵔⵙⵍⵜ ⵜⵥⵍⵉ ⵉ ⵉⵎⵔⵏⵓⵜⵏ ⵏⵏⴰ ⵔⴰⴷ ⵉⴳ ⴽⵕⴰⴹ ⵉⵎⵣⵡⵓⵔⴰ ⵙⴳ ⴽⵓ ⴰⵢⵢⴰⵡ ⵜⵉⵙⵎⵖⵓⵔⵉⵏ ⵏⵏⴰ ⵉⵍⴰⵏ ⴰⵜⵉⴳ, ⵎⴽⵍⵍⵉ ⵔⴰⴷ ⴰⵙⵏ ⵉⵜⵜⵓⴼⴽⴰ ⵢⴰⵏ ⵡⴰⵜⵉⴳ ⵏ ⵜⴷⵔⵉⵎⵜ .
ⵎⴽⵍⵍⵉ ⵜⵥⵍⵉ ⵜⵎⵔⵙⵍⵜ ⵜⴰⵙⵎⵖⵓⵔⵜ ⴰⵡⴷ ⵉ ⵓⵎⴷⵔⴰⵡ ⴰⴽⴽⵯ ⵉⵎⵣⵣⵉⵢⵏ ⴷ ⵜⵎⴷⵔⴰⵡⵜ,ⴰⵡⴷ ⵉ ⵜⴰⵍⵍⵉ ⵉⵃⵙⴰⵏ ⵍⵇⵇⵔⴰⵏ ⵙⴳ ⵜⴳⴷⵓⴷⴰⵏⵜ ⵏ ⵟⴰⵏⵥⴰⵏⵢⴰ ⵉⵎⵓⵏⵏ, ⴷ ⵉⵙⵎⵖⵕⵏ ⵉ ⵛⵛⵢⵓⵅ ⴳ ⵜⵎⴰⵣⵉⵔⵜ ⴰⵏⵏ ⵏⵉⵜ, ⴷ ⵜⵙⵎⵖⵓⵔⵉⵏ ⴰⵡⴷ ⵉ ⵉⵎⴷⵔⴰⵡⵏ ⴰⴽⴽⵯ .
ⵎⴽⵍⵍⵉ ⵉⵏⵏⴰ ⵓⵙⵉⵡⴹ ⵎⴰⵙ ⵔⴰⴷ ⵉⵜⵜⵓⵙⴽⴰⵔ ⴰⵡⴷ ⵢⴰⵏ ⵓⵙⴼⵙⵔ ⴳ ⵓⵙⵙⴰⵏ ⴷⴷⵅ ⴳ ⵡⴰⵙⵙ ⵏ 11 ⵖⵓⵛⵜ ⴰⴼⴰⴷ ⴰⴷ ⵢⵉⵍⵉ ⵓⵙⵎⵖⵕ ⴷ ⵜⵉⴽⴽⵉ ⵏ ⵡⴰⴷⴷⵓⵔ ⵏ ⵓⴷⵍⵉⵙ ⵏ ⵕⴱⴱⵉ .
ⴰⵙⴼⵙⵔ ⴰⴷ ⵔⴰⴷ ⴳⵉⵙ ⵉⵜⵜⵓⵙⵎⵏⵉⴷ ⵓⵎⵣⵔⵓⵢ ⵏ ⵍⵇⵇⵔⴰⵏ ⵍⴽⴰⵔⵉⵎ,ⵏⵏⴰ ⵉⵍⵍⴰⵏ ⴳ ⵍⵎⵖⵔⵉⴱ ⴷ ⵜⵓⵣⵍⴰⵢⵉⵏ ⵏⵏⵙ ⴰⴽⴽⵯ ⵙⴳ ⵜⴰⵙⵓⵜ ⵜⴰⵎⵣⵡⴰⵔⵓⵜ ⵏ ⵍⵉⵙⵍⴰⵎ ⴳ ⵍⵎⵖⵔⵉⴱ ⴰⵔ ⴰⵙⵙ ⴰⴷ, ⵙⴳ ⵡⴰⵔⵔⴰ ⵏⵏⴰ ⵉⵜⵜⵢⴰⵔⴰⵏ ⵙ ⵓⴼⵓⵙ ⴰⵔ ⴰⵣⵎⵣ ⵏ ⵉⴷⵍⵉⵙⵏ, ⵏⵏⴰ ⵜⵙⴽⵔ ⵜⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⴷ ⵜⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ .
ⴰⵡⵜⵜⴰⵙ ⵏ ⵜⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵏ ⵉⵎⴰⵙⵙⴰⵏⵏ ⵏ ⵉⴼⵔⵉⵇⵢⴰ , ⴰⴳ ⵓⵙⴼⵙⵔ ⴰⴷⵏⴰⴼⴰⴷ ⴰⴷ ⵜⵙⵙⴷⵓⵙ ⵜⴰⵖⴹⴼⵜ ⵏⵏⴰ ⵜⴼⴽⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷⴷⵓ ⵜⵏⴰⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⴰⴷ ⵡⵉⵙⵙ ⵙⴹⵉⵙ ⵏⵏⴰ ⵉⴳⴰⵏ ⴰⵏⵙⵙⵉⵅⴼ ⵏ ⵜⵎⵔⵙⵍⵜ ⴷⴷⵅ, ⴰⴼⴰⴷ ⴰⴷ ⵜⴼⵔⴳ ⵜⵉⵔⵎⵉⵜ ⵏ ⵜⵎⵔⵙⵍⵜ ⴳ ⵉⴳⵔ ⵏ ⵓⵙⴽⴽⵉⵔ ⵏ ⵡⴰⵏⴰⵡⵏ ⵏ ⵍⵇⵇⵔⴰⵏ ⵏⵏⴰ ⵉⴳⴰⵏ ⵢⴰⵜ ⵜⵎⵔⵓⵢⵜ ⴳ ⵓⵎⵣⵔⵓⵢ ⵏⵏⵖ .
ⵔⴰⴷ ⵜⵜⵓⵙⴽⴰⵔ ⴰⵡⴷ ⵢⴰⵜ ⵜⵙⴰⵡⵓⵔⵜ ⵏ ⵜⵉⵔⵔⴰ ⵏ ⵡⴰⵏⴰⵡ ⵏ ⵜⵉⵔⵔⴰ ⵏ ⵍⵇⵔⴰⵏ ⵍⴽⴰⵔⵉⵎ, ⵔⴰⴷ ⴼⵍⵍⴰⵙ ⵉⵍⵉⵏ ⵓⵥⵍⴰⵢⵏ ⴳ ⵡⴰⵔⵔⴰ ⵏ ⵍⵇⵇⵔⴰⵏ ⵍⴽⴰⵔⵉⵎ,ⴰⵡⵜⵜⴰⵙ ⵏ ⵜⵙⴰⵡⵓⵔⵜ ⴰⴷ ⴰⴷ ⵎⵍⵉⵏ ⵉ ⵉⵎⴷⵔⴰⵡⵏ ⵜⵉⵜⵉⵇⵏⵉⵢⵉⵏ ⵏ ⵜⵉⵔⵔⴰ ⵏ ⵍⵇⵇⵔⴰⵏ,ⵏⵏⴰ ⵉⵙⵖⴰⵡⵙⴰⵙ ⵙ ⵜⵃⵕⵛⵉ ⴷ ⵜⵣⴷⴳⵉ ⴷ ⵓⵡⵇⵇⵔ ⵏ ⵉⵜⴳⴰⵔⵏ ⴰⴽⴽⵯ ⴷ ⵜⴼⴰⴷⵉⵡⵉⵏ ⵏ ⵜⵉⵔⵔⴰ .
ⵙⵙⵎⵖⵕⵏ ⵉⵎⵙⵜⴳⴳⴰⵔⵏ ⵏ ⵜⵎⵔⵙⵍⵜ ⵏ ⵉⵎⴰⵙⵙⴰⵏⵏ ⵏ ⵉⴼⵔⵉⵇⵢⴰ ⵙ ⵜⵣⵎⵎⴰⵔ ⵏ ⵡⴰⵢⵢⴰⵡ ⵏ ⵜⵎⵔⵙⵍⵜ ⴳ ⵜⴳⴷⵓⴷⴰⵏⵜ ⵏ ⵟⴰⵏⵥⴰⵏⵢⴰ ⵉⵎⵓⵏⵏ, ⵙⴳ ⴳⵉⵙⵏ ⴰⵏⵙⵙⵉⵅⴼ ⵏ ⵡⴰⵢⵢⴰⵡ,ⵛⵛⵉⵅ ⴱⵓⴱⴰⴽⵔ ⵣⵣⵓⴱⴰⵢⵔ ⵉⵡⵉⵙ ⵏ ⵄⵍⵉ ⴰⵎⴱⵡⴰⵏⴰ, ⵍⵍⵉⵖ ⵏⵏ ⵉⴳⴰ ⵜⵉⵣⵎⵎⴰⵔ ⵏ ⵓⵙⵙⵓⵊⴷ ⴷ ⵜⴼⴰⴷⵉⵡⵉⵏ ⵏⵏⴰ ⵉⵙⴽⵔ ⴳ ⵎⴰⴷ ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵓⵎⵃⵉⵣⵡⴰⵔ ⴷⴷⵖ.