ⵜⵏⵏⴰ ⵜⵎⵙⵎⵓⵏⵜ ⴳ ⵢⴰⵏ ⵓⵙⵉⵡⴹ ⵏⵏⵙ ⵏ ⵡⴰⵙⵙ ⵏ ⵓⴽⵕⴰⵙ ⵎⴰⵙⴷ ⵎⴰⵙⵙ ⵍⵉⵎⵓⵔⵉ ⵏⵏⴰ ⵉⵙⴽⵔⵏ ⴰⵔⵣⴰⴼ ⵏ ⵜⵡⵡⵓⵔⵉ ⵉ ⵜⵎⴰⵣⵉⵔⵜ ⵏ ⵏⵓⵡⴰⴽⵛⵓⵟ, ⵢⵉⵡⵙ ⴳ ⵜⵡⵡⵓⵔⵉⵡⵉⵏ ⵏ ⵜⵙⵙⵓⵜⵍⵜ ⵜⵉⵙⵙ ⵙⴰ ⴷ ⵎⵔⴰⵡⵜ ⵏ ⵓⵙⵉⵔⴰ ⴰⵡⵡⵓⵔⴰⵏ ⵏ ⵜⵎⴰⴳⵔⴰⵡⵜ ⵏ ⵜⵖⵔⵎⵉⵏ ⴷ ⵜⵏⴱⴰⴹⵉⵏ ⵜⵉⵙⴳⴰⵡⴰⵏⵉⵏ ⵜⵉⴼⵔⵉⵇⵉⵢⵉⵏ ⵉⵎⵓⵏⵏ,
ⵉⴳⴰ ⵓⴳⵔⴰⵡ ⴰⴷ ⵢⴰⵜ ⵜⵎⵍⴷⴰ ⵏⵏⴰⵖ ⵉⵙⵏⵓⴱⴳ ⵓⵏⵖⵍⴰⴼ ⴰⵎⵣⵡⴰⵔⵓ ⵏ ⵎⵓⵕⵉⵟⴰⵏⵢⴰ, ⵎⵓⵃⵎⵎⴰⴷ ⵡⵍⴷ ⴱⵍⴰⵍ ⵎⵙⵄⵓⴷ, ⴳ ⵡⴰⵏⵙⴰ ⵏ ⵜⵎⴰⵡⴰⵙⵜ ⵜⴰⵎⵣⵡⴰⵔⵓⵜ, ⵉⴳⵎⴰⵎⵏ ⵏ ⵓⵙⵉⵔⴰ ⴰⵡⵡⵓⵔⴰⵏ, ⵙ ⵜⴰⵜⵜⵓⵢⵜ ⵏ ⵎⴰⵙⵙⴰ ⵜⴰⵏⵙⵙⵉⵅⴼⵜ ⴼⴰⵟⵉⵎⴰ ⴱⵏⵜ ⵄⴱⴷⵍⵎⴰⵍⴽ ⵏⵏⴰ ⵉⴳⴰⵏ ⵜⴰⵏⵙⵉⵅⴼⵜ ⵏ ⵜⵎⴰⴳⵔⴰⵡⵜ, ⴷ ⵓⵏⵙⵙⵉⵅⴼ ⵏ ⵜⵙⴳⴰ ⵏ ⵏⵓⵡⴰⴽⵛⵓⵟ, ⴷ ⵎⴰⵙⵙ ⵎⵓⵏⵉⵔ ⵍⵉⵎⵓⵔⵉ, ⴰⵎⴰⵡⴰⵙ ⵏ ⵜⵏⵙⵙⵉⵅⴼⵜ ⵏ ⵜⵎⴰⴳⵔⴰⵡⵜ, ⴷ ⵎⴰⵙⵙ ⵊⵓⵏ ⴱⴱⵉⵕ ⵎⴱⴰⵙⵉ, ⵏⵏⴰ ⵉⴳⴰⵏ ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵎⴰⴳⵔⴰⵡⵜ .
ⵜⴳ ⵜⵎⵍⴷⴰ ⴰⴷ ⴰⵡⴷ ⵜⴰⵍⵍⵉ ⵖ ⵉⵙⵙⵏ ⵓⵏⵙⵙⵉⵅⴼ ⵡⵍⴷ ⴱⵍⴰⵍ ⵉⵎⵓⵙⵙⵓⵜⵏ ⵏⵏⴰ ⴰⴽⴽⵯ ⵜⵙⴽⴰⵔ ⵜⵎⴰⴳⵔⴰⵡⵜ, ⴷ ⵡⴰⵀⵉⵍ ⵏ ⵓⵙⵡⵡⵓⵔⵉ ⵏⵏⵙ ⴷ ⵉⵡⵜⵜⴰⵙⵏ ⵏⵏⵙ , ⴳ ⵓⴳⵔⴰⵡ ⴷⴷⵖ ⵉⴼⴽⴰ ⵓⵏⵙⵙⵉⵅⴼ ⵍⵉⵎⵓⵔⵉ ⵉ ⵓⵏⵖⵍⴰⴼ ⴰⵎⵣⵡⴰⵔⵓ ⵏ ⵎⵓⵕⵉⵟⴰⵏⵢⴰ ⵢⴰⵏ ⵓⵙⴼⵔⵉⵙ ⵏ ⵜⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵏ ⵜⴳⵔⴰⵡⵉⵏ .
ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⴷ ⵉⴳⴰ ⵜ ⵎⴰⵙⵙ ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⵓⴳⵯⵏⵙ ⵎⵓⵃⵎⵎⴰⴷ ⵃⵎⴰⴷ ⵡⵍⴷ ⵎⵓⵃⵎⵎⴰⴷ ⵍⴰⵎⵉⵏ, ⴷ ⵓⵎⴰⵡⵙⴰⵙ ⵏ ⵜⴷⵔⵉⵎⵜ ⵉⵙⵍⵎⵓ ⵡⵍⴷ ⵎⵓⵃⵎⵎⴰⴷ ⵎⴱⴰⴷⵉ .
ⴳ ⵓⴳⵔⴰⵡ ⴰⴷ ⵏⵉⵜ ⵉⵙⴽⵔ ⵎⴰⵙⵙ ⵍⵉⵎⵓⵔⵉ ⴽⵔⴰ ⵏ ⵜⵣⵔⴰⵡⵉⵏ ⴷ ⵉⵎⵔⴰⵔⴰⵜⵏ ⴷ ⵓⵏⵙⵙⵉⵅⴼ ⵏ ⵜⵣⵍⵖⴰ ⵏ ⵎⵓⵕⵉⵟⴰⵏⵢⴰ ⵙ ⵜⴷⵔⴰⵡⵜ ⵏ ⵉⵏⵙⵙⵉⵅⴼⵏ ⵏ ⵜⵖⵔⵎⵉⵏ ⵏ ⵎⵓⵕⵉⵟⴰⵏⵢⴰ ⴷ ⵉⴳⵎⴰⵎⵏ ⵏ ⵜⵣⵍⵖⴰ ⴰⴼⴰⴷ ⴰⴷ ⵢⵉⵍⵉ ⵓⵎⵢⴰⵡⴰⵙ ⴷ ⵜⵎⵢⴰⵇⵇⴰⵏⵉⵏ ⵏ ⵜⴷⵔⴰⵡⵜ ⴳⵔ ⵜⵎⴰⴳⵔⴰⵡⵜ ⴷ ⵜⵎⴰⵣⵉⵔⵜ ⵏ ⵎⵓⵕⵉⵟⴰⵏⵢⴰ .