ⵙⴳ ⵓⵙⵉⵡⴹ ⵏ ⵜⵎⴰⵡⵙⴰⵙⵜ , ⴰⵏⵎⵓⴳⴳⴰⵔ ⴰⴷ ⵉⴷⴷⴰⴷ ⴳ ⵜⴷⵉⵏⴰⵎⵉⵜ ⵏⵏⴰ ⵉⵍⵍⴰⵏ ⴳ ⵉⴳⵔ ⵏ ⵜⵣⴷⴰⵢⵉⵏ ⴳⵔ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵡⴰⵏⴽ ⵏ ⵉⵙⵕⴰⵢⵉⵍ ⵙⴳ ⵓⵙⵙⴳⵎⴹ ⴳ ⵓⵙⴳⴳⴰⵙ ⵏ 2020 ⴳ ⵓⵏⵎⴰⵍⴰ ⴰⵎⴽⵕⴰⴹ ( ⵍⵎⵖⵔⵉⴱ-ⵉⵙⵕⴰⵢⵉⵍ- ⵜⴰⵎⵜⵜⴰ ⵉⵎⵓⵏⵏ ) , ⵜⵉⵣⴷⴰⵢⵉⵏ ⴷⴷⵅ ⵙⴽⴰⵏⵜ ⴼ ⵉⵏⵎⵎⵓⴷⴷⴰ ⵓⴷⴰⵢⵏ ⵏⵏⴰ ⴳⴰⵏⵉⵏ ⵉⵎⵖⵔⵉⴱⵉⵏ ⵙ ⵉⵥⵓⵕⴰⵏ, ⵜⵉⵣⴷⴰⵢⵉⵏ ⴰⴷ ⴰⵡⴷ ⵍⵍⴰⵏⵜ ⴷⴷⵓ ⵏ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ .
ⴳ ⵉⴳⵔ ⵢⴰⴹⵏ ⴰⵎⵔⴰⵔⴰ ⴷⴷⵅ ⵏ ⵡⴰⵡⴰⵍ ⵉⵜⵜⵓⴳⴰ ⴼ ⵉⵜⴳⴰⵔⵏ ⵏ ⵓⵎⵢⴰⵡⴰⵙ ⵏ ⵉⵎⴰⵍ ⴳⵔ ⵙⵏⴰⵜ ⵜⵎⵉⵣⴰⵔ ⴰⴷ , ⴳ ⵉⴳⵔⴰⵏ ⵏ ⵜⴷⵍⵙⴰ ⴷ ⵜⵄⵓⵔⵎⴰ , ⵉⵜⵜⵓⴼⴽⴰ ⵢⴰⵏ ⵓⵎⴷⵢⴰ ⴷ ⵡⴰⵀⵉⵍ ⵉ ⵜⵎⴰⵡⵙⴰⵙⵜ ⵏ ⵜⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ .
ⴳ ⵉⴳⵔ ⴰⴷ ⵏⵉⵜ , ⵉⵣⴰⵢⴷ ⵓⵙⵉⵡⴹ ⵉⵏⵏⴰ ⵎⴰⵙ ⵔⴰⴷ ⵜⵜⵓⵙⴽⴰⵔ ⵢⴰⵜ ⵜⵔⴰⴱⴱⵓⵜ ⵏ ⵓⵎⵢⴰⵡⴰⵙ ⴰⴼⴰⴷ ⴰⴷ ⵜⵙⴽⵔ ⵢⴰⵏ ⵡⴰⵀⵉⵍ ⵉⵜⵜⵓⵙⵙⴰⵔⵏ ⴳ ⵓⵙⴰⵜⵉ ⵏ ⵓⵙⵏⵎⴰⵍⴰ ⵏ ⵜⴰⵙⵙⵓⵜⵍⵉⵏ ⵏ ⵓⵏⴱⴷⵓ ⵏⵏⴰ ⵉⵙⵜⴰⵡⵀⵎⵎⴰⵏ ⵙ ⵉⵄⵔⵔⵉⵎⵏ ⵉⵎⵖⵔⵉⴱⵉⵏ ⴷ ⵡ<ⵉⵏ ⵜⵎⴰⵣⵉⵔⵜ ⵏ ⵉⵙⵕⴰⵢⵉⵍ ⴰⴼⴰⴷ ⴰⴷ ⵙⵏⵓⵏⴼⵏ ⵜⴰⴷⵍⵙⴰ ⵜⴰⵎⵖⵔⵉⴱⵉⵜ ⴷ ⵜⴷⵍⵙⴰ ⵏ ⵜⵎⴰⵣⵉⵔⵜ ⵏ ⵉⵙⵕⴰⵢⵉⵍ .
ⵉⵣⴰⵢⴷ ⵎⴰⵙⵙ ⴱⵏⵙⵄⵉⴷ ⵎⴰⵙ ⵔⴰⴷ ⵜⵜⵓⵔⴰⵔ ⵜⵖⴹⴼⵜ ⵉ ⵜⵙⵏⵎⴰⵍⴰⵢⵜ ⴷ ⵓⵔⴰⵔⵏ ⵏ ⵓⴼⵉⴷⵢⵓ ⵍⵍⵉⵖ ⵍⴰⵏⵜ ⴰⵜⵉⴳ ⴰⵅⴰⵜⴰⵔ , ⵉⵍⵉⵏ ⴽⵉⴳⴰⵏ ⵏ ⵉⵏⵎⵎⴰⵙⵓⵜⵏ ⴷⴰⵔ ⵍⵎⵖⵔⵉⴱ ⴳ ⵉⴳⵔ ⴰⴷ .