ⴰⵡⵜⵜⴰⵙ ⵏ ⵓⴱⵕⵓⵜⵓⴽⵓⵍ ⴷⴷⵅ,ⵏⵏⴰ ⵉⵜⵜⵓⵙⴳⵎⴰⴹⵏ ⵙⴳ ⴷⴰⵔ ⵓⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⵕⴰⵢⵢⴰⵏ ⵎⵣⵓⵔ, ⴷ ⵓⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⴼⴰⵕⴰⵏⵙⵉⵜ ⵜⵛⴰⵕⵍⵣ ⵖⵉⴱⵔⴰⵜ, ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⴷⵔⴰⵡⵜ ( GHL) , ⵅⴰⵍⵉⵍ ⵊⴰⵢⵃⵓⴽⵉⵎⵉ, ⴰⵏⵙⵙⵉⵅⴼ ⵏ ⵜⵙⵃⴹⴰⵡⵜ ⵏ ⵜⵎⴳⵓⵔⵉⵡⵉⵏ ⵜⵉⵙⴳⵏⴰⴼⵉⵏ ⴳ ⵍⵎⵖⵔⵉⴱ ⵙⴰⵄⵉⴷ ⴱⵏ ⵃⴰⵊⵊⵓ, ⴰⴼⴰⴷ ⴰⴷ ⵜⵙⴱⵓⵖⵍⵓ ⵉⵙⵓⴳⴰⵎ ⵉⵏⵎⵏⴰⴹⵏ ⵏ ⵉⵎⴰⵙⵙⵏ ⴷ ⵉⴼⴰⵔⵙⵏ ⵉⵙⴳⵏⴰⴼⵏ,ⵏⵏⴰ ⵔⴰⴷ ⵉⴼⴽ ⵉⴼⵙⵙⴰⵢⵏ ⵏ ⵉⵙⵙⵓⵜⵓⵔⵏ ⵉⵎⴰⵙⵙⴰⵔⵏ ⵏ ⵉⵙⴳⵏⴰⴼⵏ ⵉⵏⴰⵎⵓⵏⵏ .
ⵉⴷⴷⴰⴷ ⵓⴱⵕⵓⵜⵓⴽⵓⵍ ⴰⴷ ⴷⴼⴼⵉⵔ ⵏ ⵓⵙⴳⵎⴷ ⵏ ⵙⵏⴰⵜ ⵜⵎⵢⴰⵇⵇⴰⵏⵉⵏ, ⵜⴰⵎⵣⵡⴰⵔⵓⵜ ⴳ ⵡⴰⵢⵢⵓⵔ ⵏ ⵛⵓⵜⴰⵏⴱⵉⵔ 2021 ⴳⵔ ⵜⵎⴰⵡⵙⴰⵙⵜ ⵏ ⵜⵎⴼⵓⵔⵉ ⴷ ⵜⵙⴱⴱⴰⴱⵜ, ⴷ ⵜⵙⵃⴹⴰⵡⵜ ⵜⴰⵙⴳⵏⴰⴼⵜ ⴷ ⵜⵙⴷⴰⵡⵉⵜ ⵏ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵏ ⵜⵎⴰⵙⵙⴰⵏⵉⵏ ⵜⵉⵙⴳⵏⴰⴼⵉⵏ, ⵜⵉⵙⵙ ⵙⵏⴰⵜ ⴳ ⵡⴰⵢⵢⵓⵔ ⵏ ⴷⵓⵊⴰⵏⴱⵉⵔ 2021 ⴳⵔ ⵜⵎⴰⵡⵙⴰⵙⵜ ⴰⵏⵏ ⵏⵉⵜ ⵜⴰⵎⵣⵡⴰⵔⵓⵜ ⴷ ⵜⵎⴰⵡⵙⴰⵙⵜ ⵏ ⵜⴷⵓⵙⵉ ⴷ ⵜⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵜⵔⵓⴱⴱⴰ ⵜⵉⵙⴳⵏⴰⴼⵉⵏ ⴷ ⵜⵙⵃⴹⴰⵡⵜ ⵜⴰⵙⴳⵏⴰⴼⵜ .
ⴷⴼⴼⵉⵔ ⵍⵍⵉⵖ ⵉⴱⴷⵔ ⵜⵉⵍⴰⵍ ⵏ ⵜⵎⵔⵙⴰⵍ ⵜⵉⵙⴳⵏⴰⴼⵉⵏ ⵜⵉⵎⵖⵔⵉⴱⵉⵢⵉⵏ, ⵉⵏⵏⴰ ⵓⵎⴰⵡⵙⴰⵙ ⵎⴰⵙⴷ ⵜⴰⵎⵓⵏⵜ ⵜⴰⴼⴰⵕⴰⵏⵙⵉⵜ ⵏⵏⴰ ⵎⵓ ⵣⵔⵉⵏⵜ ⵜⵎⵙⴰⵖⵉⵏ ⵏⵏⵙ 4 ⵎⵍⵢⴰⵕ ⵓⵕⵓ, ⵔⴰⴷ ⵢⴰⵊⵊ ⵉⵎⴰⵙⵙⵏ ⵉⵎⵖⵔⵉⴱⵉⵏ ⴰⴷ ⴽⵛⵎⵏ ⵙ ⵓⴳⴰⴷⴰⵣ ⴰⴼⴰⵕⴰⵏⵙⵉ .
ⴳ ⵜⵙⴳⴰ ⵏⵏⵙ, ⵉⵏⵏⴰ ⵎⴰⵙⵙ ⵜⵛⴰⵕⵍⵣ ⵖⵉⴱⵔⴰⵜ ⵏⵏⴰ ⵉⴳⴰⵏ ⴰⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⴼⴰⵕⴰⵏⵙⵉⵜ, ⵎⴰⵙ ⵜⵍⴰ ⵜⵎⵢⴰⵇⵇⴰⵏⵜ ⴷⴷⵅ ⵢⴰⵏ ⵡⴰⵜⵉⴳ ⴰⵅⴰⵜⴰⵔ ⴰⴼⴰⴷ ⴰⴷ ⵜⵙⴷⴷⵉⴷ ⵉⵙⵙⵓⵜⵓⵔⵏ ⵏ ⵉⵎⴰⵙⵙⵏ ⵉⵙⴳⵏⴰⴼⵏ ⴷ ⵉⵎⴰⵙⵙⵏ ⵉⵙⴳⵏⴰⴼⵏ ⴰⵡⴷ ⵏⵜⵜⵏⵉ ⵏⵏⴰ ⵉⵜⵜⵉⵍⵉⵏ ⴷⴰⵔ ⵉⵙⴳⵏⴰⴼⵏ , ⴷ ⵓⵙⵙⵓⵊⴷ ⵏ ⵓⵍⵓⵊⵓⵙⵜⵉⴽ ⴰⴽⴽⵯ ⵙ ⵙⵖⴰⵡⵙⴰⵏⵜ
ⵎⴽⵍⵍⵉ ⵔⴰⴷ ⵜⵙⵙⵔⵅⵉ ⵜⵎⴰⵡⵙⴰⵙⵜ ⴰⵡⴷ ⵜⵉⵎⴰⵎⴽⵉⵏ ⵏ ⵓⵎⵢⴰⵡⴰⴹ ⴷ ⵓⵎⵛⵉⵡⴰⵕ ⴷ ⵜⴷⵔⴰⵡⵉⵏ ⵜⵉⵎⴳⵓⵔⴰⵢ ⵜⵉⵙⴳⴰⵡⴰⵏⵉⵏ ⵏⵏⴰ ⵔⴰⴷ ⵉⵙⴷⴷⵉⴷ ⵉⵙⵙⵓⵜⵓⵔⵏ ⵉⵏⴰⵎⵓⵔⵏ ⴷ ⵉⵎⴰⴹⵍⴰⵏⵏ ⴳ ⵉⵎⴰⵙⵙⵏ ⵓⵍⴰ ⵉⴼⴰⵔⵙⵏ ⵉⵙⴳⵏⴰⴼⵏ .