ⵉⵣⴰⵢⴷ ⵓⴷⵉⴱⵍⵓⵎⴰⵙⵉ ⴰⵎⵖⵔⵉⴱⵉ ⴳ ⵜⴳⵓⵔⵉ ⵏⵏⵙ , ⴳ ⵢⴰⵜ ⵜⴼⵓⴳⵍⴰ ⵏⵏⴰ ⵉⵜⵜⵓⵙⴽⴰⵔⵏ ⴳ ⵍⵉⵎⴰ ⵙ ⵓⵙⵎⵖⵕ ⵙ ⵡⴰⵙⵙ ⴰⴳⵔⴰⵖⵍⴰⵏ ⵏ ⵉⴼⵔⵉⵇⵢⴰ ⵎⴰⵙⴷ ⴰⵏⵎⵓⵇⵇⴰⵔ ⴰⴷ ⵏⵏⴰ ⵉⵎⵙⴰⴳⴰⵔⵏ ⴷ 25 ⵎⴰⵢⵢⵓ ⴰⵔ ⵜⴰⴽⴽⴰ ⵜⴰⵡⵀⴰⵍⵜ ⴰⴼⴰⴷ ⴰⴷ ⵉⵎⵢⴰⵎⴰⵥ ⵍⵎⵖⵔⵉⴱ ⴳ ⵉⵜⴳⴰⵔⵏ ⵉⴼⵔⵉⵇⵉⵏ ⵍⵍⵉⵖ ⵉⵎⵢⴰⴷⴰⵙ ⴷ 54 ⵏ ⵓⵡⴰⵏⴽ ⵙⴳ ⵜⴰⵏⵏⴰⵢⵜ ⵏ ⵉⵎⴰⵍ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴰⴼⴰⴷ ⴰⴷ ⵜⵎⵢⴰⵎⴰⵥ ⵜⴼⵔⵉⵇⵉⵜ ⴷ ⵉⵜⴳⴰⵔⵏ ⵏ ⵡⴰⵎⵓⵏ ⴰⵎⵖⵔⵉⴱⵉ ⴰⴽⴽⵯ .
ⵉⵜⵜⵓⵙⵏⵎⴰⵍⴰ ⵓⵎⵓⵙⵙⵓ ⴷⴷⵅ ⵏⵏⴰ ⴳ ⵉⴳⴰ ⵍⵎⵖⵔⵉⴱ ⵉⵏⴱⴳⵉ ⵙⴳ ⴷⴰⵔ ⵜⴰⵢⵎⵓⵏⵉⵏ ⵏ ⴱⵕⵕⴰ ⴳ ⵍⴽⵓⵏⴳⵕⵉⵚ ⴳ ⵓⵙⴰⵍⴰⵢ ⴰⵏⴰⵎⵓⵔ ⴰⴼⵕⵓ ⴱⵉⵕⵓⴼⵉ ⴳ ⵓⵙⴰⵜⵉ ⵏ ⵓⵙⴼⵓⴳⵍⵓ ⵙ ⵡⴰⵙⵙ ⴰⴳⵔⴰⵖⵍⴰⵏ ⵡⵉⵙⵙ 59 ⵏ ⵉⴼⵔⵉⵇⵢⴰ ⵙⴳ ⴰⵢⵍⵍⵉ ⵙ ⵉⵏⵏⴰ ⵓⵙⵉⵡⴹ ⵏ ⵜⵎⵙⵇⴰⴷⵜ ⵜⴰⵎⵖⵔⵉⴱⵉⵜ .
ⵜⵥⵍⵉ ⵜⴼⵓⴳⵍⴰ ⴷⴷⵅ ⵙ ⵜⴷⵔⴰⵡⵜ ⵏ ⵎⴰⵙⵙⴰ ⵎⴰⵔⵉⵢⴰ ⴰⵍⴼⴰ ⴱⵔⵉⵢⵉⵜⵓ, ⵜⴰⵏⵙⵙⵉⵅⴼⵜ ⵏ ⵓⴽⵓⵏⴳⵔⵉⵚ ⴷ ⵎⴰⵙⵙ ⴰⵕⵏⵙⵜⵓ ⴱⵓⵙⵜⴰⵎⴰⵏⵜⵉ ⴷⵓⵏⴰⵢⵔⵉ, ⵏⵏⴰ ⵉⴳⴰⵏ ⴰⵏⵙⵙⵉⵅⴼ ⵏ ⵜⴰⵢⵎⵓⵏⵜ ⵏ ⵜⵣⴷⴰⵢⵉⵏ ⵏ ⴱⵕⵕⴰ ⴳ ⵓⴽⵓⵏⴳⵕⵉⵚ, ⴷ ⵓⵏⵙⵙⵉⵅⴼ ⵏ ⵜⴳⵔⴰⵡⵜ ⵏ ⵜⵉⴷⴷⵓⴽⴽⵍⴰ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵎⵖⵔⵉⴱⵉⵢⵢⵉⵏ ⴷ ⵜⵉⴱⵉⵔⵓⴼⵉⵢⵢⵉⵏ, ⴷ ⵉⵎⴰⵔⵉⵏ ⵏ ⵍⴱⴱⵉⵔⵓ ⵉⴼⵔⵉⵇⵉⵏ ⴷ ⵉⴳⵎⴰⵎⵏ ⵏ ⵜⵎⵙⵎⵓⵏⵜ ⵜⴰⴼⵕⵓⴱⴱⵉⵔⵓⵜ ⴷ ⵉⴳⵎⴰⵎⵏ ⵉⵎⵙⵜⴳⴳⴰⵔⵏ ⵏ ⵜⵏⵖⵍⴰⴼⵜ ⵏ ⵜⵣⴷⴰⵢⵉⵏ ⵏ ⴱⵕⵕⴰ .