"ⴽⵓⴼⵉⴷ-19": ⴰⵙⵖⵣⵣⵉⴼ ⵏ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴰⵔ 30 ⵢⵓⵏⵢⵓ 2022 (ⴰⵙⵇⵇⵉⵎ ⵏ ⵜⵏⴱⴰⴹⵜ)

26 ⵎⴰⵢⵢⵓ 2022 Version Imprimable

ⵕⵕⴱⴰⵟ - ⵉⵖⵜⵙ ⵓⵙⵇⵇⵉⵎ ⵏ ⵜⵏⴱⴰⴹⵜ ⵍⵍⵉ ⵢⵎⴰⵏⵏ ⴰⵙⵙ ⵏ ⵓⴽⵡⴰⵙ ⴰⴷ ⵉⵙⵖⵣⵣⵉⴼ ⴰⵣⵎⵣ ⵏ ⵓⵣⵣⵉⴳⵔ ⵏ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴳ ⴰⴽⴽⵯ ⴰⴽⴰⵍ ⴰⵏⴰⵎⵓⵔ ⴰⵔ 30 ⵢⵓⵏⵢⵓ 2022 ⵖⵉⴽ ⵍⵍⵉ ⵔⴰⵏⵜ ⵜⵓⴳⴳⴰⵣ ⵉⵔⵏⵓⵏ ⵏ ⵜⵡⵔⵉ ⵏ ⵓⵣⵣⵉⴳⵔ ⴷ ⵉⵙⵡⴰⴷⴷⴷⵓⵏ ⵉⵜⵜⵢⴰⵎⴰⵣⵏ ⵙⴳ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⵓⵙⴱⵉⴷⴷ ⵏ ⵓⵙⴼⵙⵔ ⵏ ⵓⴱⴰⵢⵢⵓⵕ ⵏ ⵓⴼⵉⵔⵓⵙ ⴽⵓⵕⵓⵏⴰ ⴰⵎⴰⵢⵏⵓ (ⴽⵓⴼⵉⴷ-19).

ⵉⵏⵏⴰ ⵡⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍ ⵙ ⵉⵎⵢⴰⵙⵙⴰⵏ ⵏ ⵓⴱⵕⵍⴰⵎⴰⵏ ⴰⵎⵙⵉⵡⵍ ⵙ ⵉⵙⵎ ⵏ ⵜⵏⴱⴰⴹⵜ, ⵎⴰⵙⵙ ⵎⵚⵟⴰⴼⴰ ⴱⴰⵢⵜⴰⵙ, ⴳ ⵜⵙⴳⵓⵔⵉ ⵏ ⵜⵏⵖⵎⴰⵙⵜ ⴷⴼⴼⵉⵔ ⵏ ⵜⵡⵡⵓⵔⵉⵡⵉⵏ ⵏ ⵓⵙⵇⵇⵉⵎ ⵎⴰⵙ ⴰⵎⴳⴳⴰⵔⵓ ⵉⵜⵜⵓⵖⵣⵣⵉⵏ ⵅⴼ ⵓⵙⵏⵜⵉ ⵏ ⵓⵎⵔⵚⵓⵎ ⵡⵉⵙⵙ 2.22.375 ⵉⵙⵖⵣⵣⵉⴼ ⴰⵣⵎⵣ ⵏ ⵓⵣⵣⵉⴳⵔ ⵏ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴳ ⴰⴽⴽⵯ ⴰⴽⴰⵍ ⴰⵏⴰⵎⵓⵔ ⵍⵍⵉ ⵢⵙⵎⵏⵉⴷ ⵎⴰⵙⵙ ⵄⴱⴷ ⵍⵡⴰⴼⵉ ⵍⴼⵜⵉⵜ , ⴰⵎⴰⵡⵙⴰⵙ ⵏ ⵓⴳⵏⵙⵓ .

ⵉⴼⵔⴰ ⵢⵉⵏⵏⴰ ⵓⵎⴰⵡⵙⴰⵙ ⵎⴰⵙ ⵉⵡⵜⵜⴰⵙ ⵓⵙⵏⵜⵉ ⵉⵙⵖⵣⵣⵉⴼ ⵏ ⵓⵣⵣⵉⴳⵔ ⵏ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴳ ⴰⴽⴽⵯ ⴰⴽⴰⵍ ⴰⵏⴰⵎⵓⵔ ⵙⴳ ⴰⵙⵙ ⵏ ⵓⵙⵉⵏⴰⵙ 31 ⵎⴰⵢⵢ 2022 ⴳ ⵍⴱⴷⵓ ⵏ ⵜⵙⵔⴰⴳⵜ ⵏ 06:00 ⵏ ⵜⴷⴳⴳⴰⵜ ⴰⵔ ⴰⵙⵙ ⵏ ⵓⴽⵡⴰⵙ 30 ⵢⵓⵏⵢⵓ 2022 ⴰⵔ ⵜⵙⵔⴰⴳⵜ ⵏ 06:00 ⵏ ⵜⴷⴳⴳⵯⴰⵜ .

Dernière modification : 26 ⵎⴰⵢⵢⵓ 2022

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%BD%E2%B5%93%E2%B4%BC%E2%B5%89%E2%B4%B7-19-%E2%B4%B0%E2%B5%99%E2%B5%96%E2%B5%A3%E2%B5%A3%E2%B5%89%E2%B4%BC-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B4%B0%E2%B4%B7-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B5%8D-%E2%B4%B0%E2%B4%B7%E2%B5%93%E2%B5%99%E2%B4%B0%E2%B5%8F-%E2%B4%B0%E2%B5%94-30-%E2%B5%A2%E2%B5%93%E2%B5%8F%E2%B5%A2%E2%B5%93-2022-%E2%B4%B0%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C