Published on MAPNews (https://www.mapnews.ma/am)

Accueil > ⴰⵙⵙ ⴰⵣⵔⴰⵡⴰⵏ ⴳ ⵕⵕⴱⴰⵟ ⵅⴼ ⵓⵙⵙⵉⴷⴼ ⵏ ⵜⵎⴰⵣⵉⵖⵜ ⴳ ⵉⴳⵔ ⵏ ⵜⵖⴹⵎⵜ

ⴰⵙⵙ ⴰⵣⵔⴰⵡⴰⵏ ⴳ ⵕⵕⴱⴰⵟ ⵅⴼ ⵓⵙⵙⵉⴷⴼ ⵏ ⵜⵎⴰⵣⵉⵖⵜ ⴳ ⵉⴳⵔ ⵏ ⵜⵖⴹⵎⵜ

26 ⵎⴰⵢⵢⵓ 2022 Version Imprimable
ⵕⵕⴱⴰⵟ -  ⵜⵙⵏⵎⴰⵍⴰ ⵜⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵏ ⵓⵙⵉⴳⴳⵍ ⴷ ⵉⵙⵏⵉⴼⵉⵍⵏ ⵏ ⵜⵓⵙⵙⵏⴰ ⴷ ⵜⵎⵔⵙⵍⵜ ⵏ ⴱⵕⴰⵀⵉⵎ ⴰⵅⵉⵢⵢⴰⵟ ⵏ ⵓⵎⵢⴰⵏⴰⵡ ⴰⴷⵍⵙⴰⵏ, ⴰⵙⵙ ⵏ ⴰⴽⵕⴰⵙ ⴳ ⵕⵔⴱⴰⵟ ⵢⴰⵏ ⵡⴰⵙⵙ ⴰⵣⵔⴰⵡⴰⵏ ⵙ ⵜⴷⵔⴰⵡⵜ ⴷ ⵜⵏⵖⵍⴰⴼⵜ ⵏ ⵜⵖⴹⵎⵜ ⵅⴼ ⵓⵙⵏⵜⵍ ⵏ ⵉⵜⴳⴰⵔⵏ ⵏ ⵓⵙⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⴳⵏⵙ ⵏ ⵜⴷⴰⵍⴰ ⵏ ⵜⵖⴹⵎⵜ .

ⵉⵙⵎⴰⵍ ⵓⵙⵉⵡⴹ ⵎⴰⵙⴷ ⴰⵙⵙ ⴷⴷⵅ ⴰⵣⵡⴰⵔⴰⵏ ⵉⴷⴷⴰⴷ ⴳ ⵓⵙⴰⵜⵉ ⵏ ⵓⵙⵏⵚⴱ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⴳⵏⵙ ⵏ ⵜⴷⴰⵍⴰ ⵏ ⵜⵖⴹⵎⵜ ⴷ ⵓⴼⵓⵖ ⵏ ⵓⵙⵍⴳⵏ ⵓⵟⵟⵓⵏ ⵏ 16-26 ⵏⵏⴰ ⵉⵣⴷⵉⵏ ⴷ ⵓⵙⵏⵚⴱ ⵏ ⵜⵎⴰⵣⵉⵖⵜ ⴷ ⵜⵎⴰⵎⴽⵉⵏ ⵏ ⵓⵙⵙⵉⴷⴼ ⵏⵏⵙ ⴳ ⵜⵓⴷⵔⵜ ⵜⴰⴽⵓⵢⴰⵙⵜ .

ⵉⴳⵉⵡⵔ ⵏ ⵓⵙⵏⵜⵉ ⴳⵉⵙ ⵉⵜⵙⵏ ⵏ ⵉⵎⵙⵜⴳⴳⴰⵔⵏ ⵏ ⵜⵎⵔⵙⴰⵍ ⵜⵉⵎⴰⴷⴷⵓⴷⵉⵏ ⴷ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⴰⵎⴰⴷⴰⵏ, ⵏⵏⴰ ⵉⵙⵡⵡⵓⵔⵉⵏ ⵅⴼ ⵓⵙⵏⵜⵍ ⵏ ⵓⵙⵙⵉⴷⴼ ⵏ ⵜⵎⴰⵣⵉⵖⵜ ⵙ ⵓⴷⵓⵙⵜⵓⵔ ⴰⵎⵖⵔⵉⴱⵉ, ⴷ ⵓⵙⵎⵔⵙ ⵏ ⵜⴰⵜⵉⴽⵏⵓⵍⵓⵊⵉⵜ ⴷ ⵓⵙⴳⵓⴷⵉ ⵏⵏⴰ ⵉⵍⵍⴰⵏ ⴳ ⵉⴳⵔ ⵏ ⵓⵙⵓⵖⵍ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵉⵜⵜⵓⵎⵔⴰⵔⴰ ⵡⴰⵡⴰⵍ ⴰⵡⴷ ⵅⴼ ⵓⵙⵎⵔⵙ ⵏ ⵉⵎⴰⵡⴰⵍⵏ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ.

ⵎⴽⵍⵍⵉ ⵙⵡⵓⵔⵉⵏ ⵅⴼ ⵓⵙⴳⴳⴷ ⵏ ⵉⵙⵍⴳⴰⵏⵏ ⵏⵏⴰ ⵉⵣⴷⵉⵏ ⴷ ⵜⵎⴰⵣⵉⵖⵜ ⴰⴼⴰⴷ ⴰⴷ ⵜⴰⵎⵥ ⵜⵎⴰⵣⵉⵖⵜ ⵢⴰⵏ ⵡⴰⴷⴷⵓⵔ ⴰⵅⴰⵜⴰⵔ ⵙ ⵉⵜⴳⴰⵔⵏ ⵉⵙⵍⴳⴰⵏⵏ ⵏⵏⴰ ⵉⵜⵜⵓⵙⵎⵔⴰⵔⴰⵏ .

ⵢⴰⵡⵉ ⴷ ⵓⵍⵖⵓ ⴰⴷ ⵎⴰⵙ ⵍⵍⴰⵏⵜ ⵙⵏⴰⵜ ⵜⵙⴰⵡⵓⵔⵉⵏ ⴳ ⵡⴰⵙⵙ ⴰⴷ ⴰⵣⵔⴰⵡⴰⵏ, ⵜⴰⵎⵣⵡⴰⵔⵓⵜ ⵜⵙⵎⵏⵉⴷ ⴳⵉⵙ ⵜⵎⵔⵙⵍⵜ ⴱⵕⴰⵀⵉⵎ ⴰⵅⵢⵢⴰⵟ ⵉ ⵓⵎⵢⴰⵏⴰⵡ ⴰⴷⵍⵙⴰⵏ ⵢⴰⵏ ⵓⵎⵓⵟⵟⵓⵏ ⴳ ⵍⵍⴰⵏⵜ ⵜⵙⵓⵔⴰⵔⵉⵏ ⵉ ⵉⵎⵊⴰⵀⴷⵉⵢⵏ ⵅⴼ ⵉⵣⵔⴼⴰⵏ ⴷ ⵜⵖⵓⵏⵉⵡⵉⵏ ⴷ ⴽⵔⴰ ⵏ ⵜⵓⵍⴳⵉⵏⵉⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵡⴰⵍⵍⵉ ⵉⵜⵜⵓⵢⵙⴽⴰⵔⵏ ⴼⴰⴷ ⴰⴷ ⵉⵙⵙⴰⵥ ⵉⴳⵔ ⵏ ⵜⵣⵔⴼⵜ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉ ⵜⴰⵙⵓⵜ ⵏ ⵉⵎⵊⴰⵀⴷⵉⵢⵏ ⵙ ⴽⵔⴰ ⵏ ⵜⴳⵀⴰⵔⴰⵙⵉⵏ ⵍⵍⵉ ⴷ ⵉⵎⵙⴰⵙⴰⵏ ⴷ ⵜⴳⵎⵉ ⵜⴰⵜⵉⴽⵏⵓⵍⵓⵊⵉⵢⵜ ⵍⵍⵉ ⵓⵔ ⵉⴼⵍ ⵎⴰⵏⵉ ⴳ ⵓⵔ ⵜⵍⵍⵉ ⴹⵉⵍ ⴰⴷ, ⵉⵎⵎⴰ ⵜⴰⵙⴰⵡⵓⵔⵜ ⵜⵉⵙⵙ ⵙⵏⴰⵜ ⵜⵙⵏⵎⴰⵍⴰ ⵜⵜ ⵜⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵉ ⵓⵔⵣⵣⵓ ⴷ ⵓⵎⵙⵏⵉⴼⵉⵍ ⴰⴷⵍⵙⴰⵏ ⴼ ⵡⴰⵜⵉⴳ ⵉⵍⵍⴰⵏ ⴷⴰⵔ ⵓⵙⵓⴹⵍ ⵏ ⵜⵏⴼⵓⵍⵉⵏ ⵉⵣⴷⵉⵏ ⴷ ⵡⴰⴷⴷⴰⴷⵏ ⵉⵏⵉⵎⴰⵏⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴼⴽⵏ ⵓⵍⴰ ⵉⵎⴷⵢⴰⵜⵏ, ⴰⵡⵜⵜⴰⵙ ⵏⵏⵙ ⵉⴳⴰ ⵜ ⴰⴷ ⵜⴰⴷⵊ ⵎⵉⴷⴷⵏ ⵜⵉⵙⴳⵉⵡⵉⵏ ⵢⴰⴹⵏⵉ ⵣⵓⵏ ⴷ ⵉⴳⵔⴰⵏ ⵉⵎⵏⴱⴰⴹⵏ ⴷ ⵜⵎⵔⵙⴰⵍ ⵜⵓⵏⵙⵉⴱⵉⵏ ⴷ ⵜⵎⵙⵎⵓⵏⵉⵏ ⴼⴰⴷ ⴰⴷ ⵜⵙⴽⵔⵏⵜ ⵜⵉⵙⵏⵜⴰⵢⵉⵏ ⵣⵓⵏⴷ ⴽⵀⵜⵉⴷ ⵙⴽⵔⵏ ⵢⴰⵏ ⵓⵙⴳⵓⴷⵉ ⵖ ⵉⴳⵔ ⴰⴷ.

ⵉⴼⴼⵖ ⵓⵍⵖⵓ ⴰⴷ ⵎⴰⵙ ⴷ ⴷⴼⴼⵉⵔ ⵏ ⵓⵙⵍⴳⵏ ⴰⵎⵙⵙⵓⴷⵙ ⵉⵣⴷⵉⵏ ⴷ ⵓⵙⵔⵓⵙ ⵏ ⵜⴼⵔⴽⵉⵡⵉⵏ ⵏ ⵓⵙⵎⵀⵍ ⵏ ⵡⴰⴷⴷⴰⴷ ⵓⵏⵙⵉⴱ ⵏ ⵜⵎⴰⵣⵉⵖⵜ, ⴷ ⵜⵖⴰⵔⴰⵙⵉⵏ ⵍⵍⵉ ⵙ ⵔⴰⴷ ⵜⴰⴷⴼ ⵖⵔ ⵉⴳⵔⴰⵏ ⵏ ⵜⵓⴷⵔⵜ ⵜⴰⵎⴰⵜⴰⵢⵜ, ⵙ ⵜⵡⵉⵙⵉ ⵏ ⵜⵏⴱⴰⴹⵜ ⴷ ⵜⵓⴳⵜⵜ ⵏ ⵉⵎⵙⴽⴰⵔⵏ ⵉⵙⵔⵜⴰⵏⵏ ⴷ ⵉⵎⵙⵓⵎⵏⵏ, ⵎⵇⵇⴰⵔ ⵍⵍⴰⵏⵜ ⴼ ⵎⴰⵢⴰⴷ ⵜⵓⴳⵜⵜ ⵏ ⵜⴰⵏⵏⴰⵢⵉⵏ ⴷⴰⵔ ⵎⵉⴷⴷⵏ ⵏ ⵓⵎⵓⵙⵙⵓ ⴰⴷⵍⵙⴰⵏ ⴰⵎⴰⵣⵉⴹ, ⵎⴰⵛ ⵜⵉⵣⵉ ⴰⴷ ⵉⵇⵇⴰⵏ ⴷ ⴰⴷ ⵜⵜ ⵏⴰⵡⵉ ⵙ ⵜⵉⴷⵜ ⴳⵀ ⵎⴰⵏⵉⴽ ⵙ ⵔⴰⴷ ⵢⵉⵍⵉ ⵓⵙⵎⵀⵍ ⴷ ⵢⵓⵛⴽⴰⵏ ⵏ ⴰⵢⵍⵍⵉ ⴷ ⵢⵉⵡⵉ ⵓⵙⵍⴳⵏ ⴰⵎⵙⵙⵓⴷⵙ ⵡⵉⵙⵙ 16-26, ⵉⴳ ⵓⵏⴳⵔⴰⵡ ⴰⵣⵔⴼⴰⵏ ⵢⴰⵏ ⴹ ⵉⵙⵓⵜⴰⵔ ⵉⴷⵉⵎⵓⴽⵔⴰⵜⵉⵢⵏ ⴷ ⵢⴰⵏ ⵓⴼⵔⴷⵉⵙ ⴰⵙⵉⵍⴰⵏ ⴼⴰⴷ ⴰⴷ ⵢⵉⵍⵉ ⵢⴰⵏ ⵓⵎⵎⵓⵜⵜⵉ ⴰⴷⵉⵎⵓⴽⵔⴰⵜⵉ ⴳ ⵜⵎⴰⵣⵉⵔⵜ ⵏⵏⵖ, ⴷ ⵔⴰⴷ ⴷⴰⵔⵙ ⵢⴰⵜ ⵜⵉⵍⴰⵍⵜ ⵎⵇⵇⵓⵔⵏ ⴳⵀ ⵓⵙⵎⵀⵍ ⵏ ⵓⵙⵍⴳⵏ ⴰⵎⵙⵙⵓⴷⵙ ⵍⵍⵉ ⵏⴱⴷⵔ, ⵙⵍⴰⵡⴰⵏ ⴰⴽⴽⵡ ⴳ ⵎⴰⴷ ⵉⵥⵍⵉⵏ ⵙ ⵓⵎⵢⴰⵏⴰⵡ ⴰⵙⵏⵉⵍⵙ ⴷ ⵓⴷⵍⵙⴰⵏ ⵏ ⵜⵎⴰⵣⵉⵔⵜ ⵏⵏⵖ, ⵡⴰⵍⵍⵉ ⴷ ⵉⵇⵇⴰⵏⵏ ⴰⴷⴷ ⵉⵏⴼⵍⴰⵍ ⵙ ⵜⵉⵍⵉⵜ ⵏⵙ ⵏ ⵜⵉⴷⵜ ⴹ ⵜⵏⴼⵓⵍⵉⵜ ⴷ ⵉⵙⵓⵖⴰⵍ ⵓⵍⴳⵉⵏⵏ, ⴷ ⴰⵡⴷ ⴳ ⵢⴰⵜ ⵜⵎⵙⴽⵔⵜ ⴷ ⵢⴰⵙⴰⵏ ⵜⴰⴷ ⵉⵜⵜⵓⵙⴽⴰⵏ ⴼ ⵉⵙⵓⵜⴰⵔ ⴰⴷ

Dernière modification : 26 ⵎⴰⵢⵢⵓ 2022
Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%99-%E2%B4%B0%E2%B5%A3%E2%B5%94%E2%B4%B0%E2%B5%A1%E2%B4%B0%E2%B5%8F-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%85%E2%B4%BC-%E2%B5%93%E2%B5%99%E2%B5%99%E2%B5%89%E2%B4%B7%E2%B4%BC-%E2%B5%8F-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B4%B3-%E2%B5%89%E2%B4%B3%E2%B5%94-%E2%B5%8F-%E2%B5%9C%E2%B5%96%E2%B4%B9%E2%B5%8E%E2%B5%9C