ⴳ ⵓⴳⵔⴰⵡ ⵏⵏⵙ ⴷ ⵓⵎⴰⵣⴰⵏ ⵏ ⵍⵎⵖⵔⵉⴱ ⴳ ⵕⴰⵎⴰ ⵍⵍⴰⵀ ⴷⴰⵔ ⵜⵎⴰⵣⵉⵔⵜ ⵏ ⴼⵉⵍⵉⵙⵟⵉⵏ ⵎⴰⵙⵙ ⵄⴱⴷⵕⵕⴰⵃⵉⵎ ⵎⵣⵢⴰⵏ, ⵉⵙⵎⵖⵕ ⵎⴰⵙⵙ ⵏⵏⵉⵜⵛⴰ ⵙ ⵜⵣⴷⴰⵢⵉⵏ ⴷⵓⵙⵏⵉⵏ ⵏⵏⴰ ⵉⵙⵎⵓⵏⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵚ ⴰⵏⵙⵙⵉⵅⴼ ⵏ ⵜⴰⵢⵎⵓⵏⵜ ⵏ ⵍⵇⵓⴷⵙ ⴷ ⵓⵏⵙⵙⵉⵅⴼ ⵏ ⵜⵎⴰⵣⵉⵔⵜ ⵏ ⴼⵉⵍⵉⵙⵟⵉⵏ ⵎⴰⵙⵙ ⵎⴰⵃⵎⵓⴷ ⵄⴰⴱⴱⴰⵙ, ⴷ ⵜⵉⵍⴰⵍ ⵏⵏⴰ ⴰⴽⴽⵯ ⵉⵜⵜⵓⵙⴽⴰⵔⵏ ⴳ ⵓⵙⴰⵜⵉ ⵏ ⵓⵏⵣⴰⵖ ⵅⴼ ⵜⵎⵏⵜⵉⵍⵜ ⵏ ⵍⵇⵓⴷⵙ ⴷ ⵓⵙⵡⵡⵓⵔⵉ ⵎⴳⴰⵍ ⵏ ⵓⵏⴱⴱⵕ ⵉⵄⴷⴰⵡⵏ ⵏ ⵜⵎⵏⵜⵉⵍⵜ ⴷⴷⵅ .
ⵎⵙⴰⵙⴰⵏ ⴰⴽⴽⵯ ⵙⵉⵏ ⵉⵎⵏⴰⴷⵏ ⴰⴷ ⵎⴰⵙⴷ ⵜⵉⵖⵔⵎⵜ ⵏ ⵍⵇⵓⴷⵙ ⵓⵔ ⵜⴳⵉ ⴰⵢⴷⴰ ⵏ ⵉⵎⵉⵖ,ⵜⴰⵎⵏⵜⵉⵍⵜ ⵏⵏⵙ ⵔⴰⴷ ⵜⴼⵙⵉ ⵙ ⵓⵎⵢⴰⵡⴰⴹ ⴷ ⵓⵎⵙⴰⴳⴰⵔ ⴰⵙⵔⵜⴰⵏ ⵙ ⵓⵜⵓⵢ ⴰⴳⵔⴰⵖⵍⴰⵏ, ⵙ ⵓⴼⵔⴰⴳ ⵏ ⵡⴰⴷⴷⵓⵔ ⵏ ⵓⵎⵣⵔⵓⵢ ⵏⵏⵙ ⴷ ⵓⵙⵍⴳⴰⵏ ⵏⵏⴰ ⵉⵙⴽⴰⵏ ⵅⴼ ⵜⵎⵣⴳⵉⴷⴰ ⵏⵏⵙ ⵜⴰⵎⵇⵔⴰⵏⵜ, ⴷ ⵜⵓⵙⴽⵉⵡⵉⵏ ⵢⴰⴹⵏ ⵏ ⵍⵉⵙⵍⴰⵎ, ⵉⵎⵉⵖ ⴳ ⵎⴰⴷ ⵉⵣⵍⵉⵏ ⵙ ⵉⵜⴳⴰⵔⵏ ⴷⴷⵅ ⵔⴰⴷ ⵢⴰⵡⵉ ⵜⵉⵖⵔⵎⵜ ⴰⴷ ⴰⴷ ⵜⴳ ⵢⴰⵏ ⵡⴰⵢⴷⴰ ⵏ ⵉⵎⵉⵖ ⵉⴷⵓⵙⵏ ⵏⵏⴰ ⵔⴰⴷ ⵓⵔ ⵢⵉⵍⵉ ⵉⴼⵙⵙⴰⵢⵏ ⴳ ⵉⵎⴰⵍ .
ⴳ ⵜⵙⴳⴰ ⵢⴰⴹⵏ ⵜⵜⵓⵙⴽⴰⵔⵏ ⴽⵉⴳⴰⵏ ⵏ ⵉⵎⵔⴰⵔⴰⵜⵏ ⵏ ⵡⴰⵡⴰⵍ ⴼ ⵡⴰⴷⴷⴰⴷ ⴰⵙⵔⵜⴰⵏ ⵏ ⵉⴽⴰⵍⵉⵡⵏ ⵏ ⴼⵉⵍⵉⵙⵟⵉⵏ ⴷ ⵓⵙⴷⵓⵔⵔⵉ ⵏⵏⴰ ⴰⴽⴽⵯ ⴳⵉⵙ ⵉⵍⵍⴰⵏ ⵎⴳⴰⵍ ⵏ ⵜⴰⵔⵡⴰ ⴷ ⵉⵎⵣⴷⴰⵖ ⵏ ⵜⵎⵏⴰⴹⵜ ⴰⴷ ⵜⴰⴼⵉⵍⵉⵙⵟⵉⵏⵉⵜ .