Published on MAPNews (https://www.mapnews.ma/am)

Accueil > ⴰⵏⴱⴱⵕ ⴰⵎⴰⴷⴷⵓⴷ ⵏ ⵓⵎⵢⴰⵏⴰⵡ ⴰⵙⵏⵉⵍⵙⴰⵏ ⴷ ⵓⴷⵍⵙⴰⵏ ⴳ ⵓⵏⵎⵓⵇⵇⴰⵔ ⵏ ⵓⵎⵔⴰⵔⴰ ⴳ ⵕⵕⴱⴰⵟ

ⴰⵏⴱⴱⵕ ⴰⵎⴰⴷⴷⵓⴷ ⵏ ⵓⵎⵢⴰⵏⴰⵡ ⴰⵙⵏⵉⵍⵙⴰⵏ ⴷ ⵓⴷⵍⵙⴰⵏ ⴳ ⵓⵏⵎⵓⵇⵇⴰⵔ ⵏ ⵓⵎⵔⴰⵔⴰ ⴳ ⵕⵕⴱⴰⵟ

23 ⵎⴰⵢⵢⵓ 2022 Version Imprimable
ⵕⵕⴱⴰⵟ -  ⴰⵔ ⵉⵙⵏⵎⴰⵍⴰ ⵡⴰⵎⵎⴰⵙ ⵏ ⵜⵣⵔⴰⵡⵉⵏ ⵜⵉⵏⵟⵕⵓⴱⵓⵍⵓⵊⵉⵢⵢⵉⵏ ⴷ ⵜⵙⵓⵙⵢⵓⵍⵓⵊⵉⵢⵢⵉⵏ, ⵏⵏⴰ ⵉⵡⴰⵍⴰⵏ ⵉ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴰⵙⵙ ⴰⴷ ⵏ ⴰⵢⵏⴰⵙ ⴳ ⵜⵖⵔⵎⵜ ⵏ ⵕⵕⴱⴰⵟ ⵢⴰⵏ ⵓⵏⵎⵓⵇⵇⴰⵔ ⵅⴼ ⵓⵙⵏⵜⵍ ⵏ ⵓⵏⴱⴱⵕ ⴰⵎⴰⴷⴷⵓⴷ ⵏ ⵓⵎⵢⴰⵏⴰⵡ ⴰⵙⵏⵉⵍⵙⴰⵏ ⴷ ⵓⴷⵍⵙⴰⵏ .

ⵉⵏⵏⴰ ⵓⵙⵉⵏⴰⴳ ⴳ ⵡⴰⵏⵙⴰ ⵏⵏⵙ ⴰⵍⵉⴽⵜⵕⵓⵏⵉ ⵎⴰⵙⴷ ⴰⵏⵎⵓⵇⵇⴰⵔ ⴰⴷ ⵢⵓⵛⴽⴰ ⴷ ⵙ ⵓⵙⴼⵓⴳⵍⵓ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵓⵎⵢⴰⵏⴰⵡ ⴰⴷⵍⵙⴰⵏ ⵉ ⵓⵎⵢⴰⵡⴰⴹ ⴷ ⵜⵏⴼⵍⵉⵜ, ⴰⵎⵙⵜⴳⴳⴰⵔ ⵏ ⵉⴳⵉⵡⵔ ⴷⴷⵅ ⵔⴰⴷ ⵜ ⵉⴳ ⵎⴰⵙⵙ ⴰⵎⵔⵣⵓⵎⴱⴰⵕⴽ ⵡⴰⵏⵄⵉⵎ, ⵙⴳ ⵜⵉⵣⵉ ⵜⵉⵙⵙ 14:30 ⵏ ⵜⵣⵣⵡⵉⵜ ⴳ ⵡⴰⵏ,ⵙⴰ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ .

ⵔⴰⴷ ⵜⴰⵡⵙ ⵎⴰⵙⵙⴰ ⴰⵎⵉⵏⴰ ⴱⵏⵛⵛⵉⵅ ⴳ ⵓⵏⵎⵓⵇⵇⴰⵔ ⴰⴷ,ⴰⵎⵉⵏⴰ ⵜⴳⴰ ⵜⴰⵎⵙⵜⴳⴳⴰⵔⵜ ⵏ ⵓⵙⴷⴰⵡ ⵏ ⵜⵎⴰⵣⵉⵖⵜ ⴳ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵎⴰⵙⵙ ⵎⵓⵏⵉⵔ ⴱⵏⵚⴰⵍⵃ, ⵏⵏⴰ ⵉⴳⴰⵏ ⴰⵏⴼⵍⵓⵙ ⴰⵎⴰⵜⴰⵢ ⵏ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵎⴰⵙⵙ ⵎⵓⵃⵎⵎⴰⴷ ⵓⵃⵙⴰⵢⵏ ⵏⵏⴰ ⵉⴳⴰⵏ ⴰⵎⵙⵜⴳⴳⴰⵔ ⵏ ⵓⵎⵚⴰⵡⴰⴹ ⵏ ⵜⵎⴰⵣⵉⵖⵜ ⴳ ⵜⵏⵖⵍⴰⴼⵜ ⵏ ⵜⴽⵔⵣⴰ, ⴷ ⵎⴰⵙⵙ ⵡⴰⴷⵉⵄ ⵙⴽⵓⴽⵓ, ⵏⵏⴰ ⵉⵙⵡⵡⵓⵔⵉⵏ ⵉⴳ ⴰⵎⵙⵜⴳⴳⴰⵔ ⵏ ⵜⵎⴰⵣⵉⵖⵜ ⴳ ⵉⴳⵔ ⵏ ⵜⴷⵍⵙⴰ ⴷ ⵓⴳⵎⴰⵎ ⵏ ⵜⵎⵀⵍⴰ ⵏ ⵓⵃⵢⵢⵍ ⵏ ⵓⵏⵎⴰⵍⴰ ⴰⵏⴱⴱⴰⴹ, ⴷ ⵎⴰⵙⵙ ⵍⵅⴰⵜⵉⵕ ⴰⴱⵓⵍⵇⴰⵙⵉⵎ, ⵏⵏⴰ ⵉⴳⴰⵏ ⴰⵏⵎⵀⴰⵍ ⵏ ⵜⵣⵔⴰⵡⵉⵏ ⵜⵉⵏⵟⵕⵓⴱⵓⵍⵓⵊⵉⵢⵢⵉⵏ ⴷ ⵜⵙⵓⵙⵢⵓⵍⵓⵊⵉⵢⵢⵉⵏ .

ⵙⴳ ⵜⵏⴼⵓⵍⵜ ⵜⴰⵎⵙⵎⵏⵉⴷⵏ ⵏ ⵓⵏⵎⵓⵇⵇⴰⵔ, ⵉⴷⴷⴰⴷ ⵓⵙⴼⵓⴳⵍⵓ ⵙ ⵓⴽⵯⵜⵜⴰⵢ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵓⵎⵢⴰⵏⴰⵡ ⴰⴷⵍⵙⴰⵏ ⴷ ⵓⵎⵢⴰⵡⴰⴹ ⴷ ⵜⵏⴼⵍⵉⵜ ⴰⵙⴳⴳⵯⴰⵙ ⴰⴷ ⴳ ⵢⴰⵏ ⵓⵏⵎⴰⵍⴰ ⵓⵥⵍⵉⵏ, ⵔⴰⴷ ⵜⵜⵓⵏⵏⴰⵏⵜ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ ⵏ ⵓⵙⴷⵓⵙ ⴷ ⵓⵙⵙⵉⴷⵔ ⵏ ⵓⵙⵍⴳⵏ ⴰⵙⵏⵎⴰⵍⴰⵢ ⵓⵟⵟⵓⵏ 26.16 ⵏⵏⴰ ⵉⵙⴱⵔⵣⵏ ⵜⵉⴼⵔⴽⵉⵡⵉⵏ ⵏ ⵓⵙⵏⵚⴱ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵓⵙⵙⵉⴷⴼ ⵏⵏⵙ ⴳ ⵉⴳⵔⴰⵏ ⵎⵢⴰⵏⴰⵡⵏⵉⵏ ⴳ ⵜⵓⴷⵔⵜ ⵜⴰⵎⴰⵜⴰⵢⵜ .

ⵉⵣⴰⵢⴷ ⵓⵙⴰⴳⵯⵎ ⴰⴷ, ⵎⴰⵙⴷ ⴳ ⵎⵏⵉⴷ ⵏ ⵉⵙⵍⴳⴰⵏⵏ ⴰⴷ ⴷ ⵉⵏⵎⴰⵍⴰⵜⵏ ⵓⵏⴱⵉⴹⵏ ⵉⵎⵢⴰⴷⴰⵙⵏ, ⵏⵏⴰ ⵜⵙⵔⵙ ⵜⵏⴱⴰⴹⵜ ⵉⵣⵔⵉⵏ,ⵉⴳⴰ ⵓⵙⴽⴽⵉⵔ ⵏ ⵓⴼⵏⵉⵇ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵓⵙⴽⴽⵉⵔ ⵏ ⵜⴰⵢⵎⵓⵏⵜ ⵏ ⵓⴹⴼⵓⵕ ⵏ ⵓⵙⵙⵉⴷⵔ ⵏ ⵉⵙⵍⴳⴰⵏ,ⵏ ⵉⵙⵏⵎⴰⵍⴰⵢⵏ ⴷ ⵜⵉⵔⵔⴰ ⵜⴰⵙⵓⵍⴰⵏⵜ ⵏ ⵓⵙⵏⵎⴰⵍⴰ ⵏ ⵡⴰⵀⵉⵍ ⵓⵏⴱⵉⴹ,ⴷ ⵜⵏⴼⵓⵍⵜ ⵏⵏⴰ ⵜⵙⵙⴼⴰⵖ ⵜⵏⴱⴰⴹⵜ ⴷ ⵜⵏⵖⵍⴰⴼⵜ ⵏ ⵓⵎⵎⵓⵜⵜⵉ ⵓⵟⵟⵓⵏⴰⵏ ⴷ ⵓⵙⴳⴳⴷ ⵏ ⵜⵎⵀⵍⴰ, ⵍⵍⵉ ⵉⴼⴽⴰⵏ ⴽⵔⴰ ⵏ ⵜⵎⵔⴰⵔⵓⵜⵉⵏ ⵜⵉⵙⵍⴳⴰⵏⵉⵏ ⵏⵏⴰ ⵉⵎⵎⴰⵍⴰⵏ ⵓⴷⵎ ⴰⵎⴰⴷⴷⵓⴷ ⵏⵏⴰ ⵉⵙⵖⴰⵡⵙⴰⵏ ⵙ ⵓⵙⴷⴰⵡ ⵏ ⵜⵎⴰⵣⵉⵖⵜ .

Dernière modification : 23 ⵎⴰⵢⵢⵓ 2022
Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8F%E2%B4%B1%E2%B4%B1%E2%B5%95-%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7-%E2%B5%8F-%E2%B5%93%E2%B5%8E%E2%B5%A2%E2%B4%B0%E2%B5%8F%E2%B4%B0%E2%B5%A1-%E2%B4%B0%E2%B5%99%E2%B5%8F%E2%B5%89%E2%B5%8D%E2%B5%99%E2%B4%B0%E2%B5%8F-%E2%B4%B7-%E2%B5%93%E2%B4%B7%E2%B5%8D%E2%B5%99%E2%B4%B0%E2%B5%8F-%E2%B4%B3-%E2%B5%93%E2%B5%8F%E2%B5%8E%E2%B5%93%E2%B5%87%E2%B5%87%E2%B4%B0%E2%B5%94-%E2%B5%8F-%E2%B5%93%E2%B5%8E%E2%B5%94%E2%B4%B0%E2%B5%94%E2%B4%B0-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F