ⴳ ⵡⴰⵡⴰⵍ ⵏⵏⵙ, ⵉⵏⵏⴰ ⵎⴰⵙⵙ ⴱⵓⵕⵉⵟⴰ ⴳ ⵜⴳⵓⵔⵉ ⵏ ⵓⵏⵏⵓⵕⵥⵎ ⵙ ⵜⵎⵍⴷⴰ ⵏ ⵓⴳⵔⴰⵡ ⴰⵏⵖⵍⴰⴼ ⵏ ⵓⵎⵢⴰⴷⴰⵙ ⴰⴳⵔⴰⵖⵍⴰⵏ ⵎⴳⴰⵍ ⵏ ⴷⴰⵄⵉⵛ, ⵎⴰⵙⴷ ⵜⴰⵏⴰⴱⴱⴰⵢⵜ ⴷ ⵓⵎⵏⴳⵉⵔⵉ ⴷ ⵡⴰⵎⵓⵔ ⴷ ⵜⵖⵡⵡⴰⵖⵜ ⵎⴰⵙ ⴳⴰⵏ ⵙⵉⵏ ⵓⴷⵎⴰⵡⵏ ⵏ ⵢⴰⵏ ⵓⴷⵔⵉⵎ .ⵉⵙⴽⵔ ⵜⴰⵖⴹⴼⵜ ⵉ ⵢⴰⵜ ⵜⵖⴰⵡⵙⴰ ⵏⵏⴰ ⵢⵓⵣⵣⵔⵏ ⴳ ⵜⴳⵉⵔⴰ ⴰⴷ, ⴰⴷ ⵙⵜⵜ ⵉⴳⴰⵏ ⴷ ⵜⵣⴷⴰⵢⵜ ⵏⵏⴰ ⵉⵍⵍⴰⵏ ⴳⵔ ⵓⵎⵏⴳⵉⵔⵉ ⴷ ⵡⴰⵎⵓⵏ ⴷ ⵜⵖⵡⵡⴰⵖⵜ .
ⵉⴹⴼⵕ ⵎⴰⵙⵙ ⴱⵓⵕⵉⵟⴰ ⴳ ⵡⴰⵡⴰⵍ ⵏⵏⵙ ⵎⴰⵙⴷ ⴰⴱⴱⴰⵢ ⵅⴼ ⵡⴰⵎⵓⵔ ⴷ ⵓⵍⵓⵢ ⴼ ⵉⵜⴳⴰⵔⵏ ⵏ ⵓⵡⴰⵏⴽ ⴷ ⵜⵉⴽⴽⵉ ⵏ ⵓⵙⴼⵍⵙ ⴷ ⵜⵉⵜⵉⵇⵏⵉⵢⵉⵏ ⴰⵔ ⵉⵜⵜⴰⵡⵉ ⵙ ⵓⵎⵢⴰⴷⴰⵙ ⴳⵔ ⵜⵔⵓⴱⴱⴰ ⵏ ⵜⵖⵡⵡⴰⵖⵜ ⴷ ⵜⵉⵏ ⵜⵏⴰⴱⴱⴰⵢⵜ ⴼ ⵉⵜⴳⴰⵔⵏ ⵏ ⵡⴰⵎⵓⵔ.
ⵉⵏⵏⴰ ⴷⴰⵖ ⵎⴰⵙⴷ ⵜⵓⵎⴰⵏⵜ ⴷⴷⵖ ⵜⴱⵓⵖⵍⴰ ⵙⴳ ⵍⵍⵉⵖ ⵏⴼⵍⵏⵜ ⴽⵉⴳⴰⵏ ⵏ ⵜⵔⵓⴱⴱⴰ ⵙ ⵜⵉⵏ ⵜⵏⴰⴱⴱⴰⵢⵜ ⴷ ⵡⴰⵎⵓⵔ ⴷ ⵜⵉⵏ ⵜⵖⵡⵡⴰⵖⵜ, ⵉⵣⴰⵢⴷ ⵉⵏⵏⴰ ⵎⴰⵙⴷ ⵡⵉⵏⵏⴰ ⵢⴰⴽⴽⴰⵏ ⴰⵙⴼⵍⵙ ⵉ ⵜⵔⵓⴱⴱⴰ ⴷⴷⵅ ⴰⵔ ⵉⵜⵜⴰⵡⵙ ⴳ ⵓⵣⵓⵣⵣⵔ ⵏ ⵜⵖⵡⵡⴰⵖⵜ ⴷ ⵓⵣⵓⵣⵣⵔ ⵏ ⵡⴰⵔ ⵜⴰⵏⴼⵔⵓⵜ ⴷ ⵓⴼⵔⴰ ⴰⵏⵎⵏⴰⴹ .
ⴰⵡⵏⵏⵉ ⵏ ⵎⴰⵙⵙ ⴱⵓⵕⵉⵟⴰ ⴳ ⵓⴳⵔⴰⵡ ⴷⴷⵅ ⵏⵏⴰ ⴳ ⵉⵡⵙⵏ ⵓⴳⴳⴰⵔ ⵏ 80 ⵏ ⵜⴰⵎⵓⵕⵜ ⴷ ⵜⵎⴰⴳⵔⴰⵡⵜ, ⵉⴷⴷⴰ ⴰⴼⴰⴷ ⴰⴷ ⵢⵉⵏⵉ ⵎⴰⵙⴷ ⴰⵏⵏⴰⵍ ⵏ ⵜⵔⵓⴱⴱⴰ ⴷⴷⵅ ⵏ ⵜⵖⵡⵡⴰⵖⵜ ⴰⵔ ⵉⵜⵜⴰⵡⵙ ⴳ ⵓⵎⵢⴰⴷⴰⵙ ⴷ ⵜⵖⵡⵡⴰⵖⵜ ⴷ ⵓⵎⵏⴳⵉⵔⵉ ⴷ ⵓⵡⴰⵏⴽ .ⵔⴰⴷ ⵉⵜⵜⵓⵙⴽⴰⵔ ⵓⴳⵔⴰⵡ ⴷⴷⵖ ⴰⴳⵔⴰⵖⵍⴰⵏ ⵎⴳⴰⵍ ⵏ ⴷⴰⵄⵉⵛ ⴳ ⵉⴼⵔⵉⵇⵢⴰ ⴰⵙⵙ ⵏ ⴰⴽⵕⴰⵙ ⴳ ⵜⵖⵔⵎⵜ ⵏ ⵡⴰⵎⵓⵔ ⵏ ⵢⴰⴽⵓⵛ, ⵙ ⵜⴷⵔⴰⵡⵜ ⵉⵛⵛⴰⵕⵏ ⴳⵔ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⵓⴳⵯⵏⵙ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⴷ ⵓⵎⴰⵔⴰ ⵏ ⵓⵡⴰⵏⴽ ⴰⵎⵔⵉⴽⵉ ⴰⵏⵟⵓⵏⵉ ⴱⵍⵉⵏⴽⵉⵏ .
ⴳ ⵓⴳⵔⴰⵡ ⴷⴷⵅ, ⴼⵙⵔⵏ ⵉⵏⵖⵍⴰⴼⵏ ⵏ ⵓⵎⵢⴰⴷⴰⵙ ⵜⴰⵙⵏⵜⴰⵢⵜ ⴷⴷⵅ,ⴳ ⵎⴰⴷ ⵉⵣⵍⵉⵏ ⵙ ⵜⵏⴼⵔⵓⵜ ⵜⴰⵏⵎⵏⴰⴹⵜ ⵏⵏⴰ ⴳ ⵜⵍⵍⴰ ⵜⵖⵡⵡⴰⵖⵜ, ⴳ ⵉⴳⵔ ⵏ ⵓⵎⵙⴰⵡⴰⴹ ⴰⵙⵜⵕⴰⵜⵉⵊⵉ ⴳ ⵓⵏⵣⴰⵖ ⵏ ⵉⵡⵏⵏⵉⵜⵏ ⵏ ⵜⵙⵖⵔⵉⵏ ⵏ ⵜⵖⵡⵡⴰⵖⵜⴷ ⵉⵎⴹⴼⴰⵕⵏ ⵏⵏⵙⵏ .
ⴰⵙⵏⵓⴱⴳ ⵏ ⵜⵓⵎⴰⵏⵜ ⴰⴷ ⵜⴰⴳⵔⴰⵖⵍⴰⵏⵜ ⵙⴳ ⴷⴰⵔ ⵍⵎⵖⵔⵉⴱ, ⵜⴼⴼⴰⵖⴷ ⴳ ⵜⴼⵍⵙⵜ ⴳ ⴷⴰⵔ ⴽⵉⴳⴰⵏ ⵏ ⵉⵡⴰⴱⴽⵏ ⵎⵏⵉⴷ ⵏⵏⵙ , ⴷⴷⵓ ⵜⵏⴰⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵚ ⴳ ⵉⴳⵔ ⵏ ⵜⵏⴰⴱⴱⴰⵢⵜ ⴷ ⵜⵖⵡⵡⴰⵖⵜ .