ⵉⵔⵣⵓⵜⵏ ⴷⴷⵖ ⵏⵏⴰ ⵉⵎⵙⴰⵙⴰⵏ ⴷ ⵓⵙⴼⵓⴳⵍⵓ ⵙ ⵓⴽⵯⵜⵜⴰⵢ ⵡⵉⵙⵙ 60 ⵏ ⵜⵣⴷⴰⵢⵉⵏ ⵜⵉⴷⵓⴱⵍⵓⵎⴰⵙⵉⵢⵉⵏ ⴳⵔ ⵍⵎⵖⵔⵉⴱ ⴷ ⵜⵎⴰⵣⵉⵔⵜ ⵏ ⴽⴰⵏⴰⴹⴰ, ⴳ ⵓⵙⴰⵜⵉ ⴷⴷⵖ ⵏⵏⴰ ⵉⵙⵜⴰⵡⵀⵎⵎⴰⵏ ⵙ ⵓⵙⴱⵖⵍⵓ ⵏ ⵜⵣⴷⴰⵢⵉⵏ ⴳⵔⴰⵜⵙⵏ ⴰⴼⴰⴷ ⴰⴷ ⵙⴽⴰⵔⵏ ⵜⵉⵏⴰⴼⵓⵜⵉⵏ ⵉ ⵉⵖⵔⴼⴰⵏ ⵏⵏⵙⵏ .
ⵉⵏⵏⴰ ⵎⴰⵙⵙ ⵓⵍⵉⴼⴰⵕⵜ, ⴳ ⵢⴰⵏ ⵉⵏⴰⵡ ⵉ ⵜⵖⵎⵎⵉⵙⵉⵏ ⴷ ⵉⵏⵖⵎⴰⵙⵏ, ⵙ ⵎⴰⴷ ⵉⵥⵍⵉⵏ ⵙ ⵉⵎⵔⴰⵔⴰⵜⵏ ⴰⴷ ⵏ ⵡⴰⵡⴰⵍ , ⵎⴰⵙ ⵉⵙⴽⵔ ⵜⵉⴳⵉⵡⵔⵜ ⴷ ⵎⴰⵙⵙ ⴱⵓⵕⵉⵟⴰ ⴳ ⵓⴳⵔⴰⵡ ⴰⵎⵣⵡⴰⵔⵓ ⵏ ⵓⵎⵢⴰⴷⴰⵙ ⴰⵎⵣⵡⴰⵔⵓ ⵎⴳⴰⵍ ⵏ ⵜⵖⵡⵡⴰⵖⵜ ⵏ, ⴷⴰⵄⵉⵛ ⴳ ⵉⴼⵔⵉⵇⵢⴰ ⵏⵏⴰ ⵔⴰⴷ ⵉⵜⵜⵓⵙⴽⴰⵔ ⴳ ⵜⵖⵔⵎⵜ ⵏ ⵡⴰⵎⵓⵔ ⵏ ⵡⴰⴽⵓⵛ ⴰⵙⵙ ⵏ ⴰⴽⵕⴰⵙ .
ⴳ ⵜⵙⴳⴰ ⵏⵏⵙ , ⵉⵏⵏⴰ ⵓⵎⵙⵜⴳⴳⴰⵔ ⴰⴽⴰⵏⴰⴹⵉ ⵎⴰⵙⴷ ⵜⵉⵎⵉⵣⴰⵔ ⴷⴷⵖ ⵙ ⵙⵏⴰⵜ ⵙⴽⵔⵏⵜ ⴽⵉⴳⴰⵏ ⵏ ⵜⵣⵎⵎⴰⵔ ⴰⴼⴰⴷ ⴰⴷ ⵙⴱⵓⵖⵍⵓⵏ ⵜⵉⵣⴷⴰⵢⵉⵏ ⴰⴷ ⵜⵉⴷⵉⴱⵍⵓⵎⴰⵙⵉⵢⵉⵏ ⴳⵔⴰⵜⵙⵏ, ⵉⵙⵙⴷⵓⵙ ⴰⵡⴷ ⵜⵉⵣⵎⵎⴰⵔ ⵏⵏⴰ ⵏⵏ ⵜⵜⴳⴳⴰ ⵜⵎⴰⵣⵉⵔⵜ ⵏ ⵍⵎⵖⵔⵉⴱ ⴳ ⵉⴳⵔ ⴰⴷ .
ⵉⵣⴰⵢⴷ ⵎⴰⵙⵙ ⵓⵍⵉⴼⴰⵕⵜ ⵉⵏⵏⴰ, ⵎⴰⵙ ⵉⵎⵙⴰⵙⴰ ⴷ ⵎⴰⵙⵙ ⴱⵓⵕⵉⵟⴰ ⴰⴼⴰⴷ ⴰⴷ ⵙⴽⴰⵔⵏ ⵉⵎⵛⵉⵡⴰⵕⵏ ⴷ ⵉⵎⵔⴰⵔⴰⵜⵏ ⵏ ⵡⴰⵡⴰⵍ ⵉⵙⵓⵍⵏ ⴰⴼⴰⴷ ⴰⴷ ⵙⴱⵓⵖⵍⵓⵏ ⵜⵉⵣⵎⵎⴰⵔ ⴷ ⵜⵉⵔⵎⵉⵜⵉⵏ ⴳⵔ ⵜⵎⵉⵣⴰⵔ ⴰⴷ ⵙ ⵙⵏⴰⵜ , ⴷ ⵓⵎⵔⴰⵔⴰ ⵅⴼ ⴽⵉⴳⴰⵏ ⵏ ⵉⵙⵏⵜⴰⵍ ⵏⵏⴰ ⵣⴷⵉⵏⵉⵏ ⴷ ⵜⵡⵏⵏⴰⴹⵜ ⴷ ⵜⴷⴰⵎⵙⴰ ⴷⵜⴰⵣⴳⵣⴰⵡⵜ, ⴷ ⵓⵏⵣⴰⵖ ⵎⵏⵉⴷ ⵏ ⵜⵖⵡⵡⴰⵖⵜ .