Published on MAPNews (https://www.mapnews.ma/am)

Accueil > ⴰⵎⵓⵔⵙ ⵏ ⵉⵎⵙⴷⴷⵉ ⵏ ⴱⴰⴱⴰ ⵄⵍⵉ ⴳ ⵜⴱⴰⴷⵓⵜ ⵜⴰⵎⴰⵣⵉⵖⵜ

ⴰⵎⵓⵔⵙ ⵏ ⵉⵎⵙⴷⴷⵉ ⵏ ⴱⴰⴱⴰ ⵄⵍⵉ ⴳ ⵜⴱⴰⴷⵓⵜ ⵜⴰⵎⴰⵣⵉⵖⵜ

11 ⵉⴱⵔⵉⵔ 2022 Version Imprimable
ⵕⵕⴱⴰⵟ -  ⵉⴳⴰ ⵉⵎⵙⴷⴷⵉ ⵏ ⴱⴰⴱⴰ ⵄⵍⵉ ⵢⴰⵏ ⵉⵎⵙⴷⴷⵉ ⵏⵏⴰ ⵉⵍⴽⵎⵏ ⵖⵉⵍⴰⴷ ⵉⵎⵉⵔ ⵏⵏⵙ ⵡⵉⵙⵙ ⵙⵉⵏ, ⵉⴳ ⵢⴰⵏ ⵉⵎⵙⴷⴷⵉ ⵏⵏⴰ ⵅⴼ ⵍⵍⴰⵏ ⴽⵉⴳⴰⵏ ⵏ ⵉⵡⵏⵏⵉⵜⵏ, ⵏⵏⴰ ⵉⵎⵎⴰⵍⴰⵏ ⴰⵎⵓⵔⵙ ⵏⵏⵙ, ⴷⴼⴼⵉⵔ ⵏ ⵓⵣⵓⵣⵣⵔ ⵏⵏⵙ ⴳ ⵜⴱⴰⴷⵓⵜ ⵜⴰⵎⴰⵣⵉⵖⵜ ⵉⵍⴽⵎ ⵉⵄⵎⵙⴷⴷⵉ ⴰⴷ ⴽⵉⴳⴰⵏ ⵏ ⵉⵎⵥⵕⵉⵜⵏ ⵉⵎⵖⵔⵉⴱⵉⵏ ⵓⵍⴰ ⴰⵢⵜ ⴱⵕⵕⴰ .

ⵉⵣⴹⴰⵕ ⵉⵎⵙⴷⴷⵉ ⵏ ⴱⴰⴱⴰ ⵄⵍⵉ ⴳ ⵉⵎⵉⵔ ⵏⵏⵙ ⵡⵉⵙⵙ ⵙⵉⵏ ⵏⵏⴰ ⵜⵣⵓⵣⵣⵓⵔ ⵜⴱⴰⴷⵓⵜ ⵜⴰⵎⴰⵣⵉⵖⵜ ⴳ ⵡⴰⵢⵢⵓⵔ ⵏ ⵕⵎⴹⴰⵏ ⴰⴷ ⴳ ⵜⵉⵣⵉ ⵏ ⵓⵖⵓⵊⵊⵔ, ⵙ ⵜⴰⵏⵜⴰⵍⴰ ⵏ ⵜⵛⵍⵃⵉⵜ, ⴰⴼⴰⴷ ⴰⴷ ⵉⵍⴽⵎ ⴽⵉⴳⴰⵏ ⵏ ⵓⵟⵟⵓⵏⵏ ⵏ ⵉⵎⵥⵕⴰⵏ ⴳ ⵓⵙⵡⵉⵔ ⴰⵏⴰⵎⵓⵔ,ⵉⵍⴽⵎ ⴰⵡⴷ ⵢⴰⵏ ⵓⵙⵡⵉⵔ ⵢⴰⵜⵜⵓⵢⵏ ⴳ ⵡⴰⵏⵙⴰ ⵏ ⵢⵓⵜⵓⴱ, ⵎⴰ ⴰⵏⵏ ⴰⴷ ⴰⵙ ⵉⴼⴽⴰⵏ ⵢⴰⵏ ⵡⴰⴷⴷⵓⵔ ⴰⵅⴰⵜⴰⵔ ⴳⵔ ⵉⴼⴰⵔⵙⵏ ⴰⴽⴽⵯ ⵏⵏⴰ ⵍⵍⴰⵏⵉⵏ ⴳ ⵡⴰⵢⵢⵓⵔ ⴰⴷ ⵏ ⵕⵎⴹⴰⵏ ⴳ ⵜⴱⴰⴷⵓⵜ ⵜⴰⵎⴰⵣⵉⵖⵜ.

ⴳ ⵜⵙⴳⴰ ⵢⴰⴹⵏ, ⵜⵓⵍⵍⵉⵙⵜ ⵏ ⵉⵎⵙⴷⴷⵉ ⴰⴷ ⵏ ⴱⴰⴱⴰ ⵄⵍⵉ ⵜⴷⴷⴰⴷ ⵙⴳ ⵜⵓⵍⵍⵉⵙⵜ ⵜⴰⵇⵇⴱⵓⵔⵜ ⵏ ⵄⵍⵉ ⴱⴰⴱⴰ, ⵙ ⵢⴰⵏ ⵓⴷⵎ ⵢⴰⴹⵏⵉⵏ , ⵏⵏⴰⵖ ⵜⵎⵓⵏ ⵍⴼⵕⴰⵊⵜ ⴷ ⴷⴷⵕⴰⵎⴰ, ⵙ ⵜⵣⵎⵎⴰⵔ ⵏ ⴽⵉⴳⴰⵏ ⵏ ⵉⵙⴽⴱⴰⵕⵏ ⵉⵎⴰⵣⵉⵖⵏ ⵏⵏⴰ ⵏⵏ ⵉⴳⴰⵏ ⴽⵉⴳⴰⵏ ⵏ ⵜⵣⵎⵎⴰⵔ ⴰⴼⴰⴷ ⴰⴷ ⵉⵍⴽⵎ ⵓⴼⴰⵔⵙ ⴰⴷ ⴰⵙⵡⵉⵔ ⵏⵏⴰⵖ ⵉⵍⵍⴰ ⵖⵉⵍⴰⴷ.

ⴰⵎⵙⵙⵓⴼⵖ ⵏ ⴱⴰⴱⴰ ⵄⵍⵉ ⵎⵙⵟⴰⴼⴰ ⴰⵛⴰⵡⵕ ⴰⵡⴷ ⵏⵜⵜⴰⵏ ⵉⴳⴰ ⵏⵏ ⵜⵉⵣⵎⵎⴰⵔ ⵏⵏⵙ ⴰⴼⴰⴷ ⴰⴷ ⴱⵓⵖⵍⵓⵏⵜ ⵜⵡⵡⵓⵔⵉⵡⵉⵏ ⵙⴳ ⵓⵙⵡⵍⵍⴼ ⴰⵔ ⵜⴰⵙⵏⴰⵢⵜ ⴰⵔ ⴰⴱⵔⵉⴷ ⵏ ⵓⴼⴰⵔⵙ ⴷ ⵓⵣⵓⵣⵣⵔ ⵏ ⵉⵎⵙⴷⴷⵉ ⴰⴷ ⵏⵏⴰ ⵉⵙⴽⵔⵏ ⵢⴰⵏ ⵓⵎⵔⴰⵔⴰ ⵏ ⵡⴰⵡⴰⵍ ⴳⵔ ⵉⵎⵙⵜⴳⴳⴰⵔⵏ ⴷ ⵉⵏⵎⵎⴰⵙⵙⵓⵜⵏ ⴰⴽⴽⵯ ⴳ ⵜⵎⴰⵣⵉⵔⵜ ⵏⵏⵖ .

ⵉⵡⵙⵏ ⴽⵉⴳⴰⵏ ⵏ ⵉⵙⴽⴱⴰⵕⵏ ⵉⵇⵇⴱⵓⵔⵏ ⵏⵏⴰ ⵎⴰⵟⵍⵏⵉⵏ ⵉ ⵓⵎⵉⵣⴰⵕ ⴳ ⵉⵎⵙⴷⴷⵉ ⴰⴷ, ⴼⴽⴰⵏ ⴰⵙ ⵢⴰⵏ ⵡⴰⴷⴷⵓⵔ ⵉⴳⴰⵏ ⵡⴰⵥ,ⵎⴰ ⴰⵏⵏ ⴰⴽⴽⵯ ⴰⴷ ⵢⵉⵡⵙⵏ ⴳ ⵓⵙⵡⵉⵔ ⵏⵏⴰ ⵉⵍⴽⵎ ⵉⵎⵙⴷⴷⵉ ⴰⴷ ⵖⵉⵍⴰⴷ, ⴰⵔ ⵉⵜⵜⵉⵍⵉ ⵉⵎⵙⴷⵉ ⵏ ⴱⴰⴱⴰ ⵄⵍⵉ ⴽⴰⵢⴳⴰⵜ ⴰⵙⵙ ⴳ ⵜⵉⵣⵉ ⵏⵉⵜ ⵏ ⵓⵖⵓⵊⵊⵔ ⴳ ⵡⴰⵢⵢⵓⵔ ⴰⴷ ⵏ ⵕⵎⴹⴰⵏ .

 

Dernière modification : 11 ⵉⴱⵔⵉⵔ 2022
Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%8E%E2%B5%93%E2%B5%94%E2%B5%99-%E2%B5%8F-%E2%B5%89%E2%B5%8E%E2%B5%99%E2%B4%B7%E2%B4%B7%E2%B5%89-%E2%B5%8F-%E2%B4%B1%E2%B4%B0%E2%B4%B1%E2%B4%B0-%E2%B5%84%E2%B5%8D%E2%B5%89-%E2%B4%B3-%E2%B5%9C%E2%B4%B1%E2%B4%B0%E2%B4%B7%E2%B5%93%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C