ⵢⵓⵛⴽⴰ ⴷ ⵓⵙⵏⵎⴰⵍⴰ ⵏ ⵜⵙⴰⵡⵔⵜ ⴰⴷ ⵜⵉⵙ ⵙⵏⴰⵜ ⵏ ⵓⵙⵎⵓⵜⵜⴳ ⴳ ⵓⵙⴰⵜⵉ ⵏ ⵓⵙⵏⴼⴰⵕ ⵏ ⴰⵎⵙⴰⵙⵡⴰ ⴼ ⴰⴷ ⵉⵙⴱⴷⴷ ⵉⵙⵙⵉⴷⴼ ⵜⴰⵎⵢⴰⴷⴰⵙⵜ ⵏ ⵡⴰⵏⴰⵡ, ⵍⵍⵉⴳ ⵓⵎⵓⵏⵜ ⴳ ⵜⵙⴰⵡⵔⵜ ⴰⵜⵜⴰⵢⵏ ⵏ 12 ⵏ ⵜⵎⵙⵎⵓⵏⵜ ⴷ ⵜⵎⵢⴰⵡⴰⵙⵜ ⵖ ⴽⵕⴰⴹⵜ ⵜⵙⴳⴳⵉⵡⵉⵏ ⴳ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⴰ, ⵉⵥⵍⵉ ⵡⴰⴷⴷⴰⴷ ⵙ ⵜⵙⴳⴰ ⵏ ⵜⵣⵏⵉⵜ, ⴰⵛⵜⵓⴽⵏ ⴷ ⵜⵔⵓⴷⴰⵏⵜ.
ⵍⵍⵉ ⵎⵓ ⴳⴰⵏ ⵉⵡⵜⵜⴰⵙⵏ ⵏⵏⵙ ⵎⴽⴰⴷ ⴰⵙⵉⵙⵙⵏ ⵏ ⵓⵏⴰⵎⴽ ⴷ ⵉⵡⵜⵜⴰⵙⵏ ⵏ ⵓⵙⵉⴷⴼ ⵏ ⵜⵎⵢⴰⴷⴰⵙⵜ ⵏ ⵡⴰⵏⴰⵡ ⴷ ⵜⵓⵇⵇⵏⴰ ⵏⵏⵙ ⴰⴽⴷ ⵓⵎⵙⴰⵙⵡⴰ ⴳⵔ ⵜⵎⵖⴰⵔⵉⵏ ⴷ ⵉⵔⴳⴰⵣⵏ, ⴷ ⵓⵎⵎⴰⴽⵏ ⵏ ⵓⵙⵉⴷⴼ ⵏ ⵜⵎⵢⴰⴷⴰⵙⵜ ⵏ ⵡⴰⵏⴰⵡ ⴷ ⵜⵏⴽⵔⴰ ⵙ ⵓⵎⵙⴰⵙⵡⴰ, ⴰⵎⵎⴰⵥ ⵏ ⵉⵡⵜⵜⴰⵙⵏ ⵏⵏⵙ ⴷ ⵉⵎⵏⴰⴷⵏ ⵏⵏⵙ, ⴷ ⵓⵎⵎⴰⵥ ⵏ ⵜⴱⵔⵉⴷⴰ ⵏ ⵓⵙⵉⴷⴼ ⵏ ⵜⵎⵢⴰⴷⴰⵙⵜ ⵏ ⵡⴰⵏⴰⵡ ⴳ ⵜⵙⵓⵜⵍⵜ ⵏ ⵜⵓⴷⵔⵜ ⵏ ⵓⵙⵏⴼⴰⵔ.
ⵏⵙⵡⵓⵔⵉ ⵙ ⵜⴰⵍⵖⴰ ⵏ ⵜⵔⵓⴱⴱⴰ ⴼ ⵡⴰⵟⵟⴰⵚ ⵏ ⵜⵙⵉⵏⵙⵉⵢⵉⵏ ⵅⴼ ⵡⴰⵎⵎⴰⴽⵏ ⵏ ⵓⵙⵉⴷⴼ ⵏ ⵜⵎⵢⴰⴷⴰⵙⵜ ⵏ ⵡⴰⵏⴰⵡ ⴳ ⵜⵙⵓⵜⵍⵜ ⵏ ⵜⵓⴷⵔⵜ ⵓⵙⵏⴼⴰⵔ.
ⴰⵡⵜⵜⴰⵙ ⵏ ⵜⵎⴰⴳⵔⴰⵡⵜ ⵏⵏⵖ ⵖ ⵜⵙⴰⵡⵔⵉⵏ ⴰⴷ ⵉⴳⴰ ⵜ ⴰⴷ ⵜⵙⴷⵓⵙ ⵜⵉⵣⵎⵎⴰⵔ ⵏ ⵉⵙⵓⴳⴰⵎ ⵏⵏⵙ ⵉⵏⴼⴳⴰⵏⵏ ⴷ ⵓⵙⴱⵓⵖⵍⵓ ⵏ ⵉⴼⵓⴽⵙⵏ ⵏ ⵉⵏⴱⴷⴰⴷⵏ ⵏⵏⵙ ⴳ ⵢⵉⴳⵔ ⴰⴷ ⴼⴰⴷ ⴰⴷ ⵜⵙⴱⴷⴷ ⵜⵙⴷⵓⵙ ⵏⵉⵜ ⴷⴰⵖ ⴰⵎⵙⴰⵙⵡⴰ ⵙ ⵜⵏⴽⵔⴰ ⵙ ⵜⵎⵢⴰⴷⴰⵙⵜ ⵏ ⵡⴰⵏⴰⵡ ⴷⴷⵓ ⵜⵎⴰⵜⴰⵔⵜ "ⵏⴳⴰ_ⴰⴽⴽⵯ_ⵢⴰⵏ".