ⵉⵎⵉⵣⵉⵜⵏ ⵉⵎⵖⵢⴰⵢⵏ ⴷ ⵉⴱⵢⵓⵍⵓⵊⵉⵏ ⴷ ⵉⴽⵉⵎⵉⵜⵏ .. ⵜⴰⴳⴳⴰⵍⵉⵏ ⵜⵉⵏⴰⴼⵉⵏ ⵜⵉⴳⵍⴷⴰⵏⵉⵏ ⴷⴰⵔⵙ ⴰⴷⴷⵓⵔ ⴰⵅⴰⵜⴰⵔ ⴰⵏⵎⵏⴰⴹ (ⵉⴷⵉⴱⵍⵉⵎⴰⵙⵉⵏ ⵏ ⵎⵉⵔⵉⴽⴰⵏ)

27 ⵛⵓⵜⴰⵏⴱⵉⵔ 2021 Version Imprimable

ⵍⵇⵏⵉⵟⵕⴰ - ⵏⵏⴰⵏ ⵉⴷⵉⴱⵍⵉⵎⴰⵙⵉⵏ ⵏ ⵎⵉⵔⵉⴽⴰⵏ ⴰⵙⵙ ⵏ ⵓⵢⵏⴰⵙ ⴳ ⵍⵇⵏⵉⵟⵕⴰ ⵎⴰⵙ ⴷⴰⵔ ⵜⴰⴳⴳⴰⵍⵉⵏ ⵜⵉⵏⴰⴼⵉⵏ ⵜⵉⴳⵍⴷⴰⵏⵉⵏ ⴰⴷⴷⵓⵔ ⴰⵅⴰⵜⴰⵔ ⴰⵏⵎⵏⴰⴹ ⴳ ⵉⴳⵔ ⵏ ⵓⵙⴱⵉⴷ ⵏ ⵉⵎⵉⵣⵉⵜⵏ ⵉⵎⵖⵢⴰⵢⵏ ⴷ ⵉⴱⵢⵓⵍⵓⵊⵉⵏ ⴷ ⵉⴽⵉⵎⵉⵜⵏ.

ⵎⴰⵢⴰⴷ ⴰⵔ ⵉⵎⵎⴰⵍ ⵜⴰⵡⵓⵔⵉ ⵜⴰⵣⵣⵓⵍⴰⵏⵜ ⵏ ⵜⵔⴰⴱⴱⵓⵜ ⵉⴹⴼⵕⵏ ⵉ ⵢⵓⴳⵣⵣⵓⵎ ⵏ ⵓⴼⵔⴰⵢ ⵏ ⵜⴰⴳⴳⴰⵍⵉⵏ ⵜⵉⵏⴰⴼⵉⵏ ⵜⵉⴳⵍⴷⴰⵏⵉⵏ .

ⵜⵓⴳⴳⴰ ⵢⴰⴷ ⵜⵓⵛⴽⴰⴷ ⵙ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵜⵉⴳⵉⵔⴰ ⵏ ⵓⵖⴰⵡⴰⵙ ⵅⴼ ⴰⵔⴰⵢ ⵏ ⵉⵙⴷⵉⴷⴷⵉⵢⵏ ⵙ ⵜⵎⴷⵔⴰⵡⵜ ⴷ ⵍⵡⵉⵍⴰⵢⴰ ⵉⵎⵓⵏⵏ ⵍⵍⵉ ⴷⴰⵔ ⵚⴹⵉⵚ ⵏ ⵉⵙⴳⴳⵯⴰⵙⵏ.

ⵙ ⵓⵣⵎⵣⵣⵓ ⵢⴰⴷ ⵓⵎⵥⵏ 40 ⵏ ⵓⵄⵙⴽⵕⵉⵢ ⵏ ⵓⴳⵣⵣⵓⵎ ⴰⴷ ⴳⵉⵙⵏ ⵜⵉⵎⵖⴰⵔⵉⵏ ⵉⴷⵉⴱⵍⵓⵎⵏ ⵏ ⵜⴰⵥⴹⴰⵕⵜ ⵏ ⵜⵓⵙⵙⵏⴰ ⵍⵍⵉ ⵢⴰⵙⵏ ⵜⴼⴽⴰ ⵍⵡⵉⵍⴰⵢⴰⵜ ⵉⵎⵓⵏⵏ ⴰⴼⴰⴷ ⴰⴷ ⴷⴰⵔⵙⵏ ⵜⵉⵍⵉ ⵜⴰⵡⴰⵔⵉ ⵉⵖⵓⴷⴰⵏ ⴳ ⵉⴳⵔ ⵏ ⵓⵙⴱⵉⴷ ⵏ ⵉⵎⵉⵣⵉⵜⵏ ⵉⵎⵖⵢⴰⵢⵏ ⴷ ⵉⴱⵢⵓⵍⵓⵊⵉⵏ ⴷ ⵉⴽⵉⵎⵉⵜⵏ.

ⵉⴷⵔⴰ ⵓⵖⴰⵡⴰⵙ ⵏ ⵓⵎⵢⴰⵡⴰⵙ ⵍⵍⵉ ⵎⵓ ⵉⵜⵜⵓⴼⴽⴰ 16 ⵏ ⵎⵍⵢⵓⵏ ⵏ ⴹⵓⵍⴰⵕ ⵜⵕⵥⵎⵜ ⵜⴰⵙⵏⵓⵔⴰⵢⵜ ⵏ ⵎⵉⵔⵉⴽⴰⵏ ⵏ ⵓⵙⴱⵉⴷⴷ ⵏ ⵉⵎⵉⵣⵉⵜⵏ , ⴳ ⵉⴱⵔ ⵏ ⵓⵙⵎⵓⵜⵜⴳ ⵜⵔⴰⴱⴱⵓⵜ ⵉⴹⴼⵕⵏ ⵉ ⵢⵓⴳⵣⵣⵓⵎ ⵏ ⵓⴼⵔⴰⵢ ⵏ ⵜⴰⴳⴳⴰⵍⵉⵏ ⵜⵉⵏⴰⴼⵉⵏ ⵜⵉⴳⵍⴷⴰⵏⵉⵏ.

ⵜⴰⴳⵓⴳⵍⴰ ⵢⴰⴷ ⵉⵙⵙⵉⵅⴼ ⵍⵊⵉⵏⵉⵔⴰⵍ ⴷⵓ ⴱⵔⵉⴳⴰⴷ ⵄⴱⴷⵊⵍⵉⵍ ⵏⴰⴼⵄ ⴰⵎⴳⴳⵉⵡⵙ ⵏ ⵙⵍⴰⵃ ⵍ ⵀⴰⵏⴷⴰⵙⴰ ⵜⴰⵄⵙⴽⵕⵉⵜ ⵜⵣⵔⵉ ⵙ ⵜⵉⵍⵉⵜ ⵏ ⴰⴷⵉⴱⵍⵓⵎⴰⵙⵉ ⵉⵜⵜⵓⵙⵎⴳⴰⵍⵏ ⵙ ⵜⵡⵓⵔⵉ ⵉ ⵜⵎⵙⵇⴰⴷⵜ ⵏ ⵎⵉⵔⵉⴽⴰⵏ ⴳ ⵕⵕⴱⴰⵟ ⴷⵉⴼⵉⴷ ⴳⵔⵉⵏ ⴷ ⵉⵏⵎⵖⵓⵔⵏ ⵢⴰⴹⵏ ⵉⴷⵉⴱⵍⵓⵎⴰⵙⵉⵏ ⴷ ⵉⵄⵙⴽⵕⵉⵢⵏ.

Dernière modification : 27 ⵛⵓⵜⴰⵏⴱⵉⵔ 2021

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8F/%E2%B5%89%E2%B5%8E%E2%B5%89%E2%B5%A3%E2%B5%89%E2%B5%9C%E2%B5%8F-%E2%B5%89%E2%B5%8E%E2%B5%96%E2%B5%A2%E2%B4%B0%E2%B5%A2%E2%B5%8F-%E2%B4%B7-%E2%B5%89%E2%B4%B1%E2%B5%A2%E2%B5%93%E2%B5%8D%E2%B5%93%E2%B5%8A%E2%B5%89%E2%B5%8F-%E2%B4%B7-%E2%B5%89%E2%B4%BD%E2%B5%89%E2%B5%8E%E2%B5%89%E2%B5%9C%E2%B5%8F-%E2%B5%9C%E2%B4%B0%E2%B4%B3%E2%B4%B3%E2%B4%B0%E2%B5%8D%E2%B5%89%E2%B5%8F-%E2%B5%9C%E2%B5%89%E2%B5%8F%E2%B4%B0%E2%B4%BC%E2%B5%89%E2%B5%8F-%E2%B5%9C%E2%B5%89%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%89%E2%B5%8F-%E2%B4%B7%E2%B4%B0%E2%B5%94%E2%B5%99-%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B5%85%E2%B4%B0%E2%B5%9C%E2%B4%B0%E2%B5%94