ⵉⵙⵓⵍ ⵉⵏⵏⴰ ⵎⴰⵙⵙ ⵥⵎⵎⴰⵟⵉ, ⴳ ⵢⴰⵜ ⵜⵙⴳⵓⵔⵉ ⵉ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ "ⵍⴰⵎⴰⴱ", ⵜⴰⵎⴰ ⵏ ⵓⴳⵔⴱⵔⵉⴷ ⴰⴷ ⵍⵍⵉ ⵜⵙⵏⵍⵎⴰⵍⴰ ⵜⵎⵀⵍⴰ ⵜⵙⴳⴰⵡⵉⵜ ⵏ ⵜⵎⴰⵡⴰⵙⵜ ⵏ ⵜⴷⵍⵙⴰ ⴷ ⵜⵄⵄⵓⵔⵎⴰ ⴷ ⵜⵓⵏⵏⵓⵏⵜ - ⵉⴳⵔ ⵏ ⵜⴷⵍⵙⴰ, ⴳ ⵓⵙⵙⴰⵏ ⵏ 20 ⴷ 21 ⵎⴰⵕⵚ ⴰⴷ ⴳ ⵜⵣⵏⵉⵜ, ⵎⴰⵙ ⵓⵎⵃⵣⵡⴰⵕ ⴰⴷ ⵉⴳⴰ ⵡⵣⵎⵎⵣⵓ ⴰⴼ ⴰⴷ ⵢⵉⵍⵉ ⵡⵎⵢⴰⵡⴰⴹ ⴳⵔ ⵜⵙⴽⴰⵍⵉⵏ ⴷ ⵉⵙⴼⵍⵓⵍⵏ ⵉⵎⵖⵔⴰⴱⵉⵏ, ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⵏ ⵜⵎⴷⵢⴰⵣⵜ.
ⵉⵙⵙⴽⵜⵉ ⵎⴰⵙ ⵓⵎⵃⵣⵡⴰⵔ ⴰⴷ ⵔⴰⴷ ⵉⵇⵇⵓⵎⵓ ⴰⵎ ⵜⵎⵢⵓⵔⵜ ⵜⴰⴷⵍⵙⴰⵏⵜ ⵉⴱⵉⴷⴷⵏ ⵅⴼ ⵜⴰⵏⴽⵔⴰ ⵙ ⵡⴰⵢⴷⴰ ⴰⴷⵍⵙⴰⵏ ⵓⵔ ⵉⵎⴰⵜⵜⵉⵡⵏ ⴳ ⵍⵎⵖⵔⵉⴱ ⴷ ⴰⵣⵎⵎⵣ ⵏ ⵓⵙⵎⵖⵔ ⵏ ⵎⴷⴷⵏ ⵉⵎⵓⴼⴰⵢⵏ ⴳ ⵉⴳⵔ ⵏ ⵓⵙⵏⴼⵍⵓⵍ ⴰⵎⴷⵢⴰⵣ ⴰⵎⴰⵣⵉⵖ.