ⴼ ⵖⵉⴽⴰⵏⵏ, ⵉⴱⴷⴰ ⵓⵙⴳⴳⵯⴰⵙ ⵏ 2021 ⵎⴰ ⵢⴰⴷ ⵉⴳⴰⵏ ⴰⵔ ⵖⵉⵍ ⴰⴷ ⴰⵙⴳⴳⵯⴰⵙ ⵏ ⵓⵎⵓⵙⵙⵓ ⴰⵅⴰⵜⴰⵔ, ⵙ ⵉⵏⵎⵍⴰⵏ ⵏ ⵓⵙⴳⵏⴼⵓ ⴳ ⵉⴳⵔ ⴰⵏⴼⵍⴰⵃ ⵍⵍⵉ ⵢⵙⵙⵏ ⴳ ⵓⵙⴳⴳⵯⴰⵙ ⵉⵣⵔⵉⵏ ⴷ ⵍⵍⵉ ⵢⵎⴰⵏⵏ ⴷ ⵙⵏⴰⵜ ⵜⵙⴰⵙⵉⵏ (ⴰⴱⴰⵢⵢⵓⵕ "ⴽⵓⵕⵓⵏⴰ" ⴰⵎⴰⵢⵏⵓ ⴷ ⵜⴷⵔⵓⵜ ⵏ ⵓⵏⵥⴰⵕ). ⴼ ⵖⵉⴽⴰⵏⵏ, ⵉⵙⵙⴳⵔⴰⵡⵍ ⵓⵏⵥⴰⵕ ⵉⴳⴳⵓⵜⵏ ⵍⵍⵉ ⵓⵔ ⵉⴱⵉⴷⴷⵏ ⴳ ⵉⵎⴰⵍⵍⴰⵙⵙ ⴰⵏⴰⵥⵓⵕ ⴷⴰⵔ ⵉⵎⴰⵏ ⵏ ⵉⵏⴼⵍⴰⵃⵏ .
ⴳ ⵓⵙⴰⵜⵉ ⴷⵖ, ⵉⵏⵏⴰ ⵄⴱⴷ ⵍⵎⵓⵏⵄⵉⵎ ⴰⴱⵓⵔⵉⴽ, ⴰⵙⵍⵎⴰⴷ ⵏ ⵜⵙⴷⴰⵡⵉⵜ ⵉⴱⵏ ⵥⵓⵀⵔ ⴳ ⵓⴳⴰⴷⵉⵔ ⴷ ⵓⴳⵎⴰⵎ ⵏ ⵜⵔⴰⴱⴱⵓⵜ ⵏ ⵉⵔⵣⵣⵓⵏ ⴷ ⵉⵥⵔⴼⵏ ⴷ ⵓⵙⴼⵍⵓⵍ ⵏ ⵡⴰⴽⴰⵍ ⵎⴰⵙ "ⴰⵏⵥⴰⵕ ⵉⴳⴳⵯⵔⴰⵏ ⴰⴷ ⵍⵍⵉ ⵢⴹⵕⵏ ⵔⴰⴷ ⴷⴰⵔⵜ ⵢⵉⵍⵉ ⵜⵍⴽⵎⵉⵏ ⵉⴼⵓⵍⴽⵉⵏ ⴳ ⵓⵙⴳⴳⵯⴰⵙ ⴰⵏⴼⵍⴰⵃ ⴰⴷ, ⴷ ⵔⴰⴷ ⵉⵙⵙⴼⴰⵍⴽⵉ ⵓⵙⵢⴰⴼⵓ ⵏ ⵉⵙⵏⴼⵍⵃⵏ ⵏ ⵍⴱⵓⵕ ⵍⵍⵉ ⵢⵓⵎⵥ ⵓⴳⴳⴰⵔ ⵏ 80% ⴳ ⵉⵏⵙⴰⵏ ⵉⵏⴼⵍⴰⵃⵏ, ⵙⵍⴰⵡⴰⵏ ⴰⴽⴽⵯ ⵉⴷⵔⴰⵔⵏ (56%) ⴷ ⵉⴷⴰⴳⵏ (16%).