"ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴳ ⴰⵙⵙ ⴰⴷ, ⵢⴰⵏ ⵓⵎⵙⵏⴰⵍⴰ ⴰⵜⵉⵍⵉⴼⵓⵏⵉ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵓⵡⴰⵏⴽ ⵏ ⵉⵚⵕⴰⵢⵉⵍ, ⵎⴰⵙⵙ ⴱⵏⵢⴰⵎⵉⵏ ⵏⴰⵟⴰⵏⵢⴰⵀⵓ.
ⴰⵎⵎⴰⵙ ⵏ ⵓⵎⵙⵏⴰⵍⴰ ⵢⴰⴷ, ⵉⵙⵙⴽⵜⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵣⴷⴰⵢⵏ ⵉⵚⵃⴰⵏ ⴷ ⵉⵎⵥⵍⵉⵏ ⵉⵙⵎⴰⵏⵏ ⵜⴳⵔⴰⵡⵜ ⵜⵓⴷⴰⵢⵜ ⵏ ⵍⵎⵖⵔⵉⴱ ⴷ ⵜⴳⵍⴷⵉⵜ ⵜⵎⵖⵔⴰⴱⵉⵜ. ⵉⵎⵍⴰ ⴷⴰⵖ ⴱⴰⴱ ⵏ ⵡⴰⴷⴷⵓⵔ ⴰⴷⴷⴰⴷ ⴰⵎⵖⵍⴰⵍ ⵓⵔ ⵉⵜⵜⵓⵙⵏⴼⴰⵍⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵅⴼ ⵜⵎⵙⴰⵔⵜ ⵜⴰⴼⵉⵍⵉⵚⵟⵉⵏⵉⵜ, ⵓⵍⴰ ⵜⵍⴰⵍⵜ ⵜⴰⵎⵇⵕⴰⵏⵜ ⵏ ⵜⴳⵍⴷⵉⵜ ⴳ ⵜⵏⴽⵔⴰ ⵙ ⵜⵏⴼⵔⵓⵜ ⴷ ⵓⵔⴳⴳ ⴳ ⵍⵇⴱⵍⵜ ⵜⴰⵏⴰⵎⵎⴰⵙⵜ.
ⴳ ⵓⵙⴰⵜⵉ ⵢⴰⴷ, ⵉⵣⵓⵍ ⴱⴰⴱ ⵏ ⵡⴰⴷⴷⵓⵔ ⵜⵔⵏⵓⵜ ⵏ ⵉⵣⵣⴳⵉⵔⵏ ⵏ ⵓⵎⵢⴰⵡⴰⵙ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵡⴰⵏⴽ ⵏ ⵉⵚⵕⴰⵢⵉⵍ, ⴷ ⵜⵔⵏⵓⵜ ⵏ ⵓⵡⴰⴹⵏ ⵉⵍⵓⴳⴰⵏⵏ ⴳ ⵓⵙⴰⵜⵉ ⵏ ⵜⵓⵇⵇⵏⴰⵏ ⵜⵉⴷⵉⴱⵍⵓⵎⴰⵙⵉⵢⵏ ⵜⵉⵎⴷⴷⵓⴽⴽⴰⵍⵉⵏ ⴷ ⵉⵏⴳⵔⴰⵢⵏ.
ⴰⵎⵎⴰ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵉⵚⵕⴰⵢⵍⵉ, ⵉⵎⵍⴰ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⵔⴰⵜ ⵏⵏⵙ ⴰⴷ ⵉⵙⵔⵙ ⴰⴽⴽ ⵜⵡⵓⵔⵉⵡⵉⵏ ⵉⵜⵜⵢⵓⵎⴰⵥⵏ, ⵙ ⵢⴰⵏ ⵓⵙⵎⵍⵓⵙⵙⴰⵏ ⵏ ⵓⵙⵙⵕⵚⴰ ⵓⵏⵎⵉⵍ.
ⵜⴰⵙⴳⵓⵔⵉ ⴳⵔ ⵜⴳⵍⴷⵉⵜ ⵏ ⵍⵎⴱⵖⵔⵉⴱ, ⵎⵉⵔⵉⴽⴰⵏ ⴷ ⵉⵚⵕⴰⵢⵉⵍ, ⵉⵜⵜⵓⵙⴳⵎⴰⴹⵏ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵙⵙ ⵏ 22 ⴷⵓⵊⴰⵏⴱⵉⵔ ⵉⵣⵔⵉⵏ, ⴰⴷ ⵉⴳⴰⵏ ⴰⵙⴰⵜⵉ ⴰⵙⴰⵖⵓⵍ ⵅⴼ ⵜⵎⵔⵏⵉⵡⵜ ⴷ ⵜⵏⴽⵔⴰ ⵙ ⵜⵓⵇⵇⵏⴰⵏ ⴰⴷ".