Published on MAPNews (https://www.mapnews.ma/am)

Accueil > ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ
  1. Accueil
  2. Activités royales

ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ

26 ⵏⵓⵡⴰⵏⴱⵉⵔ 2020 Version Imprimable
ⵕⵕⴱⴰⵟ - ⵀⴰ ⵎⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ :

"ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ, ⵢⴰⵏ ⵓⵍⴰⵖⵉ ⴰⵜⵉⵍⵉⴼⵓⵏⵉ ⵙⴳ ⴳⵎⴰⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵃⴰⵎⴰⴷ ⴱⵏ ⵄⵉⵙⴰ ⴰⵍ ⵅⴰⵍⵉⴼⴰ, ⴰⴳⵍⵍⵉⴷ ⵏ ⵜⴳⵍⴷⵉⵜ ⵏ ⵍⴱⴰⵃⵕⴰⵢⵏ.  

ⴳ ⵓⵣⵎⵣⵣⵓ ⵢⴰⴷ, ⵉⵙⵙⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵃⴰⵎⴰⴷ ⴱⵏ ⵄⵉⵙⴰ ⴰⵍ ⵅⴰⵍⵉⴼⴰ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵜⴰⵖⵜⴰⵙⵜ ⵏ ⵜⴳⵍⴷⵉⵜ ⵏ ⵍⴱⴰⵃⵕⴰⵢⵏ ⴰⴷ ⵜⵕⵥⵎ ⵜⴰⵙⵇⵓⵏⵙⵓⵜ ⵜⴰⵎⴰⵜⴰⵢⵜ ⵏⵏⵙ ⴳ ⵜⵖⵔⵎⵜ ⵜⴰⵎⵖⵔⴰⴱⵉⵜ ⵏ ⵍⵄⵢⵓⵏ, ⴷ ⴰⴷ ⵉⵜⵜⵓⵙⴽⴰⵔ ⵓⵣⴷⴷⵓⵢ ⵅⴼ ⵖⵉⴽⴰⵏⵏ ⴳⵔ ⵙⵏⴰⵜ ⵜⵎⴰⵡⴰⵙⵉⵏ ⵏ ⴱⵕⵕⴰ ⵏ ⵙⵏⴰⵜ ⵜⵎⵉⵣⴰⵔ ⴰⴷ.  

ⴰⵎⵎⴰⵙ ⵏ ⵓⵍⴰⵖⵉ ⵢⴰⴷ, ⵉⵣⵣⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵃⴰⵎⴰⴷ ⴱⵏ ⵄⵉⵙⴰ ⴰⵍ ⵅⴰⵍⵉⴼⴰ ⵜⵉⵖⵜⴰⵙⵉⵏ ⵍⵍⵉ ⵢⵓⵎⵥ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵜⵙⴳⴰ ⵏ ⵍⴳⵔⴳⴰⵔⴰⵜ ⴳ ⵚⵚⵃⵕⴰ ⵜⵎⵖⵔⴰⴱⵉⵜ, ⵍⵍⵉ ⴷ ⵢⵉⵡⵉⵏ ⴰⴽⵛⵛⵓⵎ ⵉⵙⵙⴳⵔⴰⵡⵍⵏ ⵜⴰⵏⴼⵔⵓⵜ ⴷ ⵓⵔⴳⴳ ⴳ ⵜⵙⴳⴰ ⵏ ⵡⴰⴽⴰⵍ ⴰⵎⵖⵔⴰⴱⵉ ⴰⴷ, ⴷ ⴰⵏⴳⵉ ⵉⵏⴼⵔⴰⵏ ⵏ ⵓⵎⵓⵙⵙⵓ ⵏ ⵎⴷⴷⵏ ⴷ ⵙⵙⵍⵉⵄⵜⵜ ⴳⵔ ⵜⴳⵍⴷⵉⵜ ⵜⵎⵖⵔⴰⴱⵉⵜ ⴷ ⵜⴳⴷⵓⴷⴰⵏⵜ ⵜⵉⵙⵍⴰⵎⵉⵜ ⵜⴰⵎⵓⵕⵉⵟⴰⵏⵉⵜ. 

ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉ ⴳⵎⴰⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵃⴰⵎⴰⴷ ⴱⵏ ⵄⵉⵙⴰ ⴰⵍ ⵅⴰⵍⵉⴼⴰ, ⵜⴰⵏⵎⵎⵉⵔⵜ ⵉⵖⴱⴰⵏ ⵏⵏⵙ ⵅⴼ ⵜⵖⵜⴰⵙⵜ ⵉⴷⴷⵓⵔⵏ ⴰⴷ ⵍⵍⵉ ⵢⵎⵍⴰⵏ ⵜⴰⴱⴷⴰⴷⵜ ⵍⵍⵉ ⴱⴷⴷⴰ ⵢⵍⵍⴰⵏ ⴳⵔ ⵙⵏⴰⵜ ⵜⵎⵉⵣⴰⵔ, ⵓⵍⴰ ⴰⵣⵔⴰⴽ ⵉⵎⵇⵇⵓⵕⵏ ⵏ ⵓⴷⴷⴰⴷ ⵍⵍⵉ ⴱⴷⴷⴰ ⵜⵎⵍⴰ ⵜⴳⵍⴷⵉⵜ ⵏ ⵍⴱⵃⵕⴰⵢⵏ ⴳ ⵓⵏⵏⴰⵍ ⵏ ⵓⴳⵣⵣⵓⵎ ⵏ ⵡⴰⴽⴰⵍ ⴰⵏⴰⵎⵓⵔ ⵏ ⵜⴳⵍⴷⵉⵜ ⵜⵎⴱⵔⴰⴱⵉⵜ".

Dernière modification : 27 ⵏⵓⵡⴰⵏⴱⵉⵔ 2020
Source URL: https://www.mapnews.ma/am/activites-royales/%E2%B4%B0%E2%B5%99%E2%B5%89%E2%B5%A1%E2%B4%B9-%E2%B5%8F-%E2%B5%93%E2%B4%B1%E2%B5%94%E2%B5%99%E2%B5%89%E2%B5%94%E2%B4%B0-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-41