ⵙⴷⴷⵉⴷⵏ ⵙⵎⵎⵓⵙⵜ ⵜⵎⵣⴰⵔ ⵜⵓⵕⵓⴱⴱⵉⵢⵏ ⵜⵉⴳⵎⴰⵎⵉⵏ ⴷⵖⵉ ⴷ ⵍⵍⵉ ⴷ ⵢⵓⵛⴽⴰⵏ ⴳ ⵓⵙⵇⵇⵉⵎ ⵏ ⵜⵏⴼⵔⵓⵜ, ⵎⴰ ⵢⴰⴷ ⵉⴳⴰⵏ ⴱⵍⵊⵉⴽⴰ ⴷ ⵉⵙⵜⵓⵏⵢⴰ ⴷ ⴼⵕⴰⵏⵚⴰ ⴷ ⴰⵍⵎⴰⵏⵢⴰ ⴷ ⵉⵕⵍⴰⵏⴷⴰ, ⴳ ⵢⴰⵜ ⵜⵙⴳⵓⵔⵉ ⵉⵛⵛⴰⵔⵏ, ⵎⴰⵙ "ⵜⵉⵢⴰⴼⵓⵜⵉⵏ ⵏ ⵜⵏⴳⵔⵜ ⵍⵍⵉ ⵢⵜⵜⵓⵙⴽⴰⵔⵏ ⴳ ⵙⵡⵉⵙⵔⴰ ⴷ ⵍⵎⵖⵔⵉⴱ ⴳⴰⵏ ⵉⵃⵕⵛⵏ ⵉⴼⵓⵍⴽⵉⵏ ⴳ ⵓⵖⴰⵔⴰⵙ ⵏ ⵜⵔⵏⵓⵜ ⵜⴰⵖⵡⵍⵜ ⵏ ⵜⵎⵀⵍⴰ ⵜⴰⵙⵔⵜⵉⵜ ⵜⴰⵍⵉⴱⵉⵜ".
ⵉⵙⵓⵍ ⵉⵏⵏⴰ ⵡⵙⵉⵡⴹ, ⵍⵍⵉ ⵢⴼⴼⵖⵏ ⴳ ⵓⵙⵖⵉⵎ ⵏ ⵜⵎⵜⵜⴰ ⵢⵎⴰⵏⵏ ⴷⴼⴼⵉⵔ ⵏ ⵜⵙⵎⵓⵏⵉ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵍⵍⵉ ⵉⴹⴼⵕⵏ ⵜⵖⵜⴰⵙⵜ 2542 ⵍⵍⵉ ⵢⵏⵏⴰⵏ, ⵙⵍⴰⵡⴰⵏ ⴰⴽⴽⵯ, ⴰⴷ ⵉⵜⵜⵓⵙⵜⴰ ⵢⴰⵏ ⵓⵎⴰⵣⴰⵏ ⵓⵙⵍⵉⴳ ⴰⵎⴰⵢⵏⵓ ⵏ ⵜⵎⵜⵜⴰ ⵢⵎⴰⵏⵏ ⴳ ⵍⵉⴱⵢⴰ, ⴷ ⵉⵙ ⵓⵔ ⵉⵍⵍⴰ ⴽⵔⴰ ⵢⴳⴰⵜⵜ ⵓⴼⵙⵙⴰⵢ ⴰⵄⵚⴽⵕⵉ ⵏ ⵓⵎⵏⵣⴰⵖ ⴰⵍⵉⴱⵉ, ⴷ ⵎⴰⵙ ⵓⴼⵙⵙⴰⵢ ⵏ ⵜⵙⵙⴰⵙⵜ ⴰⴷ ⵓⵔ ⵉⵥⴹⴰⵕ ⴰⴷ ⵉⴳ ⴰⴱⵍⴰ "ⴰⵙⵔⵜⴰⵏ" ⴷ ⵉⴱⴱⴷ ⵅⴼ ⴰⵎⴰⵏ ⵉⵛⵛⴰⵔⵏ ⴷⴷⵓ ⵏ ⵜⵡⵣⵉ ⵏ ⵜⵎⵜⵜⴰ ⵢⵎⴰⵏⵏ.