ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵉⴼⵔⴷⵉⵙⵏ ⵏ ⵓⵙⵇⵇⵉⵎ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵍⵃⴱⵉⴱ ⵍⵎⴰⵍⴽⵉ ⴰⵏⵙⵙⵉⵅⴼ ⵏ ⵜⵎⵔⵙⵍⵜ ⵜⵓⵥⵔⵉⴼⵜ ⴷ ⵜⴱⴷⴷ ⵅⴼ ⵜⴱⵔⴰⵜⵉⵏ ⵜⵉⵎⵇⵇⵕⴰⵏⵉⵏ ⵏ ⵉⵏⴰⵡ ⴰⴳⵍⴷⴰⵏ ⵢⴰⵜⵜⵓⵢⵏ ⴳ ⵉⵙⵡⵉⵏ ⵏⵏⵙ ⵉⵏⴼⴳⴰⵏ ⴷ ⵉⵏⴰⵎⵓⵏ ⴷ ⵉⴷⵎⵙⴰⵏ ⴷ ⵜⵎⵔⵙⴰⵍⵉⵏ ⴷ ⵎⴰⴷ ⵎⵍⴰⵏⵜ ⵜⴱⵔⴰⵜⵜⵉⵏ ⴰⴷ ⴳ ⵉⴹⵕⵚⵏ ⵉⴼⵓⴷⴰⵏ ⵎⵔⴰ ⴰⴷ ⵜⵃⵕⵚ ⵏ ⵜⵙⵙⴰⵙⵜ ⴷ ⵜⵍⴽⴰⵎⵉⵏ ⵏⵏⵙ ⴷⴷⵓ ⵏ ⵜⵏⴰⵢⵜ ⵜⵙⵜⵔⴰⵜⵉⵊⵉⵜ ⴷ ⵓⵖⴰⵡⴰⵙ ⵉⴼⵓⵍⴽⵉⵏ ⵏ ⵜⴷⵎⵙⴰ ⵜⴷⵓⵙⵜ ⴷ ⵜⵣⵔⴰⴼⵜ ⵜⴰⵏⴰⵎⵓⵏⵜ ⴷ ⴰⴽⴰⵍ .
ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵉⴼⵔⴷⵉⵙⵏ ⵏ ⵓⵙⵇⵇⵉⵎ ⵎⵍⴰⵏ ⵓⴼⵓⵍⴽⵉ ⵜⵖⴱⵉ ⵓⵏⴼⴳⴰⵏ ⴰⵎⵇⵇⵓⵕ ⵍⵍⵉ ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵡⵎⴰⴷⴰⵏ ⵏⵏⵙ ⴰⵙⵓⴼⵓ ⴷ ⵜⵉⵔⴰⵜ ⵏⵏⵙ ⵉ ⵜⴷⵓⵙⵉ ⵏ ⵉⵏⴰⵎⵓⵔ ⵖⵓⵔⵙ ⴷ ⵉⴹⴼⴰⵕ ⴷ ⵉⵙⵡⴰⵏ ⵎⵏⵏⴰⵡ ⵏ ⵉⵍⵍⵓⵍⵏ ⵏ ⵓⵡⴰⵏⴽ ⵏ ⵉⴱⵉⵏ ⴷ ⵜⵍⴽⴰⵎⵉⵏ ⵏ ⵓⴱⴰⵢⵢⵓⵕ ⴷ ⵓⵎⵓⵙⵙⵓ ⵏ ⴰⴽⴽⵯ ⵜⵉⵥⴹⵉⵕⴰ ⵏ ⵓⵙⴱⵖⵓⵔ ⵏ ⵓⴼⴳⴰⵏ .