ⴰⵎⵎⴰⵙ ⵏ ⵉⵏⴰⵡ ⴰⴷ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵜⵣⴷⵉ ⵜⴼⵓⴳⵍⴰ ⵏ ⵓⴷⴰⴱⵓ ⵏ ⵓⵙⴳⴳⵯⴰⵙ ⴰⴷ ⴷ ⵄⵉⴷ ⵍⴰⴹⵃⴰ, ⵉⵎⵍⴰ ⴼ ⵖⵉⴽⴰⵏⵏ ⵉ ⴰⴽⴽⵯ ⵉⵎⵖⵔⴰⴱⵉⵢⵏ ⵉⵙⵉⵜⵎⵏ ⵏⵏⵙ ⵅⴼ ⵓⵣⵎⵣⵣⵓ ⵢⴼⵓⵍⴽⵉⵏ ⴰⴷ.
ⵉⵙⵏⵓⵎⵎⵔ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴽⴽⵯ ⵜⴳⴳⴰⵍⵉⵏ ⵜⵉⴳⴷⵓⴷⴰⵏⵉⵏ ⵍⵍⵉ ⵙⴽⵔⵏ ⵉⵙⵖⵍⴰⴼ ⵉⵅⵚⵚⴰⵏ ⴰⴼ ⴰⴷ ⵉⴱⵉⴷⴷ ⵓⵣⵣⵉⴳⵣ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ (ⴽⵓⴼⵉⴷ-19), ⵉⵔⵏⴰ ⵢⵏⵏⴰ ⵉⵙ ⵉⵙⵙⵏ ⵎⵏⵛⴽ ⴰⴷ ⵜⵛⵇⵇⴰ ⵜⵙⵙⴰⵙⵜ ⴰⴷ ⴳ ⵉⴳⵔⵏ ⴰⴷⵓⵙⴰⵏ ⴷ ⴰⴷⵎⵙⴰⵏ ⴷ ⴰⵏⴰⵎⵓⵏ.
ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⴽⵔⴰ ⵢⴳⴰⵜⵜ ⵓⴳⵔ ⵏ ⵓⴼⴰⵔⵙ ⵉⵜⵜⵓⴳⴳⵯⴰⵙ, ⵓⵍⴰ ⵢⴷⵔⵉⵎⵏ ⵍⵍⵉ ⴷ ⵙⵙⴽⵛⴰⵎⵏ ⵜⵡⵓⵊⵊⴰ ⴷ ⵜⵎⵙⴰⵙⵜⵍⵜ ⵏ ⵓⵡⴰⵏⴽ.
ⴼ ⵖⵉⴽⴰⵏⵏ ⴰⴷ ⵜⵜⵓⵙⵔⴰⵙ ⵢⴰⵜ ⵜⴼⵏⵉⵇⵜ ⵉⵎⵥⵍⵉⵏ ⴰⴼ ⴰⴷ ⴱⴷⴷⵏⵜ ⵜⵉⵍⴽⴰⵎⵉⵏ ⵜⵉⴷⵓⵙⴰⵏⵉⵏ ⴷ ⵜⵉⴷⵎⵙⴰⵏⵉⵏ ⴷ ⵜⵉⵏⴰⵎⵓⵏⵉⵏ ⵏ ⵓⴱⴰⵢⵢⵓⵕ ⴰⴷ, ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⵔⵏⴰ ⵢⵏⵏⴰ ⵎⴰⵙ ⵜⵥⴹⵕ ⵜⴼⵏⵉⵇⵜ ⴰⴷ ⵜⵎⵙⵓⵏ 33 ⵓⵎⵍⵢⴰⵕ ⴷ 700 ⵓⵎⵍⵢⵓⵏ ⵏ ⴷⴷⵔⵀⵎ, ⴷ ⵎⴰⵙ ⵉⵇⵇⴰⵕⵉⴹⵏ ⵍⵍⵉ ⵢⴼⴼⵖⵏ ⵙⴳ ⵜⴼⵏⵉⵇⵜ ⴰⴷ ⵍⴽⵎⵏ ⴰⵔ ⵖⵉⵍ ⴰⴷ 24 ⵓⵎⵍⵢⴰⵕ ⴷ 650 ⵓⵎⵍⵢⵓⵏ ⵏ ⴷⴷⵔⵀⵎ, ⵉⴷⴷⴰⵏ ⵙ ⵜⵥⵕⴼⵜ ⵏ ⵓⵏⵏⴰⵍ ⴰⵏⴰⵎⵓⵏ ⴷ ⵜⵚⵖⵉⵜ ⵏ ⵓⵎⴰⵜⵜⵉⵡ ⴰⵎⵙⴰⴼⴰⵔ ⵉⵅⵚⵚⴰⵏ.
ⴱⵍⴰ ⵏ ⵖⵉⴽⴰⵏⵏ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵔⴰⴷ ⴷⴷⵓⵏ 5 ⵏ ⵓⵎⵍⵢⴰⵕ ⵏ ⴷⴷⵔⵀⵎ ⵙ ⵜⴼⵏⵉⵇⵜ ⵜⴰⵏⴰⵎⵎⴰⵙⵜ ⵏ ⵜⵏⴼⵔⵓⵜ, ⴳ ⵓⵙⴰⵜⵉ ⵏ ⵓⵕⵥⵥⵓⵎ ⴰⴷⵎⵙⴰⵏ.
ⵉⵏⵏⴰ ⵙⵓⵍ ⵎⴰⵙ ⵉⵅⵚⵚⴰ ⴰⴷ ⴷⴰⵖ ⵉⵜⵜⵓⵙⵏⵎⴰⵍ ⵓⵏⵎⴰⵍⴰ ⵏ ⵜⵖⴰⵡⵙⵉⵡⵉⵏ ⵉⵣⵡⴰⵔⵏ. ⵅⵜⴰⵏⵏ ⵍⵍⵉ ⴽⵓⵍⵍⵓ ⵢⵣⵡⴰⵔⵏ ⵜⴳⴰ ⵜ ⴰⵕⵥⵥⵓⵎ ⵏ ⵢⴰⵏ ⵓⵖⴰⵡⴰⵙ ⵏ ⵓⵕⵥⵥⵓⵎ ⴰⴷⵎⵙⴰⵏ ⴰⴼ ⴰⴷ ⵜⴳⵔⴰⵡⵍ ⵜⴷⵓⵙⵉ ⵏ ⵉⴳⵔⵏ ⵏ ⵓⴼⴰⵔⵙ. ⴳ ⵓⵙⴰⵜⵉ ⵢⴰⴷ, ⵔⴰⴷ ⴷⴷⵓⵏ ⵍⴰⵃⵡⴰⵍ ⵏ 120 ⵓⵎⵍⵢⴰⵕ ⵏ ⴷⴷⵔⵀⵎ ⵙ ⵜⴷⵎⵙⴰ ⵜⴰⵏⴰⵎⵓⵔⵜ, ⵎⴰ ⵢⴰⴷ ⵉⴳⴰⵏ 11% ⵙⴳ ⵓⵢⴰⴼⵓ ⴰⴳⵏⵙⵓ ⵉⵣⴷⴳⴰⵏ.
ⴱⵍⴰ ⵏ ⵖⵉⴽⴰⵏⵏ, ⵉⵅⵚⵚⴰ ⴰⴷ ⵉⵜⵜⵓⵙⴽⴰⵔ ⵢⴰⵏ ⵍⵉⵚⵍⴰⵃ ⵉⵖⴱⴰⵏ ⵉ ⵢⴳⵔ ⴰⴳⴷⵓⴷⴰⵏ ⴰⴼ ⴰⴷ ⵙⵙⵓⵖⴷⵏ ⵜⵉⵣⴳⵍⵉⵏ ⵜⵓⵚⴽⵉⵜⵉⵏ ⵏ ⵜⵎⵔⵙⵍⵉⵏ ⴷ ⵜⵎⵙⵙⵏⵜⵉⵜⵉⵏ ⵜⵉⴳⴷⵓⴷⴰⵏⵉⵏ, ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.
ⴼ ⵖⵉⴽ ⴰⵏⵏ, ⵉⵖⵕⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴼ ⴰⴷ ⵜⵜⵓⵙⴽⴰⵔ ⵢⴰⵜ ⵜⵙⵏⵓⵕⴰⵢⵜ ⵜⴰⵏⴰⵎⵓⵔⵜ ⵍⵍⵉ ⵔⴰⴷ ⵉⴳ ⵓⵙⵖⵍⴼ ⵏⵏⵙ ⴰⵙⵡⵓⴷⴷⵓ ⴰⵙⵜⵕⴰⵜⵉⵊⵉ ⵏ ⵜⴷⵔⴰⵡⵜ ⵏ ⵓⵡⴰⵏⴽ ⴷ ⴰⴷ ⵜⴹⴼⵕ ⵜⵡⵓⵔⵉⵡⵉⵏ ⵏ ⵜⵎⵔⵙⵍⵉⵏ ⵜⵉⴳⴷⵓⴷⴰⵏⵉⵏ.
ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⵍⴽⵎ ⵡⴰⴽⵓⴷ ⴰⴷ ⵉⵏⵏⵓⵕⵥⵎ, ⴰⵎⵎⴰⵙ ⵏ ⵙⵎⵎⵓⵙ ⵏ ⵉⵙⴳⴳⵯⴰⵙⵏ ⴰⴷ ⵢⵓⵛⴽⴰⵏ, ⵜⵉⵣⵉⴳⵉⵣⵜ ⵏ ⵓⵙⵙⵓⵙⵄⵓ ⵏ ⵜⵃⴱⵓⵜ ⵜⴰⵏⴰⵎⵓⵏⵜ ⴰⴼ ⴰⴷ ⵜⵍⴽⵎ ⴰⴽⴽⵯ ⵉⵎⵖⵔⴰⴱⵉⵢⵏ.
ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵔⴰⴷ ⵜⴱⴷⵓ ⵜⵖⴰⵡⵙⴰ ⵉⵣⵣⵉⴳⵣⴳⵏ ⴰⴷ ⵙⴳ ⵡⴰⵢⵢⵓⵔ ⵏ ⵉⵏⵏⴰⵢⵔ ⵏ 2021, ⵖⵉⴽ ⵍⵍⵉ ⵔⴰⴷ ⵉⵎⵍ ⵢⴰⵏ ⵓⵖⴰⵡⴰⵙ ⵏ ⵜⵡⵓⵔⵉ ⵍⵍⵉ ⵔⴰⴷ ⵉⵙⴰⵡⵍ, ⵙ ⵜⵣⵡⴰⵔⵓⵜ, ⵅⴼ ⵜⴰⵎⴰⵜⴰⵢⵜ ⵏ ⵓⵙⴼⵍⵙ ⵉⵣⵓⵛⵛⵍⵏ ⵏ ⵜⵎⴰⴹⵓⵏⵜ (ⴰⵎⵓ) ⴷ ⵜⵉⴽⴽⵉⵏ ⵏ ⵜⵡⴰⵛⵓⵏⵜ, ⴷⴰⵜ ⴰⴷ ⵉⵍⴽⵎ ⵜⵃⴱⵓⵜⵉⵏ ⵜⵉⵏⴰⵎⵓⵏⵉⵏ ⵢⴰⴹⵏⵉⵏ, ⵎⴰ ⵢⴰⴷ ⵉⴳⴰⵏ ⵜⴰⵏⴰⴼⵜ ⴷ ⴰⵔⵔⴰⵣⵏ ⵅⴼ ⴰⵙⵙⵉⴽⵉ ⵏ ⵜⵡⵡⵓⵔⵉ.
ⴰⴼ ⴰⴷ ⵉⵙⵙⴱⵖⵔ ⵙ ⵓⵙⵔⵉⴷ ⵉ ⵎⴷⴷⵏ ⵍⵍⵉ ⵎⵓ ⵢⴳⴰ, ⵉⵔⴰ ⵡⵙⵏⵜⵉ ⵢⴰⴷ ⴰⴷ ⵢⵉⵍⵉ ⵢⴰⵏ ⵍⵉⵚⵍⴰⵃ ⵉⵎⵇⵇⵓⵕⵏ ⵏ ⵉⵏⴳⵔⴰⵡⵏ ⴷ ⵉⵖⴰⵡⴰⵙⵏ ⵉⵏⴰⵎⵓⵏⵏ ⵍⵍⵉ ⵢⵍⵍⴰⵏ, ⵙⵍⴰⵡⴰⵏ ⴰⴽⴽⵯ ⵓⵣⵣⴳⵉⵔ ⵏ ⵓⵙⵉⵊⵉⵍⵍ ⴰⵏⴰⵎⵓⵏ ⵉⵎⴰⵏⵏ.