ⵉⵙⴳⵓⵎⵏ ⵉⵎⴰⵢⵏⵓⵏ ⴳ ⵟⴰⵏⵊⴰ : ⴰⵙⵙⵓⵙⵄⵓ ⵏ ⵜⴳⴷⵉⵍⵉⵏ ⵙ ⴰⴽⴽⵯ ⵡⴰⴽⴰⵍ ⵏ ⵜⵖⵔⵎⵜ ⵙⴳ ⴰⵙⵙ ⵏ ⵓⵢⵏⴰⵙ ⴰⴷ

13 ⵢⵓⵍⵢⵓⵣ 2020 Version Imprimable

ⵕⵕⴱⴰⵟ - ⴷⴼⴼⵉⵔ ⵏ ⵓⵙⵉⵡⴰⴹ ⵏ ⵓⵙⴷⵓⵙ ⵏ ⵜⴳⴷⵉⵍⵉⵏ ⴳ ⴽⵔⴰ ⵏ ⵜⵙⴳⵉⵡⵉⵏ ⵏ ⵟⴰⵏⵊⴰ, ⴷⴼⴼⵉⵔ ⵍⵍⵉⵖ ⴹⵀⵕⵏ ⵉⵙⴳⵓⵎⵏ ⵉⵎⴰⵢⵏⵓⵏ ⵏ ⵓⴼⵉⵔⵓⵙ "ⴽⵓⵕⵓⵏⴰ" ⴰⵎⴰⵢⵏⵓ (ⴽⵓⴼⵉⴷ-19) ⴷ ⴳ ⵓⵙⴰⵜⵉ ⵏ ⵓⴹⴼⴼⵉⵕ ⴰⵎⵖⵍⴰⵍ ⵏ ⵓⵙⵓⵔⵙ ⵏ ⵓⴼⵉⵔⵓⵙ ⴰⴷ, ⵖⵜⵙⵏⵜ ⵜⵏⴱⴰⴹⵉⵏ ⴰⴷ ⵙⵙⵓⵙⵄⵓⵏⵜ ⵜⴳⴷⵉⵍⵉⵏ ⵉⵜⵜⵓⵎⵍⴰⵏ ⵉⴹ ⴳⴰⵎ ⴰⴼ ⴰⴷ ⵃⴱⵓⵏ ⴰⴽⴽⵯ ⵡⴰⴽⴰⵍ ⵏ ⵜⵖⵔⵎⵜ ⵙⴳ ⴰⵙⵙ ⵏ ⵓⵢⵏⴰⵙ 13 ⵢⵓⵍⵢⵓⵣ 2020 ⵙⴳ ⵜⵣⴷⵡⵉⵜ, ⵎⴰ ⵢⴰⴷ ⵜⵏⵏⴰ ⵜⵎⴰⵡⴰⵙⵜ ⵏ ⵓⴳⵏⵙⵓ.

ⴰⵎⵎⴰⵙ ⵏ ⵢⴰⵏ ⵓⵙⵉⵡⴹ, ⵜⵔⵏⴰ ⵜⵏⵏⴰ ⵜⵎⴰⵡⴰⵙⵜ ⵎⴰⵙ ⵉⵜⵜⵓⵖⵜⴰⵙ ⵙⵓⵍ ⴰⴷ ⴱⴷⴷⵏⵜ ⵜⵏⴰⴼⵓⵜⵉⵏ ⵏ ⵓⵙⵙⴰⵢ ⴰⴳⴷⵓⴷⴰⵏ, ⵏ ⵉⵖⴰⵔⴰⵙⵏ ⴷ ⵏ ⵓⵙⵡⵉⵔ ⴰⴱⵔⴰⵔⴳⴰⵏ, ⵙⴳ ⴷ ⴰⵔ ⵜⵖⵔⵎⵜ ⵏ ⵟⴰⵏⵊⴰ, ⴷ ⴰⴷ ⵉⵜⵜⵓⵙⴷⵓⵙ ⵡⴰⴹⵓⴼ ⴰⴼ ⴰⴷ ⵙⵙⵔⵇⴱⵏ ⵉⵏⵎⵓⵔⵉⵏ ⴷ ⵜⵉⵏⵎⵓⵔⵉⵏ ⴰⴷ ⵇⵇⴰⵎⴰⵏ ⴳ ⵜⴳⵎⵎⴰ ⵏⵏⵙⵏ, ⴷ ⴰⴷ ⵓⵔ ⴼⵖⵖⵏ ⴰⴱⵍⴰ ⵉⵖ ⴷⴰⵔⵜⵏ ⵜⵍⵍⴰ ⴽⵔⴰ ⵏ ⵍⵖⴰⵕⴰⴹⴰ ⵓⵔ ⵉⵥⴹⴰⵕⵏ ⴰⴷ ⵜⵢⴰⵊⵊⴰ.

ⵉⵜⵜⵓⵖⵜⴰⵙ ⵙⵓⵍ ⴰⴷ ⵉⵟⵟⴼ ⴽⵔⴰ ⵢⴳⴰⵜⵜ ⵢⴰⵏ ⵉⵔⴰⵏ ⴰⴷ ⵉⴼⴼⵖ ⴱⵕⵕⴰ ⵏ ⵜⵖⵔⵎⵜ ⵢⴰⵜ ⵜⵓⴳⴰⵔⵜ ⵏ ⵓⵎⵓⵜⵜⵉ ⵜⴰⵙⵍⵉⴷⵜ ⵍⵍⵉ ⵜⵙⵙⵓⴼⵖ ⵜⵏⴱⴰⴹⵜ ⵜⴰⴷⵖⵔⴰⵏⵜ, ⵎⴰ ⵢⴰⴷ ⵙⵓⵍ ⵉⵏⵏⴰ ⵡⵙⵉⵡⴹ ⵏ ⵜⵎⴰⵡⴰⵙⵜ.

Dernière modification : 13 ⵢⵓⵍⵢⵓⵣ 2020

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B4%B3%E2%B5%93%E2%B5%8E%E2%B5%8F-%E2%B5%89%E2%B5%8E%E2%B4%B0%E2%B5%A2%E2%B5%8F%E2%B5%93%E2%B5%8F-%E2%B4%B3-%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B4%B0%E2%B5%99%E2%B5%99%E2%B5%93%E2%B5%99%E2%B5%84%E2%B5%93-%E2%B5%8F-%E2%B5%9C%E2%B4%B3%E2%B4%B7%E2%B5%89%E2%B5%8D%E2%B5%89%E2%B5%8F-%E2%B5%99-%E2%B4%B0%E2%B4%BD%E2%B4%BD%E2%B5%AF-%E2%B5%A1%E2%B4%B0%E2%B4%BD%E2%B4%B0%E2%B5%8D-%E2%B5%8F-%E2%B5%9C%E2%B5%96%E2%B5%94%E2%B5%8E%E2%B5%9C-%E2%B5%99%E2%B4%B3-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B5%A2%E2%B5%8F%E2%B4%B0%E2%B5%99-%E2%B4%B0%E2%B4%B7