ⴰⴼⵉⵔⵓⵙ "ⴽⵓⵕⵓⵏⴰ": ⵔⴰⴷ ⵃⴱⵓⵏ ⵉⵇⵇⴰⵕⵉⴹⵏ ⵏ ⵓⵎⴰⴹⵍ ⵏ ⵉⵎⵖⵔⴰⴱⵉⵏ ⵉⵎⵎⵓⵜⵏ ⵉⵎⵥⵍⵓⴹⵏ ⴷ ⵓⵔ ⵉⵟⵟⵉⴼⵏ ⵜⴰⵏⴼⵔⵓⵜ ⵅⴼ ⵉⵙⵏⴷⴰⵍ ⵉⵎⵓⵙⵍⵎⵏ ⴳ ⵉⵡⴰⵏⴽⵏ ⵏ ⵓⵙⵏⵓⴱⴳ (ⵜⴰⵎⴰⵡⴰⵙⵜ)

03 ⵉⴱⵔⵉⵔ 2020 Version Imprimable

ⵕⵕⴱⴰⵟ - ⵜⵖⵜⵙ ⵜⵎⴰⵡⴰⵙⵜ ⵜⵎⵉⵔⵉⵜ ⵉⵜⵜⵓⵙⵎⴰⴳⵍⵏ ⵙ ⵉⵎⵖⵔⴰⴱⵉⵢⵏ ⵉⵣⴷⵖⵏ ⴳ ⴱⵕⵕⴰ ⵎⴰⵙ ⵔⴰⴷ ⵃⴱⵓⵏ ⵉⵇⵇⴰⵕⵉⴹⵏ ⵏ ⵓⵎⴰⴹⵍ ⵏ ⵉⵎⵖⵔⴰⴱⵉⵏ ⵉⵎⵎⵓⵜⵏ ⴷ ⵉⵎⵥⵍⵓⴹⵏ ⵓⵔ ⵉⵟⵟⴰⴼⵏ ⵜⵏⴼⵔⵓⵜ ⵅⴼ ⵉⵙⵏⴷⴰⵍ ⵉⵎⵓⵙⵍⵎⵏ ⴳ ⵉⵡⴰⵏⴽⵏ ⵏ ⵓⵙⵏⵓⴱⴳ, ⴷⴼⴼⵉⵔ ⵏ ⵜⵍⴽⴰⵎⵉⵏ ⵏ ⵉⵎⴰⴽⵏ ⵉⵜⵜⵓⵎⴰⵥⵏ ⵙⴳ ⵎⵏⵏⴰⵡ ⵏ ⵉⵡⴰⵏⴽⵏ ⵍⵍⵉ ⵢⵓⵜ ⵓⴼⵉⵔⵓⵙ "ⴽⵓⵕⵓⵏⴰ" (ⴽⵓⴼⵉⴷ-19) ⴳ ⵓⵙⵡⵉⵔ ⵏ ⵡⴰⴽⴰⵍ ⴰⵏⴰⵎⵓⵔ ⵏⵏⵙ ⵓⵍⴰ ⵡⵎⴰⴹⴰⵍ, ⴷ ⴷⴼⴼⵉⵔ ⵍⵍⵉⵖ ⵉⵛⵇⵇⴰ ⵓⵙⵙⴰⵢ ⵏ ⵉⵎⵖⵔⴰⴱⵉⵢⵏ ⵉⵎⵎⵓⵜⵏ ⴳ ⴱⵕⵕⴰ ⴰⴼ ⴰⴷ ⵎⴹⵍⵏ ⴳ ⴰⴽⴰⵍ ⴰⵏⴰⵎⵓⵔ.

ⵜⴼⵔⴰ ⵜⵏⵏⴰ ⵜⵎⴰⵡⴰⵙⵜ, ⴰⵙⵙ ⵏ ⵓⵙⵉⵎⵡⴰⵙ, ⵎⴰⵙ ⵉⵙⵎⴷⵢⴰⵡⵏ ⵉⴷⵉⴱⵍⵓⵎⴰⵙⵉⵏ ⴷ ⵉⵎⵎⴰⵙⵏ ⵉⵙⵇⵓⵏⵙⵓⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⴱⵕⵕⴰ, ⵔⴰⴷ ⵣⵣⴳⵔⵏ ⴰⴷ ⵙⴽⵔⵏ ⵜⵖⵜⴰⵙⵜ ⴰⴷ ⵙ ⵓⵣⴷⵓⵢ ⵏ ⵜⵡⵊⴰ ⵏ ⵎⴷⴷⵏ ⵉⵎⵓⵜⵜⵏ ⵖⵉⴽ ⵍⵍⵉ ⵔⴰⵏ ⵉⵎⴰⴽⵏ ⵉⵥⵍⵉⵏ ⵙ ⵜⵖⴰⵡⵙⴰ ⵢⴰⴷ.

ⵜⵙⵓⵍ ⵜⵏⵏⴰ ⵎⴰⵙ ⵉⵎⴰⴽⵏ ⵉⵎⴰⵢⵏⵓⵏ ⴰⴷ ⴽⵛⵎⵏ ⴳ ⵓⵙⴰⵜⵉ ⵏ ⵓⵙⵙⵉⴳⵍ ⵏ ⵉⵎⵉⴽⴰⵏⵉⵣⵎⵏ ⵏ ⵓⵙⵙⴰⵢ ⵏ ⵎⴷⴷⵏ ⵉⵎⵎⵓⵜⵏ ⵍⵍⵉ ⵜⵙⵙⵉⵅⴼ ⵜⵎⴰⵡⴰⵙⵜ ⵜⴰⵎⵉⵔⵉⵜ ⴷ ⵡⴰⴷⴷⴰⴷ ⵏ ⵖⵉⵍ ⴰⴷ, ⵎⴰ ⵢⴰⴷ ⵉⵔⴰⵏ ⴰⴷ ⵜⵙⵎⵏⵉⴷ ⵉ ⵢⵎⵖⵔⴰⴱⵢⵏ ⵉⵣⴷⵖⵏ ⴳ ⴱⵕⵕⴰ ⴷ ⵜⵡⵊⴰ ⵏⵏⵙⵏ ⴳ ⵡⴰⴽⵓⴷ ⵉⵥⵍⵉⵏ ⴰⴷ ⵍⵍⵉ ⵢⵔⴰⵏ ⴰⴷ ⵢⵉⵍⵉ ⵢⵎⴰⵏ ⵏ ⵜⵏⵎⵓⵔⵜ ⴷ ⵜⵎⵙⵙⵓⴳⵔⵜ ⴷ ⵜⵏⴱⴷⴰⴷⵜ ⴷ ⵓⵔⵎⵙ ⵍⵍⵉⵖ ⵉⵣⵔⵉ ⵓⵎⴰⴹⴰⵍ ⴳ ⵜⵎⵍⵉⵜ ⵏ ⵓⴼⵉⵔⵓⵙ ⴰⴷ.

Dernière modification : 03 ⵉⴱⵔⵉⵔ 2020

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8F/%E2%B4%B0%E2%B4%BC%E2%B5%89%E2%B5%94%E2%B5%93%E2%B5%99-%E2%B4%BD%E2%B5%93%E2%B5%95%E2%B5%93%E2%B5%8F%E2%B4%B0-%E2%B5%94%E2%B4%B0%E2%B4%B7-%E2%B5%83%E2%B4%B1%E2%B5%93%E2%B5%8F-%E2%B5%89%E2%B5%87%E2%B5%87%E2%B4%B0%E2%B5%95%E2%B5%89%E2%B4%B9%E2%B5%8F-%E2%B5%8F-%E2%B5%93%E2%B5%8E%E2%B4%B0%E2%B4%B9%E2%B5%8D-%E2%B5%8F-%E2%B5%89%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%8F-%E2%B5%89%E2%B5%8E%E2%B5%8E%E2%B5%93%E2%B5%9C%E2%B5%8F-%E2%B5%89%E2%B5%8E%E2%B5%A5%E2%B5%8D%E2%B5%93%E2%B4%B9%E2%B5%8F-%E2%B4%B7-%E2%B5%93%E2%B5%94-%E2%B5%89%E2%B5%9F%E2%B5%9F%E2%B5%89%E2%B4%BC%E2%B5%8F